siste nytt

Elevar glade tilbake frå russeturné
21-Jan-2018


 

Den siste veka har VG3-elevane vore på turné på ulike bede- og forsamlingstur på Nordvestlandet.

I løpet søndag ettermiddag kom den eine etter den andre gruppa tilbake til tunet, og det var mange glade andlet å sjå.

 

Oda Mattland og Ida Oline Ødegård tok seg tid til ein oppsummeringsprat med vestborg.no

 

-Dette var veldig bra. Vi har hatt ei innhaldsrik veke, der vi mellom anna har fått gjort ting som vi ikkje gjer så mykje til dagleg. Til dømes har vi hatt opningshelsing på møter, og vi har fått øvd på å stå framføre forsamlingar for å fortelje om misjonsprosjektet vårt, seier Ida Oline.

 

Oda har også mykje godt å seie om dei siste dagane.

 

-Det har også vore kjekt med så mange gode og positive tilbakemeldingar frå misjonsvenene vi har møtt – både om flyten i møta vi har halde og at det var kjekt å ha besøk av ungdommar.

 

Det som kanskje begge jentene har sett mest pris på desse dagane har med trua deira å gjere.

 

-Vi har hatt Steinar Dimmen med som forkynnar på gruppa vår, og samtalane med han har vore veldig trusstyrkande. Vi har hatt bibelstudiar i lag, og vi har kunne stilt han mange spørsmål om tru og kristendom – spørsmål som vi har lurt på lenge. Alle desse samtalane med han har vore til veldig god hjelp for oss. No er vi inspirerte til å vere meir misjonerande i kvardagen, seier jentene.

 

Til saman har NLMvgs 11 vidaregåande skular. Etter det journalisten her veit, så er det berre Vestborg som sender elevane ut på russeturne.

 

-Eg vil gjerne tilrå dei andre NLMvgs-skulane til å legge til rette for ein russeturne som vi no har fått opplevd. Det har vore godt å ikkje berre tenke på seg sjølv, men å få konsentrere seg om Gud og å samle inn pengar til misjonsprosjektet vårt. Det har også vore veldig fint å få vere på besøk i heimane til misjonsvener og fått hatt gode samtalar, slår Oda fast.


 

Kick-off er i gang!
19-Jan-2018

Vestborg har i helga fått vitjing av ein flott gjeng med 10. klassingar som vurderer å byrje på skulen til hausten. Allereie den fyrste kvelden synte dei mykje positivitet og heiv seg inn med iver i dei ulike aktivitetane. Dette lovar godt for komande skuleår!

Nedanfor kjem nokre bilet-glimt frå økta i gymsalen.

 

 

 


«Nye» dusjar
17-Jan-2018

 

I førre veke var det offisiell opning av det nyoppussa dusjanlegget på guteinternatet Drege.

Etter snorklyppinga fekk Drege-gjengen pizza.

- Sidan handverkarane har vore opptekne med andre prosjekt, så har det teke meir tid enn ynskjeleg å gjere arbeidet ferdig. Nettopp derfor vil eg gjerne gje gutane ros for måten dei har handtert det å ha berre eitt av tre dusjrom i funksjon. Det at vi arrangerer pizzakveld i dusjen er vår måte å takke for tolsemda deira, seier rektor Geir Magne Engås.

VG3-elev Ole Jørgen Bratshaug er ein av dei som er nøgd med at dusjane er ferdige.

- No har vi fått nye og fancy dusjar. Det skal bli godt å sleppe å planlegge i høve til andre kva tid ein skal gå å dusje, seier han.

 

Vestborg vgs, SKI-IN-SCHOOL
16-Jan-2018

 

Nokre elevar tok med seg filmkamera og skulle bevise at Vestborg vgs er tidenes SKI-IN-SCHOOL med internat. Lenger nede kan du sjå resultatet:) Har du lyst å bli elev på Vestborg vgs, må du søke på VIGO innan 1. mars. Skulen tilbyr studiespesialisering, idrettsfag og påbygging.

Førstkomande helg, 19-21 januar er det gratis bli-kjendt-helg på skulen. Fortsatt ledige plasar. Meir info og påmelding HER

 

 

 

 

Kristianne er klar til kick-off!
11-Jan-2018

 

 

Kristianne Grande Kvalsvik er klar til å reise på kick-off på Vestborg 19.-21. januar. Kick-off er eit gratis tilbod for alle som vurderer å byrje som elev på Vestborg til hausten.

 

vestborg.no har spurd Kristianne om kvifor ho skal på kick-off.

 

-Eg vil gjerne sjå korleis miljøet er og utforske korleis ting fungerer, seier ho.

 

Kristianne har forventningar til helga.

 

-Eg trur det blir sosialt, lærerikt og kjempekjekt. Aller mest gler eg meg til å treffe dei andre kick-off-deltakarane som også vurderer å byrje på Vestborg til hausten.

 

PS! Dersom du vil lese meir om kva som skjer under kick-off eller vil melde deg på; sjekk linken nedanfor. Her finn du også videoen frå kick-off 2017.

http://www.vestborg.no/nyhetsapp/velkommen-til-kick-off-2018

 

Russeturneen startar i helga
11-Jan-2018


Det har vore ein lang tradisjon at russeklassen ved Vestborg dreg på turne i januar til bedehus på Nordvestlandet.

Elevane vert delte inn i grupper, har med seg ein talar og reiser rundt og deltek på møter. Tradisjonen tru startar turneen med sundagsmøte på Stranda bedehus, før gruppene dreg til sine ulike mål for veka.

Sander Sørli (til høgre på biletet) og Daniel Selbervik (nr tre frå høgre på biletet) er to av elevane som skal ut på turne. Gruppa deira har med seg Oscar Nordbø som talar.

 

 - Vi skal reise rundt på ulike bedehus og i ulike forsamlingar og fortelje om russeprosjektet vårt i Indonesia, og vi skal samle inn pengar til prosjektet, fortel Daniel.

 

Under møta har dei oppgåver.

 

- I løpet av møta skal vi leie møta, presentere prosjektet og samle inn kollekt. Dessutan skal vi informere om korleis det er å vere elev ved Vestborg – med tanke på å rekruttere nye elevar, seier Sander.

 

- Kva tenkjer de om å reise på ein slik turné?

 

- Det blir spennande. Vi er ei gruppe som skal jobbe i lag og skape relasjonar på ein annan måte enn i skulekvardagen, og vi får høve til å snakke positivt om skulen, seier Sander.

 

- Eg gler meg. Det skal bli spennande å utfordre seg sjølv på oppgåver eg ikkje har gjort før, seier Daniel.


 

 

 

Nedanfor kan ein sjå oppsettet som viser oversikta av kva for stader som skal vitjast når:

 

Søndag 14. jan Stranda Stranda Stranda Stranda Stranda Stranda Stranda
Mandag 15. jan Stryn Sykkylven Stordal Frøystad Vevang Midsund Sykkylven
Tirsdag 16. jan. Nordfj.eid Fiskarstrand Engesetdal Ulsteinvik Averøy Eide Vatne
Onsdag 17. jan Måløy Giske Gamlem Remøy Kristiansund Solemdal Torvikbukt
Torsdag 18. jan Selje Solevågen Haramsøy Hareid Surnadal Tomrefjord Ålvundeid
Fredag 19. jan Åheim Fredag, Misjonssalen Sjøholt Lauvstad Aure Isfjorden Tingvoll
Lørdag 20. jan Hakalle Godøy Brattvåg Rovde Sylteosen Måndalen Sylteosen
Søndag 21. jan ØVM Misjonssalen Ålesund ØVM Molde Vestnes Molde

 

 

 

Velkommen til Kick-off 2018
02-Jan-2018

 

No er det endeleg snart klart for Kick-off her på Vestborg. 19 – 21 januar 2018 har vi eit fullpakka og variert program for deg som vurderer å starte på Vestborg til hausten. Alle aktivitetar er valfrie, og du vel sjølv kva du vil vere med på. Kanskje vil du på topptur eller i skitrekket? Eller kanskje du berre vil «henge» i vår populære russekiosk? Du kan og henge i klatreveggen vår om du ikkje har høgdeskrekk. Uansett kva du vel å gjere denne helga, skal du vere trygg på at personalet og elevane er klare til å ta godt imot deg og gleder seg til å bli betre kjent med deg.

Her får du nokre glimt frå Kick-off 2017

 

Bli med Vestborg og Uteguiden på topptur

Neste skuleår startar vi opp med idrettslinje her på Vestborg, der eit av fokusområda er topptur. Difor er det naturleg at vi vil vise fram Sunnmørsalpane denne helga, og på søndagen inviterer vi til topptur.

Med oss på laget har vi Oscar Almgren som er dagleg leiar for Uteguiden. Oscar er utdanna breførar, skredekspert og fjellførar med høg kompetanse innan skred og førstehjelp.

 

Vestborg – eit steg vidare

Vestborg er ein kristen internatskule der dei fleste av elevane bur på skulen. Slik sett er skulen meir enn berre ein skule, men også heimen til elevane. Ein bygg relasjonar til medelevar, lærarar og andre tilsette på ein heilt unik måte. Difor veit vi på Vestborg at dersom du som elev skal utvikle deg fagleg og som menneske, så treng du eit trygt og godt miljø der vi ser det unike som bur i kvar enkelt. Det er lett å seie at ein har eit godt miljø på skulen, men her på Vestborg vil vi denne helga på Kick-off vise deg at vi tek læringsmiljøet vårt på alvor.

Ta eit steg vidare og bli med på ei gratis bli-kjent-helg 19 – 21 januar 2018.

Vi håper at du vil vere ein del av «Vestborg-familien».

 

PÅMELDING OG PROGRAM HER

 

Julefest1
30-Dec-2017

Torsdag 21.12, siste skuledag før jul var det julefest i gymsalen. Både elevar og tilsette var julepynta, og saman hadde ein ei triveleg stund saman. Det vart ein servert god julemat og haddeVG2-elevane som gode arrangørar.

I løpet av kvelden fekk ein oppleve til dømes damenes og herrenes tale, songar, juleevangeliet med ny vri, VestborgTV og humorinnslag. Margareth Engås hadde andakt.

Festen vart avslutta med gang rundt juletreet med stort engasjement.

VG2-elevane Anders Osdal og Elias Vike Grønningsæter losa festlyden på stødig vis gjennom kvelden, medan ein gjeng frå russ-17 hadde ansvaret for kjøkkenet og serveringa.

Nedanfor kan du sjå bilet-glimt frå festen:

 

 

 

Abel-konkurransen
30-Dec-2017

Matematikk-lærar Ola Risa legg årleg til rette for at Vestborg-elevar kan vere med i den landsomfattande Abel-konkurransen i matematikk.

Også i år vanka det heider til Vestborg-elevar. Saman med Ole Jørgen Bratshaug, så fekk desse fire elevane diplom i år: (Frå venstre) Markus Engås, Daniel Pettersen, Daniel Selbervik og Yrjan Stave Klokk. Dei står saman med Ola Risa og rektor Geir Magne Engås.


 

Telefon: 70 26 39 00
E-post: info@vestborg.no