IDRETTSFAG

Vurderer du IDRETTSFAG og likar å utfordre deg sjølv innan idrett og friluftsliv, då må du søke Vestborg vgs. Vi er kanskje Norges einaste "SKI-IN-SCHOOL" med internat og ligg midt i smørauge når det gjeld toppturar, stisykling, klatring og padling. Du kan ta trekket eller traske til toppen av Roaldshorn og renne gjennom knehøg pudder heilt ned til matsalen til middag. I Stranda kommune er moglegheitene mange når det gjeld idrett og moderne friluftsliv.


Likar du betre ballsport og anna idrett, så ligg alt til rette for dette også. Sjekk ut meir om IDRETTSFAG ved Vestborg vgs under. Velkommen som elev!



Å velje idrettsfag på vidaregåande gir gode moglegheiter for å kombinere utdanning og idrett. På vg1 tilbyr vi breiddeidrett. På vg2 og vg3 kan du velje om du vil gå vidare på Breiddeidrett, eller velje Friluftsliv.


Gjennom praktiske og teoretiske fag lærer du om korleis kroppen er oppbygd og korleis du bør trene for å utvikle deg fysisk. Du lærer om treningsleiing, om helse og kosthald.


Studieprogrammet gir målretta teoretisk kunnskap, samtidig som vi er mykje i aktivitet igjennom ei skuleveke. Det blir mykje trening og turar i og utanfor skuledagen, så ein bør like å vere i fysisk aktivitet og trene mot konkrete mål. Sjølve fag og timefordelinga finn du meir om lenger nede på sida.


Utdanningsprogram idrettsfag er utfordrande. På ei vanleg veke har du 37,5 timar undervisning dei to første åra. Du som har gode rutine for trening, leksearbeid, riktig kosthald og søvn har eit godt utgongspunkt for å få tre knallgode år på Vestborg.


Treningsmengde: 90 minutt med aktivitet kvar dag. Nokre økter er lette, nokre harde. Dette varierer frå dag til dag og veke til veke.


Før du startar på idrettsfag ved Vestborg vgs må du anskaffe deg ein del kle, sko og utstyr som du treng gjennom året. Det meste er ordinært utstyr til trening og friluftsliv. Av litt større ting, så vil vi gjerne at elevane skal ha sin eigen terrengsykkel med dempegaffel. Til vinteren må alle elevane ha både langrennski og ski til bruk i bakken. Det er flott om flest mulig har utstyr til topptur, men her kan også skulen låne ut kostnadsfritt utstyr gjennom "Uteguiden" på Stranda. Fullstendig utstyrsliste får eleven tilsendt når studieplassen er teken imot.


Læring og oppleving - idrettsfag Vestborg vgs


Kvar veke vil vere prega av idrett og friluftsliv på idrettsfag ved Vestborg vgs. Mykje tid går med til trening av ulike idrettar. Vi har eit ekstra fokus på trening innan volleyball og fotball. Du som elev får også tilbod om å delta på volleyball KM/NM for vgs. I tillegg vil det bli arrangert turneringar i beachvolleyball på skulen si eiga bane. Vestborg-beach-open er ei opa turnering for alle frå ungdomsskulen og oppover.


Stisykling. I tillegg til overnattingsturane blir det arrangert dagsturar med stisykling til blant anna Flofjellet. Dette er ein flott kjerreveg som går over i sti som tek oss frå frå Hellesylt og over fjellet ned til Stryn. Her er det godt nok med ein vanleg offroadsykkel, men gjerne med dempegaffel




Klatring. I vg1 blir det arrangert kurs i klatring som fører fram til Brattkort. Dette er eit bevis for at du har opplæring nok til å kunne klatre i alle klatreveggar i Norge. Kurset blir holdt i skulen sin eigen klatrevegg. På vg2 prøver vi oss på klatring ute i mindre fjellveggar. Vi trener i vg1 og vg2 fram mot målet i vg3 som er å bestige spektakulære Bladet i Molladalen.



Idrettsfag er på fleire turar i året. Vi har satt saman eit turprogram der vi brukar nærområdet til skulen til spennande og lærerike aktivitetar. Meir om dette kan du lese under.


Oversikt over turar og kurs på idrettsfag:


vg1 vg2 vg3
Topptursamling sommar Camp Hjørundfjorden Camp Slogen Camp Molladalen
Topptursamling vinter Camp Eidsdal Camp Standal Camp Slogen
Langrenn/alpint X-games week Strandafjellet Strandafjellet
Skred/bre Skredkurs del I Skredkurs del II Brevandring
Havkajakk Introduksjonskurs Grunnkurs Teknikkurs
Klatring Brattkort Vestborg Klatring/buldring ute Bladet i Molladalen
Stisykling Flofjellet Ljøbrekka Dregetua

I vg1 kan du glede deg til desse opplevingane:


Camp Hjørundfjorden, topptursamling sommar (august/september)


Vi tek turen til den flotte Hjørundfjorden og lagar basecamp ved foten av det spektakulære fjellet Saksa. Her blir det topptur, padling med havkajakk i Hjørundfjorden og snorkling i Lyngstøylsvatnet som ligg ved enden av Norangsdalen.


Mål for camp Hjørundfjorden

  • - Praktisere og finne glede gjennom ulike former for naturopplevingar
  • - Lære om lokale friluftslivstradisjonar i nærområdet
  • - Innføring i grunnleggande kajakkteknikk

Havkajakk - introduksjonskurs i padling.




Vi har med havkajakkar frå skulen og får kursing i padling og ferdsel på havet i kajakk. Hjørundfjorden har blitt kalla for «verdens vakraste fjord» og padling her på speilbland fjord er ei fantastisk oppleving. Dette kurset er del 1 i ei kursrekke på 3 ved fullført idrettsfag vg3 på Vestborg vgs.


Her kan du lese og sjå bilder frå andre som har padla Hjørundfjorden:


Topptur – vi lærar om ferdsel og navigering i fjellet.


Etter ein god frukost i basecamp, så planlegg vi og gjennomfører ein tur på Saksa. Dette er eit flott alpint landskap der deler av ruta er trappetrinn av heller og steinar som er laga av sherpaer frå Nepal. Utsikta på toppen er fantastisk!




Snorkling/dykking – vi opplever Norges hemmelege undervannsbygd

26. mai 1908 kom det eit buldrande steinras ned frå fjellet Keipen (1207 m.o.h.) og blokkerte elva nedst i dalsøkket. På få sekund vart bondesamfunnet i dalen endra. Elva vart forandra til eit vatn, nærmare bestemt Lyngstøylsvatnet. Den dag i dag kan vi under vatn sjå vegar, murar av husa, grinder, gjerder og epletre. Lyngstøylsvatnet er ein populær plass å dykke/snorkle. Nokre svømmetak og du er i ei anna verd.


Her kan du sjå bilder og lese meir om Lyngstøylsvatnet og bygda som forsvann under vatn.



X-games week med Andreas Håtveit (januar/februar)


Vi besøker Andreas Håtveit sin heimplass i Sudndalen. Andreas er X-games vinnar i slopestyle og ein fantastisk positiv type. Dersom han tilgjengelig vil han gjerne instruere oss i enkle og meir avanserte triks på ski. Han har bygd sin eigen triksepark som vi kan boltre oss i. Vi blir buande på Skibyen hotell og har tilgang til basseng og badstue på Hermon høgfjellssenter. Her er det også gode langrennsløyper der vi får øvd oss på ulike teknikkar som skøyting og klassisk.


Mål for X-games week er:


  • - Oppleve meistring av ulike skiaktivitetar i forhold til eigne mål og føresetnadar
  • - Vise utvikling i klassisk- og/eller skøyteteknikk på langrenn
  • - Utvikle ferdigheiter innan ski/snowboardtriksing

Her kan du lese meir om skibyen hotell og Hermon høgsfjellssenter:

Skibyen og Hermonh



Camp Eidsdal, topptursamling vinter (mars/april)



Toppturdagar på ski. Dette blir stas! Vi lager basecamp ved foten av fjellet Grøtet som rager 1519 meter over havet. Grøtet skal bestigast på toppturski og nedkjøringa frå toppen er jevn og ikkje for bratt. Dette er ein super tur der ein lett vinn høgdemeter utan at det er for mykje strev. Målet for Camp Eidsdal er å kunne klare 3 toppar på 3 dagar. Her er mange toppar å ta av, så det burde gå knirkefritt! Om du har eige utstyr er det flott, men har du ikkje eige utstyr, så får du låne av skulen gjennom Uteguiden på Stranda. I tillegg til topptur vil du lære om trygg ferdsel i alpine fjellområder, skred og søk i skred og bruk og overnatting i vinterfjellet.


Mål for Camp Eidsdal er:

  • - Planlegge tur med overnatting ute i vinterfjellet
  • - Få innføring i skredsøk og trygg ferdsel
  • - Bygge relasjonskompetanse gjennom samarbeid ute i naturen



Her kan du sjå ein film frå då KRIK-linja var på Grøtet:


Meir detaljert info om programmet i vg2 og vg3 kjem etter kvart

Ved å gå IDRETTSFAG på vgs oppnår du generell studiekompetanse når du er ferdig. Dette gir det eit grunnlag til å kunne søkje på dei aller fleste studier på høgskular og universitet.


Tenkjer du å studere vidare innan idrett og friluftsliv på lærarskule eller f. eks. Norges idrettshøgskule, så er idrettsfag veldig nyttig å ha.


I tillegg så får du viktig kunnskap på idrettsfag som du kan bruke i din eigen kvardag seinare i livet. Å bli glad i trening og vite korleis ein trenar på ein best mogleg måte vil du ha stor glede av og det gir deg også gode helsemessige effektar heile livet gjennom.


Skulen vår ligg på Stranda, midt i hjertet av Sunnmørsalpane. Strandafjellet skisenter ligg 5 minutts køyring frå skulen, og det er muleg å følgje preppa løype heilt til døra på internatet ditt. På skulens område har vi beachvolleyballbane og ballbinge. Vi har eigen gymsal som vert mykje brukt i vinterhalvåret til ballidrett og basistrening. Eit velutstyrt treningsrom er opent heile dagen for elevane ved skulen. Det er kort veg til eit stort idrettsanlegg som er tilgjengeleg for alle, her finn du løpebane og kunstgrasbanar. Skulen har eigne kajakkar som vil verte brukt når elevane blant anna skal ta våttkort med grunnkurs og teknikkurs.


  • Joggesko med god demping
  • Innesko til bruk i gymsal
  • Fjellsko
  • Sykkel med frontdempar
  • Våtdrakt (enkel utgåve til rundt 500kr er ok)
  • Snorkel og dykkarmaske
  • Sovepose
  • Liggeunderlag
  • Haudelykt
  • Tursekk til dagstur (25-35 L) og langtur (65-75 L)
  • Langrennski: klassisk, kombi eller skøyteski
  • Alpinski: Slalom, telemark, randonee eller snowboard

Fellesfag (obligatoriske)

FAG VG 1 VG 2 VG 3
Fellesfag 23 Veketimar 18 Veketimar 13 Veketimar
Norsk 4 4 6
Engelsk 5
Matematikk 5 3
Naturfag 5
Spansk 4 4
Samfunnsfag 3
Historie 2 4
Geografi 2
Religion og etikk 3
Fellesprogramfag 7 Veketimar 12 Veketimar 17 Veketimar
Aktivitetslære 5 5 5
Treningslære 2 3 5
Idrett og samfunn 2 3
Treningsleiing 2 4
Valfritt programfag
Breiddeidrett, friluftsliv 5 5 5
Kristendom 2,5 2,5 -
Totalt veketimar 37,5 37,5 35

Fag og timefordeling (45 minutters timar)

Kan også vere mulig å velje programfag frå studiespesialierande utdanningsprogram

Telefon: 70 26 39 00
E-post: info@vestborg.no