Nyheter

Music Mission til Vestborg

Inger Valbø, onsdag 10. februar 2010 09:54

Music Mission er eit nytt team som består av fem brennande og engasjerte menn i alderen 19 - 36 år. Dei har bakgrunn frå Kongshaug musikkgymnas og starta å reise rundt i august 2009. Tysdag 16.februar kjem dei til Stranda.

Arne Pareli Pedersen – songar: Arne er 19 år og kjem frå Harstad. Han kallar seg sjølv songevangelist, men han er allsidig og syng også klassisk, pop og gospel.

Thomas Gallatin – trommer: Thomas er 19 år og kjem frå Kvinlog, ikkje langt frå Kvinesdal. Han er eit av dei største trommetalenta i landet.

Rune Hodne Hermundsplass (t.h.) – gitar: Rune er 19 år og kjem frå Kvelde utanfor Larvik. Rune er ein stødig bedehusgut som spelar gitar på høgt nivå.

Ragnar Løsnesløkken (t.v.) – bass: Ragnar er 35 år og kjem frå Lillehammer. Han er utdanna musikklærar og har jobba på Kongshaug Musikkgymnas frå 2001 til 2008. Han er no pianolærar ved Ringebu Kulturskule ved sida av å arbeide som bonde på Fåvang.

Gunnar Melbø – tangentar: Gunnar er 36 år og kjem frå Vingrom i Lillehammer kommune. Han er utdanna kantor og har jobba på Kongshaug Musikkgymnas sidan oppstarten i 1999.

Vil du vite meir om dei fem karane, kan du gå inn her: mmproductions.no

 

Vestborghallen tysdag 16.februar

17.30 Stor familiekonsert med Music Mission og Mixklubben (fri inngang)

20.30 Konsert. Salmar og songar i ny og spennande drakt! (Vaksne: kr.100, born/student kr. 50)

Gå ikkje glipp av dette! Det blir ulikt program på dei to konsertane, så har du tid, bør du få med deg begge.

Her er oversikt over andre konsertar i Møre og Romsdal i februar: Turné 2010

Bileta er funne på Music Mission si side på Facebook. Fotograf av heile teamet er Rune Sæther.