Nyheter

Samarbeidsvillig ny kollega

Inger Valbø, mandag 01. mars 2010 19:39

Han deler villig appelsinen sin med andre. Måndag 8.mars skal Vidar Hamnøy ha sin første undervisningstime i økonomi og ledelse.

I dag var Vidar innom for å skrive kontrakt og for å få ein times opplæring. Det vart nærare to timar. Kåre Bø har mykje å lære bort:

- Kva lærte du på denne korte tida?

- Eg fekk innføring i rutiner, korleis ting fungerer. Fronter, mellom anna.

- Tok du det med ein gong?

- Ja, då.....

Kven er eigentleg denne karen?

Vidar Hamnøy, 35 år, oppvaksen på Skodje, men har flytta ein god del. Han og familien har nettopp busett seg i Ålesund. Før det budde dei på Røros eit halvt år, før det i Orkdal, og før det igjen i Harstad. Han forklarer at det er kona som er grunnen til all flyttinga. - Du skjønar, ho er turnuslege, så eg er berre med på lasset.

Dei har sonen Emil på 1 1/2 år, og blir snart foreldre til nummer to, fortel han.

- Skal de slå dykk til ro i Ålesund, no, då?

- Kona har no fått fast jobb, men eg har makk i rumpa, så kor lenge det blir her, er uvisst, seier han.

Sidan 2007 har Vidar vore tilsett i NLM Økonomiservice. Før han flytta til Ålesund, hadde han heimekontor, men no har han kontor i Myrabakken i Spjelkavika.

- Har du undervist før?

- Nei, ikkje utanom intern opplæring.

- Korleis ser du på jobben?

- Gler meg!

- Inntil vidare, seier Svein Lars som er innom på pusterommet for å rydde opp i avisene.

Og så seier Vidar: - Kva meiner du med det??

Vidar startar sin undervisningskarriere neste måndag, 8.mars, med fire timar økonomi. Kvar måndag framover blir det blide fjeset hans å sjå her. Vi ønskjer han lukke til og velkommen blant oss på Vestborg!

Vidar ser ut til å vere ein kjekk kar. Halve appelsinen er merka "deles Geir".

- Eg syntest appelsinen såg så fin ut, og Vidar ville gjerne dele, forklarer Geir Magne.

Kanskje deler han med elevane sine, også?