Haustfest på tunet


Laurdag var det stor aktivitet på Vestborg. Foreldre og elevar hadde samtale med kontaktlærar, det var seminar med ungdomsleiar Simon Morris om det å vere avhengig, og det var klassevise samlingar.

Klokka 17 byrja festen, som vart leia på ein trygg og god måte av VG3-elevane Benedikte Samseth og Anders Osdal. I tillegg til helsing frå rektor fekk vi biletkavalkade, allsong, saksofondans og fin song av elevane Lisa Ertresvåg og Sofie Yri Aaberg. Det vart også videohelsing frå Hanna Myklebust og Kristoffer Engås. Dei er misjonsprosjektleiarar og er for tida er i Peru og blir betre kjend med arbeidet som russen støttar.

Andakta vart halden av tidlegare miljøarbeidar på Vestborg, Katrine Numme. Ho er no ungdomsarbeidar i Sykkylven kyrkje. I andakta hadde ho Salme 46.11 som tema: «Kjenn at eg er Gud».

Etterpå var det festmat tillaga av kjøkensjef Dana & co.

 


Tilbake
Telefon: 70 26 39 00
E-post: info@vestborg.no