vestborg

Vestborg endrar seg

Tue, 05 May 2026 09:00:40 GMT

Vil du følgje med på det som skjer?

Det skjer mykje på Vestborg om dagen. Elevtalet er det høgaste på mange år, internata er fulle, og rekordmange har søkt skulen som førsteval. Det er eit godt teikn, og eit tydeleg signal om at det Vestborg står for, treff.

Men vi står ikkje stille. Vi satsar vidare.

Vi satsar på bygga og på folk

For at Vestborg skal vere ein stad elevar trivst og veks, fagleg, sosialt og i tru, må vi utvikle skulen både fysisk og fagleg i åra som kjem. Teiknebrettet er tatt fram, og vi ønskjer deg med i prosessen.

Vil du følgje med på det som skjer?

Meld deg på nyheitsbrevet vårt og få jamleg informasjon om livet på Vestborg, dei store satsingane og dei små glimta frå kvardagen

Meld meg på nyheitsbrevet

Fyrstehjelpsførebuing til russetida

Thu, 23 Apr 2026 09:45:03 GMT

Raudekrossen på Stranda haldt fyrstehjelpskurs for Vestborg-russen måndag denne veka.

Åshild Bogstad Stenberg, som også er lærar på Vestborg, og Christine Rørhuus-Øie var med som instruktørar.

Dei gav grunnleggande undervisning om ulike situasjonar ein kan kome bort i og kva ein kan gjere for å hjelpe. Det vart sett litt ekstra fokus på russetida og kva som er typiske uhell og situasjonar som er knytt til denne tida. Etter teoridelen fekk elevane øve på å legge kvarandre i sideleie samt hjarte-lungeredning på dokker. Så her var det «learning by doing».

- Vi vil tilbake til Tyskland!

Thu, 16 Apr 2026 12:10:29 GMT

I fleire tiår har vg2-elevane ved Vestborg reist til Roma på klassetur. I år gjekk turen til Tyskland. Madelen Hanken frå Sula og Guri Bjerkeli Berild frå Innfjorden i Rauma er blant elevane som nettopp har kome igjen frå klasseturen.

- Vi har hatt det veldig bra og lært mykje, til dømes har vi hatt fagleg fokus på Martin Luther og på 2. verdskrig. Men vi har også fått eit større innblikk i tysk kultur, samt det å ta seg fram på ukjente stader, seier dei.

Klasseturen var på 7 dagar. Dei drog med buss, ved midnatt natt til onsdag 8. april, til Oslo. Deretter tok dei ferja til Kiel, før dei drog til Eisenach og Erfurt, som ligg midt i Tyskland. På veg nordover igjen køyrde dei nordaustover og fekk dei nokre dagar i Berlin, før dei fór på heimveg.

I Eisenach ligg slottet Wartburg, der Martin Luther var då han omsette Bibelen til tysk etter å ha blitt lyst fredlaus av Riksdagen i Worms i 1521.

- Det var heilt uverkeleg og flott å få vere i Wartburg der Luther omsette heile Bibelen på berre 10 veker. Vi opplevde det også veldig fint då vi alle song «Velsignelsen» i kyrkjerommet. Det gjorde sånn inntrykk på guiden vår at ho blei rørt, fortel dei.

I Erfurt studerte Luther teologi, og han var munk i augustinarklosteret i byen frå 1505 til 1511. Her var elevane på byvandring. Erfurt er ein av Tysklands best bevarte middelalderbyar.

- Synet av dei vakre bygningane samla på ein stad gjorde eit sterkt inntrykk. Kvart hus hadde si eiga historie, seier Guri

Dei dagane dei var i Berlin stod til dømes fotballkamp, konsentrasjonsleiren Sachsenhausen og vitjing av Berlins jødiske kvarter på programmet.

- Vi såg kampen mellom Hertha Berlin og Kaiserslautern på Olympiastadion i 2. Bundesliga. Hertha tapte 0-1, men det var kjempestemning med 53 000 på tribunen! Spesielt laga Hertha-fansen i eine svingen mykje lyd.

I Sachsenhausen var rammene annleis.

- Det gjorde inntrykk. Eg slit med å ta inn over meg dei grusomme tinga som skjedde der – og kor vondskapsfullt leiren var organisert, seier Madelen.

- Kva sit de igjen med etter turen?

- Lærdom om Luther og om 2. verdskrig, men også fellesskap. Desse dagane fekk vi snakka med andre som vi ikkje snakkar så mykje med til vanleg. Vi har hatt det veldig, veldig kjekt! Dessutan oppdaga vi at Tyskland har mykje å by på. Vi vil definitivt tilbake!

Rekordsøknad til Vestborg!

Fri, 06 Mar 2026 21:52:41 GMT

Måndag 2. mars gjekk søknadsfristen til vidaregåande skule ut.

Tala viser at heile 174 elevar har Vestborg på fyrste plass på prioriteringslista si. Statistikkgrunnlaget vårt går tilbake til 2013, og den førre rekorden var på 125. Det var i fjor – altså ei auke på 39 %.

Til saman har 78 elevar Vestborg på fyrste plass til neste års vg1, og også det er ny rekord.
Den førre bestenoteringa strekk seg attende to år i tid, og den var på 53.

Søkjarane i vg1 fordelar seg på
42 på studiespesialiserande
36 på idrett

Også påbygg har fått god søknad, for 16 elevar har Vestborg på fyrste plass i denne søkjargruppa.

Her kjem resultata i tabell:

I skrivande er det ikkje bestemt kor mange elevar ein tek inn til hausten. Det har hovudsakleg med fordeling av internatplass å gjere. Skulen reknar med å få ei oversikt over dette i løpet dei aller nærmaste vekene, og deretter kan ein sende ut dei fyrste tilboda om plass.

Vestborg-elevar på prøve-VM i Falun!

Thu, 05 Mar 2026 20:33:27 GMT

Vestborg hadde i helga ein føretropp på plass i under prøve-VM i Falun. Det var for å bli kjend med lokasjonar og arrangørar. Vestborg-elevane og personalet skal nemleg jobbe som funksjonærar under neste års ski-VM.

Elev Laura Slørdal (nr 2 frå venstre på biletet over) var veldig nøgd med opplevinga under World Cup-arrangementet i helga.

- Det var ei veldig lærerik og bra helg. Til dømes lærte vi kor viktig dugnad er for å få eit så stort arrangement til å gå rundt. Det er mykje meir enn ein anar som går føre seg i kulissane, og det var kult å få innblikk i noko av dette. På eine avdelinga vi var på hadde dei til dømes ei stor tavle. Der kunne alle skrive ting som burde forbetrast innan VM. Det viser at dei jobbar systematisk for å førebu seg til verdsmeisterskapen. Elles har vi blitt kjende med kva oppgåver som finnast, og vi har fått oversikt over skistadion-området. Dessutan har vi blitt kjende med andre funksjonærar. Det var kjekt å høyre «vi hörs nästa år» før vi reiste, seier Laura.

- Kva for høgdepunkt vil du trekke fram?

- Det var stas å få møte Jessie Diggins, Frida Karlsson og Johannes Høsflot Klæbo, men det var også veldig kjekt å møte dei hyggjelege funksjonærane vi jobba saman med, avsluttar ho.

PS! Nedanfor finn du bilet-glimt frå helga:

Johannes Høsflot Klæbo, tidenes vinterolympiar, saman med (frå venstre) David Fiskerstrand, Ingrid-Elise Aaberg, Kornelia Lillestøl, Laura Slørdal, David Lundanes og Leander Nygaard.

Heidi Weng

Kristine Stavås Skistad

Amerikanske Jessie Diggins

Sveriges Frida Karlsson

Svensk publik

Sprint i gyldne omgjevnadar

Her er gjengen saman med sjølvaste Chatarina Eriksson - leiaren for dei friviljuge i Falun!

Vestborg skal til VM på ski i Falun!

Mon, 16 Feb 2026 16:27:44 GMT

No før vinterferien vart det vedteke i styret at Vestborg-elevane skal til ski-VM i Falun i 2027! Det tyder at alle elevar, både elevane ved idrett og ved studiespesialiserande, skal til Sverige komande vinter for å jobbe som funksjonærar.

Under VM på ski i Trondheim i fjor var heile skulen på plass og trødde til med ulike funksjonæroppgåver. No ser det altså ut til at vi får til eit liknande samarbeidsprosjekt med arrangørane av VM i Falun. Her kan det nemnast at det er eit atterhald; og det er om ein klarar å samle inn nok pengar til å dekke reise- og opphaldsutgifter.

Allereie etter vinterferien, frå 27.2 til 2.3, reiser seks elevar og to lærarar til Falun under prøve-VM. Føremålet er å bli betre kjend med omgjevnadane og med arrangørane.

Rektor Jon Ove Holen har dette å seie om Falun-prosjektet.

- I fjor vinter var elevane våre funksjonærane under ski-VM i Trondheim. Det vart ei stor oppleving for både elevar og personalet. Vi fekk også veldig god tilbakemelding frå arrangørane på innsatsen til våre elevar. Difor undersøkte vi om Falun-VM var interessert i et tilsvarande samarbeid. Dei var positive til dette, og dei siste månadane har Falun-VM jobba for å legge til rette av vi kan kome med alle elevane våre.

- Kvifor vel skulen og satse på dette prosjektet?

- Tilbakemeldingane frå elevane etter Trondheim-VM var veldig, veldig gode. Dei opplevde det flott å få reise på tur med heile skulen, og nye relasjonar vart bygde. Vi ynskjer med vår deltaking i Falun-VM å legge til rette for at elevane lærer verdien av dugnad, og vi trur vi styrkjer fellesskapen på tvers av klassane. I tillegg er dette prosjektet ein god måte å oppfylle overordna del av læreplanen: Folkehelse og livsmeistring, demokrati og medborgarskap, samt berekraftig utvikling.

Den 1. mars går søknadsfristen ut for å søkje på Vestborg. Dermed kan det vere eit poeng å nemne dette:
I tillegg til å få oppleve «trivsel» og «støtte frå lærarane» i noregstoppen*, så kan neste års elevar får oppleve eit ski-VM i Sverige frå innsida. ��

* Elevundersøkinga:

Tekjøkkenpraten: "Vestborg-mamma" Mildrid Valle

Fri, 06 Feb 2026 10:52:37 GMT

Mildrid Valle, busett på Vestnes, har hatt dottera Bertine på Vestborg i 1 ½ år. Spalta du no les i heiter «Tekjøkkenpraten», men rett skal vere rett: Denne samtalen gjekk føre seg over telefon. Her er samtalen vi hadde i skriftleg form – der Mildrid skildrar si oppleving av å vere «Vestborg-mamma».

- Det er veldig trygt og godt å ha jenta si på Vestborg – og det er fordi eg veit at det er nokon i miljøet som ser jenta mi. Då tenkjer eg på både tilsette og medelevar. Skulekvardagen er strukturert og føreseieleg, og ho får vere i eit levande miljø. Både miljøarbeidarar og andre tilsette legg til rette for aktivitetar tilpassa ulike interesser, og dessutan finn elevane på kjekke ting å gjere seg i mellom.

- Kva for forventningar til Vestborg hadde du før jenta di byrja?

- Eg hadde forventningar om at ho skulle få ei god skuleoppleving. Det har ho i høgste grad fått. Mitt inntrykk er at skulen er tolsam og let elevane få tid til å finne sin plass, samtidig som er støttande i prosessen. I alle fall likar Bertine seg så godt på Vestborg, at ho er nesten ikkje heime. Det hender rett som det er at ho tek kontakt og seier «eg kjem ikkje heim i helga no heller». For ei mamma er det litt både òg, men eg gler meg over at ho trivast så godt.

Mildrid fortel at det å ha jenta si på Vestborg har fått konsekvensar for ho og mannen Ronny.

- Vi har som foreldre opplevd oss velkomne på Vestborg. Skulen var rett og slett ukjend for oss fram til vi googla «Internatskule i Møre og Romsdal». Men gjennom dei ulike festane og anna kontakt, så formidlar skulen kristne verdiar. Det har gjort at vi som foreldre har fått eit nærmare forhold til kristne verdiar og til Jesus. Ja, det har blitt ein del av oss og ein del av vår kvardag, seier Mildrid.

- Vi vil gjerne tilrå andre foreldre å vurdere skulen for tenåringen sin. Vestborg og internatskule er eit kjempefint alternativ!

Elevundersøkinga: Vestborg er landets 7. beste i trivsel!

Thu, 05 Feb 2026 09:35:49 GMT

Elevundersøkinga er obligatorisk for alle vg1-trinn i landet. Difor er det naturleg å ta utgangspunkt i vg1-resultata i presentasjonen av tala.

Og les gjerne her!

I kategorien «Trivsel» er Vestborg nr 7 med 4,6 poeng.
I kategorien «Støtte frå lærarane» er Vestborg nr 8 med 4,5 poeng.
I kategorien «Elevdemokrati og medverknad» nr 6 med 4,0 poeng.

I dei andre kategoriane scorar Vestborg også godt.
Til saman er Vestborg den 9. beste vgs-skulen i landet med 4,24 av 5.0 poeng!

Rektor Jon Ove Holen er veldig nøgd med resultata.
- Dette syner at resultata dei føregåande åra ikkje berre var eit blaff. Som rektor opplever eg at det er etablert ein veldig god kultur på skulen, og eg gler meg over at elevane uttrykker at dei har høg trivsel og stor støtte frå lærarane. Samstundes vil eg gje nettopp elevane veldig mykje ros for måten dei skapar trivsel rundt seg i kvardagen med relasjonelle og gode val.

- Kva er årsaka til dei gode resultata?

- Det er fleire årsaker til det. Vi er ein kristen internatskule med relativt få elevar. Dessutan er det etablert ein kultur på skulen der vi arbeider aktivt med dei fem verdiane våre; tillit, omsorg, tru, relevans og eigarskap. Mykje av fundamentet i denne kulturen ligg i eit hefte som vi legg på romma til elevane ved skulestart; «Velkommen til vår skole». Heftet gir elevane rettleiing i korleis dei sjølve kan skape god trivsel. Døme på det er å helse med namn, gje ros med grunngjeving og lytte med oppriktig interesse – samt at det er lov å feile. Dessutan gjer personalet ein veldig, veldig god jobb med elevane, og som eg sa i stad; elevane sjølve gjer ein veldig god innsats med relasjonelle og gode val, seier rektor Holen.

Vg2 og vg3 scorar veldig høgt

Vg2 og vg3 også har veldig, veldig gode resultat i undersøkinga.

Vg2 har landets beste trivsel av alle trinn på alle vgs-skular i landet med 4,9 av 5,0 poeng!
Dei er på 2. plass blant alle vg2-trinn i landet i «Støtte frå lærarane», «Læringskultur», «Elevdemokrati og medverknad» og «Felles reglar».
Til saman er dei det beste vg2-trinnet heile landet med 4,47 av 5,0 poeng.

Vg3 er best i landet av alle vg3-trinn i kategoriane «Meistring», «Felles reglar» og «Støtte heimanfrå». I kategorien «Støtte frå lærarane» ligg dei på 2. plass, det same gjer dei i kategorien «Elevdemokrati og medverknad».
På grunn av anonymiseringsreglar syner ikkje resultatet for vg3 i kategorien «Trivsel», men snittet på dei 9 andre kategoriane plasserer dei som landets nest beste vg3-trinn.

Tekjøkkenpraten: Johanna Roksvåg Torkildsen

Fri, 30 Jan 2026 12:29:02 GMT

Johanna frå Volda slår fast:

- Eg tilrår Vestborg på det aller, aller sterkaste!

Det var fyrst sommaren før vg1 at Johanna bestemte seg for å bli Vestborg-elev. No, 2 ½ år etter, er ho svært, svært takksam for valet ho gjorde.

- Dersom nokon den sommaren hadde sagt til meg at det finnast ein kristen skule med SÅ godt miljø, så hadde eg ikkje trudd det var mogleg.

- Kvifor har tida på Vestborg vore så god for deg?

- Ein viktig årsak er klassemiljøet. Vi har ein utruleg fin klasse, og det gjer at ein kan vekse som menneske. Ein annan viktig grunn at Vestborg er ein internatskule. Her blir vi kjende med – og bur saman med - mange ulike typar menneske. Det er veldig lærerikt, og til dømes så lærer ein å tolerere andre. Samstundes er det også rom for å trekke seg tilbake og vere åleine om ein treng det. På Vestborg har eg opplevd ein fin balanse mellom å vere sosial og ha åleinetid.

- Kva har Vestborg betydd for deg?

- Vestborg har betydd nesten alt! Her har eg blitt kjend med medmenneske på eit djupare plan, og eg har fått vener for livet. Eg var spent før eg byrja, men det gjekk kjempefint frå dag 1. Dessutan har det vore veldig spennande å gå i vg3. Eg har fått vokse mykje som menneske og lært mykje om leiarskap.

Johanna har fått leiaransvar for misjonsprosjekt, «Kilden», for ei av bibelgruppene, og ho er med i styret for skulelaget på Vestborg

- Misjonsprosjektet handlar om at russen og elevane ved skulen samlar inn pengar til eit prosjekt. I år var det til inntekt for Japan. Det er ei veldig gøy oppgåve, men også utfordrande fordi det ikkje er ei oppskrift på ting, men vi må finne ut av ting sjølve. Det er også kjekt å merke at klassen er engasjert, og vi set pris på å få bruke russetida på noko som kan vere til hjelp og glede for andre, som til dømes å støtte teologisk utdanning og kyrkjevekst i Japan. Saman med Andreas Haram, den andre misjonsprosjektleiaren, fekk eg reise til Japan. Det er eit fantastisk land. Eg vil gjerne tilbake – og også sjå korleis det går med prosjekta vi samla inn pengar til.

- Kva er «Kilden»?

- Det er ein kristen jenteklubb vi har her på Vestborg. Vi samlast kvar sundag, og nesten alle jentene er med. Då går me i djupna av tema i kristendomen som tilgjeving, fordøming og nestekjærleik. Fyrst samlast alle, men etterpå går vi i våre faste smågrupper og deler personlege ting, om tru og liv. Eg må også nemne at gutane har eit tilsvarande opplegg; «Warzone».

Medan me snakkar om «Kilden» kjem Emma Kleiven Hjelme innom kjøkkenet for å ordne seg litt mat, og seier:

- «Kilden» er veldig bra! Der er ein god plass å vere opne og ærlege med kvarandre, seier ho.

Johanna held fram med å snakke om Laget.

- Vi har skulelag på Vestborg, og vi møtast ein gong i månaden. Ein fin ting her er at vi elevane får ansvar for møta. Då har vi andakt, lovsong, leik og snacks – og av og til har vi besøk av talarar. Det er veldig gøy at vi elevar sjølve får ta ansvar, for eg opplever vi veks både i trua og som menneske – på ein trygg måte. Eg vil også skyte inn at elevane på skulen er engasjerte på ulike vis. Eit døme på det er William Reitan. Han arrangerer Vestborg-OL for elevane. I løpet av året konkurrerer ein i ulike aktivitetar som til dømes stafett-triatlon, volleyball og handball. Andre har starta opp eit lokallag for målungdomen, og elles har vi eit aktivt lokallag for KrFU. Eg vil også nemne bibelgruppene vi har, Bible Revival. Der får elevane høve til å bli meir kjend med tru og med kristendomen. Det som er fint er at ein også kan vere med utan å vere kristen – og at det er lov å stille spørsmål om det ein lurer på. Eg vil også nemne at vi har miljøarbeidarar som legg til rett for aktivitetar. På Vestborg er det mykje å gjere, og det er mykje som skjer.

- Må ein vere kristen for å gå på Vestborg?

- Eg opplever at skulen har kristne verdiar i botn, men er veldig open for ulike meiningar. Det gjer at ein ikkje treng å vere kristen å gå her, men kan trivast her likevel – fordi her er høg forståing og respekt for at andre kan tenkje annleis enn seg sjølv.

- Du har vore på Vestborg i 2 ½ år. Korleis har di Vestborg-reise vore hittil?

- Eg har lært å setje pris på friluftsliv - på fjella og på naturen. Det er fint å få oppleve noko av den finaste naturen på Vestlandet. Elles har eg på Vestborg hatt vaksne å snakke med når det har vore noko – trygge vaksne som vil meg vel. Det har betydd veldig, veldig masse for meg. Lærarane er veldig gode, og har god moral. Undervisninga deira reflekterer trua, og vi kan diskutere dei kristne verdiane med dei. Generelt sett vil eg seie at på Vestborg bryr ikkje lærarane og personalet seg berre om det faglege og timane, men dei bryr seg også om kva elevane er opptekne av – og dei er villige til å lytte! Utan Vestborg har eg vore ein heilt annan plass når det gjeld trua mi. Her har eg fått vekse både i tru og som menneske – i trygge omgjevnadar.

Ho held fram:

- På Vestborg har eg vokse med nye oppgåver etter som eg tida har gått. Skulen legg opp til at elevane skal få vekse i det tempoet som passar den enkelte. Eg hadde ikkje vore så trygg på meg sjølv utan Vestborg. Her ser ein enkeltpersonar og vil leggje til rett for personleg vekst – og elevane får lov å vere seg sjølve. Personalet og lærarane viser stor forståing for at det er forståeleg å gjere feil. Ein annan ting dei er gode til, som eg set pris på, er at dei tek opp ting som dei sjølv har gjort feil eller ikkje er gode på. Det gjer det trygt for at det er lov å prøve og lov å feile.
Eg sit att med sååå mykje godt etter Vestborg, at det er heilt sjukt! Eg kjem til å snakke varmt om Vestborg resten av livet!

Om kick-off: -Veldig, veldig kjekt!

Sat, 17 Jan 2026 17:42:00 GMT

Tiril Ramstad, Deborah Remøy og Tora Haberberger er på kick-off. Her får du skildringar av korleis dei har hatt det hittil i helga:

Tiril Ramstad
- Eg har hatt det veldig bra! Alle er snille med kvarandre, og vg1- og vg2-elevane kjem bort til oss for å snakke med oss. Av aktivitetane likte eg spesielt godt «Australian Linedance». Elles får vi denne helga høve til å sjå korleis det er å gå her. Det er veldig positivt.

Deborah Remøy
- Det er veldig, veldig kjekt å vere her! Eg var på hospitering i november, og no er det fint å sjå Vestborg-elevane igjen. Eg likte spesielt godt alle aktivitetane. Dei gjorde at eg har blitt kjend med nye. Elles så merkar eg at det her er eit bra kristent miljø.

Tora Haberberger
- Det har vore kjempekjekt! Vi har blitt tatt veldig godt i mot av elevane på Vestborg. Her er det ein skikkeleg godt miljø!

Kick-off er i gang – med ny deltakarrekord!

Sat, 17 Jan 2026 17:10:26 GMT

Fredag kveld var det kick-off på kick-off, Vestborg si bli-kjent-helg. Ungdommar som vurderer å gå på skulen vår til hausten er samla for å bli kjende med skulen, årets vg1 og vg2, samt potensielle klassekameratar frå hausten av.

Fredag kveld hadde miljøarbeidarane Ruth Helen Haram, Signe Hals og Samuel Fiskerstrand ansvar for bli-kjent-aktivitetar. Kick-off-gjengen imponerte med engasjement og vilje til å helse på og bli kjende med dei andre deltakarane.
Etterpå hadde vg2-elev Daniel Johan Nome ei andakt om sårbarleik. Det var ei andakt som trefte, for kick-offerane følgde usedvanleg godt med.
Kvelden vart runda av med fri aktivitet, men dei fleste var samla i russekiosken for quiz, brettspel og prat.
Laurdag har det vore uteaktivitetar med miljøarbeidarane, pinnebrød-grilling og omvising.

I kveld vert det eit skikkeleg høgdepunkt: Elevkveld, der eit av innslaga er «Grab the mic».
Og i morgon står Strandafjellet for tur for veldig mange av kick-off-deltakarane.

Til saman er det ny rekord. Den tidlegare rekorden var på 58, men denne helga er det 61 ungdomar på kick-off.
Gildt!

Nedanfor finn du bilet-glimt frå bli-kjent-helga.

På denne leiken skulle gruppa ha eit konkret tal bein i bakken. For å lukkast måtte ein ty til kreative løysingar

Her skulle ein unngå å lage same jungeldyr-imitasjon som leiaren

Under andakta til Daniel Johan Nome var konsentrasjonen på topp

Fullt fokus under leiken "ultimate frisbee"

Julefest, julelunsj og juleferie

Sat, 20 Dec 2025 20:56:43 GMT

Etter at elevane hadde hjelpt Vestborg økonomisk ved å vaske ned fellesareal i skuletida på torsdag, var det duka til julefest i gymsal kl 17.

Vg2 hadde laga til eit veldig flott program – bunde saman av dei to dyktige programleiarane Bertine Aas og Linde Ulstein. Låtten slo i taket gong etter gong i løpet av festen, og stemninga var god.

Dana & co på kjøkenet sto for både god middag og god kaffimat.

Eit av høgdepunkta var juletregongen. Det må vere få stader i Noreg der songen og gongen rundt juletreet er like entusiastisk! Som ein i personalet sa: «Det er såå kjekt å sjå kor elevane kosar seg! Det ser ut til at dei er ein einaste stor familie!».

Fredag var det volleyballturnering og felles lunsj, før elevane for heim kvar til sin stad.

Vg2 stilte med kor!

Elevane i salen skal gjette kva julesong lærar Jonas Hesthaug prøver å spele på pamfløyte, eit instrument han nok ikkje hadde handtert før.

Festlyden samla til julefest

Julegran-kveiking

Wed, 17 Dec 2025 15:20:50 GMT

Tradisjonen tru vart ljosa på julegrana kveikt. I år skjedde det i samband med fyrste morgonsamling i desember. Ungdomsarbeidar Simon hadde regien – med hjelp frå driftsleiar Trygve, og forsongar Øystein stemde opp til «Deilig er jorden» som allsong.
Etterpå serverte Dana & co på kjøkenet gløgg til elevar og personal.

I skrivande stund nærmar det seg den tradisjonelle julevasken, der fellesareal får seg ei reingjering. Det skjer i torsdag 18.12. På ettermiddagen, etter vaskinga, er det elevane sin tur til å lauga seg – og pynte seg. Då er det julefest i gymsalen!

Fredag 19.12. blir det avslutning i klassane, volleyballturnering og fellesjulelunsj før juleferien sig innover tunet.

I Östersund under World Cup i skiskyting

Wed, 17 Dec 2025 15:00:18 GMT

Frå fredag til sundag i den fyrste veka i desember arbeidde idrett vg3 som funksjonærar under skiskyttarverdscupen i Östersund i Sverige.

To elevar, Alma Langerød Tronstad frå Stranda og Sara Tynes Ellefsen frå Sykkylven/Molde, skriv her om dagane i den svenske vinterbyen.

«Vi fra vg3 idrett fikk være funksjonærer under skiskyting World Cup i Östersund. Det ble en opplevelse vi kommer til å ta med oss lenge, og vi fikk kjenne på både ansvar og mestring i praksis.

Vi fikk jobbe tett på utøverne med oppgaver som å sjekke startnummer, være i garderoben, pakke og levere bager, sortere klær og hilse på trenere. Det var skikkelig gøy – og litt stressende – men også utrolig lærerikt å komme så nært toppidretten.

For oss var det viktig å representere verdiene vi står for på Vestborg: Eierskap, tillit, omsorg, tro og relevans. Vi opplevde å få mye tillit, og det gjorde at vi tok mer ansvar. Samtidig bygde vi et veldig godt fellesskap mellom oss i klassen.

Vi hadde også vært funksjonærer under ski-VM i Trondheim i 2025, men Østersund ga oss nye erfaringer, blant annet rundt bærekraft og miljø. Det var tydelig fokus på gjenbruk og mindre matsvinn, noe som gjorde oss mer bevisste på idrettens ansvar.

Alt i alt lærte vi mye – både om idrett, om samarbeid og om oss selv, på en helt annen arena enn klasserommet hjemme.»

Sara saman med medelev Leonard Frisnes Bjerkestrand, for høvet på funksjonærjobb som maskoten Birger

Her er Alma saman med skiskyttar Vetle Sjåstad Christensen.

Kurs i drøfting

Tue, 16 Dec 2025 14:25:49 GMT

Fyrsteamanuensis ved Høgskulen i Volda, Pernille Fiskerstrand, tok siste onsdag i november turen til Vestborg for å ha kurs i drøfting.

Kunsten å drøfte er ein viktig dugleik både i vidaregåande skule og på høgskule- og universitetsnivå.

Pernille kom inn på tema som
- Korleis bygge ei god drøfting
- Organisering av argument
- Gode ord og uttrykk i ein drøftande tekst

Elevane syntest å følgje godt med og arbeide godt undervegs med oppgåvene som vart gjevne.

Alt i alt var det ei nyttig økt for elevane, både med tanke på Vestborg-tida og på kva som kan møte dei etterpå.

Vellukka julemesse

Fri, 12 Dec 2025 15:08:08 GMT

Laurdag 22. november var det storsamling i gymsalen på Vestborg. Den dyktige gjengen i Vestborg-laget arrangerte nok ein gong ei vellukka julemesse.

Kaker vart selde. Graut vart seld. Handarbeid vart seld. Lodd vart selde. Lars Kjetil Emblem haldt andakt. Stranda Soul Children song. KorHerleg song. Folk kom!
Akkurat sånn som det skal vere på ei Vestborg-julemesse!

Til saman kom det inn heile kr 208 000,- til skulen.

Tusen takk til alle som bidrog!!!

Kransekaker

Tombola-gevinstar

Vestborg i RM i volleyball

Fri, 12 Dec 2025 14:43:49 GMT

Volleyball har ein sterk posisjon på Vestborg og mange av elevane nyttar fritida si på å få betre dugleikar sine innan i idretten. Eit høgdepunkt er den årlege regionmeisterskapen for vgs.

Den 3. november stilte Vestborg med tre lag under meisterskapen.
Mix-laget kom på 2. plass, gutelaget på 3. plass og jentelaget på 4. plass i respektive klassar.

Simianne Bakke frå jentelaget var veldig nøgd med dagen i Ulsteinvik.

- Vi hadde det veldig gøy , og vi koste oss. Vi tenkte ikkje så masse på korleis vi gjorde det, men vi fokuserte heller på å ha det gøy og samarbeide godt som lag, noko som førte til at vi presterte betre - sidan vi ikkje følte på et press om å vinne.

På det øvste biletet finn du jentelaget, medan gutelaget og mix-gjengen er å sjå under.

Gutelaget

Mix-laget

Julemessa 2025

Thu, 06 Nov 2025 10:03:54 GMT

Den tradisjonsrike julemessa på Vestborg vert halden i gymsalen på Vestborg laurdag 22. november, og den dyktige gjengen i Vestborg-foreininga ynskjer alle velkomen til dette programmet:

10.30: Messa opnar

12.00: Stranda Soul Children

13.00-14.00: Sal av graut

14.00: Vi syng jula inn

16.00: Avslutningsmøtet, med trekning.

Andakt: Lars Kjetil Emblem

Song av KorHerleg

Det blir sal av smurde lefser, kransekaker, småkaker, flatbrød, gjærbakst, gåveartiklar og handarbeid.
I tillegg er det åresal og loddsal.

Alle er veldig velkomne!

Haustfest

Sat, 01 Nov 2025 18:01:37 GMT

Laurdag 1. november var det haustfest på tunet. Dagen byrja ikring kl 11med at kontaktlærarane har foreldresamtalar utover dagen.

Kjøkenet diska opp med enkel og god middag, før det var klassevise foreldresamlingar kl 15.45.

Høgdepunktet, sjølve haustfesten, byrjar kl 17 og salen var, som ein kan sjå på biletet, fullsett. I år var det vg3-elev Jorian Buist som stod for stødig og god leiing. Storparten av elevflokken var med på eit elevinnslag som fekk fram låtten i festlyden. Rektor Jon Ove Holen helsa og framheva elevane sin gode eigenskap med å vere gjestfrie, og forelder Ingeborg Lid Berget hadde kveldens andakt – om korleis vere eit ljos i verda.

Elles var det informasjon om årets russe- og misjonsprosjekt, videoinnslag og fellessongar.

Alt i alt ein solid og flott fest – der festlyden kosa seg med festmat og gode drøsar.

Bra trøkk på elevinnslaget!

Forelder Ingeborg Lid Berget - om korleis vere eit ljos i verda.

Møre Ålesund-besøk på Vestborg

Tue, 28 Oct 2025 17:44:42 GMT

Avgangselevane ved Møre Ålesund er på klassetur desse dagane. Dei har vore på bedriftsbesøk på Ekornes-fabrikken i Sykkylven, og i skrivande stund er dei på Vestborg. Gjengen skal også overnatte. Dei er ikring 50 elevar.

Kontaktlærar Anna Hagesveen let vel over å få vere på Vestborg.

- Vi har blitt veldig godt motteke, og opplegget er kjempefint. Akkurat no er det volleyballturnering i gymsalen. Det er spesielt artig at laga er ein miks av både elevane våre og Vestborg-elevar, så dette er bra, seier ho.

Utdanningsdag i Volda

Tue, 28 Oct 2025 17:11:58 GMT

Høgskulen i Volda inviterer kvar haust vg3-elevar til utdanningsdag. Elevane får høve til å bli kjend med utdanningstilboda som høgskulen gir til studentane sine.

Vestborg-elev Hanna Karoline Hals var nøgd med dagen.

- Dette tilbodet opna opp for å få meir kunnskap om kva tilbod ein har når ein skal velje studium. Eg såg nærare på grunnskulelærarutdanninga, og det var interessant å få meir innsikt i dette tilbodet, meiner Hanna Karoline.

- Eg har sett nærare på helse- og sosialfagtilbodet. Det var både informativt og interessant med tanke på utdanningsval, seier Johanna Torkildsen.

Johanna Torkildsen og Hanna Karoline Hals var nøgde med informasjonen til Høgskulen i Volda

Bibelgruppe-bølgje

Fri, 03 Oct 2025 12:01:09 GMT

På Vestborg vert bibelgruppesamlingane kalla «Bible Revival». I år er det stoort oppmøte på bibelgruppene.

Til saman er det 89 elevar med på ei bibelgruppe, noko som svarar til 94 % av elevgruppa vår.

I førre veke var det kick-off for alle i salongen – og der var det trongt!

Jonas vart nr 38 i VM!

Fri, 26 Sep 2025 18:42:42 GMT

Vestborg-lærar Jonas Hesthaug vart nr 38 av dei 198 deltakarane i VM i fjell-løp i dag.
Løypa i Canfranc i den spanske delen av Pyreneane var 45 km lang og gjekk over ca 3700 høgdemeter.
Jonas brukte 5.29.45 timar. Han blei fjerde beste nordmann etter å ha blitt slått med 7 sekund av den kjende løparen Sindre Buraas.

27-åringen var nøgd med gjennomføringa av VM-løpet.

- Eg ga det eg hadde, og eg er nøgd med løpet med den forma eg hadde i dag. Det kunne kanskje gått litt raskare dersom eg hadde hatt litt fleire høgdemetrar i beina den siste månaden, Dersom eg hadde fått til det, så kunne eg truleg ha følt meg freshare i dei sentrale delane av løypa. Men uansett så kjempa eg så godt eg kunne.

Jonas skal også ha kred for å tippe rett på sluttida si. I intervjuet med vestborg.no før løpet stipulerte han at han skulle springe på 5.30. Han bomma med 15 sekund!

Vestborg-lærar til VM!

Tue, 23 Sep 2025 15:38:55 GMT

Vestborg-lærar Jonas Hesthaug er utteken til VM i fjell-løp av det norske friidrettsforbundet, og han reiser i desse dagar til den spanske delen av Pyreneane. Der skal han fredag 26.9. i aksjon i ei løype på 45 kilometer som inneheld ein høgdeskilnad på 3700 meter. Han estimerer å bruke ikring 5 ½ time på fjellferda si.

- Kva ynskjer du å få ut av løpet?

- Fyrst og fremst er det veldig kjekt å bli teken ut til eit verdsmeisterskap. Eg har førebudd meg godt, og eg ynskjer aller mest å oppleve at eg klarar å yte mitt aller beste.

- Kva tenkjer du kan vere utfordrande?

- Det er alltid spennande om eg finn den rette opningsfarta. Elles skal vi springe opp i 2500 meters høgde, og eg er spent på korleis det påverkar kroppen. Men alt i alt gler eg meg mykje til fredag. Det blir ei heilt spesiell oppleving og eit minne for livet, seier VM-deltakar Jonas.

PS! Livesendinga kan du følgje her: https://www.youtube.com/live/vUSOJl1z5ZI?si=CWRfn7iTciuayw7F

Kvardagsglimt: Intervallar i regn

Tue, 23 Sep 2025 07:33:32 GMT

Regnet har bøtta ned på Stranda dei siste dagane.

På måndag hadde stud.spes-klassen i vg1 kroppsøving, og på planen stod det intervalltrening. Trass i vedvarande regn og våte klede, gjennomførte elevane ei skikkeleg god økt - utan å mukke. Ja, det var til og med fleire smil å sjå etter økta.

Vi har fått inn ein veldig flott vg1-gjeng, og også her imponerte dei med haldninga si!

Årets rekrutteringssesong er i gang

Fri, 19 Sep 2025 14:50:28 GMT

Kvar haust er Vestborg til stades på ulike utdanningsmesser, samt vitjar arrangement og ungdomsskular i regionen.

Sesongen fyrste messe var i år i Sykkylven, og som ein kan sjå på biletet, så sørgar Alma Tronstad, Kornelia Lillestøl og Daniel Lothe for god stemning for gjestane på standen.

Jubilanttreffet 2025

Fri, 19 Sep 2025 14:23:20 GMT

Heile 69 tidlegare elevar dukka opp på jubilanttreffdagen. Som ein kan sjå på bileta, kom det alt frå 60- til 10-årsjubilantar - og mimrefaktoren var høg.

I løpet av dagen vart det servert kaffi og sveler, middag med dessert og kaffi med kaker. Tradisjonen tru kom dei ulike kulla med helsingar under kaffiøkta – ofte følgd av artige episodar frå eiga elevtid.

Elles kan ein nemne at planlegginga til neste års treff er godt i gang.
Til dømes er datoen fastsett til laurdag 19. september.
Alle jubilantar er velkomne til Vestborg denne laurdagen i neste års september

Nedanfor kan du sjå kven av jubilantane som kom til Vestborg på årets treff:

60-års jubilantar: F. v.: Karl Bjørge, Vigdis T. Jensen, Aase Gerd Brandsvik, John Reidar Urkegjerde, Palma Langvatn Hide (personal), John Hide, Jan Bjørge.

50-års jubilantar: F.v: Herborg Eikebø, Tore Ørjasæter, Karin Kleven Breivik, Asbjørn Grindvik, Leid Inger Bakken, Turid Kjølås, Lars Arne Misund, Rita Åsmo Bakke-Hareide, Odd Arne Eidem, Aud Midtlid, Oddbjørn Overå, Marit Håvik Arvidsen, Ellinor Klokk, Sigrun Hole, Petra Heien, Liv Johanne Ekornes, Åsmund Larsen, Kjell Arild Sve, Ann Iren Pedersen, Solfrid Blindheim, Solveig Flø Nesset, Sissel Solem Ødegård, Magny B. Jørgensen.
50-års jubilantar: F.v.: Herborg Eikebø, Tore Ørjasæter, Karin Kleven Breivik, Asbjørn Grindvik, Leid Inger Bakken, Turid Kjølås, Lars Arne Misund, Rita Åsmo Bakke-Hareide, Odd Arne Eidem, Aud Midtlid, Oddbjørn Overå, Marit Håvik Arvidsen, Magny B. Jørgensen, Ellinor Klokk, Sigrun Hole, Petra Heien, Liv Johanne Ekornes, Åsmund Larsen, Kjell Arild Sve, Ann Iren Pedersen, Solfrid Blindheim, Solveig Flø Nesset, Sissel Solem Ødegård, Aase Norun Sunde.

40-års jubilantar: F.v: Tore Myklebust, Møyfrid Torvik Røkkum, Svein Kåre Ulvund.

30-års jubilantar: F.v: Geir Magne Engås, Cecilie Pedersen.

20-års jubilantar: F.v: Oddgeir Peder Frøysa, Sigve Synnes, Torbjørn Sandbakk, Alf-Henning Drage, Hans Jakob Hunnes, David Haaland.

1 0-års jubilantar: Framme f.v: Ole Johannes Lindseth, Rebecca Meier, Gunnhild Bogstad Orset, Astrid Brakstad, Ida Oline Rønneberg, Håvard Klungre. Bak f.v.: Lars Johan Stokken (lærar), Lovise Luckenbach, Rasmus Joakim Nygård, Erlend Sæther, Sigmund Stokken, Andreas Elvsaas Ringstad, Odd Viktor Ulstein, Filip Mareno Tornes, David Mulelid, Reidun Pauline Grønbeck, Mathea Godø Hildre, Sylvi-Anne Mørch.

Småsøsken-helg på tunet

Thu, 18 Sep 2025 14:33:33 GMT

I helga, 19.-21. september, inviterer skulen yngre søsken av noverande elevar til tunet. Det er andre gong skulen har dette tilbodet. Skulen jobbar stadig for å gjere konseptet internatskulen Vestborg vgs meir kjend, og dette arrangementet er eit ledd i dette arbeidet.

Programmet er lagt til laurdag, men det er mogleg for yngre søsken å kome og vere heile helga.
Lærar Torstein Habostad og elevar frå vg1 har ansvar for dagen - og dei inviterer søsken frå 5 år til og med 10. klasse til arrangementet.

Det er vel også på sin plass å nemne at tilbodet er gratis. ��

Ein kan også opplyse om at det framleis er mogleg å melde seg på gjennom å sende ein mail til thabostad2@vestborg.no

Programmet kan du sjå her:

LAURDAG

10:00 - 10:30  

Frokost 

11:00 - 12:00  

Hinderløype  (For 5 år tom 4. klasse)

Hinderløype og kanonball  (For 5.-10. klasse)

12:30 – 14:00  

Uteaktivitet, leik  (For 5 år tom 4. klasse)

Volleyballturnering (For 5.-10. klasse)

15:00 – 15:30  

Middag m. andakt

16:00 – 16:45  

Inneaktivitetar: Teikne, hobbyverkstad og spel

17:00 – 18:30  

Film 

19:30  

Kveldsmat 

20:30  

Leggetid  (For 5 år tom 4. klasse)

Elevkveld (Grab the mic)  (For 5.-10. klasse)

22:30  

Leggetid  (For 5.-10. klasse)

Fullt hus og god stemning

Thu, 11 Sep 2025 12:11:59 GMT

vestborg.no har teke ein prat med rektor Jon Ove Holen

- Vi er veldig godt nøgde med elevtalet vårt. Det er så å seie fullt på skulen, og vi har 94 elevar.

- Korleis har dei fyrste vekene vore?

- Vi er alltid spente på å ta i mot nye vg1-elevar, men rapportane frå kontaktlærarane er at elevane er både engasjerte og veldig positive. Det lovar godt for dei komande skuleåra. Elles har alle tre trinna vore på samanristingsturar, og eg har berre fått gode tilbakemeldingar frå dei turane. Som eg så ofte har sagt før, så gjer personalet på Vestborg ein veldig god jobb, og det gjeld også for å legge til rette for ein god start på skuleåret.

- Kva blir viktig for Vestborg dette skuleåret?

- Det aller viktigaste dette året, som alle andre år, er å drive ein god skule. Vestborg har i fleire år hatt svært godt trivsel blant elevane, og vi skal halde fram med å gi elevane gode verktøy til å skape eit godt miljø. Det er også heilt avgjerande for god læring og gode resultat på skulen. Det kristne arbeidet er også svært viktig for oss. Vi ynskjer at morgonsamlingar, møter og bibelgrupper skal vere relevante for elevane. Til no i skuleåret har det vore svært mange elevar på onsdagsmøta og over 80 har meldt seg på bibelgruppe.

- Trass i så å seie fullt hus, er det rom for å ta inn nye elevar?

- I vg1 er det helt fullt og venteliste. Det gjeld også vg2 idrett. I vg2 studiespesialisering og vg3 kan vi ta inn fleire. Men dersom ein skal bu på internatet, bør det helst vere jenter, sidan guteinternata er heilt fulle. Så dersom det er ei jente eller to som søkjer plass i vg3 - i stud. spes eller idrett - eller på stud. spes vg2, kan vi nok finne plass.

Samanristingsturar

Fri, 05 Sep 2025 13:31:51 GMT

Vg3 var på Kaldhussæter, vg2 var på Fjellsetra og vg1 var på Orreneset.

Føremålet med turane var å byggje fellesskap innan klassetrinna i byrjinga av året.

På Orreneset hadde vg1 fyrst Bonhoeffer-vandring to og to. Kort fortald dreier deg seg å samtale om spørsmål som «Korleis er ein perfekt fridag for deg?».

I løpet av måndag og tysdag var det fritid med kanopadling og volleyballaktiviteten «Smash» - og pølsegrilling. Måndag kveld var det tid for leiken «Snik» i mørkeret. Her dreier det seg om å snike seg fram til eit mål utan å bli lyst på av læraren si lommelykt.

Undervisninga handla om korleis ein kan bidra til å skape god trivsel, samt ha livsmeistring.

Heftet «Velkommen til vår skole», som låg på alle sine rom ved skulestart, vart eit hovudtema. Det vart sett fokus på nøklane «Helse med namn», «Ros med grunngjeving», «Det er lov å gjere feil» og «Lytt til andre med oppriktig interesse». Som ei avslutning laga elevane eit skodespel om kvart av punkta.

Elles hadde ein opplæring i og øving i aktiv lytting – å vise samtalepartnaren din at du er der han eller ho er.

Ein starta også SAMM-undervisninga, «Systematisk arbeid med motivasjon, medvirkning og mestring». Det handlar om å få hjelp til å sjå kva ein er god på, kva som er viktig for ein, samt vite kva ein kan gjere når ein står ovanfor ein vanske. I fyrste rekke handlar det om å dele opp vansken i mindre bitar, samt vurdere om ein skal spørje andre om hjelp.

Det var også rom for å skrive gode ord til kvarandre på ein papptallerken.

Vi leiarar opplevde elevane engasjerte i høve til så viktige tema. Dette lovar bra for åra som kjem, både sosialt og fagleg.

Ivrige elevar under ei av øvingane

Det var sju artige dramainnslag med utgangspunkt i dei sju nøklane for å skape trivsel, henta frå heftet "Velkommen til vår skole"

I ein pause drog vg1-elevane sjølve i gong leiken "Mafia" på eige initiativ

Undervisning om aktiv lytting

Skuleval på Vestborg

Fri, 05 Sep 2025 11:24:33 GMT

Torsdag i førre veke var det valdebatt og valtorg i gymsalen på Vestborg. Måndag denne veka vart skulevalet halde for Vestborg.
KrFU har mange aktive unge politikarar på tunet, så det kan ha påverka det gode valet gjorde KrF gjorde under skulevalet.

På biletet ser ein vg1-elev Adelia Svensvik Andreassen røyste, medan sosiologi-elevane og valfunksjonærane Ingvill Sørli, Simianne Bakke og Sunniva Fjørtoft sjekkar at alt går rett føre seg.

Her er resultata:

Skuleåret 2025-26 er i gang!

Sat, 16 Aug 2025 20:19:04 GMT

Elevane strøymde på frå klokka 10.30 – og var spente på kva rom dei fekk.
Mellom klokka 14 og 15 var det fleksi-middag, før det var klassevise samlingar for elevar og føresette kl 15.30.
Nytt av året var at det var foreldresamling. Det var eit tilbod for foreldre der dei kan bli betre kjende med einannan.

Klokka 18 var det fest der vg2- og vg3-elevar ynskte dei nye elevane velkomne med å synge «Å, det er langt å gå» av Klovner i kamp. Ein song som syner mykje av det ein ynskjer for elevane, at dei skal «ta en bit av gangen» og finne fellesskap og gå saman med andre.

Rektor Jon Ove Holen hadde ei helsing der han oppmoda foreldre og elevar til å lese grundig «Velkommen til vår skole» - eit hefte som låg på alle rom og som gjev elevane nøklar til å auke eigen og andre sin trivsel.
Forelder og prest Tarjei Løvik hadde andakt om kor viktig det var med gode rutinar – også i kristenlivet.

Vg3-elevar og misjonsprosjektleiarane Johanna Thorkildsen og Andreas Haram presenterte årets misjonsprosjekt, som er lokalisert til Japan.
Dei ulike lovsongsgruppene leia oss i fellessong.
Til slutt var det god mat, tilrettelagd av kjøkkenpersonalet til kjøkkenleiar Dana Rudusa, og mykje god prat rundt borda.

Det vart rett og slett ein festdag!

Helsing frå rektor Jon Ove Holen

Avslutningsfest 2025

Mon, 16 Jun 2025 12:57:36 GMT

I løpet av festen fekk festlyden oppleve takksame ord frå foreldreparet Anne Marit og Jostein Hals til personalet. På vegne av foreldra kom dei med ei helsing etter og hatt gleda over og hatt døtrene sine på skulen gjennom seks år.

Regionleiar Steffen Stensland hadde andakt, og rektor Jon Ove Holen kom med ei helsing.

Vg1-elevane takka vg3-elevane for måten dei har vore førebilete som eldste klasse på skulen. Dette vart gjort gjennom gode ord, men dei stilte seg også opp og song «Velsignet være alle dine dager.» Rørande!

Prosjektleiarane Hanna Aasbø og Andreas Lothe kunne informere om at russen hadde samla inn ikring 570 000,- kroner til misjonsprosjektet i Indonesia. Imponerande!

Etter ei hugtakande matykt, lagt til rette av kjøkensjef Dana &co, var det fotografering og avskjed på plenen. Det var ikkje få tårer som rann – i takksemd for gode venskap og den gode tida i lag på Vestborg.

Vg1 velsignar vg3-elevane på veg ut i livet frå Vestborg

Rektor Jon Ove Holen får blomar frå foreldra.

Regionleiar Steffen Stensland held andakt og takkar for gåva frå russen på 570 000 kroner.

Her er det fullt! :-)

Jubilanttreff 13. september 2025

rektor@vestborg.no (Jon Ove Holen) — Wed, 11 Jun 2025 16:16:04 GMT

Laurdag 13. september er det jubilanttreff på tunet. Elevar som vart uteksaminerte på Vestborg for 10, 20, 30, 40, 50 og 60 år sidan er velkomne.

På programmet står kullsamlingar, fotografering, festmiddag og deretter kaffi og kaker. Det blir også andakt og framsyning av filmopptak frå gamle Vestborg-dagar.

Er du i eit av jubilant-kulla, ta gjerne kontakt med gamle klassekameratar og bli samde om ein mimredag i lag på Vestborg!

Les meir om jubilanttreffet og meld deg på her.

Velkomne!!

Dugnad på Vestborg

Thu, 05 Jun 2025 17:40:04 GMT

Vaktmeister Trygve Habostad oppmodar alle som er glad i skulen til å kome på dugnad 21. juni.

- Vi tilbyr kjekke og varierte arbeidsoppgåver, fellesskap og varm lunsj. Det hadde vore ekstra kjekt om eit Vestborg-kull eller to hadde bestemt seg for å ha ein reunion under dugnaden, seier han.

Dugnaden er frå klokka 10.00 til 15.00.
Send gjerne Trygve ei melding på 91597399 dersom du kjem

Kvardagsglimt: Elev Adrian jobbar på kjøkenet

Thu, 05 Jun 2025 17:33:51 GMT

Adrian Svindseth Pettersen frå Ramstaddalen i Sykkylven er ein av dei som er tilsett som kjøkenhjelp.

- Vi hjelper til med å rydde etter middag, samt å ha ansvar for kveldsmat ein til to dagar i veka, fortel Adrian

- Korleis er det å ha denne jobben?

- Det er veldig praktisk at ein slepp å gå langt for å kome på jobb, og så er det ein fin måte å tene pengar på. Dessutan har vi som har dette som jobb eit veldig godt fellesskap, seier han nøgd

Kjøkensjef Dana Rudusa er veldig nøgd med hjelpa ho får av ungdomane.

- Denne ordninga med elevar som trør til er til veldig god hjelp for oss faste tilsette. Elevane gjer ein veldig bra jobb og er ein fantastisk gjeng! slår Dana fast.

Vestborg i mai, biletserie 2

Thu, 22 May 2025 09:03:33 GMT

Vestborg blir ekstra flott i mai – i dei friske fargane som månaden har å by på.
Her kjem nokre bilete, tekne både i fjor og i år, som skildrar skulen vår frå ulike vinklar.

Vestborg i mai

Thu, 22 May 2025 08:51:34 GMT

Vestborg blir ekstra flott i mai – i dei friske fargane som månaden har å by på.
Her kjem nokre bilete, tekne både i fjor og i år, som skildrar skulen vår frå ulike vinklar.

Eksamenstid

Tue, 20 May 2025 21:04:59 GMT

Førre måndag byrja rekka med eksamenar for Vestborg-elevar. Siste eksamensdag på skulen er i morgon, onsdag.

Fredag 16. mai var alle vg3-elevane opp i norsk hovudmål, og som du kan sjå på biletet var kjøkkensjef Dana på oppmuntringstur med kakao midt under økta.

"Skule-på-hjul" for vg1

Thu, 15 May 2025 10:14:36 GMT

«Skule-på-hjul» er eit konsept som Vestborg årleg har for vg1 elevar.

I år fekk elevane flytta klasserommet til Misjonssalen i Ålesund. Der fekk vi innføring av regionleiar Steffen Stensland om Misjonsambandet sitt arbeid. Steffen forklarte kvifor ein skal drive misjon, samt korleis Misjonssambandet forvaltar dette ansvaret regionalt, nasjonalt og globalt. Dermed fekk elevane eit godt innblikk i kva rolle Vestborg har i det store biletet. Elevane fekk oppleve «learing by doing» ved at dei sjølve skulle presentere eit NLM-prosjekt for dei andre – henta frå Prosjektkatalogen. Steffen hadde lagt opp til eit godt opplegg for å vise kva Misjonssambandet er.

Deretter fekk vi møte Ålesund kommune i bystyresalen. Der fekk vi god og interessant informasjon frå Anette Weibust Petersen og Karina Sundby om kommunen sine oppgåver, kva type utdanning ein treng for å jobbe i kommunen og kva for tilbod kommunen har til unge – og kva ein gjer for å hjelpe ungdomar med å unngå at dei hamnar i utanforskap.

Etter litt fritid i Ålesund, vart det tur til Brusdalsheimen. Der fekk vi god mat, og vi hadde teambuildingsaktivitetar og konkurransar om kvelden.

Neste dag var det byvandring med oppgåver, samt vitjing av Waldehuset. Huset blir kalla mirakelhuset etter brannen i Ålesund i 1904. Årsaka er at bebuar Anders Nord hadde fått vitjing av ein engel. Engelen sa at huset skulle bli spart dersom han blei verande i huset under brannen. Han så gjorde, huset blei spart, men alle nabohusa brann ned.

Det å ha både fagleg undervisning og det å vere på overnattingstur i lag er ein veldig god kombinasjon. Elevane såg ut til å storkose seg!

Steffen Stensland informerer om Misjonssambandet

Full innsats under ein aktivitet i Misjonssalen

Kommunikasjonsrådgjevar Anette Weibust Petersen orienterar om Ålesund kommune i bystyresalen

Ungdomsleiar Simon Morris har drege i gang sin årlege "Skule-på-hjul"-aktivitet: Sjokomjølk-testen

Brettspel engasjerte

Informasjonen i mirakelhuset Walde-huset gjorde inntrykk

- Heilt nydeleg i Roma!

Thu, 15 May 2025 08:59:14 GMT

Vg2-elevane og syskenborna Aksel August Langtind (frå Oslo) og Anders Steinshamn (frå Ålesund) er strålande nøgde med turen!

- Vi hadde ein heilt nydeleg tur. Spesielt kjekt var det å bli betre kjende med kvarandre sjølv om vi kjenner kvarandre godt frå før. Ja, for same kor godt ein kjenner nokon, så lærer ein noko nytt når ein er på tur i lag. Banda mellom oss i klassen vart endå sterkare knytt saman, seier dei.

- Kva har de lært?

Vi har fått ei utvida forståing over kva kristendomen kan vere. Mellom anna har vi lært meir om katolisisme, til dømes gjennom kyrkjebesøk, som er veldig annleis enn vi er vandt med frå Noreg. Vi har også besøkt synagoge. Der fekk vi også guida tur i museum korleis jødane hadde det i Italia under 2. verdskrigen. Ja, alt i alt så har vi blitt kjende med andre kulturar, og vi har måtta lært å tilpasse oss. Roma-turen blei ei kultur- og læringsreise for oss, seier Aksel.

Dei fortel også at dei to fekk ei heilt spesiell oppleving saman med ein slektning av dei.

- Vi har ein fjern slektning som er jesuitt og katolikk. Han jobbar i arkivet til jesuittane som ligg like ved Vatikanet. Slektningen viste oss til dømes originale nøkkelskrifter til jesuittane. Dette var med på gje oss innsikt at det finnast ulike syn i kristendomen, seier Anders.

Dei set stor pris på at Vestborg legg til rette for ein tur til Roma for vg2.

- Dette er veldig bra! Vi har gledd oss lenge, vi har fått styrkt fellesskapet og vi har lært mykje. Her var det mykje «learning by doing», slår Anders fast.

Tekjøkkenpraten: Johannes Garcia de Presno

Fri, 14 Feb 2025 09:03:55 GMT

- Vestborg har hjelpt meg å flytte fokus frå meg sjølv til å høyre om andre har det bra.

Det seier vg3-elev Johannes Garcia de Presno som byrja på Vestborg fyrst som vg2-elev, men har blitt veldig glad i skulen i løpet av 1 ½ år.

Han kjem rett frå ein topptur på ski til tekjøkkenprat.

- Sidan eg hadde nokre fritimar, rakk eg, saman med klassekamerat Andreas Lothe, ein 5-timars topptur no før det blei mørkt, seier Johannes og set seg til rette på tekjøkkenet på Drege.

- Korleis er det å vere elev på Vestborg?

- Det å ha sine beste vener på naboromma og vere saman med dei både på skulen og i fritida, ja – det gjer at det er veldig gøy på Vestborg. Dermed blir opplevinga å vere elev mykje betre enn å vere elev ved ein vanleg vgs.

Under praten vår, kom vi inn på ulike tema:

SKULE

- Skuledagen på Vestborg er på fleire måtar lik andre skular eg har gått på, men nærleiken til vener gjer at eg opplever skuledagen annleis enn på andre skular. Dermed blir eg meir komfortabel i timane, det blir mindre stress og eg kan ha meir fokus på det faglege. Internatlivet opnar også opp for å jobbe saman med klassekameratar på ettermiddagstid på ein annan måte en eksternatskular. No har vi nettopp hatt kontaktlærarsamtale. Eg har Geir Myksvoll Lande som kontaktlærar. Han legg merke til kva som blir sagt mellom linjene, og eg opplever meg sett og høyrt.

DET SOSIALE

- Å gå på Vestborg gjer at ein blir veldig godt kjend med folk sidan vi bur i lag. Det har gjort at eg har lært å ta meir omsyn til andre og vere til stades for andre. Tidlegare var eg oppteken av korleis eg oppførde meg og korleis andre tolka meg, men det fokuset har no blitt flytta. No har det blitt viktig for meg å sjå andre og høyre om andre har det bra. Eg prøvar å gjere dagen bra for andre – og ikkje berre for meg sjølv. På Vestborg er det ikkje berre eg som tenkjer sånn, men vi er fleire – og vi er eit lag. Alle må bidra for at laget skal gjere det bra. Kvardagane er fylt med latter. Ja, Vestborg er det beste miljøet eg har opplevd. I tillegg slepp vi å ta buss til og frå skulen. Det gjer at vi får mykje meir tid til å halde på med aktivitetar, slappe av eller gjere skulearbeid. Eg vil også nemne fasilitetane på og rundt skulen. Fjellet, skitrekket, buldrehallen, treningsrommet vårt og volleyball-miljøet vårt aukar aktiviteten og gjer noko med fellesskapen på Vestborg. Dette er viktige faktorar for kvardagane mine og som er med på gjere livet på Vestborg komplett.

DET ANDELEGE

- Eg har vakse opp i ein kristen familie og har vore kristen frå barndomen av, men det var fyrst på Vestborg eg forstod alvoret i den kristne bodskapen. Her på Vestborg har møta betydd mykje, men også dei viktige samtalane med kristne vener. Spesielt var Peter Eide, russ i fjor, viktig for meg. Han – og fleire på Drege-internatet – har støtta meg og hatt trua på meg. Gjennom desse erfaringane forstod eg kor viktig Bibelen er for den kristne trua – og gjennom å lese dagleg i Bibelen forstår eg meir og meir. Det gjer meg inspirert til å dele trua mi med andre og vere til støtte for andre, til dømes i kvardagen og gjennom å vere bibelgruppe-leiar.

ULIKE HØGDEPUNKT

- Alle toppturane saman med venene mine. Turen til Roma i vg2. Det å få delta i NM i volleyball med Vestborg to år på rad. Sommar, sol, vassmelon og sandvolleyball. Det at heile skulen skal jobbe som funksjonærar under VM på ski i Trondheim blir truleg eit høgdepunkt. Men det største høgdepunktet er å få skape gode kvardagar sjølv, saman med venene sine. Ja, eg kjenner eg er sterkt knytt til folka her. Det blir tøft å ta farvel med dei i juni.

KVA VESTBORG HAR BETYDD

- Det er vanskeleg å starte, for Vestborg har betydd veldig mykje for meg på mange områder. Eg har fått fleire vener, og eg har fått oppleve nærleik med dei på eit djupare nivå enn eg har opplevd tidlegare. Vestborg har betydd mykje for treningslivet mitt. Alle fasilitetane på og rundt skulen gjer at ting ligg til rette for fysisk aktivitet. Skulen har også vore viktig for meg gjennom det andelege aspektet. Gud har gitt meg nye eigenskapar og hjelpt meg til å forbetre dei gamle. Til dømes har eg fått meir tolmod og ein annan moral. Eg opplever at eg har fått vere i ei heilaggjering. Dessutan ser eg meir positivt på livet og ting har falle til ro fordi eg kan legge ting i Guds hender.

En bedre historie- foredrag med Alexis Lundh

astenberg@vestborg.no (Åshild Stenberg) — Mon, 20 Jan 2025 13:53:29 GMT

En bedre historie- om identitet, kropp, kjønn og seksualitet

I dag var dei to timane etter lunsj sett av til eit fellesseminar for heile skulen med Alexis Lundh. Han jobbar i Tro og Medier og er leiar for HeltFri.net.

Alexis snakka om identitet og at den ligg forankra i vår verdi som menneske, uavhengig av popularitet, "likes", prestasjonar etc. Han fortalte historier frå møter med ulike mennesker for å knytte tema til levd liv.

Unge usikre mennesker som opplever kjønnskriser trenger trygge vaksne som står saman med dei over tid. Eit grunnleggande menneskeleg behov er å bli elska, og dette bør vere vårt hovudfokus i møte med alle slags mennesker som tenker annleis om kjønn og seksualitet enn oss sjølve.

Det å lytte til og anerkjenne at folk har det vanskelig er måten vi kan vise respekt på i møte med vanskelige spørsmål og samtalar knytt til tema, seier Lundh.

Alexis løfta også fram kva for styrker som bur i mannen og kvinna, og som er ulike frå kvarandre, nettopp fordi vi er meint for å utfylle kvarandre. Ekteskapet og pakta mellom mannen og kvinna er eit bilete på bruda og brudgomen, Jesus og kirka.

I kveld blir det arrangert eit møte med Alexis på skulen der han skal svare på mange av dei anonyme spørsmåla som elevane har sendt inn i forkant.

Kick-off er i gang!

Fri, 17 Jan 2025 21:51:10 GMT

Kick-off er Vestborg si bli-kjend-helg. Til saman vert det denne helga samla 51 ungdomar som vurderer å byrje på Vestborg til hausten.

Det er eit tal rektor Jon Ove Holen er godt nøgd med.

- Det er litt færre enn i fjor, men meir enn føregåande år, så vi er veldig godt nøgde med oppmøtet, seier Holen.

Dei fyrste programpostane er i gang, og gjestene våre har allereie vist stort engasjement under bli-kjend-aktivitetar i gymsalen. Det er kjekt å få besøk av ein gjeng som er så positivt innstilt på å få ei bra helg!

Vestborg – landets beste vgs-skule!

Thu, 16 Jan 2025 11:48:21 GMT

Legg ein tala nedanfor til grunn, ser ein at Vestborg er den beste vgs-skulen i landet.
Vestborg har eit gjennomsnitt på 4.51. Skulen som ligg på 2. plass har til samanlikning 4.43 i gjennomsnitt.

Kvart år gjennomfører Utdanningsdirektoratet ei elevundersøkjing på alle grunn- og vgs-skular i landet. Undersøkjinga er obligatorisk å gjennomføre på vidaregåande for vg1.

Vestborg er så heldige at vi har fått tilsendt ei talknusing av elevresultata frå ein organisasjon som samanstillar resultata. Dei som har knusa tala har berre teke tak i vg1-resultata, sidan det er berre vg1 som undersøkjinga er obligatorisk for.

Av dei om lag 400 vgs-skulane i landet, så har Vestborg fått desse plasseringane i dei 10 ulike kategoriane:

Når ein legg saman og lagar gjennomsnitt av desse tala, så er Vestborg best i landet!
Vestborg har altså 4,51 i snitt!

Rektor Jon Ove Holen forklarar dei gode resultata på denne måten.

- Eg trur bakgrunnen for dette fantastiske resultatet er samansett. Vi er ein kristen skule med verdiar som er grunnmuren i det daglege arbeidet. Vi er ein liten skule. Det gjer at elevar og personalet lettare kan sjå kvarandre. Vi er ein internatskule. Det gjer at elevane våre blir kjende med kvarandres svake og sterke sider – og dermed kan bli trygge på kvarandre – også etter skuletid. Dessutan har vi eit personalet som jobbar veldig godt i lag og som utfyller kvarandre. Personalet jobbar også aktivt med at elevane skal få verktøy til å ta gode relasjonelle val for å skape trivsel sjølve. Vi har ei elevgruppe som er veldig gode på å skape trivsel og trygge rammer rundt seg. Dette er også med å bygge den gode læringskulturen som Elevundersøkjinga viser at vi har, seier rektor Holen.

Resultata frå undersøkjinga finn du her:

Drøftekurs med Pernille Fiskerstrand

Tue, 07 Jan 2025 18:46:18 GMT

Drøfting er ein viktig del av mange av faga på vidaregåande. Elevane vert ofte utfordra på skrive drøftande tekstar. Under seminaret med Pernille Fiskerstrand fekk elevane innføring korleis dei kunne skrive desse tekstane. Kort fortald handlar det ikkje berre om å sjå fordelar og ulemper med ei sak, men også gruppere argumenta når ein skriv den drøftande teksten. Det var også viktig å bruke motsetnadstekstbindande uttrykk som «samstundes», «likevel» og «på den andre sida».

Etter at seminaret med elevane hadde Pernille også ei økt med pedagogane. Der gav ho gode tips korleis ein som lærar kunne hjelpe elevane å lage gode drøftande tekstar.

Pernille kom med gode innspel korleis både elevar og lærarar kan utvikle seg vidare i rollene sine – og dermed ta eit nytt steg vidare i å utvikle seg sjølve.

Juleveka på Vestborg

astenberg@vestborg.no (Åshild Stenberg) — Sat, 21 Dec 2024 08:35:10 GMT

Vestborg har tatt juleferie og her kjem nokre bileter frå avslutningsveka vår

Vg3 kroppsøving viste fram dansekoreografiane dei hadde jobba med den siste månaden for resten av klassa og eit eminent dommarpanel.

Elevane har vaska internata og fellesareal på skulen så det vart reint og fint til juleferien.

Vi har hatt ein flott julefest med mange fine, kreative og morosame innslag. Vg2-elevane stod for pynting, organisering og leiing. Kjøkkenet laga deilig julemiddag til oss som alltid. Kvelden vart avslutta med song og juletregang.

Vi har hatt klassevise avslutningar der nokon var inviterte heim til kontaktlærar på frukost og andre spelte blant anna volleyballong.

Vi har hatt kanonballturnering og elevlaget som vann turneringa fekk spele mot personallaget (som dessverre vart utspelt av den yngre garde..)

Turneringa vart avslutta med felles varmlunsj til både elevar og personalet før alle starta på reisa heim til juleferie.

Vi ser tilbake på eit flott haustsemester saman og ser fram mot ein spennande vår.

Med ønske om ei velsigna julehøgtid for alle!

F.v: Vg3, Vg2, Vg1

Russen samla inn over 100 000kr på ein kveld!

astenberg@vestborg.no (Åshild Stenberg) — Tue, 17 Dec 2024 09:39:43 GMT

Tysdag forrige veke arrangerte Vestborgrussen Indonesiakveld og samla inn over 100 000kr til inntekt for årets misjonsprosjektland!

Her er Andreas Frantzen Lothe sitt referat frå kvelden. Han er prosjektleiaransvarleg for misjonsprosjektet saman med Hanna Aasbø.

"Vi opna spleisen etter morgensamling og fekk folk til å dele lenka i sosiale medium til familie og vener. Allerede før innsamlingskvelden hadde vi samla inn nesten 40 000 kr. Møtesalen var rigga med kafébord, og kiosken var open heile kvelden.

Programmet starta med at vi presenterte prosjekta vi har besøkt i Medan og fortalte om arbeidet der. Deretter byrja vi med delmåla:

På 10 000 kr auksjonerte vi bort paintballskyting med Ingvar, som Markus vant for 1 500 kr.
På 20 000 kr auksjonerte vi varer frå Indonesia, som lokalt godteri, drikkevarer, ein fotballdrakt (7000 kr), steinar og myntar. Totalt fekk vi over 20 000 kr på auksjonen.
Undervegs hadde vi utfordringar: Jovna måtte ta ein «self-tan», Isak og Tuva retta håret, og ein gjeng måtte ete chili med 1,5 million scoville.

Hovudmålet var 75 000 kr, med premie om at russen skulle arrangere skuleball. Vi sette også eit bonusmål på 100 000 kr, der VG3-gutane måtte ta avføringsmiddel – noko dei no må gjere!

Kvelden gjekk over alle forventningar, og vi er utruleg nøgde med innsatsen frå resten av skulen for å samle inn pengar".

Totalt fekk Vestborgrussen inn over 110 000kr som går til misjonsarbeidet i Indonesia, fantastisk!

Onsdagsmøte på Vestborg

astenberg@vestborg.no (Åshild Stenberg) — Mon, 09 Dec 2024 10:55:31 GMT

Onsdagsmøte på Vestborg

Denne artikkelen er henta frå misjonssambandets sider.

Skrevet av Torstein Habostad

For Region nordvest

Stadig flere velger å gå på Vestborg, en videregående skole drevet av Misjonssambandet. Skolen ligger i skibygda Stranda.

Vestborg har mange tilbud utenom skoletida. Ett av tilbudene kaller vi for «onsdagsmøter». Skolen er en kristen skole, men alt som skjer er åpent for alle. Det er gledelig at trivselen og tryggheten i fellesskapet på Vestborg er slik at det nå også kommer stadig flere på «onsdagsmøtene».

Noen ganger er møtene enkle i formen. Vi har et åpningsord, synger til musikkvideo og hører en andakt. Noen sitter under sangen. Noen står. Og så blir det gjerne gitt mulighet til forbønn. Andre ganger har vi fullt band med instrumentkyndige og formidlingsdyktige elever.

Betyr mye

Vi har også møte-serier som går over flere dager med gjester som forkynner til oss. Flere ganger i året har vi delekvelder, der elevene selv får holde vitnesbyrd.

Vi vet at mange bruker tilbudet om å gå på kristent møte på skolen, og vi vet at det betyr mye for mange. Stort sett kommer det også folk som ikke hører til skolen for å høre.

Her kan du være deg selv og vokse som menneske, utfordre komfortsonen og få venner.

To elever

– Hva slags betydning har det at skolen og møtene på Vestborg er åpne for alle?

– Jeg tenker at når møtene er åpne for alle, viser deti praksis verdiene vi har på skolen. Da tenker jeg mest på at vi vil være inkluderende både i timene og i fritida. Møtene gir oss mulighet til å bli tryggere på hverandre og i troen. Det er veldig kjekt at skolen legger til rette for at dette skal fungere bra.

Alle mennesker er ulike, og ulikhet gjør det lettere å utvikle seg. Du kan være skråsikker eller være tvilende. Vi har opplevd at folk har gått fra det å ikke tro til å være den som løfter hendene sine høyt under lovsang. Det tenker jeg på som noe veldig godt, sier Elena Kandal, elev i VG3.

– Hva slags betydning har bibel, bønn og lovsang for deg i ditt liv?

– Dette er noen av grunnvollene for mitt liv. Når vi studerer Guds ord, blir vi sterkere i troen. Det gjelder den enkelte troende, men også hele fellesskapet blir styrket når vi deler det samme grunnlaget.

Bønn er kontakt med Gud. Vi ber sammen, og blir oppfordret til å gjøre det alene også.

Jeg er glad jeg har mulighet til å gå på møter ettersom jeg er vant til det fra før. Jeg ser på det som en investering for framtida.

Lovsang er tilbedelse. Da setter vi vår lit til Jesus sammen, og det er fint, sier Jovna Olai Krutvik, elev i VG 3.

Hosea

– Hva har vært ekstra interessant å høre om denne høsten?

– Vi tenker på historien om profeten Hosea. Han valgte å utsette seg selv for kjærlighetssorg, og det ble veldig sterkt vitnesbyrd for oss i våre hverdager. Hosea er et bilde på at Gud elsker oss selv om vi svikter. I 1 Kor 13 står det at kjærligheten overvinner og utholder alt, svarer Kandal og Krutvik.

Elena Kandal Jovna Olai Krutvik

Adventstid på Vestborg

astenberg@vestborg.no (Åshild Stenberg) — Thu, 05 Dec 2024 10:28:21 GMT

Det er desember og julestemning på Vestborg

Tradisjon tru arrangerte miljøteamet juleverkstad kvelden før 1.desember. Då laga elevane julepynt og pynta matsalen og Slogen. Når november bikka over til desember var det juletregang og lystenning utanfor Slogen. Søndag morgon var det nok ein tradisjonell happening: Elevane vart vekt kl 07 og mange stod opp for å få med seg julefilm og julekos i russekiosken.

På Vestborg har miljøteamet laga adventskalender til elevane. På slutten av kvar morgonsamling blir dagens luke opna og der kan det dukke opp mykje forskjellig. Det kan til dømes vere eit bibelvers eller ein liten sjokoladebit til alle elevane før dei går ut døra til neste time, eller gløgg servert av kjøkkenet.

Vidare utover i desember skal det både vere pepperkakehuskonkurranse, julefest for elevar og personale og juleturnering før vi alle tek ein lang og god juleferie.

Julemessa 2024

astenberg@vestborg.no (Åshild Stenberg) — Tue, 26 Nov 2024 11:12:16 GMT

Nok ei vellukka julemesse på Vestborg

Laurdag 23.november vart årets julemesse arrangert på Vestborg. Mange fann fram til gymsalen på Vestborg trass det voldsomme snøkavet på formiddagen. Dagen var fylt med mykje kjekt innhald. Kor Nøye, Vestborgelevar, Awana og Allsongkoret gav salen mykje fin song. Gjennom dagen var det åresal, bingo, tombola, sal av handarbeid, julebakst og mykje meir rundt om i gymsalen.

Det var heller ingen grunn til å gå svoltne gjennom dagen, for kafèen bugna av kaker, påsmurte rundstykker, vårrullar og anna godt. Det var også sal av rømmegraut midt på dagen.

Vestborg-foreninga, som arrangerer den årlege julemessa, var godt fornøgde etter dagen og takkar for alle som møtte opp og gjorde dagen til ein festdag.

Årets resultat vart på om lag 170 000kr på sjølve messedagen. Det som er kome inn i forkant og i etterkant er ikkje medrekna.

Spennande innsamlingsaksjon for VM-Vestborg

Fri, 22 Nov 2024 19:36:19 GMT

Styret til Vestborg har sagt seg viljuge til å garantere for utgifter når elevane og dei tilsette skal til VM, men for å unngå å belaste skulen sitt budsjett, så har dei ulike klassane blitt utfordra til å leike «Større og betre». Målet er å samle inn kroner 100 000,-.

På haustfesten 2.11. fekk dei tillitsvalde i kvar klasse ein kulepenn. Den skulle dei bytte mot noko større og betre. Leiken går ut på at for kvar gjenstand som ein får bytta til seg, så spør ein nokon om dei vil bytte denne gjenstanden – sånn at den som spør får noko større og betre enn den gjenstanden som blir bytta inn.

Denne leiken skal ein halde på med til og med laurdag 30.11. Målet er då å selje dei gjenstandane kvar klasse har samla inn, og på den måten få inn kroner 100 000,-.

Onsdag den 20.11. gjorde vi opp status på kor langt dei ulike klassane hadde kome.
Det viste seg at det framleis var eit stykke opp til målet, men verdiane på varene låg på ikring kr 13 000 – noko som ikkje er verst med tanke på utgangspunktet: Sju kulepennar.

Du som er Vestborg-ven: Har du høve til å vere med oss å leike? ��
Kan du tenke deg å bytte noko du eig sånn at me kjem oss til VM utan å belaste ordinært budsjett?
Send gjerne ein mail til lstokken(alfakrøll)vestborg.no

Døme på det elevane hadde fått bytta til seg onsdag 20.11:
Nye bildekk
Lanullva bukse
Ski
Dameveske
Turkniv
Kunst
Bok
Ladar

Vestborg- Ildsjel og VM-ambassadør

astenberg@vestborg.no (Åshild Stenberg) — Fri, 22 Nov 2024 13:16:01 GMT

Ski-VM i Trondheim nærmar seg med stormskritt og på den offisielle heimesida til Ski-VM har dei skrive om VM-ambassadørane sine

"Ambassadørene skaper positiv oppmerksomhet rundt Ski-VM og bidrar til å realisere tiårets største folkefest i Norge. Vi er veldig takknemlig for at aktive nasjonale- og internasjonale utøvere, tidligere utøvere og ildsjeler støtter opp om mesterskapet i Trondheim".

Saman med mange norske langrennsutøvarar, andre eliteutøvarar og tidlegare utøvarar er Vestborg vgs nevnt som ein av ildsjel-ambassadørane til Ski-VM.

Dette synes vi er veldig stas.

Lars Johan Stokken sit i komitèen for Ski-VM ved skulen og seier følgande om saka:

"Det er veldig stas at Vestborg får vere ambassadør saman med så mange sterke skinamn!

Men så er det veldig stas at VM-arrangørane, med frivillig-sjef Anita Llapjani i spissen, har lagt så godt til rette for at Vestborg kan få vere med å hjelpe til med våre ressursar. Årsaka til at me har blitt VM-eldsjel er fleire: I desember fjor var vg2 idrett og jobba som funksjonærar i under prøve-VM. I april arrangerte vg3 idrett ein AktiVM-dag for 9.klassingar frå ulike skular i nærområdet. I mars skal dei tilsette og elevane til VM for å jobbe som funksjonærar. I tillegg er det no planar om at årets idrettsklasse i vg3 (dei som var på prøve-VM ifjor), skal arrangere ein skidag for heile barneskulen i bygda, Ringstad skule. Dette arrangementet er ein del av barnas ski-VM som vert arrangert over heile landet. Dei planlegg å få hjelp av mange elevar ved skulen til å gjennomføre arrangementet og dermed får elevane litt "oppvarming" til funksjonæroppgåvene som ventar dei i Trondheim i mars."

Lenke til heimesida: VM-ambassadører - Ski-VM Trondheim 2025

Julemesse på Vestborg 23.november

astenberg@vestborg.no (Åshild Stenberg) — Tue, 12 Nov 2024 08:11:29 GMT

Velkommen til julemesse på Vestborg laurdag 23.november!

Kl. 10.30 Messa opnar

Kl. 12.00 Samling – sang av Vestborgelevar

Kl. 13.00 Sal av rømmegraut m/spekemat (slutt kl. 14.00)

Kl. 14.00 Samling – sang av Kor Nøye

Kl. 16.00 Avslutningsmøte – hovudtrekning, andakt av Kåre Lid og sang av Allsongkoret

Vi tilbyr for sal:

Smurte lefser – kransekaker – småkaker – flatbrød

gjærbakst – gåveartiklar – handarbeid

ÅRESAL – KAFETERIA – TOMBOLA

VEL MØTT PÅ VESTBORG!

Vi har betalingsterminal og vipps

Nok ein flott haustfest på Vestborg

astenberg@vestborg.no (Åshild Stenberg) — Sun, 03 Nov 2024 19:06:11 GMT

Laurdag 2.november var det igjen duka for den årlege haustfest-dagen på Vestborg

På laurdag var det igjen vanskeleg å få parkeringsplass på Vestborg-tunet. Mange foreldre, søsken og besteforeldre av vestborgelevane kom til skulen for å få med seg årets haustfest. Tidlegare på dagen var det klassevise samlingar for foreldre og elevar, i tillegg til muligheiter for foreldresamtalar med kontaktlærarane på dei ulike trinna.

Sjølve festen vart starta med brask og bram av dei kreative og dyktige programleiarane for festen, Vg3-elevane Josefine Tengesdal Haug og Hanna Aasbø.

Lovsangsteamet, som i år er så mange at dei er må dele seg i to, leia salen i flott lovsang.

Hanna Aasbø og Andreas Frantzen Lothe er årets misjonsprosjektleiarar. Dei reiser for å besøke årets misjonsland, Indonesia, 10 november. I den anledninga fortalte dei om prosjekta som klassa samlar inn pengar til.

Gry Sæther hadde ei flott andakt om at namnet vårt er skrive/rissa inn i henda til Jesus, og at han alltid hugsar på oss.

I samband med at heile Vestborg skal hjelpe til som frivillege under SkiVM treng skulen å samle inn 100 000kr som skal dekke utgiftene for bussar tur/retur Trondheim. Lars Johan Stokken satt i gang eit spennande prosjekt kalla "Større og bedre". Konseptet går ut på at alle elevane startar med ein kulepenn som dei skal prøve å få bytta med nokon til ein gjenstand med ein større verdi. Deretter må dei bytte denne gjenstanden med noko som har endå større verdi, og slik fortsetter det. Om nokre månader ser vi kva elevane har klart å bytte til seg, og må deretter prøve å selge desse gjenstandane. Vi håpar dette kreative prosjektet kan bidra med å skaffe pengar så vi kjem oss til Trondheim i mars 2025!

Kvelden vart som alltid avslutta med eit herleg koldtbord som dei ansatte på kjøkkenet laga til for oss!

Haustfest 2.november

astenberg@vestborg.no (Åshild Stenberg) — Mon, 21 Oct 2024 12:07:04 GMT

Velkommen til haustfest på Vestborg!

Laurdag 2.november inviterer vi til foreldresamtaler, klassesamling og haustfest her på Vestborg.

Her kjem programmet for dagen:

Kl. 11.00-14.30: Foreldresamtaler (hugs å avtale tid med kontaktlærar)

Kl. 13.30-14.30: Fleximiddag (for alle). Kontakt oss dersom de treng diett

Kl. 15.45-16.30: Klassevise samlingar med elevar og foreldre

kl. 17.00: Fest i gymsalen. Kveldsmat etter programmet

Velkommen!

Nytt om hospitering

Mon, 14 Oct 2024 18:53:51 GMT

Velkommen til hospitering på Vestborg torsdag 14. november 2024!

For skulane på nordre Sunnmøre blir det blir hospitering torsdag 14. november. Vi veit at det er elevar som ynskjer å kome på hospitering til oss frå andre regionar enn Nordre Sunnmøre. Av praktiske årsaker ynskjer vi i hovudsak at desse elevane også kjem i veke 46.

Her kan du sjå detaljert program for hospiteringsdagen

Ski-VM-invitasjon til Vestborg-familien

Fri, 20 Sep 2024 13:27:31 GMT

Kanskje du er tidlegare elev, forelder, besteforelder eller har ein annan relasjon som gjer at du er glad i Vestborg?

Me har nokre ledige plassar i vår buss og på den skulen me skal sove på, og det hadde vore veldig kjekt om du kunne hivd deg rundt og blitt med.

Vestborg er VM-eldsjelambassadør for Trondheim2025. Ei av oppgåvene for å ha gjort seg fortent til den tittelen, er at elevar og tilsette ved skulen skal jobbe som funksjonærar under ski-VM.

Vi dreg frå Vestborg måndag 3. mars – og reiser attende etter 5-mila for kvinner sundag 9. mars.

NB! Påmeldingsfrist for å vere ein del av Vestborg-gjengen under VM er onsdag 25. september .
Send mail til lstokken alfakrøll vestborg.no for påmelding til oss – så kan me guide deg gjennom påmeldinga til funksjonærdatabasen til Trondheim2025 i etterkant.

Velkomen til å bli med oss!

PS! Prisen blir ikring kr 1000,- for buss og opphald.

Vestborg- ein håpsbærar og samfunnsbyggar i 75 år

astenberg@vestborg.no (Åshild Stenberg) — Fri, 20 Sep 2024 11:04:40 GMT

Jubilanttreff og fest for 75-års jubilanten Vestborg

Laurdag 14.september var det feststemning på Vestborg.

Om lag 40 jubilantar var samla til årets jubilanttreff. Jubilantane møttes til klassevise samlingar, festmiddag og god drøs om Vestborg-tida si.

På kvelden var det duka for fest i gymsalen for i januar i år vart Vestborg 75 år.

Det var eit variert og innhaldsrikt program festkomitèen hadde satt saman for gjestane. Med allsongen "Navnet Jesus" og flotte songinnslag av "Trio med band" frå Sykkylven var tonen satt. Jon Ove Holen tok oss med på eit historisk attersyn på dei 75 åra til Vestborg. Kåre Johan Lid heldt kveldens festtale. Etterpå vart det tid for ein god kaffepause med kaker, dessert og prat rundt borda.

Ingrid Kvam Steinshamn losa oss igjennom siste del av programmet. Dag Inge Ulstein kom med ei helsing og trakk fram fire ting som Vestborg ga han som Vestborg-elev for 25 år sidan: vennskap, leiarutvikling, utadretta misjonsfokus og kristen tru. Han kalla Vestborg for ein håpsbærar og samfunnsbyggar.

Kristin Storstein frå Hellesylt framførte 4 nydelege songar for oss.

Bodil Breivik Bø hadde sofaprat med to av dei noverande elevane som fortalte om korleis det er å vere Vestborg-elev i 2024. Dei er også prosjektansvarlege for årets misjonsprosjekt til Indonesia og fortalte litt om arbeidet og planane dei har for årets prosjekt.

Ein ekstra stor takk til festkomitèen Eva Rinde Habostad og Svein Roar Grønbeck som tok eit stort ansvar for å gi oss ei flott bursdagsfeiring!

Her kjem ei oversikt over årets jubilantkull:

10-års jubilantar: F.v.: Norunn S. Rørvik, Elise Rebekka Nordstrand Ulriksen, Anna Aabrekk, Mia Maurstad Heitmann, Kim Andrè Sætre, Markus Engeseth, Christiane Langelo Hole.

20-års jubilantar: F.v.: Thanathasan Veerasingam, Roy Andrè Midtgård, Knut-Sigurd Habostad, Dag Martin Frøystad, Frøydis Kristine Norvik, Ida Merethe Venås, Solveig Lervik, Kristin Lovise Rogne Gjelten.

30-års jubilantar: F.v.: Brynjar Muren, Søgni Muren, Wenke Mari Granningsæter.

50-års jubilantar: F.v.: Gerd Vang Gamlem, Agnar Harnes, Wenche Harnes, Einar Ståle Steinshamn, Magnhild Steinshamn, Geir Gjerde, Anne Lise Hatlebakk Drage, Tore Harnes, Olaug Teige Harnes, Paul Johannes Flø.

60-års jubilantar: F. v.: Eldbjørg Solbakken Jensen, Kjell Arne Helset, Anne Marie Ø. Sæth, Hans Otto Skeide, Signe Nogva Dale, Inger Eggesbø Skeide, Vigdis Bigset Klungsøyr, Kjellaug Runde Sandøy, Asbjørg Kvamme Nyvoll, Gudmund Relling, Oddveig Opsvik.

Vestborg vgs er VM-ambassadør!

Mon, 09 Sep 2024 18:19:24 GMT

Kjende skinamn som Berit og Ove Aunli, Eldar Rønning, Thomas Northug, Espen Bredesen, Vegard Ulvang og Maren Lundby har det til felles med Vestborg at alle er VM-ambassadørar for VM på ski i Trondheim.

Ovannemnde namn er tidlegare aktive skiidrettsutøvarar. Vestborg har fått nemninga VM-eldsjel-ambassadørar saman med ei gruppe eldsjeler som brenn for VM-arrangementet i Trondheim.

Dette vart offentleggjort under ei ambassadørsamling i Trondheim i august.

I følgje Ingvil Snøfugl, PR- og mediaansvarleg for Trondheim2025, så har Vestborg gjort seg fortent til eldsjel-ambassadørtittelen av fleire årsakar.

- Allereie i desember i fjor var ein klasse med og jobba som funksjonærar under prøve-VM. I april arrangerte elevar ved Vestborg AktiVM-dag for 65 elevar frå ungdomsskular i lokalmiljøet. Under VM i mars skal heile skulen, både elevar og tilsette, til Trondheim for å jobbe som funksjonærar. Vi i Trondheim2025 er veldig nøgde med det store engasjementet skulen syner, og vi ser fram til vidare samarbeid, seier Snøfugl.

Les gjerne om saka på ski-VM sine heimesider:

- Heilt fantastisk!

Tue, 03 Sep 2024 18:53:11 GMT

Vg3 var på Kaldhussæter, vg2 var på Fjellsetra og vg1 var på Orreneset på samanristningsturar.

Føremålet med turane var å byggje fellesskap innan klassetrinna i byrjinga av året, og samstundes arbeide med verdiane til Vestborg og ha om SAMM – systematisk arbeid med motivasjon og meistring.

I denne artikkelen set ein fokuset på vg1 og aktivitetane på Orreneset.

Ein drog frå Vestborg etter lunsj, og hadde Bonhoeffer-vandring to og to. Kort fortald dreier deg seg å samtale om spørsmål som «Korleis ville ein perfekt dag ha vore for deg?».

Etter middag var det kajakkpadling, kubbespel og volleyballaktiviteten «Smash» - og om til kveldsmat var det grilla pølse.

På kvelden skreiv ein gode ord til kvarandre på papptallerkenar, før det var leiken «Snik» i mørket. Det handla om å snike seg fram til eit mål utan å bli lyst på av læraren med lommelykt.

Tysdag morgon, etter frukost og ord for dagen, vart det innføring i SAMM. Deretter laga elevane artige og poengterte skodespel basert på verdiane til Vestborg. I tillegg til pakking og vasking var det også tips om korleis byggje trivsel, som til dømes å helse på kvarandre med namn – lytte aktivt med oppriktig interesse og gje ros med grunngjeving.

Vi lærarar som var med er så takknemlege for dagane. Elevane viser at dei vil jobbe for å gå på ein skule og i eit klassetrinn der trivsel er viktig. Det er det mange fordelar med, til dømes aukar det sjansen for å yte god innsats fagleg – men også lære verktøy for å skape god trivsel rundt seg etter Vestborg, som til dømes i studiemiljø, jobb, ekteskap og naboskap.

Vg1-elevane viser til dømes at dei kan samarbeide med same kven dei hamnar på gruppe med. Det er ein eigenskap som er god å ta med seg inn i framtida.

Og så er det veldig kjekt å høyre ein av elevane skildrar dagane på Orreneset på fylgjande vis:
- Det var heilt fantastisk. Eg opplevde fellesskapet innan vg1-gjengen som veldig sterkt.

Nedanfor pøsar vi på med bilete som syner glimt frå dei ulike aktivitetar.

Ser du Phillip Valen øvst i treet? :-)

Vestborg 75 år

rektor@vestborg.no (Jon Ove Holen) — Sat, 31 Aug 2024 17:59:38 GMT

Velkommen til jubileumsfest 14. september kl. 18.

Vestborg feirar 75 år i år. Det blir markert med ein stor jubileumsfest laurdag 14. september kl. 18. Festen er open for alle, så du er hjarteleg velkommen!

9. januar 1949 starta 32 elevar på Storfjord handelsskule, med undervisning i bedehuskjellaren. Det har skjedd mykje på 75 år. Skulen fått nytt namn og eigne bygningar, men visjonen om å drive ein god, kristen skule, er den same i dag.

Vi gler oss til å fylle gymsalen på Vestborg laurdag 14. september kl. 18. Det årlege jubilanttreffet blir arrangert same dag, så mange tidlegare elevar har tidlegare på dagen mimra om tida på Vestborg.

Det blir eit variert program på festen. Kåre Johan Lid er festtalar. Det blir historisk attersyn ved rektor Jon Ove Holen. Bodil Breivik Bø har sofaprat med to av dagens elevar og det blir helsing av Dag-Inge Ulstein. I tillegg blir det fleire song- og musikkinnslag. Kaffi og kaker blir det sjølvsagt også.

Vi håper mange tidlegare elevar, tidlegare personale, misjonsvenner og andre interesserte tek turen til Vestborg denne dagen.

Du er hjarteleg velkommen!

Ny miljøarbeidar på plass

Tue, 27 Aug 2024 13:42:16 GMT

Therese er frå Langevåg, gjekk på Vestborg i tre år og var russ i koronaåret 2020. Etter Vestborg har ho mellom anna gått på Ansgar bibelskole i Kristiansand, disippeltreningsskule i Ungdom i oppdrag på Grimerud og vore trainee i Laget i Ålesund. I påvente av studiar i England, så høvde det godt både for Therese og Vestborg at ho dette skuleåret er miljøarbeidar.

- Kva tenkjer du om oppgåva du skal inn i?

- Eg trur det blir eit spennande, lærerikt, utfordrande og eit veldig bra år. Eg gler meg til å bli kjend med både elevar og tilsette, seier Therese, som på morgonsamlinga i dag vart introdusert av rektor Jon Ove for elevflokken.

Stor elevauke på Vestborg!

Fri, 23 Aug 2024 09:34:08 GMT

Førre skuleår hadde Vestborg 63 elevar. I skrivande stund har talet auka til 93.

- Dette er vi veldig glade og takksame for, seier rektor Jon Ove Holen.

Han har særskild lete seg overraske og imponere over fjorårets vg1-elevar.

- Det har vore heilt vanleg at nokre elevar sluttar etter vg1. No har det uvanlege skjedd at alle av fjorårets vg1-elevar held fram på Vestborg. I tillegg har vi no heile 6 nye elevar i klassen deira. Det er vi svært glade for, seier han.

Holen trekk også fram årets vg1-elevar.

- Dei siste 10-15 åra har det høgste talet på vg1-elevane vore ikring 30. I år har heile 43 elevar starta i vg1. Denne auken gler oss veldig.

- Korleis forklarar du denne auken?

- Fyrst og fremst gir eg ære til elevane sjølve. Det er dei som til sjuande og sist lagar trivsel. Vi har hatt elevar som vel å legge til rette for at medelevar skal ha det bra – og som er gode på å byggje tillit seg i mellom. Elles har det nok sitt å seie at Utdanningsdirektoratet si elevundersøkjing viser at både trivselen til elevane og støtta frå lærarane er heilt i norgestoppen. Dessutan trur vi at elevane opplever at det å drive ein skule på kristne verdiar er trygt og godt. I tillegg opplever eg at eg har svært dedikerte og dyktige kollegaer. Det gjer at Vestborg er ein god skule både når det gjeld trivsel og når det gjeld det faglege, avsluttar rektor Holen.

Opningshelg på Vestborg

Mon, 19 Aug 2024 16:57:13 GMT

Laurdag var det høvesvis nøkkelutdeling til romma for elevane og klassevise samlingar for elevar og foreldre. Klokka 18 var det fest med tradisjonelt program, som helsing frå rektor, andakt – denne gong av Ung-leiar i regionen, Geir Henning Tunheim – personalpresentasjon og elevinnslag. Dessutan diska kjøkenleiar Dana Rudusa og hennar team opp med nydeleg festmat.

Laurdag kveld var det tid for at nye elevar fekk bli kjend med fadrane sine gjennom ulike aktivitetar.

Sundagen var bli-kjend-dag. Ungdomsleiar Simon Morris leia aktiviteten. Elevane vart delte inn i 10 grupper som skulle gjennom 10 postar av varierande aktivitet.

Om kvelden skulle kvar av gruppene kome med kvar sitt underhaldningsinnslag på elevkvelden.

Det har i helga vore tilbod om mange aktivitetar, og då har det vore gledeleg å observere dei nye elevane: Dei har vore opne for, og vore aktiv med, å bli kjende med sine nye skulekameratar.

Dette borgar for nok eit godt Vestborg-år.

Nye i personalet

Fri, 16 Aug 2024 14:28:04 GMT

Dei nytilsette er Helene Overaa Eide frå Askøy, Andreas Muren frå Stranda og Trine Johansson frå Sula.

Her kjem ein kort presentasjon:

Helene Overaa Eide (øvst til venstre) er 32 år gamal og har jobba i skulen i Oslo i 6 år. Ho er lektor, og ho skal undervise i naturfag og i matematikk.

- Eg er spent på året som kjem, men eg gler meg til å ta fatt, seier ho.

Andreas Muren (øvst til høgre) er 21 år. Han var russ på Vestborg i 2023, og førre skuleår var han elev ved Bildøy bibelskule. Han skal vere miljøarbeidar dette skuleåret.

- Eg gler meg til å bli kjend med elevane og oppleve ting i lag med dei. Og så ser eg fram til å snakke med dei om tru og liv.

Trine Johansson (nedst) er 47 år. Ho har jobba over 25 år som lærar på ungdomstrinnet på Møre barne- og ungdomsskule i Ålesund. På Vestborg skal ho undervise i spansk, tysk, norsk og kroppsøving.

- Det som eg gler meg mest til på Vestborg, er å få møte eit mangfald av ungdomar. Eg håpar å få vere ein medvandrar for elevane, både når det gjeld skulefag, tru og livet generelt. Skulen er også omkransa av vakker natur, som eg kjem til å nytte meg av – gjerne saman med andre.

Opningsfest 17. august

rektor@vestborg.no (Jon Ove Holen) — Wed, 07 Aug 2024 14:23:00 GMT

Vi er klare for eit nytt skuleår på Vestborg! Laurdag 17. august er elevar, føresatte, søsken og besteforeldre velkomen til opningsfest.

Program for første helga:

LAURDAG 17. august :

Frå kl 1000: Tildeling av rom/utdeling av nøklar (I inngangspartiet ved gymsalen)

NB: Dersom du av ein eller annan grunn må kome fredag kveld, MÅ du gje skulen beskjed om det.

Det blir dessverre ingen måltid før middag på laurdag.

Kl 1400-1500: Fleksibel middagsservering for alle. (Gje melding til skulen om behov for diettmat)

Kl 1630: Klassesamlingar for elevar og foreldre. Du får møte kontaktlærar, internatleiar og rådgjevar.

Fotografering til bildeguiden.

Kl 1800: Opningsfest i gymsalen. Festen er open for alle. Variert program og mat til slutt.

kl 2100: Nye elevar og fadrar møter i gymsalen til aktivitetar.

SØNDAG 18. august :

Kl 1100: Denne dagen er ein bli-kjent-dag med ulike aktivitetar for alle elevane og felles måltid. Vi reknar dette som skuledag.

MÅNDAG 19. august :

Halv dag med klassesamlingar og halv dag med vanleg skuledag

Velkomen til dugnad!

Wed, 05 Jun 2024 10:50:48 GMT

Vaktmeister Trygve Habostad er klar til ta i mot dugnadsfolket. Arbeidstida er frå klokka 10 til klokka 15 laurdag 22.6 – og den inkluderer lunsjservering.

Med tanke på tilrettelegging, så er det fint om ein kan gje eit vink om ein kjem her: thabostad@vestborg.no

Skulen oppmodar elevar frå ulike kull til å nytte høvet til å kombinere eit treff av tidlegare skulekameratar med å jobbe dugnad. Får de til det?

Trygve lovar fellesskap og trivelege arbeidsoppgåver, og han ynskjer alle masse velkomen. ��

Eksamen er i gang

Tue, 21 May 2024 09:45:53 GMT

I dag er vg3 oppe i norsk sidemål, og i morgon er det norsk hovudmål. Deretter er det vg2-elevar som skal opp i engelsk, matematikk og tysk.

Når me bikkar juni står munnlege eksamenar for tur, så både eksamensansvarleg Øystein Strand og elevar har mykje å henge fingrane i framover.

Vg1 på skule-på-hjul

lstokken@vestborg.no (Lars Johan Stokken) — Wed, 15 May 2024 13:36:48 GMT

Kvar vår dreg vg1 på klassetur, på skule-på-hjul. Måndag og tysdag denne veka vart årets utgåve arrangert. Elevane overnatta på Lepsøy misjonssenter.

Med dette som utgangspunkt var elevane på tur i fjøra på nordsida av Lepsøya, og nokre var innom Sæth-hellaren – ei grotte med relativ smal inngang.

Vi fekk også omvising på vindmølleanlegget på Haramsøy, og i Ålesund fekk vi informasjon frå 62 grader Nord på Hotell Brosundet, samt vitja Mirakelhuset – det einaste bustadhuset som ikkje brann under Ålesund-brannen i 1904.

Vg1 ein er rett og slett ein kjempeflott gjeng å vere saman med – så dermed blei det ein strålande tur!

Nedanfor kjem det ulike bilete frå to knall dagar i knall vêr!

Andreas Haram har klatre opp i grotteveggen. Til høgre ser ein grotteopninga.

Solnedgangen frå grotteopninga

Benjamin Brynestad slår hjul på skule-på-hjul

Glade ungdomar i vene omgjevnadar

Titanic

Ved eine vindmølla

Ingeniør-samarbeid

Notatar er viktig for lærdom!

Etter å ha laga ein kanal frå ein liten bekk, kunne desse karane bade på stranda.

Førstehjelpskurs med Røde Kors

Sun, 05 May 2024 18:43:21 GMT

Sist veke holdt Røde Kors førstehjelpskurs for Vestborg-russen

Siste veka i april kom Stranda Røde Kors Hjelpekorps til Vestborg for å halde førstehjelpskurs for russen. Kurset var laga for at russefeiringa skal bli så trygg og sikker som mogleg. Røde Kors tok sjølv initiativ til å halde kurset.

vg3-elevane våre fikk lære teori, og livberging i praksis. Dei fekk lære stabilt sideleie og hjarte-lunge-redning i praksis i gymsalen, og fekk god lærdom og fleire gode tips i teoridelen av kurset.

Tusen takk til Stranda Røde Kors Hjelpekorps for eit godt kurs. Vi vonar de kjem att neste skuleår.

AktiVM-dag: - Fantastisk

Wed, 24 Apr 2024 13:44:02 GMT

Aktivitetsdagen er planlagd og gjennomførd av idrett vg3 i samarbeid med medelevar på Vestborg og AktiVM.

AktiVM er VM på ski i Trondheim, Trondheim2025, sin organisasjon for å få folk i aktivitet før VM komande vinter.

Ikring 65 elevar frå Geiranger, Sunnylven skule i Hellesylt, Stranda u-skule, Møre Ålesund og Møre Skodje vitja Vestborg.

Aktivitetane var inspirerte av Mestrenes mester og inneheldt både samarbeidoppgåver- og individuelle oppgåver. Idrett vg3 hadde gjort ein uvanleg god førebuingsjobb, og gjennomføringsnivået var skikkeleg høgt under aktivitetsdagen.

Elevar og lærarar frå gjestande skular som vestborg.no snakka med var veldig godt nøgde med dagen.

- Dette var fantastisk! seier lærar ved Møre Ålesund, Per Gunnar Hamnøy.

Han grunngjev adjektivbruken på denne måten:

- Eg likte godt opninga. Ein samla alle i gymsalen i starten og hadde ulike leikar som var med å bryte isen mellom elevar frå dei ulike skulane. Både då og seinare, då elevane var inndelte i grupper på tvers av skulane, så måtte elevane ut av si relasjonelle komfortsone. Det fungerte veldig bra. Dessutan tok Vestborg-elevane seg fint av gjestane, og det gjorde at ungdomsskuleelevane kjende seg trygge i aktivitetane. I tillegg gjekk sjølve gjennomføringa av arrangementet knirkefritt.

Lærar Jan Axel Solhaug frå Geiranger skule summerte dagen opp på denne måten:

- Vi kjem gjerne igjen!

PS! Like etter pausen kom VM-sjef Åge Skinstad med ei videohelsing til alle deltakarane – med takksam applaus frå deltakarane.

Glimt frå semifinalen der puslespel-konkurranse stod i fokus:

Her frå sjølve finalen. Målet var å sende ballen i bakken på andre sida utan at den andre tok i mot.

Vestborg-elev vart norgesmeister!

Fri, 19 Apr 2024 14:11:06 GMT

Styrkeløft består av øvingane markløft, benkpress og knebøy. Ester stilte i ungdomsklassen (14-18 år) under 76 kg. Den vann ho med solid margin blant dei 5 som var kvalifiserte til NM. Gullet vart delt ut på grunnlag av samanlagtresultat av dei tre øvingane.

Ho fekk også med seg 4 sølv. Ein slår nemleg også saman alle vektklassane i ungdomsklassen og deler ut medaljar i markløft, benkpress og knebøy, samt samanlagt. Ester var nestbest i alle desse 4 kategoriane.

- Det var ei veldig, veldig kjekk oppleving! Eg likar idretten kjempegodt, og det var veldig fint å få vise kva ein kan når ein har jobba så mykje med det, seier Ester.

NM gjekk av stabelen i Bergen 12.-14. april. Ester var i dagane før stemnet i Roma saman med klassen sin, men reiste heim ein dag før dei andre for å rekke meisterskapen.

Under NM stilte heile familien opp som heiagjeng, noko som tydelegvis hjelpte.

- Eg har ein svoger, tidlegare Vestborg-elev Arne Meier. Han ropte skikkeleg høgt då eg løfta, så det kjende eg at eg fekk motivasjon av.

Ester har broren sin, Aron Skogli, som trenar. Dei er ein veldig bra kombinasjon.

- Aron lagar treningsprogram og står på for meg, sjølv om han jobbar fullt. Det er han som har æra for at eg vart norsk meister, seier Ester med eit takksamt smil.

Den norske meisteren er mykje å sjå i styrkerommet på Vestborg.

- Kva synest du om styrkerommet på skulen?

- Eg treng ikkje å gå andre stader for å trene. Styrkerommet på Vestborg har det eg treng som styrkeløftar.

- Kva er neste mål?

- Under NM klarte eg nesten noregsrekorden i min klasse i benkpress. Rekorden er no 91 kg. Det neste stemnet er regionsmeisterskapen i Bergen tidleg i mai. Då er målet å setje norsk rekord i øvinga!

Ester er i ferd med å få nytt kallenamn: NorgesmEster. Her er ho med medaljane ho sanka med seg frå NM i Bergen.

- Vi har hatt det kjempebra i Roma

Wed, 17 Apr 2024 12:36:34 GMT

Kvart år dreg til vg2 ved Vestborg til Roma på klassetur. I år var det Ellinor og Rannveig sin klasse sin tur.

- Vi har hatt det kjempebra. Alle har vore i godt humør, og vi har merka vi er ein samansveisa gjeng, seier dei.

- Kva har de likt?

- Eg har ikkje vore så mykje i utlandet før, så det var spennande å samanlikne Roma med Noreg. Til dømes var det interessant å sjå den italienske trafikk-kulturen, og bli kjent med den italienske maten. Den norske maten er best! slår Ellinor fast.

Dei har fått oppleve turistmagnetar som Colosseum, Forum Romanum, Peterskyrkja og ein av katakombene, men dei har også vore på stader som er mindre kjende som Pauluskyrkja, det jødiske museet og Laterankyrkja. Turen er ein del av kristendom- og historiefaget. Til dømes skal erfaringane elevane skaffa seg i Roma synast i ein større fagsamtale.

- Det var kjekt å ha og nyte skule på ein sånn måte, seier Rannveig.

Dei sette også pris på fellesmåltida klassen hadde, samt at kontakten med personalet blei tettare enn i Vestborg-kvardagen – og Rannveig summerer turen opp på fyndig vis:

- Roma-turen er noko å gle seg til for Vestborg sine framtidige vg2-elevar!

Ellinor og Rannveig har vore i Roma med vg2-klassen sin.

Trangt i t-banevogna i Roma.

Elevane budde i nærleiken av Colosseum.

Vestborg omtala på heimesida til ski-VM

Wed, 17 Apr 2024 10:45:13 GMT

I samband med at elevar og personalet ved Vestborg skal jobbe som funksjonærar under ski-VM i Trondheim, så har arrangørane no lagt ut ei sak på heimesidene side.

Saka kan du lese her:

Stor elevauke ved Vestborg

lstokken@vestborg.no (Lars Johan Stokken) — Fri, 12 Apr 2024 11:46:54 GMT

- Dette er veldig gledeleg! Dei siste 10-15 åra har det aldri byrja meir enn maksimalt 33 elevar i vg1, seier rektor Jon Ove Holen

No lyt skulen gjere grep for å få plass til alle som har takka ja. Vg1 Idrett og vg1 studiespesialiserande har ulike fag, men faga naturfag, kristendom, norsk og engelsk er fellesfag. Tidlegare har elevane i vg1 vore samla i fellesfaga, men no lyt ein tenkje annleis.

- Frå hausten må vi operere med to undervisningstilbod i fellesskapa. Det gjer vi for å kunne ta inn alle elevane som ynskjer å gå på Vestborg, så dette er ei svært gledeleg avgjersle og ta!

- Kva for praktiske konsekvensar får denne endringa?

- Fyrst og fremst lyt vi tilsetje ein pedagog til. Utlysing kjem, men interesserte kan allereie no ta kontakt. Vi vil gjerne kome i dialog med lærarar som kan understøtte det som Elevundersøkinga til Utdanningsdirektoratet viser, nemleg at Vestborg er heilt, heilt i norgestoppen i kategoriane «Trivsel» og «Støtte frå lærarane». Det vil også bli fleire elevar på tunet, men dei praktiske utfordringane som kjem har eg stor tru vi finn gode løysingar på. Mi erfaring med personalet på Vestborg er at dei er uvanleg dyktige til å løfte i flokk, samt å vere løysingsorientert. Vi er inne i eit veldig godt år for skulen, men vi gler oss likevel mykje til å ta i mot den nye, store vg1-flokken i august! seier Holen.

PS! Biletet er frå kick-off, den godt besøkte bli-kjend-helga i januar.

AktiVM-dag på Vestborg med over 80 gjestar!

Fri, 12 Apr 2024 11:27:19 GMT

Det er idrett vg3 som har ansvaret for å arrangere aktivitetsdagen, som går av stabelen onsdag 24. april. Då kjem det heile 81 elevar, i tillegg til lærarar, frå ungdomsskular i nærleiken, samt både Møre Ålesund og Møre Skodje. Arrangementet blir gjort i samarbeid med AktiVM, folkehelseorganisasjonen til VM på ski i Trondheim.

vestborg.no tok seg ein prat med gjengen som skal arrangere AktiVM-dagen.

- Eit av kompetansemåla i faget treningsleiing er å organisere eit arrangement. I samarbeid med AktiVM har vi no invitert 9. klassingar til Vestborg den 24. april. Føremåla med dagen er mangesidig. Vi skal få trening i å arrangere, og vi ynskjer å legge til rette for ei god oppleving for gjestane våre. 9. klassingane kjem frå Hellesylt, Geiranger, Stranda, Eidsdal, samt Møre Ålesund og Møre Skodje. Vi skal la elevane kome i blanda grupper, så vi vonar at dei kan knyte band på tvers av skulane. Med andre ord så ynskjer vi å bygge fellesskap.

- Kor kjem AktiVM inn i biletet?

- Eit viktig føremål er at vi ynskjer å skape engasjement for VM på ski i Trondheim i 2025. Dessutan ynskjer vi å legge til rette for at 9. klassingane kan bli inspirerte av arrangementet, og eit mål vi har er at gjestane våre kan gjennomføre eit liknande arrangement i regi av AktiVM for barneskular i nærmiljøet sitt.

Idrett vg2 fortel at konseptet er inspirert av «Mestrenes mester».

- 9. klassingane blir delte inn i grupper på tvers av skulane dei kjem frå. Deretter går dei frå post til post. Nokre av postane har individuelle oppgåver, andre postar har fokus på samarbeid. Basert på det som skjer på postane vert det mot slutten av dagen arrangert finaleøvingar. For å gjennomføre arrangementet er vi glade for at vi får hjelp av dei fleste medelevane våre på skulen. Vi er også glade for at KIWI, REMA 100 og Europris støttar oss med bidrag til lunsjen, seier dei.

Prosjektleiar Hilde Martinsen i AktiVM er veldig glad for samarbeidet med Vestborg.

- AktiVM har som mål å engasjere og inkludere heile folket ved å fremje fysisk og sosial aktivitet. Vi er difor veldig glade for å vere med i planleggingsprosessen av dette arrangementet, og vi heiar på både arrangørar og deltakar onsdag 24. april!

Ho legg til:

- Dersom det er andre skular som vil gjere liknande arrangement, så er ein velkomen til å ta kontakt med meg.

Hilde Martinsen, prosjektleiar i AktiVM.

Heile Vestborg til VM på ski i Trondheim!

Fri, 05 Apr 2024 11:47:22 GMT

VM på ski i Trondheim er dette tiåret sitt største arrangement i Noreg. Rektor Jon Ove Holen er glad for å kunne presentere nyhenda at heile Vestborg, både elevar og personalet skal til Trondheim for å jobbe som funksjonærar under ski-VM.

- Dette er eit unikt konsept for oss på Vestborg, og eg trur det blir eit løft for skulen å ha eit sånt fellesprosjekt, seier rektor Jon Ove.

Han held fram:

- Dei siste åra har elevar frå Vestborg vore funksjonærar på store idrettsarrangement. To gonger har vi sendt elevar til World Cup i skiskyting i Östersund, og no i desember var ein klasse og hjelpte til under prøve-VM på ski i Trondheim. Tilbakemeldingane frå elevane har vore veldig positive. Dei har hatt det kjekt, dei har fått med seg mykje lærdom og dei har fått innsikt i kva som krevst for å gjennomføre store arrangement. Det er all mogleg grunn til å tru at den positive effekten blir endå større no når heile skulen skal av garde.

Planen er å reise til Trondheim måndag 3. mars med retur sundag 9. mars.

- Er det rekningssvarande å ta heile skulen med på eit sånt prosjekt?

- Når det gjeld det økonomiske, så har me fått lovnadar frå Trondheim2025 at dei skal ordne med kost og losji. Men vi har ei utfordring med å finansiere reisa tur-retur. Der arbeider vi med fleire løysingar. Eit av løysingsforslaga er å opprette ein innsamlingsaksjon der vener av skulen kan donere økonomiske bidrag.

- Kva med det faglege perspektivet?

- Når det gjeld det faglege, så høver dette som hand i hanske inn i dei tverrfaglege tema i læreplanverket: Folkehelse og livsmeistring, demokrati og medborgarskap, samt berekraftig utvikling. I tillegg trur vi altså at det vil bety mykje for fellesskapet. Vi har allereie eit veldig godt fellesskap på skulen, men det at heile skulen skal jobbe i lag som funksjonærar, det trur vi vil gje fellesskapet ein ekstra dimensjon.

Jon Ove vil også gje Trondheim2025 og leiar for dei friviljuge under ski-VM, Anita Llapjani, kred for å få dette til.

- Anita og Trondheim2025 har vore utruleg gode på å legge til rette for dette prosjektet. Vi er veldig takksame for å bli møtt på ein sånn veldig god måte.

Mot slutten løftar rektor Jon Ove også fram eit anna perspektiv.

- Noko av det viktigaste med å gjennomføre dette prosjektet er dugnad. Vi ynskjer at elevane våre skal sjå verdien av det å engasjere seg i friviljug arbeid. Dugnad og friviljug arbeid er viktig for den enkelte si mentale helse, og det er også limet i samfunnet. Dugnad skapar relasjonar. Til dømes er misjonen heilt avhengig av at folk tek i eit tak utan å få betalt. Eit anna døme er Vestborg. Hadde det ikkje vore for dugnaden til Vestborg-personalet med til dømes tilsyn, samt dugnadshjelp frå misjonsfolket, hadde ikkje Vestborg vore berekraftig. Vi ynskjer rett og slett at elevane våre skal sjå verdien av det å løfte i flokk!

Prosjektet opnar for at fleire enn berre elevane og dei tilsette kan bli med til Trondheim2025.

- Vi held døra på gløtt for at andre enn elevar og tilsette i Vestborg-familien kan reise saman med oss. Planen er å fare med to bussar, og dersom det er ledige plassar vil vi gjerne fylle dei plassane opp med foreldre, besteforeldre, tidlegare elevar eller andre som er glad i skulen. På den måten ynskjer vi å bygge fellesskap med dei som ikkje er på Vestborg-tunet i det daglege.

PS! På biletet ser ein Vestborg-gjengen som var funksjonærar under prøve-VM i Trondheim i desember 2023. I midten framme, med raud bukse, ser ein leiar for dei frilviljuge i Trondheim2025, Anita Llapjani.

Tekjøkkenpraten: Ann Elin Hjelset, Averøy

Fri, 22 Mar 2024 10:53:03 GMT

- Jenta mi trivast utruleg godt!

Ann Elin Hjelset frå Averøy er mamma til Julie som går i vg1. I august i fjor sendte ho yngstebarnet sitt til Vestborg.

- Det heile går strålande, og Julie trivast utruleg godt! Ho trivast med alt; med internatlivet, lærarar og medelevar, seier mamma Ann Elin på telefon frå Averøy.

- Korleis hadde det seg at de valde Vestborg?

- Kvart år blir det arrangert ei yrke- og utdanningsmesse for 10. klassingane på Averøy ungdomsskule. På denne messa fekk skulane nokre minutt å presentere seg, og Vestborg-elevane Grete og Anne Marte Seljehaug frå Averøy informerte om Vestborg. Dei hadde eit veldig personleg engasjement for Vestborg som gjorde oss nyfikne. Litt etterpå fekk vi meir informasjon om skulen på eit klasserom. Då tenkte eg «Å, nei! No kjem Julie til å flytte!» for eg skjøna at Vestborg var midt i blinken for ho. Det vart stadfesta då me kom heim den kvelden, for då sa Julie at ho ville byrje på Vestborg.

- Kva tenkte du då?

- Julie er yngst, og det er noko med det når sistemann flyttar heimanfrå. Eg var også litt usikker på om ho var klar til å flytte, men tenkte samtidig at dette kunne bli gull for ho. Det var viktig for oss å gje ho rom for å prøve det ho ville innanfor trygge rammer. Og trygge rammer, det har Vestborg.

Ann Elin fortel at familien ikkje er typiske bedehus- eller kyrkjegjengarar.

- Vi er opne for den kristne trua, og vi kjenner oss veldig igjen i dei kristne verdiane. Dåp og konfirmasjon er viktig for oss – og det å gå i kyrkja på julaftan, men elles praktiserer vi ikkje det religiøse i stor grad. Likevel opplever eg at Julie kjenner seg inkludert og velkomen på Vestborg. Ho fortel at ho opplever respekt for den ho er, og at ho er med på mange gode diskusjonar om spørsmål om liv og tru.

Gjennom samtalen kjem Ann Elin fleire gonger innpå dette med godt miljø.

- Eg trur miljøet er så bra fordi Vestborg har eit veldig stort fokus på trivsel, men det kan også kome av ein fin blanding av ulike personlegdomstypar i miljøet. Når det gjeld det faglege, så opplever Julie seg ivareteken av faglærarane og føler seg trygg. Det gjer at ho kan spørje om ho står fast. Eg opplever at lærarane på Vestborg ser sjølve individet, og ikkje berre elevar som ei gruppe.

Ann Elin arbeider som økonomikonsulent i det globale matforedlingselskapet Marel.

- Korleis vurderer du det økonomiske ved å ha eitt av barna på Vestborg?

- Julie bur på enkeltrom, så då blir det litt dyrare i månaden enn minstepris. Men totalt sett så er det ikkje det noko forskjell på å ha ho heime. På grunn av bortebuarstipendet er så høgt, så dekkjer det mesteparten av skulepengar, kost og losji. Kvar dag kostar ikring 130 kroner, og for den summen så får ein seng, varmt og kaldt vatn, straum, internett, tilgang til vaskemaskin og fire måltid. I tillegg får ein tilgang til alle fritidsaktivitetar som miljøteamet legg opp til, samt tur til Roma i vg2.

- Korleis vil summere det å ha eitt av barna på Vestborg?

- Julie er eit einaste stort smil!

Kvardagsglimt: Fagdag

Fri, 08 Mar 2024 11:33:46 GMT

Dei fleste fredagar i løpet av eit skuleår på Vestborg, så har elevane fagdag. Då har dei eitt fag heile dagen. Både lærarar og elevar synest om å kunne ha eit djupdykk i eit fag på denne måten.

Ofte vert det lagt opp til vurderingar, men det er også rom for anna metodikk. Førre fredag hadde idrett vg3 faget «idrett og samfunn». På bileta kan ein sjå kreative løysingar på å lage ein figur av kompetansemålet «drøft betydningen idrettsanlegg har for individet og samfunnet».

Den eine gruppa laga ein drive-in-arena for konkurransesporten «dødsing». Legg mellom anna merke til «dødsaren» som er på veg ned i bassenget.

Den andre gruppa laga ein så å seie tru kopi av skistadion i Östersund i Sverige – ein skistadion dei jobba som funksjonærar under World Cup-renna i skiskyting før jul.

Elevane fekk også høve til å presentere OL-historikk.

På biletet dukka det opp to karar frå OL i antikken. Dei viser her at kvinnene fyrst i 1952 fekk lov til å delta i langrenn i OL.

- Knallbra skidag!

Fri, 08 Mar 2024 10:49:17 GMT

Det er på sin plass å gjer verbal ros til idrettslærar Anders Nybakk, administrasjonen og heile personalet. På kvar sine måtar synte dei initiativrikdom og fleksibilitet for å legge til rette for skidagen. Det kom meldingar om godvêr for onsdag, og på kort tid la nemnde gjeng til rette for å ha skidag denne onsdagen.

På toppen av gondolen ved Roalden fekk vestborg.no eit kort møte med to veldig nøgde elevar - for bilete og for ein veldig kjapp prat.

- Knallbra skidag! sa Samuel Fiskerstrand og Ingvar Osen før dei suste vidare.

Nede ved skisenteret la kokk Bjørn Odland, lærar Geir Lande Myksvoll og elev Rebecca Celine Lauvstad til rette meir kos. Dei tok ansvar for pølsegrilling og næringsinntak for glade elevar.

Det må leggast til at utsikta frå Roalden-trekket var nydeleg vakker denne solrike dagen!

Frå TV2 til Vestborg

Fri, 08 Mar 2024 10:35:03 GMT

Markus har fleire års fartstid i TV2 som redigerar og som fotograf. No vil han nytte dugleikane sine til gagn for Vestborg – ein skule han gjekk på for seks år sidan.

Skulen er veldig glad for at han tek på seg denne oppgåva.

Markus sjølv seier dette:

- Eg hadde ei nydeleg tid dei tre åra eg var elev på Vestborg, og eg har så lyst til å vise andre kor bra skulen er. Difor er det ei veldig kjekk oppgåve å få å lage den neste reklamefilmen.

- Korleis har det gått desse dagane?

- Eg er veldig nøgd. Det var strålande vêr i fjellet på skidagen på onsdag, og så har eg møtt engasjerte og positive elevar. Det har smitta over på samarbeidet mellom dei og meg, seier han.

Rekordstor vg1-søkning til Vestborg!

Sat, 02 Mar 2024 10:54:13 GMT

Søknadsfristen gjekk ut 1. mars, og Vestborg har mykje å gle seg over no når tala er klare.

Skulen sitt talmateriale strekk seg attende til søknadar for skuleåret 2013-2014.

Av dei søkarane som har Vestborg som 1. prioritet, så var tidlegare rekord 36 søkjarar til vg1.
I år har vi 51 søkarar til vg1!

- Dette er storarta, seier rektor Jon Ove Holen.

- Kva trur du grunnen til denne auken?

- Det er det mange grunnar til, men ein viktig grunn er at søkarane kan ha lagt vekt på det elevundersøkingane til Utdanningsdirektoratet viser: Nemleg at Vestborg ligg heilt i landstoppen når det gjeld trivsel i vgs, studieførebuande fag, samt i støtte frå lærarane.

Erfaringsvis vert talet på elevar som byrjar på skulen ein del lågare enn talet på dei som søkjer.

- Likevel er det stor grunn til å tru at vi får ein heilt full vg1-klasse til hausten. Det er også veldig gledeleg å sjå tala for neste års vg2 og vg3. Der ligg det an til å bli minst like store klassar som dei er no i vg1 og vg2. Dette også viser at elevane våre trivast på Vestborg, seier ein særs nøgd rektor.

PS! Biletet er teke den flotte bli-kjent-helga for elevar som vurderer Vestborg som vi hadde i januar.

Nedanfor finn du linkane til sakene våre om elevundersøkinga til Utdanningsdirektoratet. Dei viser at Vestborg er heilt i toppen i Noreg av vgs-skular når det gjeld kategoriane "Trivsel" og "Støtte frå lærarar".

Vestborg; blant dei aller beste i landet på trivsel!
Vestborg tredje best i landet i «Støtte frå lærarane»!

Vestborg tredje best i landet i «Støtte frå lærarane»!

Tue, 06 Feb 2024 19:33:57 GMT

vestborg.no har teke eit djupdykk i kategorien «Støtte frå lærarane» blant dei 382 vidaregåande skulane som tilbyr studieførebuande fag.

Dersom ein ser ein på vg1, vg2 og vg3 i lag, har Vestborg vgs det tredje best snittet i landet!!!

Og med atterhald i menneskelege feil; her er resultata:

Gjennomsnitt vg1, vg2 og vg3:

Vg1:

*Saman med 3 andre skular

Vg2:

*Saman med 6 andre skular
**Saman med 7 andre skular

Vg3:

*Saman med 2 andre skular
** Saman med 6 andre skular
*** Saman med 14 andre skular

Kjelde:
https://www.udir.no/tall-og-forskning/statistikk/statistikk-videregaende-skole/elevundersokelsen-laringsmiljo-vgs-sortert-etter-indikator/

Vestborg med på NM

Tue, 06 Feb 2024 15:08:45 GMT

I helga deltok mikslaget til Vestborg på skule-NM i Volleyball

Etter ein sterk fjerdeplass på regionsmeisterskapet i Ulsteinvik i haust klarte mikslaget til Vestborg, å kvalifisere seg til skule-NM i volleyball, som vart avholdt 2.-4. februar i Stavanger. I miksklassa var det 24 lag som deltok.

På fredag spelte dei to kampar som resulterte i ein siger og eit tap, og kvalifisering til sekstendelsfinale på Laurdag. Her spelte Vestborg mot Akademiet, og vann i strake sett, og gjekk med det vidare til åttedelsfinalen. Her vart det dessverre tap mot Nydalen VGS, så da var det posisjonskampar som gjensto.

Dei tre posisjonskampane vart spelt laurdag kveld og søndag morgon, og Vestborg endte til slutt på ein 12. plass. Ein veldig solid innsats av mikslaget vårt, mot tøff motstand. (Kampresultata ligg nederst i saka)

Bak fra venstre: Trygve Sørli (idr. vg2), Samuel Andreas Fiskerstrand (idr. vg3), Christian Myklebust Shimeles (idr. vg2), Vegard Muren (idr. vg3), Johannes Garcia de Presno (stud.spes vg2), Tobias Engås (trener og miljøarbeider)

Foran fra venstre: Josefine Tengesdal Haug (idr. vg2), Sara Tynes Ellefsen (idr. vg1), Vinja Marie Vines (stud.spes. vg2), Emilie Grinik Henriksen (Stud.spes. vg3), Marcus Volle (idr. vg3)

Foto: Markus Engås

Vestborg; blant dei aller beste i landet på trivsel!

Fri, 02 Feb 2024 13:55:55 GMT

Det er grunn til å tru at Vestborg-elevane er blant dei elevane i landet med best trivsel i vidaregåande skule, studieførebuande retning.

Vi har studert tala til Utdanningsdirektoratet sin elevundersøking for skuleåret 2023-24. Dei er å finne her: https://www.udir.no/tall-og-forskning/statistikk/statistikk-videregaende-skole/elevundersokelsen-laringsmiljo-vgs-sortert-etter-indikator/ .

Der har vi teke eit djupdykk i kategorien «Trivsel», og med atterhald i menneskelege feil, her er resultata:

Til saman er det 382 skular i landet som tilbyr studieførebuande fag i vgs.

I vg2 så har Vestborg den beste trivselen i heile landet!

I vg3 så har Vestborg den fjerde beste trivselen i landet!

*Vestborg deler 4. plassen med 4 andre skular

Vg 1:

På grunn av personvernreglementet kjem ikkje Vestborg sine resultat fram på den offisielle statistikken for vg1.

Rektor Jon Ove Holen er veldig glad for tala i elevundersøkinga til Utdanningsdirektoratet.

- Trass i tala i vg1 er noko usikre, og at andre deler av undersøkinga viser at vi har område vi bør bli betre på, varmar resultata om trivsel eit rektorhjarte. Det er stort at elevane våre har det så godt på Vestborg, og så veit vi at gjennom god trivsel i skulen så aukar det lærelysta. Dette speglar også resultata for Vestborg i andre kategoriar i elevundersøkinga.

- Kva er årsaka til den høge trivselen på Vestborg?

- Det er det fleire årsaker til. Mellom anna er vi ein kristen internatskule med relativt få elevar, og det gjer at personalet og elevane kjem tett på kvarandre. Når det gjeld servicepersonalet og pedagogane, så står dei på langt meir enn ein kan forvente for å gjere dagane til elevane best mogleg - både når det gjeld trivsel og det faglege. Eg er imponert over kor personalet drar lasset i lag og i same retning.
Men eg vil også løfte fram vala og jobben som elevane gjer. Eitt av Vestborg sine verdiord er tillit. Eg opplever at elevane våre byggjer tillit i staden for å rive gjennom vala dei tek i møte kvarandre og personalet. Eit døme på haldninga til elevane synte seg då vi nyleg hadde bli-kjent-helg på tunet. Då hadde vi ein rekordstor gjeng på besøk som vurderer å bli Vestborg-elev til hausten. Denne helga var det veldig flott å sjå måten elevane våre inkluderte gjestane våre på. Eg fekk mange gode tilbakemeldingar frå både bli-kjent-helg-deltakarar og foreldra deira i samband med denne helga.

Styret vitjar Vestborg

Tue, 23 Jan 2024 10:25:17 GMT

Årleg i januar legg styret eit møte til Vestborg. I samband med dette har ein middag og møte med personalet.

Også i år, og som så ofte elles i løpet av eit år, så stilte kjøkenet opp med tilrettelegging og god mat. Denne gongen var det laks som stod på menyen.

Leiar i styret, Ingrid Kvam Steinshamn, leia fellessamlinga. Det vart teke utgangspunkt i elevundersøkjinga som viser at trivselen blant elevane er veldig høg. Deretter var det samtale rundt borda kva som kunne vere årsaker til det. Styret og styreleiar Steinshamn ville med dette setje ljos på det gode arbeidet som vert gjort på skulen.

Det er verdifullt å ha fellesmøte mellom styret og personalet. Då utvidast kunnskap og kjennskap til dei som fyller ulike roller i det å drive Vestborg vidaregåande skule.

- Eg trur aldri eg har vore så glad før

Sun, 21 Jan 2024 11:26:17 GMT

På Vestborg er ein no inne i avslutningsdagen under kick-off-helga. Mange kick-offerar er i skitrekket, og no klokka 14 er det informasjonsmøte for foreldre.

Med nærare 60 kick-offerar, over 40 foreldre, samt russen som kjem att frå russeturne, vil det aule med folk på Vestborg under middagen kl 15. Det kan fort verte 150-170 personar som skal serverast!

Men tilbake til kick-offerane.
Det verkar som om gjestene våre er nøgde med helga. Her kjem nokre kommentarar:

- Eg trur aldri eg har vore så glad som eg har vore denne helga.
- Eg fekk meir lyst å gå på Vestborg etter denne helga
- Eg blei kjend med mange nye og fine folk, og eg vurderer skulen meir no enn før kick-off!

- Det var gøy. Spesielt elevkvelden.
- VELDIG KJEKT! Ei heilt super helg – og eg har fått sterke inntrykk. Kick-off er 10/10!

Dei ansvarlege for helga vil gjerne takke alle elevane som bidrog med friviljug innsats, samt miljøarbeidarar og kjøkengjengen. Tusen takk!

Og så må elevkvelden laurdag nemnast! For ei fantastisk stemning! For ei fellesskapskjensle det var mellom elevar og kick-offerar!

Rørande!

Sengestrekk-konkurranse

Grandiosa, sponsa av Stabburet, til kvelds!

Informasjon før "Capture the flag".

Ny deltakarrekord på kick-off!

Fri, 19 Jan 2024 22:20:28 GMT

Kick-off er ei bli-kjent-helg. Elevar som vurderer Vestborg til hausten er her for å bli kjend med skulen, elevar som til neste år skal gå i vg2 og vg3, samt elevar som kanskje blir klassekameratar komande skuleår.

Kick-offdeltakarane har fredag kveld vore med på blant anna bli-kjend-aktivitetar i gymsalen. Utover i helga står mellom anna Capture the flag og elevkveld på programmet. Sundag skal dei aller fleste i trekket.

Dei vil også få informasjon om kva fagtilbod skulen gir.

Mange av kick-offerane sine foreldre kjem både til informasjonsmøte og middag på sundag.

Det er ein positiv gjeng vi har som gjestar i helga, og det ser ut til dei aktivt tek initiativ til å bli kjende med kvarandre.

Dette ser lovande ut med tanke på neste skuleår!

Nedanfor ser de gjengen i gang med "buss-leiken".

Vestborg fyller 75 år

Tue, 09 Jan 2024 19:08:30 GMT

I dag er det 75 år sidan Vestborg vart oppretta

9. januar 1949 vart Vestborg Vgs oppretta, den gongen som Storfjord Handelsskule. Nokre å seinare bytta skulen navn til Vestborg Handelsskule før den i 1981 igjen bytta navn til Vestborg videregåande skule som vi den dag i dag kjenner.

Dagen vart markert med ei forlenga morgonsamling der rektor Jon Ove fortalde om skula si historie, før heile skulen gjekk ut for å heise flagg til "Hurra for deg". Feiringa vart avslutta i matsalen der det var marsipankake til elevar og tilsette.

Gratulerer med dagen Vestborg! Tusen takk for alle gode stunder og minner du har gitt gjennom 75 år.

Juleglimt: Julevask

Tue, 19 Dec 2023 15:29:30 GMT

Elevane gjer ein kjempeinnsats kvart år oppunder jul, for då går ein laus med vaskefiller på fellesareala på skulen. På den måten hjelper elevane til med å halde utgifter til reinhald nede.

vestborg.no var i traktene i og rundt internatet Drege, og let seg imponere av pågangsmot, arbeidsinnsats og positivitet. Det var tydeleg at elevane hadde skjøna poenget med dugnad – at det gjer noko positivt med det sosiale fellesskapet, og samtidig får ein areala reine. Ja, det var rett og slett kos å sjå arbeidsinnsatsen akkompagnert av Alf Prøysen, Wham og Carola.

På bilete ser ein Daniel Falch, Johannes Garcia de Presno og Andreas Lothe på jobb med gode smil! ��

Kvardagsglimt: Nøgd leigetakar

Tue, 12 Dec 2023 21:45:57 GMT

vestborg.no fekk ein rask prat med leiaren av bordtennisgruppa i Stranda IL, Jakob Skog, her ein dag. Til saman leiger gruppa gymsalen tre gonger i veka. Ein av dagane er åtte born i aktivitet, ein annan dag er det åtte vaksne som er på plass, medan føremiddagar på laurdagane er det fellestrening.

Skog fortel at bordtennisgruppa har eit godt samarbeide med skulen:

- Det var vanskeleg å finne ledig kommunalt lokale, så vi er takksame for at vi kan leige gymsalen på Vestborg. Her kan vi vere fleksible i høve til tidspunkt, og her går det greitt å oppbevare bordtennisborda mellom treningane, seier han.

Helgeglimt: Miljøaktivitetar

Tue, 12 Dec 2023 21:41:55 GMT

I helga som vi nyleg har gått ut av, var det peparkakekonkurranse som stod på programmet. Miljøarbeidar Henriette Hals stod for regien, og elevane kosa seg med den praktiske samarbeidsoppgåva.

På bileta kan ein sjå både aktivitet og resultat.

Unike tilbod for Vestborg-elevar

Sat, 09 Dec 2023 22:31:09 GMT

Førre veke var idrett vg3 i Östersund under World Cup i skiskyting. Der hjelpte dei mellom anna til på «skjutvallen» - på standplass med viktige oppgåver. Les gjerne nedanfor kva dei einskilde opplevde.

Komande veke skal idrett vg2 til Trondheim for å hjelpe til under prøve-VM på ski.

Kjenner du nokon som vurderer å ta idrett på Vestborg? Då kan det vere greitt å vite at neste skuleår skal alle elevar som går idrett vere funksjonær under VM på ski i Trondheim. Dette arrangementet er det det største i Noreg dette tiåret – og Vestborg-elevar får vere med i arrangørstaben.

Skuleåret 2025-26 er det Vestborg-elevar som igjen får reise til Östersund.

Desse tilboda er nært knytt opp mot faga «Idrett og samfunn» og «Treningsleiing».

Så til de som er glade i Vestborg: Sprei gjerne bodskapen om dette unike tilbodet som idrettselevar ved Vestborg får!

Her kjem rapport frå Östersund-fararane:

Samuel Fiskerstrand frå Ulsteinvik:

- Det var veldig, veldig kjekt. Opplevinga overgjekk mine allereie høge forventningar.

- Kva for oppgåve hadde du?

- Eg var «knapptryckare» på standplass. Det vil seie eg hadde ansvaret for å registrere digitalt kva for bane skiskyttarane var på når dei skulle skyte. Det gjorde at TV-sjåarane kunne sjå i høgre biletkant kva for utøvar som var inne til skyting, og kor mange treff og bom vedkomande hadde. Dessutan var eg med på å skifte skytetavler under trening og under innskyting før konkurransane.

Samuel likte å jobbe inne på stadion.

- Det var veldig kult å sitje like bak skiskyttarane då dei var på standplass – og få vere så tett på under konkurransane. Eg har også møtt og snakka med fleire utøvarar, og eg har fått startnummer til nokre av dei. Det var imponerande kor jordnære dei var.

- Kva har du lært?

- Eg har lært meir kor mykje det krevst for å gjennomføre eit så stort arrangement. Det var stor profesjonalitet som låg bak! Til saman var vi 1000 friviljuge som hjelpte for å få gjennomført arrangementet. Eg har også fått innblikk i kor mykje det å arrangere World Cup i skiskyting har å seie for byen Östersund, seier Vestborg-eleven.

Tobias Engås (miljøarbeidar) og Vegard Muren frå Stranda:
Vegard og Tobias var to av dei som fekk seg ei stor oppleving i Sveriges vinterhovudstad. Oppgåvene deira var hovudsakleg på «skjutvallen», eller standplass som ein seier på norsk.

Vegard hadde mellom anna oppgåva som protokollførar. Då hadde han ansvar for å notere ned bom på dei skivene han hadde fått tildelt. Ei anna oppgåve var å halde skytematta fri for snø ved å koste.

Tobias var «knapptryckar» på standplass. Det vil seie han hadde ansvaret for å registrere digitalt kva for bane skiskyttarane var på når dei skulle skyte. Det gjorde at TV-sjåarane kunne sjå i høgre biletkant kva for utøvar som var inne til skyting, og kor mange treff og bom vedkomande hadde.

Dei var ein del av ein stab på 1000 friviljuge som hjelpte til under World Cup-arrangementet

Vegard var veldig godt nøgd med det han fekk oppleve.

- Det var veldig bra i Östersund! I fritida fekk prøvd både Go cart, laser tag og curling. På stadion opplevde vi svenskane som veldig imøtekomande og gode folk. Eg likte spesielt jobben med å koste matter. Då var eg veldig nær utøvarane under konkurransen.

- Kva anna likte du?

- Eg fekk snakka med Tarjei Bø, og vi fekk startnummera til utøvarar. Det var stas.

- Kva har du lært?

- Det er veldig mange ting som må gjerast på eit sånt arrangement som ein ikkje ser på TV. Eit døme er at mattene skiskyttarane står på når dei skyt, må skruast ned i bord som ligg under snøen.

Tobias hadde også ei veldig god oppleving.

- Eg har kosa meg med oppgåva, og det å få skiskyting på så nært hald. Det har vore veldig bra. Eg har treft veldig mange hyggjelege folk i arrangørstaben og eg har hatt det veldig kjekt med Vestborg-gjengen som har vore på tur. I tillegg var det ein spesiell atmosfære på stadion med kaldt ver, snø, vindstille og flomlys.

- Har du nokre høgdepunkt å trekke fram?

- Vebjørn Sørum tok sin først pallplass i verdscupen i Östersund. Han var ein triveleg kar, og han snakka eg med ved fleire høve. Det var kjekt. Det var også artig å få prate med Dorothea Wierer frå Italia. Eg fekk til og med eine startnummeret hennar.

Vegard summerer opphaldet på dette vis:
- Dette var tøft å vere ein del av!

Marcus Volle frå Sula:

Marcus hadde nokre strålande dagar i Sveriges vinterhovudstad.

Han var for det meste protokollførar. Det vil seie at han jobba på standplass, og der han førte manuelt inn i skjema kor mange bom skiskyttarane på hans baner fekk. Dette var som ein back-up om noko skulle gå galt med det digitale. I tillegg fekk han prøve seg som løypevakt.

- Dette var veldig kjekt! Eg har møtt mange trivelege svenskar. Dei var hyggjelege og hjelpte oss på beste måte. Det var også gøy å møte mange av dei store namna som eg tidlegare berre har sett på TV.

- Kva har du lært?

- Eg har lært at det skjer mykje meir i kulissane enn TV-sjåarane får med seg. Til dømes så skal mattene utøvarane står på når dei skyt berast ut og inn kvar dag, og under trening og innskyting skal ein setje fram våpenstativ. Eg har også lært kor viktig World Cup er for byen Östersund, og at arrangementet er ei veldig viktig inntektskjelde for idrettslaga i og rundt byen. Elles så set eg stor pris på at Vestborg tilbyr dette undervisningsopplegget. Her var det «learning by doing».

Marcus summerer opp dagane på dette viset:

- Det var veldig kjekt å få oppleve å vere ein del av eit så stort arrangement – og oppleve frå innsida korleis det går føre seg.

Johanne Hovden frå Ørsta:

Johanne var for det meste protokollførar. Det vil seie at ho jobba på standplass, der ho førte manuelt inn i skjema kor mange bom skiskyttarane på hennar baner fekk. Dette var som ein back-up om noko skulle gå galt med det digitale. I tillegg var ho med og skifta tavler når det var trening og innskyting.

- Eg har hatt det veldig kjekt! Det var ei heilt ny oppleving, for eg har aldri vore med på noko liknande før. Det heile gjekk føre seg på perfekt vis. Svenskane har gode rutinar på korleis dei skal arrangere World Cup i skiskyting.

- Kva har du lært desse dagane?

- I tillegg til oppgåvene mine, så har eg lært korleis skiskyting fungerer. Vi ser ikkje alt på TV, men det er utruleg mange oppgåver som må gjerast. Dessutan har eg opplevd at dei svenske med-funksjonærane var veldig gode på å vere imøtekomande. Dei var flinke og tolsame med å lære oss opp. Det var også kjekt å sjå kor viktig arrangementet var sosialt. Det var mange pensjonistar som jobba, og dei hadde heilt tydeleg glede av å ta i eit tak saman med andre. Elles er det veldig flott at Vestborg har eit sånt tilbod. Her var det «learning by doing», og eg trur det vert lærerikt når Vestborg-elevane neste vinter skal vere med å arrangere VM på ski i Trondheim.

William Fredrik Seljeflot fra Kristiansund:

William var for protokollfører. Det vil si at han jobba på standplass, og der han førte manuelt inn i skjema kor mange bom skiskytterne på hans baner fikk. Dette var som en back-up om noe skulle gå galt med det digitale. I tillegg hadde han også oppgava med å flytte utøverne sin bagasje fra start- til målområdet.

Til sammen var det rundt 1000 funksjonærer som var i sving under World Cup-arrangementet.

På spørsmål om korleis han har hatt det, svarer William «jättebra!»

- Det var veldig kjekt å få være med å flytte bagasjen, men enda kjekkere var det å få kontakt med skiskytterne. Den siste dagen kom både Ingrid Landmark Tandrevold og Karoline Knotten bort til oss. Knotten ga oss startnummer som hun hadde brukt tidligere i Östersund. Det var også stas å få startnummeret til Tamara Steiner fra Østerrike.

- Hva har du lært disse dagene?

- Jeg har lært hvor mye som skal til for å få et så stort arrangement til å fungere. Et eksempel er at noen må sørge for at mattene utøverne står på når de skyter, de må skrues ned i et bord som ligger under snøen.

Rebekka Nybø frå Sjøholt:

Rebekka har hatt nokre lærerike dagar saman med 1000 andre frivillige funksjonærar.

- Eg har fått mykje betre innsikt i korleis skiskyting fungerer. No har eg sett oppgåvene som skiskyttarane gjennomfører, og eg har fått innsikt i kor mykje arbeid det ligg bak å arrangere World Cup. No vil det bli mykje kjekkare å sjå skiskyting på TV.

- Kva for oppgåver har du hatt?

- Eg har skifta skytetavle i samband med trening og innskyting, eg har rydda mattene på plass som utøvarane står og ligg på når dei skyt, eg har kosta mattene for snø, og eg har bore bagasjen til utøvarane frå start- til målområdet.

- Korleis har det vore?

- Eg har fått eit meir heilskapleg inntrykk av korleis det er å arrangere ein sånn type konkurranse. Elles har det vore veldig kjekt å vere funksjonær saman med svenskane. Dei jobbar der som friviljuge, og det merkast. Eg opplevde smil over alt, og alle snakka med alle. Dessutan var det ein veldig kjekk gjeng eg reiste saman med frå Vestborg. Vi treivst veldig godt i lag.

- Har du opplevd nokre høgdepunkt?

- Det var veldig kjekt å snakke med Ingrid Landmark Tandrevold og brørne Johannes Thingnes og Tarjei Bø, men også Tamara Steiner frå Austerrike var veldig koseleg, seier Rebekka.

Peter Eide frå Eidsdal:

Peter var ein av dei som jobba dugnad under tevlinga i Sverige sin vinterhovudstad. Hovudoppgåva hans var å vere «knapptryckar» på standplass. Det vil seie han hadde ansvaret for å registrere digitalt kva for bane skiskyttarane var på når dei skulle skyte. Det gjorde at TV-sjåarane kunne sjå i høgre biletkant kva for utøvar som var inne til skyting, og kor mange treff og bom vedkomande hadde.

- Korleis opplevde du denne oppgåva?

- Det var veldig kjekt. I byrjinga var eg litt nervøs, men eg fekk veldig god oppfølging frå dei svenske friviljuge. Elles hadde eg ei veldig spennande jobb-plassering. Eg sat mellom skiskyttarane og trenarane deira, så på trening og på innskyting kom eg veldig tett på dei. Det artigaste var då Vebjørn Sørum, som tok si fyrste pallplassering verdscupen i Östersund, skjøna at vi var norske. Han byrja å snakke med oss. Det var veldig kjekt.

- Kva lærte du desse dagane?

- Eg lærte kor jordnære skiskyttarutøvarane var, og at Sverige er eit fint land. Vi hadde også eit møte med Martin Ohlsson, leiaren for heile verdscup-arrangementet. Han understreka kor arrangementet skapar band og fellesskap mellom innbyggjarane i distriktet. Denne fellesskapen fekk vi også ta del i, for vi vart teken veldig godt i mot av svenskane.

- Korleis har du hatt det?

- Eg har hatt det svært bra, og eg vil gjerne reise tilbake til Östersund for å jobbe dugnad. Difor gler eg meg over at Vestborg har dette tilbodet til idrettselevane sine. Neste vinter skal Vestborg-elevar vere med å arrangere VM på ski i Trondheim, medan året etter vert det tur til Östersund igjen.

Kvardagsglimt: Morgonsamling

Wed, 22 Nov 2023 09:52:13 GMT

Her på vestborg.no legg vi framover vekt på å kome med glimt kva som skjer i kvardagen på Vestborg. Vi byrjar med «hjarta» i skulekvardagen vår: Morgonsamlinga.

Kvar vekedag kl 10.05 samlast elevar og personalet. Her kjenner vi på fellesskapet og her blir det gitt fellesmeldingar. Hovudingrediensen i morgonsamlinga er andakta.

Tysdag denne veka var det inspektør Øystein Strand sin tur til å ha andakt. Dei siste vekene har det vore godt ver her på Nordvestlandet, så Øystein snakka om morgonstjerna, altså planeten Venus. Dette linka han til 2. Petersbrev 2.19, der det står at profetord er som ei morgonstjerne.

Truleg rekordstor hospiteringsgjeng

Fri, 17 Nov 2023 16:04:57 GMT

Denne veka var det mange nye andlet å sjå på tunet. Onsdag og torsdag var nemleg ein flott gjeng hospitantar på besøk. Det er 10. klassingar som valde å kome til Vestborg for å bli betre kjend med skulen. Kvart år i november arrangerer fylket hospiteringsveke der 10. klassingar får besøke skular dei vurderer å gå på.

Desse dagane var heile 24 ungdomsskuleelevar innom tunet, og så langt som ein veit, så har talet aldri vore høgare for Vestborg. Det er det gledeleg å notere seg.

Servicepersonalet, lærar og fadderelevar gjorde ein flott jobb med å legge til rette for gjennomføringa.

Aller mest action var det då kjemilærar Øystein Strand og naturfaglærar Anders Nybakk viste kjemi i praksis.

Etter rapportane å døme var hospitantane godt nøgde med opphaldet.

- Dette var veldig bra, var til dømes ein kommentar frå ein av hospitantane.

Russen med godleik i praksis

Fri, 17 Nov 2023 13:25:26 GMT

Nokre eldsjeler i kristenrussen på Vestborg gjennomførte godleik i praksis.

Dei hadde laga godleik-posar til kvar av elevane på skulen, som elevane fekk gratis. I posen var det ei personleg helsing til den enkelte elev.

I tillegg spanderte dei kake på alle i lunsjen.

Men ikkje nok med det, dei tok også med seg godleik-posar og kake opp på Stranda vgs og delte ut til Stranda-elevane!

For å skrive om litt av teksten til songen «Mot i brystet»: «Slike elever, det vil gamle Norge ha!»

Godleiks-stuntet vart gjort i samarbeid med gjengen i Laget.

New Paragraph

Nordlys over Vestborg

Wed, 08 Nov 2023 15:44:06 GMT

Sundag kveld vitja Aurora Vestborg. Gutane på Drege var i fyr og flamme - og fotograferte det vakre synet.

Her ser du glimt korleis Aurora Borealis tedde seg under vitjinga.

Hospitering i veke 46

Wed, 08 Nov 2023 15:22:59 GMT

Hospiteringa for årets 10. klassingar vert i veke 46. Her er programmet for hospiteringa.

Plan for måndag 13.11.

Gje melding via rektor@vestborg.no om matallergi.

NB! Foreldre er velkomne på gratis middag. Hugs påmelding på førehand innan søndag 12. november.

09.40: Buss frå Moa

11.02: Framme ved Vestborg

--------

11.05: Oppmøte i salongen i matsalbygget for informasjon og omvising

12.05: Enkel, men gratis lunsj

12.35: Fagleg fokus

15.50: Gratis middag

16.57: Buss til Moa

18.20: Framme på Moa

Plan for onsdag 15.11.

NB! Du er velkomen til å oppleve eit lite døgn på Vestborg. For deg som vil kome tysdag kveld, sjå info lenger nede i teksten. ��

Gje melding via rektor@vestborg.no om matallergi.

NB! Foreldre er velkomne på gratis middag. Hugs påmelding på førehand innan måndag 13. november.

09.40: Buss frå Moa

11.02: Framme ved Vestborg

---------

11.05: Oppmøte i salongen i matsalbygget

11.20: Fagleg fokus

12.05: Enkel, men gratis lunsj

12.35: Info og omvising

14.15: Fagleg fokus. Idrett-hospitantane tek med klede til å ha kroppsøving/aktivitetslære i – evt dusjsåpe/handklede

15.50: Gratis middag

16.57: Buss til Moa

18.20: Framme på Moa

-------

Velkomen til Vestborg tysdag kveld

Påmeldingsfrist måndag kveld til rektor@vestborg.no

Ta med laken, pute/putevar og sovepose + toalettveske (Madrass får du låne på skulen)

17.40: Buss frå Moa

19.00: Framme ved Vestborg

19.05: Oppmøte og velkomst i salongen i matsalbygget

19.30: Gratis kveldsmat (også for evt. foreldre)

20.00: Aktivitetar

22.30: Ro (overnatting på klasserom)

07.45: Frukost

08.10: Fagleg fokus

10.05: Morgonsamling

10.30: Fagleg fokus

(Sjå elles ovanfor for program for resten av dagen)

Plan for torsdag 16.11.

NB! Du er velkomen til å oppleve eit lite døgn på Vestborg. For deg som vil kome onsdag kveld, sjå info lenger nede i teksten. ��

Gje melding via rektor@vestborg.no om matallergi.

NB! Foreldre er velkomne på gratis middag. Hugs påmelding på førehand innan tysdag kveld.

09.40: Buss frå Moa

11.02: Framme ved Vestborg

---------

11.05: Oppmøte i salongen i matsalbygget

12.05: Enkel, men gratis lunsj

12.35: Fagleg fokus, naturfag

14.15: Fagleg fokus, kroppsøving. Ta med klede til å ha kroppsøving – evt dusjsåpe/handklede

15.50: Gratis middag

16.57: Buss til Moa

18.20: Framme på Moa

-------

Velkomen til Vestborg onsdag kveld

Påmeldingsfrist måndag kveld til rektor@vestborg.no

Ta med laken, pute/putevar og sovepose + toalettveske (Madrass får du låne på skulen)

17.40: Buss frå Moa

19.00: Framme ved Vestborg

19.05: Oppmøte og velkomst i salongen i matsalbygget

19.30: Gratis kveldsmat (også for evt foreldre)

20.00: Aktivitetar

22.30: Ro (overnatting på klasserom)

07.45: Frukost

08.30: Fagleg fokus

10.05: Morgonsamling

(Sjå elles ovanfor for program for resten av dagen)

Elles vil vi også minne om korleis årets vg2-klasse vurderte Vestborg i Elevundersøkjinga i 2022. Av 342 skular med vg1-stud.spes, så blei vi vurdert til 6. plass i kategorien «Trivsel» og 7. plass i kategorien «Støtte frå lærarane».

https://www.vestborg.no/vestborg-i-noregstoppen-trivsel-og-sttte-fra-lrarane

Hjarteleg velkomen på hospitering!

Julemesse på Vestborg

Wed, 08 Nov 2023 12:22:26 GMT

Laurdag 25. november er det julemesse på Vestborg

JULEMESSE PÅ VESTBORG

Laurdag 25. november 2023

Kl. 10.30 Messa opnar

Kl. 12.00 Samling for heile familien – sang og musikk

Kl. 13.00 Sal av rømmegraut m/spekemat (slutt kl. 14.30)

Kl. 14.30 Sangmøte med Rune Sæther – allsang

Kl. 16.00 Avslutningsmøte – hovudtrekning

Andakt av Arnfinn Røynland

Sang av Sunnmørsgutane

Vi tilbyr for sal:

Smurte lefser – kransekaker – småkaker – flatbrød

gjærbakst – gåveartiklar – handarbeid

ÅRESAL – KAFETERIA – TOMBOLA

VEL MØTT PÅ VESTBORG!

Vi har betalingsterminal

Nok ein flott haustfest på Vestbog

Wed, 08 Nov 2023 12:08:32 GMT

Laurdag 5.nov var tunet på Vestborg fylt med foreldre, besteforeldre og søsken- det var klart for endå ein haustfest!

Haustfestdagen er ein innhaldsrik og kjekk dag for både elevar, foreldre og personalet på Vestborg. Elevsamtalar, servering av fleximiddag og klassesamlingar står på programmet på formiddagen.

Kl 17.00 starta festprogrammet i gymsalen. Her var det mange i sving!

Kvelden starta med ein bildekavalkade frå skuleåret, før vg3-elevane Emilie G. Henriksen og Heaven Doorenspleet leia oss godt igjennom heile kvelden. Dei fleste elevane på skulen starta kvelden med ein felles dans bakerst i salen og med det var ein svært underhaldane festkveld i gong

Rektor, Jon Ove Holen, hadde ein flott tale, fulgt opp av ei veldig god og viktig andakt av Pernille Fiskerstrand.

Lovsangsteamet med fullt band, som består av elevar, leia dei frammøtte i lovsang av høg kvalitet, og skapa skikkelig festivalstemning.

Russepresident Samuel Fiskerstrand presenterte årets misjonsprosjekt i Austlege Afrika på vegne av misjonsleiarane som for tida besøker prosjektet deira. Både russen og Vestborg generelt vil oppfordre til givervilje for dette prosjektet.

Så var det tid for underhaldning. Først skulle ein elev konkurrere med ein lærar i ein quiz. Det førte til at lærar Roar Holte måtte ofre håret etter tap i quizen som må seiast å vere noko partisk i elevens favør.

Etterpå hadde elevar frå vg2 lage ein morosam sketsj som kvardagen til nokre elevar på skulen.

Lærar Geir M. Landa var kongen i Vestborgs eigen versjon av "Kongen befaler", og her gjekk elevane igjen av med sigaren.

Til slutt framførte vg3-elevane Rebekka Nybø og Peter Starheimseter ein Flott duett med songen "Anything you can do"

I tradisjon tru ble kvelden avslutta med kveldsmat, og kjøkkenpersonalet hadde som vanleg gjort ein kjempejobb med både mat og kaker.

Møre Ålesund på Vestborg-besøk

Thu, 02 Nov 2023 12:58:38 GMT

I løpet av skuleturen var elevane var på bedriftsbesøk på pizzafabrikken på Stranda og gjekk tur opp Ljøbrekka ved Hellesylt. Overnattinga føregjekk på klasserom på Vestborg. Difor vart det arrangert volleyballturnering med miksa lag av Møre- og Vestborg-elevar på ettermiddagen. Om kvelden var det mingling og spel i russekiosken.

vestborg.no fekk ein kjapp prat med Møre-lærar Gry Sæther ved kaffimaskina under kveldsmaten.

- Her er god stemning og høg trivsel. Eg ser god sosial interaksjon både under volleyball-kampane og her under kveldsmaten, seier ein nøgd lærar.

Møre-elev Emma Drønnesund skyt inn:

- Det er gøy å vere her saman men nye folk, seier ho.

Utdanningsdag ved Høgskulen i Volda

Thu, 02 Nov 2023 12:53:41 GMT

Der vart dei kjende med dei ulike tilboda som høgskulen gir til studentane sine. Etter fellesinformasjonen fekk elevane gå på sjølvvalde informasjonsseminar etter deira interesser.

vestborg.no fekk ein prat med nokre av elevane i matpausen.

- Dette var informativt og bra. Informasjonen vi har fått har gjort det aktuelt å få vite meir om tilboda til høgskulen. Det å arrangere ein sånn utdanningsdag er eit flott tiltak, seier Hannah Kvalsund.

Johanna Hovden, Solveig Bakke og Emilie Løvold var også nøgde.

- Vi har blitt godt tekne vare på her på Berte Kanutte-huset, og «viben» her er inkluderande. Studentane og lærarane verka som dei hadde eigarskap til det dei sa om skulen og studentmiljøet, og lærarane verka veldig engasjerte i oppgåva med å få studentane her til å lukkast, seier dei.

Johanne Hovden, Hanna Kvalsund, Solveig Bakke og Emilie Løvold et lunsj i kantina på Berte Kanutte-huset.

Haustfesten nærmar seg

Wed, 25 Oct 2023 13:21:26 GMT

Sjølve haustfesten byrjar kl 17, men før det har foreldre og føresette tilbod om både kontaktlærarsamtalar og klassevise foreldremøte.

Både foreldre, familie elles og andre Vestborg-vener er velkomne til haustfesten kl 17.

Programmet:

Kl 11.00-14.30: Samtalar med kontaklærar på tilviste rom. Hugs å avtale tid.
Kl 13.30-14.30: Flexi-middag (for alle)
Kl 15.45-16.30: Klassevise foreldremøte. Møta er også for elevane.
Kl 17.00. : Fest i gymsalen. Kveldsmat etter programmet.

Vestborg i noregstoppen i trivsel og støtte frå lærarane!

Wed, 25 Oct 2023 12:31:52 GMT

Vestborg i noregstoppen i trivsel og støtte frå lærarane!

I Utdanningsdirektoraret si skildring av Elevundersøkinga står det:

«Det er obligatorisk å gjennomføre Elevundersøkelsen for 7. trinn, 10. trinn og vg1 i høstsemesteret. Skolene velger selv om de vil gjennomføre på flere trinn, og kan invitere elever fra 5. trinn til og med vg3. Det er alltid frivillig for elevene å delta, og det er også mulig å hoppe over spørsmål.»

Med bakgrunn i dette har vi tatt eit djupdykk i resultata for vg1 i heile landet.

Vi har gått inn på kvar dei vidaregåande skulane som har studieførebuande program i våre 11 fylker – til saman har vi rekna det ut til å vere 342 skular.

Vi har teke for oss kanskje dei to viktigaste kategoriane – dei to kategoriane som er fyrst nemnd i Elevundersøkinga; «Trivsel» og «Støtte frå lærarane». Det var også dei vi gjorde det best i.

Med atterhald om menneskeleg feil, her kjem resultatet:

I kategorien «Trivsel» ligg vi på delt 6. plass med 4,6 av 5,0 mogleg score!

I kategorien «Støtte frå lærarane» ligg vi på delt 7. plass med 4,5 av 5,0 mogleg score!

I Møre og Romsdal fylke er vi nummer 1 i begge kategoriar!

Den 1. mars er det søknadsfrist for inntak for komande skuleår.
Vi veit det er mange som er glade i skulen, og vi oppmodar alle i Vestborg-familien til å spreie desse gode nyhendene i sitt kontaktnett:
Dersom ein byrjar på Vestborg, så er sjansane gode for å få oppleve god trivsel og god støtte frå lærarane til å gjere det godt på skulen.

Vestborg på messer

Tue, 24 Oct 2023 20:02:10 GMT

Vestborg-elevar har gjort ein skikkeleg god ambassadørjobb til dømes på Averøy, i Sykkylven og i Sparebanken Møre Arena i Ålesund.

Vi er veldig godt nøgde med responsen frå 10. klassingar og foreldre, og så blir det spanande å sjå om det viser igjen på søkjartala som kjem i mars.

På bileta kan ein sjå Vestborg-elevar i kommunikasjon med 10. klassingar i Sykkylven og i Sparebanken Møre Arena tidlegare i haust.

Jubilanttreffet 2023

Sat, 23 Sep 2023 14:31:50 GMT

Laurdag 16.september var det jubilanttreff her på Vestborg

God stemning og gjensynsglede prega jubilanttreffet på Vestborg også dette året.

Laurdag 16. september var nærare 40 tidlegare elevar og tilsette samla til jubilanttreff på Vestborg. Det var grupper med 60-, 50-, 30-, 20- og 10-års jubilantar, som de kan sjå nedanfor.

Opplegget var omtrent det same som kvart år – klassevis samlingar, festmiddag og kaffi med kaker og program.

Men det viktigaste på eit jubilanttreff er det som skjer i tillegg til det offisielle programmet. Gjensynsgleda var stor og praten gjekk om tida på Vestborg og kva som hadde skjedd i åra etter.

60-års jubilantar: F. v.: Torleif Ola Remme, Oddny Furset Pettersen og Lars Sigmund Kleive.

50-års jubilantar: F.v.: Gerd Johannessen, Inger Johanne Midtbø, Bente Rørvik Urkedal, Janne Lise Hagen Espelund, Reidun Pedersen, Aud Sølvi Breivik Hjelmeseth, Eva Johanne Rødal Wentzel, Marion Nilsen, Jorunn Magni Overvåg, Sonja Tarberg, Per Arne Sve, Reidun Jarnes, Audun Vartdal, Oddhild Flø Låbakk, Marte Overå, Arnold Nogva, Bjørg Skoge Oksavik, Anne Kirsti Flø Olsvik og Ragnvald Roald.

30-års jubilantar: F.v.: Even Johan Pettersen, Olaug Saltre, Solveig Anita Myhre og Frode Myhre.

20-års jubilantar: F.v.: Asle Dyrhol, Marita Ulstein Stang, Pernille Fiskerstrand, Jorunn Sandbakk, Ingeborg Lid Berget, Heidi Mork, Anne Marie Ørstavik og Aleksander Lid Berget.

10-års jubilantar: F.v.: Solveig Nes Bakke, Peder Jarl Bratlie, Helge Sørli, Tor Håkon Ånderå, Tine Bjørnøy-Dimmen, Maria Ulla Pedersen og Ane Marta Lindseth Stige.

Elevane på klasseturar

Thu, 07 Sep 2023 20:38:16 GMT

Dei tre ulike klassane drog til ulike stader i distriktet på samanristningstur.

Vg3 var på Kaldhussetra i Tafjord, medan vg2 og vg1 var på høvesvis Fjellsetra og Orreneset på grensa mellom kommunane Stranda og Sykkylven. Rapportane som har kome vestborg.no for øyre, tyder på at det har vore gode samlingar.

På biletet ovanfor har vg1-elevane fått i oppdrag å skrive gode ord til kvarandre. Orda vart skrivne på ein papptallerken som heng på ryggen til kvar einskild.

På biletet nedanfor kan ein sjå kontaktlærar Bodil Breivik Bø underviser vg1-elevane i dugleiken «aktiv lytting» på Orreneset. I etterkant fekk elevane prøve dette i praksis, og kontaktlærarane opplevde elevane som veldig læreviljuge og engasjerte. Dette lovar godt for skuleåret!

KrF klart best i skulevalet

Thu, 07 Sep 2023 20:11:13 GMT

KrF gjorde det desidert best med 63.9 % av stemmene. Deretter følgde FrP og H med høvesvis 16,4 % og 8,2 %.

Valoppslutnaden på valet var på 98,6 %

Heile lista:

KrF 63.9 %
FrP 16,4 %
H 8,2 %
AP 3,3 %
R 3,3 %
V 3,3 %
MDG 1,6 %

Skulebesøk av Dag Inge Ulstein

Wed, 06 Sep 2023 19:07:55 GMT

Vi fekk besøk av stortingsrepresentant, nestleiar i KRF og tidlegare Vestborg-elev Dag Inge Ulstein

Onsdag 23. august vart ein litt annleis dag her på Vestborg. Vi starta med morgonsamling men i staden for vanleg skule fekk vi gleda av ønskje Dag Inge Ulstein tilbake til Vestborg. Dag Inge har sjølv vore Vestborg-elev og tok difor først turen innom internatet Dregetua kor han sjølv budde i 1999 for å trekkje inn stemninga og kjenne på gamle minner.

- " Vestborg har betydd veldig mykje i ei avgjerande tid for trua mi, utviklinga mi og livsvala mine. Her var det eit miljø som la til rette for utvikling og engasjement, det var gode lærarar og ikkje minst fekk eg nokre av mine beste vener her ".

Etterpå heldt han eit foredrag om bistand, menneskerettigheitar og arbeid med klima og berekraft. Her fortalte han om sitt arbeid og sine erfaringar som Bistands- og utviklingsminister under førre regjering. Med interessante og sterke historier saman med bilete frå eigne reiser gjorde dette inntrykk på elevane våre.

- " Det var utruleg sterkt å få sjå bildar av spesifikke situasjonar og høyre om kva han hadde sett og opplevd. Det gjorde mykje større inntrykk enn å berre høyre om svoltkatastrofar. Det var veldig inspirerande å sjå engasjementet hans, for han rista nesten fordi han var så engasjert. Det er også veldig fint at ein som har ein så stor rolle i samfunnet tar seg tid til vesle Vestborg. Det viser kor viktig det er at alle kan bidra og gjere ein forskjell " - Solveig Bakke vg3

Det som engasjerer Dag Inge aller mest var ifølgje han sjølv akkurat dette – å besøke ungdom og skape engasjement hos dei og vise deg at folk kan utgjere ein forskjell. Difor var han svært begeistra over russens misjonsprosjekt som i år går til Aust-Afrika, og hadde følgjande råd til dei.

- " Prøv å gjere det dagsaktuelt. Fortel om problema med sult, tørke og klima som rammar dei i dag. Og ver superfrimodige. Ein må sjølvsagt ta hensyn til at mange strever med økonomien her heime også, men prøv å få fram at ein kan oppnå mykje med små midlar. Også må de sjølvsagt samarbeide godt om det ".

Viss ungdommane ønskjer å engasjere seg meir innanfor bistand eller kanskje også arbeide med det, meiner Dag Inge det er plass til alle. Uansett kva ferdigheiter og evner ein har er det behov for dei. Om ein er kreativ, god i matte eller kva som helst så kan det brukast. Innanfor bistand treng ein heile spekteret. Det handlar om å lese seg opp og sette seg inn i kva utfordringar vi har i verda og å bruke engasjementet sitt inn mot det. Så viss du ønskjer å engasjere deg, følg engasjementet ditt og la det styre. Uansett kva utdanning du ender opp med kan det brukast til å gjere verda til eit betre sted.

- " Det var veldig sterkt, og det får ein til å tenke på andre steder og andre folk, ikkje berre det du kjenner til. Ein innser også kor mykje som kan gjerast, og at det lønar seg å engasjere seg for ein kan gjere ein forskjell " - Jovna Olai vg2.New Paragraph

Skuledebatt og skuleval på Vestborg

Fri, 01 Sep 2023 09:08:55 GMT

Onsdag var elevane ved Stranda vgs og Vestborg samla i gymsalen vår til valdebatt. Dei største partia var representerte med både paneldeltakarar og valtorgstandar. Valtorget vart halde i etterkant av debatten.

Torsdag vart skulevalet gjennomført på Vestborg – med 98,4 % valdeltaking.

Elevane i faget sosiologi og sosialantropologi hadde ansvaret for gjennomføringa. På biletet kan ein sjå at Heaven Doorenspleet røyster, medan Sina Holø Husom, Rannveig Bjørnholm og Rebecca Celine Lauvstad ser til at alt går rett føre seg.

Grunna nasjonale retningsliner, så vert ikkje resultatet offentleggjort før 5. september.

Åpningshelg på Vestborg

Wed, 23 Aug 2023 17:28:12 GMT

Etter ei flott åpningshelg er det endeleg tid for eit nytt skuleår på Vestborg.

På laurdag var det opningsfest på Vestborg. Spente elevar (og foreldre?) ankom skuleområdet frå morgonen av med flyttelassa sine. Dagen bestod av fleksi-middag for alle, klassevise samlingar, opningsfest og bli-kjent kveld for nye elevar saman med fadrar (gamle elevar).

Det vart ein flott fest stødig leia av lærarar Lars Johan Stokken og Geir Myksvoll Lande med blant anna Velkomstale og andakt rektor Jon Ove Holen og musikkinnslag av elevar. Årets russ var også tidleg ute med å presentere misjonsprosjektet sitt i Aust-Afrika med eigenlaga reklamefilm. Etterpå var det, tradisjon tru, duka for eit festmåltid. Seinare på kvelden vart det arrangert bli-kjent aktivitetar.

Søndagen var fullpakka med Bli-kjent aktivitetar. "62grader nord" ringløypa fekk fart i både samarbeidsevne og konkurranseinnstinkta hjå elevane som vart delte inn i grupper på tvers av klassene. Seinare var det grilling og elevkveld med innslag frå alle gruppene.

Vi er no i gong med den første skuleveka. Dei første dagane er prega av litt annleis program med klassevise samlingar, informasjon om stort og smått, elevsamtalar med kvar enkelt elev, kino og opp til fleire seminar. I tillegg får vi besøk av stortingsrepresentant og tidlegare Vestborg-elev Dag Inge Ulstein. Meir om dette kjem seinare.

Vi har fått ein flott gjeng med ungdommar på tunet vårt, og vi gler oss til hausten som ligg framfor oss!

Avslutningsfest på Vestborg

Fri, 23 Jun 2023 15:59:22 GMT

Laurdag 17.juni vart nok eit flott år avslutta i gymsalen på Vestborg.

Etter den fyrste eksamensperioden på fire år fekk vi samla elevar, familiemedlem og personale for å avslutte eit flott skuleår. Vg1 elevane Hanna Belt og Rannveig Oline Bjørnholm leia festen og fekk med seg heile Vg1 opp på scena for å gje ein rørande avskjed med avgangskullet vårt. Rektor Jon Ove Holen takka for eit fint år og avgangselevane elevane Hedda Hugvik og Anne Marte Rotlid Seljehaug hadde førebudd ein flott bildekarusell med høgdepunkt frå skuleåret. Anne Hugvik takka skulen og personalet på vegne av foreldre og føresette og overrekte skulen eit kirsebærtre som skulen vil plante til minne om avgangsklassen 2023.

Så var det tid for å gjere stas på avgangselevane. Rektor Jon Ove saman med kontaktlærarane Åshild Bogstad Stenberg, Geir Myksvoll Lande og Anders Nybakk delte ut karakterutskrifter og roser til alle elevane. Etterpå gav avgangsklassen sin avskjedshelsing til skulen med ein eigendikta song til melodien «Super trouper». Avgangselevane har gjennom skuleåret samla inn pengar til misjonsarbeidet i Indonesia. Gjennom russekiosk, russeturné og misjonsløp har dei klart å samle inn 363.800kr. Misjonsleiarane Andreas Muren, Simon Muren Ulvund og Kristina Håvik kunne stolte overrekke sjekken til Ingrid Steinshamn frå NLM som også holdt andakt tidlegare på kvelden.

Etterpå var det i tradisjon tru eit stort festmåltid med etterfølgande fotografering og avskjedsklemmar.

Vestborg må dessverre si far vel til enda eit fantastisk kull her på Vestborg. Det er vemodig, men vi ynskjer avgangsklassa lykke til vidare på ferda ut i livet! Vi heiar på dykk!

Og til dei som skal fortsette her på Vestborg til hausten. God sommar, og velkommen tilbake i august. Vi er alt i gang med å planlegge neste skuleår som forhåpentlegvis blir like bra - om ikkje enda betre.

Elevar med hjarte for Vestborg

Mon, 19 Jun 2023 20:24:40 GMT

Dersom du lurer på om du skal byrje på Vestborg, les gjerne kva vg1-elevar skriv.

I ein norsktime var vg1-elevane utfordra til å skrive ein tekst om kvifor ein skal velje å gå på Vestborg. Her kjem eit lite utdrag::

- For ein hundrelapp per dag får ein: Mat fire gonger til dagen, eige rom, tilgang på bad, dusj, vaskemaskin og tørketrommel, gymsal og utstyr til aktivitetar, klasse tur til Roma, god undervisning, vener for livet, bli den beste versjonen av seg sjølv og mykje meir.

- Her ser vi kvarandre og helsar på kvarandre i gangane. Sjølv dei menneska eg ikkje snakkar mest med smiler til meg når vi møtast på veg til timane. Vi er alle som en stor familie.

- Det er det beste året eg har hatt det beste året i livet mitt.

- Skulen kan ikkje skildrast med andre ord enn fantastisk!

- På Vestborg får du trygt læringsmiljø, vener for livet og lærarar som forstår deg.

- Lærarane er trygge personar som vi alltid kan snakke med. Dei bryr seg ikkje berre om dei akademiske prestasjonane våre, men også vegen til dei – og korleis vi har det. Om vi føler vi har «mykje på tallerkenen» om gangen, så hjelper dei oss til å finne ei god løysing.

- Fellesskapet vi bygger på fritida tek vi med oss i klasserommet. Dette bidreg til ei trygg atmosfære for lærdom. På Vestborg er det lett å vere seg sjølv, og presset for å passe inn er ikkje noko som tek fokuset.

- Du får ein heilt ny relasjon i trua di.

- Eg tilrår Vestborg sterkt. Du er ønska her.

- Det har det vore mykje variert opplegg i timane, og lærarane er flinke og bryr seg om kvar enkelt i klassen.

- Vestborg har vore det beste året i livet mitt. Vi har eit ekstremt bra miljø og gode læringsforhold med vener og lærarar som vil hjelpe. Eg har aldri følt meg meir sett og tatt vare på, og eg har fått eit mykje betre forhold til Gud.

- Det var nytt for meg å kunne vere så open saman med venene mine. Vi har kunne gråte framfor venene våre, og har dermed vist kor sterke vi har blitt i løpet av dette året.

- Før eg begynte på Vestborg smilte eg ikkje så mykje, for å seie det sånn. Men etter å ha begynt på skulen har eg smilt mykje kvar dag.

Dugnad på Vestborg

Wed, 07 Jun 2023 11:19:20 GMT

Laurdag 24.6. er det klar for den gode og tradisjonsrike dugnaden på Vestborg.

Vaktmeister Trygve Habostad (her ståande saman med nevø Levi Habostad som denne veka har arbeidsveka si på Vestborg) er klare til å ta i mot dugnadsfolket. Arbeidstida er frå klokka 10 til klokka 15 laurdag 24.6 – og den inkluderer lunsjservering.

Med tanke på tilrettelegging, så er det fint om ein kan gje eit vink om ein kjem her: thabostad@vestborg.no

Skulen oppmodar elevar frå ulike kull til å nytte høvet til å kombinere eit treff av tidlegare skulekameratar med å jobbe dugnad. Får de til det?

Trygve lovar fellesskap og trivelege arbeidsoppgåver, og han ynskjer alle masse velkomen. ��

Eksamenstid på Vestborg

Tue, 23 May 2023 13:11:18 GMT

I desse dagar er det skriftlege eksamenar på tunet.

Biletet er teke av elevar som tysdag var oppe i matematikk. Måndag var det norsk hovudmål for alle elevar i vg3. Tilliks med andre stader i Noreg, så hadde Vestborg òg vanskar med det digitale denne dagen. Til dømes så kom elevane i gang fem kvarter forseinka. Likevel så gjennomførte alle elevane, og det er ikkje grunnlag for å annullere denne eksamenen for Vestborg-elevane.

Dei skriftlege eksamenane held fram til og med onsdag 31.5. Litt uti juni kjem så dei munnlege.

Tekjøkkenpraten: Gunnhild og Håkon Orset

Tue, 16 May 2023 17:44:36 GMT

Gunnhild var russ i 2015, medan Håkon fullførde Vestborg to år seinare. Dei blei kjende medan dei var elevar, og nokre år seinare vart dei kjærastar. I fjor sommar var dei brud og brudgom i eige bryllaup. Dei har veldig mykje godt å seie om Vestborg.

- Hadde berre folk visst kor bra Vestborg er! Eg hadde vald skulen om att 100 av 100 gonger. Vestborg er så mykje meir enn ein skule – og heilt uvurderleg sosialt, seier Håkon.

- Eg unner alle tre år på Vestborg. Åra gav meg mange dyrebare minner, og eg ser tilbake på Vestborg-tida med stor takksemd, seier Gunnhild.

Ekteparet er busette i Oslo, så av praktiske høve vart ikkje denne praten gjennomført på eit elevkjøkken. Journalisten måtte skru på skjermen for å oppnå kontakt – via plattforma Teams.

Under samtalen fortel Gunnhild linken mellom Vestborg og kor ho er i dag.

- Akkurat no er eg i ferd med å fullføre bachelor-oppgåva i barnevernspedagogikk og er jobbsøkjar. Eg ynskjer å jobbe med barn og unge som har vorte utsette for vanskelege familieforhold. Dei trur eg er hjartebarna til Gud. Jesus viste gang på gang at han hadde omsut for dei svake og utstøytte i samfunnet. På Vestborg vart eg betre kjend med Gud og Bibelen. Difor valde eg å gå på Disippeltreningsskule i Ungdom i oppdrag etter Vestborg, og i ungdomstida mi vaks det fram eit ynskje om å kome nærare Gud og gi meg heilt til det Han har for livet mitt. Det var på denne måten eg opplevde at Gud leia meg til å bli barnevernspedagog.

- Kva har Vestborg betydd for deg?

- Kor skal eg byrje? På Vestborg fekk eg oppleve eit utruleg godt miljø, venskap og relasjonar. Det var heilt unikt! Eg fekk vener for livet. Når eg no snakkar med andre om vgs-tida deira, så er det få som snakkar så varmt om desse åra som Vestborg-elevane. Vi vart som ein familie – og hadde fellesskap også når vi gjorde lekser i lag. Eg var ei ganske usikker jente då eg kom til Vestborg, men i løpet av åra vart eg meir robust, frimodig og trygg. Det var eit trygt miljø å vekse i. Det gjorde at eg turte å ta stega for å få utvikle meg. Eg fann meg sjølv og blei betre kjend med Jesus og kva han vil, seier Gunnhild.

Håkon nøydde seg ikkje berre med å vere elev. Skuleåret 2019-20 var han miljøarbeidar på Vestborg. Til liks med kona så ser han link mellom åra på Vestborg og der han er i dag.

- Akkurat no går eg 2. året på eit masterstudie på Norges miljø- og biovitenskapelige universitet på Ås utanfor Oslo. Eg studerer industriell økonomi og blir sivilingeniør i bygg. Det har vakse fram i meg at eg skal bli leiar, og det var noko som Vestborg i høgste grad var med å utvikle. Der blei det klart at eg ville jobbe med menneske. Eg blei også utfordra til å ta leiaransvar. Der vil eg fyrst og fremst nemne Sylvi-Anne Mørch (tidlegare Tøsse) som gjekk i vg3 då eg var fyrsteklassing. Ho utfordra meg fyrst til å sitje i styret til Laget på skulen – og deretter utfordra ho meg til å verte leiar. Ho såg noko i meg som eg ikkje visste om meg sjølv. Etter kvart fekk eg også leiaransvar i både KRIK og i bibelgruppe.

- Kva har Vestborg betydd for deg?

- Åra på Vestborg sette kurs for livet mitt. Til dømes gjorde åra at eg tok viktige steg i trua mi. Vestborg forma mine styrker, til dømes å utvikle relasjonsbasert leiing. Det var også på Vestborg eg møtte Gunnhild, som vart kona mi. Det var fantastiske år – og det la eit solid grunnlag for livet mitt. Ja, det var ein treningscamp for livet, seier Håkon.

Gunnhild og Håkon vil også løfte fram det faglege perspektivet ved å vere Vestborg-elev.

- For lærarane var ikkje lærargjerninga berre ein jobb, men også ein hjartesak. Difor fekk vi god støtte som elevar. Lærarane haldt ein godt fagleg nivå, og var med å skape ein læringsmiljø av veldig bra klasse. Ein kan velje Vestborg både om ein synest skule kan vere utfordrande og om ein har høge ambisjonar. Vestborg fiksar komboen fordi dei ser heile mennesket, seier ekteparet Orset.

Hør om Vestborg på NRK P1

rektor@vestborg.no (Jon Ove Holen) — Fri, 12 May 2023 13:56:39 GMT

Lars Johan stokken var dagens "nye venn" hos HC og Andrea.

Lærer på Vestborg, Lars Johan Stokken, var dagens "nye venn" i programmet HC og Andrea på NRK P1 torsdag 11. mai. Temaet var 17. mai og Lars Johan forteller bl.a. om feiringen på Vestborg.

Her kan du høre innslaget:

https://radio.nrk.no/serie/hc-og-andrea/sesong/202305/DOOF01007623#t=1h1m56s

Glimt frå skule-på-hjul

Thu, 04 May 2023 07:57:27 GMT

Vg1 på tur til Ålesund og Nordøyane

Kvart år i mai dreg vg1 på skule-på-hjul i nærområdet. Årets tur gjekk til Ålesund og Nordøyane tysdag og onsdag denne veka.

I Ålesund var vi på bedriftsbesøk til 62 grader Nord, som legg til rette for at turistar skal få oppleve den vakre naturen vi har her på Nordvestlandet. Selskapet hadde signalisert at vi skulle få padle kajakk i Brosundet. Stor var overraskinga då vi kom til lokala deira at vi også fekk vere med på ein RIB-tur utom Godøya. Det vart motteke med stor glede – og vart ein stor suksess.

Vi fekk også omvising og informasjon om Walde-huset, som også blir kalla Mirakelhuset. Huset var det einaste som stod att etter Ålesund-brannen i 1904. Anders Nord budde i 2. etasje i huset. Han nekta å gå ut fordi han hadde fått beskjed frå englar at huset ikkje skulle brenne.

Ålesund-opphaldet vart avslutta med byvandring, mellom anna til Fjellstua på Aksla.

Deretter bar det til Lepsøya misjonssenter for grilling, leik, samvere og overnatting.

Onsdag vart det tur til Sæth-hellaren ved Hellevika på Lepsøy. Til sist fekk vi omvising og informasjon om vindmølleparken på Haramsøy. Mellom anna fekk vi sjå ein død fugl som ein negativ konsekvens av parken.

Kontaktlærarane Bodil Breivik Bø og Lars Johan Stokken, samt ungdomsarbeidar Simon Morris var veldig godt nøgde med turen – og med kor godt elevane tok vare på kvarandre.

Her kjem nokre bilet-glimt frå skule-på-hjul-dagane:

Velkommen til jubilanttreff 16. september 2023

rektor@vestborg.no (Jon Ove Holen) — Sun, 30 Apr 2023 17:09:04 GMT

Laurdag 16. september er det jubilanttreff på tunet. Elevar som vart uteksaminerte på Vestborg for 10, 20, 30, 40, 50 og 60 år sidan er velkomne.

På programmet står kullsamlingar, fotografering, festmiddag og deretter kaffi og kaker. Det blir også andakt og framsyning av filmopptak frå gamle Vestborg-dagar.

Er du i eit av jubilant-kulla, ta gjerne kontakt med gamle klassekameratar og bli samde om ein mimredag i lag på Vestborg!

Les meir om jubilanttreffet og meld deg på her.

Velkomne!!

EN ANNERLEDES SKOLEHVERDAG

Thu, 16 Mar 2023 10:04:21 GMT

I forrige uke var elevene i vg3 idrett i Östersund i Sverige og hjalp til under World Cup i skiskyting.

Tekst: Helene K. Johansen og LaJS

I Östersund jobbet de sammen med 700 andre frivillige funksjonærer. Dette var første gang Vestborg-elever fikk denne turen, men skolen har avtale med World Cup Östersund om å gjenta dette i årene som kommer.

Det å være frivillig i Östersund dekker flere kompetansemål i fagene treningslære og idrett og samfunn, og har samtidig gjort undervisningen praktisk. Elevene har fått oppleve en annerledes skolehverdag.

Utover det skolefaglige og praktisk arbeid, så fikk elevene mellom annet hilse på ordføreren i Östersund, Hanna Wagenius (stående bak til høyre på kommende bilde), og tatt bilde av seg og skiskytter Sturla Holm Lægreid (se siste bildet)

Under bildene kommer kommentarer fra noen av elevene om Östersund-turen:

Kristina Håvik:

- Jeg har vært protokollfører. Vi stod ved standplass og registrerte løpere, hvor mange skudd som ble avfyrt og om utøverne bommet. Da var vi en back up for det digitale. En av dagene stod vi på tribunen og passet på at folk fikk plasser og at de ikke sto i trappene. Jeg fikk også være bagasjebærer. Da bar vi baggene til utøverne fra startområdet og til garderoben de skiftet etter løpet, forteller hun.

- Hvordan har det vært i Östersund?

- Jeg har storkost meg. Det har vært veldig givende å gjøre dugnadsarbeid, og alle folkene vi jobbet sammen med var så positive. Dessuten var det kjekt å se utøverne på nært hold, og få se løpene live. Høydepunktet var kanskje å få blomsterbuketten som fellesstart-vinneren Dorothea Wierer fra Italia fikk på seierspallen. Den fikk jeg da jeg gikk forbi den italienske smøreboden, sier Kristina.

Mathias Nesgård:

- Jeg har lært at det krever mange folk for å gjennomføre et så stort arrangement. Til sammen var vi ca 700 funksjonærer. Vi har også fått innblikk i at det ligger mye planlegging og forberedelser bak. For meg så var det et høydepunkt å få gå en 50 km treningstur på ski i løypenettet ved siden av verdenscupløypa, og så var det moro se kjente folk under konkurransene, sier Mathias.

Caroline Kandal:

- Jeg har hatt det kjekt, og jeg har lært mye. For eksempel har jeg lært mer om skiskyting, hvem de forskjellige skiskytterne er, og hvordan store arrangementer fungerer. Ellers var det kult å være på en så stor arena. Og så har jeg lært hva «fika», pause med kaffe og/eller mat, er. Hver gang vi ikke visste hva vi skulle gjøre, så gikk vi bare å fika, smiler Caroline.

Andreas Muren:

- Hvordan har opplevelsen vært?

- Jeg var nok litt sliten siste del av oppholdet, men det har vært så kjekt at jeg glemte litt av det. Jeg trivdes godt med oppgavene, men det var kjekkest med protokollskrivingen. Ellers var det fint med tilbudet med mat for oss frivillige, for det var bare å gå og ta seg mat om man ble sulten. Jeg fikk også et godt inntrykk av svenskene. De var veldig imøtekommende og tok oss godt imot, forteller Andreas.

Christiane Pedersen:

- Jeg har vert «løpegutt» for atletene. Kort fortalt så var jeg en manuell «baggage claim», altså rullebandet som frakter bagasjen fra a til b. Jeg var rullebandet og fraktet baggene til utøverne fra startområdet til garderoben hvor de skiftet etter løpet.

- Hvordan har opplevelsen vært?

- Det var veldig moro, for vi kom så tett på utøverne og trenerne. Dessuten var folk veldig hyggelige, og de med lederoppgaver uttrykte stor takknemlighet for hjelpen vi gav. Jeg har lyst tilbake å jobbe dugnad, for dugnad er utrolig givende. Det var veldig kjekt å være en liten, men betydelig og viktig del i det store bildet, oppsummerer Christiane.

Simon Muren Ulvund:

- Hvordan har opplevelsen vært?

- Det har vært veldig kjekt og lærerikt. Vi har fått se hva som ligger bak et så stort arrangement og hva som må gjøres. For eksempel planlegging, skaffe frivillige. Vi har også sett hvilken samfunnsbetydning et slikt arrangement kan ha. Arrangementet brakte folk sammen fra forskjellige land og skaper internasjonale relasjoner. Jeg er veldig glad for få en slik unik mulighet til å delta på et så stort arrangement. Det anbefales!

Direktesending fra Östersund

rektor@vestborg.no (Jon Ove Holen) — Thu, 09 Mar 2023 12:25:08 GMT

Idrettselevar frå Vestborg er i Östersund denne veka. Fredag 10. mars kl. 12:10 kan du møte dei direkte på Instagram .

9.-12. mars er det World Cup i skiskyting i svenske Östersund. Der skal også idrettselevane i vg3 ved Vestborg!

Elevane skal jobbe som frivillige i start- og målområdet, samt ved standplass. På den måten vil dei både kome tett på skiskyttarstjerner og få oppleve eit stort idrettsarrangement frå innsida.

Følg med på Vestborg sin Instagram-konto fredag 10. mars kl. 12:10. Då blir det direktesending frå elevane våre i Östersund.

Konsert med Ansgar Gospel Choir 20. mars

Wed, 08 Mar 2023 16:05:52 GMT

Mandag 20. mars kl. 20.30 inviterer Ansgar Gospel Choir til konsert på Vestborg.

Endelig reiser Ansgar bibelskole på konsertturne igjen med Ansgar Gospel Choir! Etter en inspirerende studietur til New Orleans er vi nå klare for å servere mye spennende til publikummet her «hjemme».

Dirigent og gospelentusiast John Yngvar Syvertsen (alias Syver) har hentet låter fra den amerikanske gospel-sjangeren. Han har funnet fram musikk som du sjeldent hører i Norge, så dette repertoaret har virkelig et unikt uttrykk. Konserten består av nyinnspilte sanger som bibelskoleelvene har spilt inn dette semesteret.

Tittellåten «Bless Me» handler om det å være takknemlig for det vi har, i stedet for å bruke masse energi på det vi ikke har. Alt vi har er en gave. Frelsen er en gave, la oss glede og fryde oss over hans kjærlighet som etterjager oss og som gir oss nytt håp. La oss huske og takke Gud under alle forhold.

Sangen “Get up” tar for seg hvordan vi må begynne å glede oss over det vi er gitt. Å reise oss opp og takke vår Gud for friheten vi har i Han. Det handler om å begynne å leve i denne friheten og gi det videre. «Get up Y´all».

Ønsket med denne turnéen er å oppmuntre publikum til å løfte blikket fra oss selv og opp til Han som er større!

Gud møter oss alltid med håp, alltid med framtid, og alltid med en ny begynnelse og en ny start!

Du får en uforglemmelig kveld der vi tar publikum med til New Orleans og amerikansk gospel på sitt beste!

Få med deg en fantastisk konsert med koret på Vestborg vgs mandag 20. mars kl. 20:30.

- Vi har som mål å vere 80 elevar til hausten

Tue, 21 Feb 2023 16:00:45 GMT

Ope brev til Vestborg-familien frå rektor Jon Ove Holen

Ope brev til Vestborg-familien Vestborg, 21.2.23

Kjære Vestborg-familie

Vil du hjelpe oss med å klare målet om 80 elevar til hausten? Vi er takknemlege for alle bidrag!

I «Tekjøkkenpraten» på vestborg.no seier vg3-elev Anne Marte Seljehaug: «Vestborg har gitt meg så mykje at eg så gjerne vil at andre skal få oppleve det same som meg!»
https://www.vestborg.no/tekjkkenpraten-anne-marte-seljehaug

Vi på Vestborg vil gjerne legge til rette for at endå fleire skal oppleve det gode Vestborg har å by på: Ein trivsel blant elevane og støtte frå lærarane som er heilt i norgestoppen (Jmf Elevundersøkinga 2022), og ein skule som ligg i eit unikt landskap.
https://www.vestborg.no/vestborg-i-noregstoppen-trivsel-og-sttte-fra-lrarane

Derfor har vi som mål å ha 80 elevar når skulen startar i haust.

Vi veit at det er mange som er glade i Vestborg, og vi vil gjerne utfordre dykk til å løfte saman med oss for å klare målet vårt.

Kom gjerne med konkrete forslag til korleis vi kan gjere Vestborg endå meir kjend, og sprei gjerne saker frå vestborg.no, Instagram og Facebook til kontaktane dine. Dersom du har nokon du kjenner i aktuell aldersgruppe, utfordre gjerne dei til å vurdere å søkje Vestborg.

Søknadsfristen er 1. mars, men er det ledige plassar, så tek vi inn elevar også etter fristen.

Vi er optimistiske med tanke på å klare målet. I januar hadde vi kick-off/bli-kjent-helg for elevar som vurderer Vestborg. Deltakartalet var i fjor på 27, mens vi år hadde 34. Dessutan arrangerte vi skiweekend no i februar for første gong på fleire år. Leiren var for 8. klasse til 1. klasse i vg1, og deltakartalet var på 31.

Vi har også lyst å nemne det nye tilbodet for idrettselevane våre. Dei skal nemleg vere med å arrangere World Cup i skiskyting i Östersund i Sverige i åra framover, samt VM på ski i Trondheim i 2025.
https://www.vestborg.no/idrettselevar-til-oestersund-og-wc-i-skiskyting
https://www.vestborg.no/nytt-tilbod-world-cup-i-skiskyting-og-vm-pa-ski

Måndag 27. februar kl 09.15 skal vi ha ikring 20 min live-stream frå ein time i sosialkunnskap. Er det nokon du kan tipse om dette via desse linkane?
Facebook: https://www.facebook.com/events/535391111788308/

YouTube: https://youtube.com/live/7krym9WFQWg?feature=share

Tysdag 28. februar kl 10.15 skal vi ha live-stream frå morgonsamlinga vår på ikring 10-15 min. Er det nokon du kan tipse om dette via desse linkane?
Facebook: https://www.facebook.com/events/1281455825916924/

YouTube: https://youtube.com/live/OC0CpRNlIvc?feature=share

Igjen: Vil du hjelpe oss med å klare målet om 80 elevar til hausten? Vi er takknemlege for alle bidrag!

Venleg helsing
Jon Ove Holen
Rektor

Live-streaming frå Vestborg

Tue, 21 Feb 2023 14:47:42 GMT

Sjå "live" frå ein skuletime og ei morgonsamling!

Måndag 27.2. klokka 09.15 vert det direktesending på ikring 20 min frå Vestborg. Då skal elevane i sosialkunnskap lage ei sending som skildrar korleis dei opplever faget.

Dette er eit tilbod som vi ynskjer skal gje eit innblikk i skulekvardagen vår, og vi ynskjer elevar som vurderer å begynne på Vestborg, deira foreldre og elles heile Vestborg-familien velkomen til sendinga!

Linkar til sendinga finn de her:
Facebook: https://www.facebook.com/events/535391111788308/

YouTube: https://youtube.com/live/7krym9WFQWg?feature=share

--------

Tysdag 28.2. klokka 10.15 vert det morgonsamlinga sendt direkte. Denne samlinga er lokalisert i gymsalen vår, sidan elevane i vg1 skal presentere ein dans dei har øvd på dei siste kroppsøvingstimane. Etter framsyninga vert det ord for dagen.

Har du lyst å få eit innblikk i kvardagen vår, er du velkomen til å stikke innom i den 10-15 min lange sendinga.

Linkar til sendinga finn de her:

Facebook: https://www.facebook.com/events/1281455825916924/

YouTube: https://youtube.com/live/OC0CpRNlIvc?feature=share

Vestborg – ein god skule

Fri, 10 Feb 2023 10:14:28 GMT

Vestborg – ein god skule

Den årlege elevundersøkinga er obligatorisk for alle vg1-elevar i landet. I tilnærma alle kategoriar ligg Vestborg over landsgjennomsnittet. I kategorien som handlar om dei vaksne på skulen reagerer på same måte dersom elevane bryt reglane, der ligg skulen under landssnittet. Men i andre kategoriar som trivsel, støtte frå lærarane, motivasjon, arbeidsforhold og læring, vurdering for læring, medverknad og trygt miljø har skulen gode tal.

Rektor ved skulen, Jon Ove Holen, er glad for tala, og han forklarar resultatet med jobben personalet gjer.

-Undersøkinga viser at vi framleis har ting å ta tak i, men samtidig vil eg løfte fram kollegane mine. Eg byrja som rektor i haust, og eg har blitt imponert over eit fantastisk personale som ikkje er redde for å ta i eit ekstra tak. Servicepersonalet legg til rette for at rammene er på plass, medan administrasjonen og pedagogane har hovudansvaret for det pedagogiske. I tillegg til eit dedikert personale, kan nokre av dei gode tala vere ein følgje av ei konkret satsing på å utvikle oss pedagogisk. Vi har i haust hatt – og vil ha det også framover – fokus på å utvikle oss pedagogisk ved å arbeide med vurdering for læring. I vg1-klassen har det dessutan blitt jobba godt med makkerskap og SAMM. Makkerskap handlar om å trene på samhandling ved at elevane jobbar i faste grupper i ein månad før ein skiftar til ei ny gruppe. SAMM står for «Systematisk arbeid med meistring, medverknad og motivasjon». Gjennom SAMM får elevane arbeide med å velje seg faglege og sosiale fokusområde, som skal setjast opp i konkrete mål som er sjølvvalde og overkomelege. Eg vil også gje elevane mykje ros for måten dei tek ansvar for kvarandre og løfter i flokk både fagleg og sosialt. Dette gler eit rektorhjarte å sjå, seier han.

------------------------------------------------------------------------------------------------------------------------------------------------------------------------------------------------------------

Informasjon om oppstillinga:

Den årlege elevundersøkjinga er obligatorisk for alle vg1-elevar i landet. Høgste poengsum i kvar kategori er 5,0. I vår oppstilling har vi samanlikna Vestborg med landsgjennomsnittet for vg1-elevar som går studieførebuande retning. På grunn av prinsippet om anonymitet, samt at Vestborg har relativt få elevar, så er det ikkje alle svar ein får tilgang til. I oppstillinga nedanfor kan ein sjå gjennomsnittet av elevsvara i dei ulike kategoriane.

Idrettselevar til Östersund og WC i skiskyting

Thu, 09 Feb 2023 20:45:52 GMT

Idrettselevar til Östersund og WC i skiskyting

9.-12. mars er det World Cup i skiskyting i svenske Östersund. Der skal også idrettselevane i vg3 ved Vestborg!

Idrettslærar Anders Nybakk gler seg over at elevane får sjansen til å oppleve noko så unikt.

-Dette er stas! Her får vi fokus på det tverrfaglege ved å jobbe med ulike kompetansemål i ulike fag. Dessutan trur eg elevane får eit minne for livet. I planleggingsfasen har vi hatt veldig fin og god dialog med Ulrika Öberg og Linda Rönnberg i det svenske skiskyttarforbundet. Dei ynskjer oss varmt velkomen og har lagt til rette for arbeidsoppgåver, kost og losji. Dette trur eg rett og slett blir kjempebra!

Östersund ligg ikring 250 km aust for Trondheim, så det ligg ein relativt lang køyretur framom elevane som skal på tur. Det ser ikkje ut å skremme vg3-elevane Helene Johansen og Caroline Kandal.

-Vi gler oss veldig mykje. Det blir kjekt å få oppleve ein annan skulekvardag – til og med i eit anna land. Det blir også artig å få prøve seg i curlinghallen i Östersund, seier dei.

-Det blir spennande å få vere med å arrangere noko så stort som verdscup i skiskyting. Det er heilt unikt, i alle fall kjenner eg ikkje andre ungdomar som har gjort noko tilsvarande, seier Helene.

-Eg ser fram til å sjå kjente skiskyttarar i aksjon i røynda, utøvarar som vi til vanleg berre ser på TV, seier Caroline.

Idrettslærar Anders understrekar at dette ikkje berre er ein eingongshappening.

-Vi planlegg også tur til Östersund med neste års vg3. Det skjer i månadsskiftet november/desember neste skuleår. I februar/mars i 2025 skal vi vere med å arrangere VM på ski i Trondheim. Så det å vere idrettselev på Vestborg kan løne seg med tanke på unike opplevingar, seier Anders avslutningsvis.

Nytt tilbod: World Cup i skiskyting og VM på ski!

Thu, 09 Feb 2023 20:33:33 GMT

Nytt tilbod: World Cup i skiskyting og VM på ski!

Allereie i neste månad reiser idrettselevane i vg3 til Östersund i Sverige for å jobbe som frivillige under verdscupen. Der skal dei vere med å leggje til rette for at Johannes Thingnes Bø & co skal ha best mogleg tilhøve når dei skal konkurrere om viktig verdscuppoeng. ( Sjå eiga sak )

Komande skuleår, i månadsskiftet november/desember, skal neste års idrettselevar på vg3 til Östersund i same oppdrag.

Ikkje nok med det. Alle som er idrettselevar på Vestborg skuleåret 2024-25 får vere med som frivillige på VM på ski i Trondheim i februar/mars 2025.

Idrettslærar Anders Nybakk er glad for å presentere dei nye planane.

-Dette blir kjempebra! Vi er veldig glade for å få til eit samarbeid med arrangørane av så store arrangement. I Östersund har vi veldig god dialog med Ulrika Öberg og Linda Rönnberg i det svenske skiskyttarforbundet. Dei har lagt til rette med både arbeidsoppgåver, kost og losji – så vi opplever vi kjem til duk og dekka bord. I Trondheim har vi kontakt med Patrik Jemteborn, som er leiar for dei frivillige. Trondheim2025 ynskjer at ski-VM skal bli ein folkefest i heile landet. Difor er vi i ein spanande planleggingsfase der Vestborg ligg an til å verte ein pilotskule med tanke på å skape blest på Sunnmøre om VM. I tillegg skal, i løpet av dei to vekene VM varer, alle idrettselevane våre vere i Trondheim minst ei veke for å jobbe som frivillige. Dette blir store opplevingar for elevane våre, og det å få delta som frivillige på desse arrangementa passar godt inn med kompetansemål i ulike idrettsfag. Så langt eg veit, så er det ingen andre vidaregåande skular som kan tilby sine idrettselevar sånne opplevingar. Dette er heilt unikt, og vi gler oss storleg til 2x Östersund og 1x Trondheim dei næraste åra!

Tekjøkkenpraten: Anne Marte Seljehaug

Thu, 09 Feb 2023 19:41:21 GMT

Anne Marte Seljehaug er frå Averøy og går i vg3 på Vestborg. I tillegg til skulearbeid, sosiale aktivitetar og møter, så kosar ho seg med å vere med i miljøteamet på skulen. Her fortel ho korleis det er å vere elev på Vestborg.

- Det har vore veldig, veldig bra å vere elev på Vestborg desse åra. Eg skal nyte dei månadane som er igjen, men eg gruar meg til å slutte, seier ho.

- Kva har Vestborg hatt å seie for deg?

- Her har eg blitt forma, og her har eg fått utvikla meg. Eg har funne meg sjølv, blitt litt meir vaksen, fått masse kunnskap og eg har fått vener for livet.

- Korleis har du utvikla deg?

- Før eg byrja på Vestborg var eg sjenert og hadde vanskar med å snakke høgt framføre andre. Her har det blitt heilt naturleg å gje beskjedar i forsamlingar og leie ulike arrangement. Eg har blitt endå betre kjend med meg sjølv og lært å stå på eigne bein. Eg har også fått ein tryggleik som gjer det så mykje enklare no enn før å kome i kontakt med personar som eg ikkje kjenner.

Anne Marte fortel vidare om kvardagsgleder som Vestborg byr på.

- Av kvardagsgleder er middagen eit høgdepunkt. For det fyrste får vi god mat, og eg er imponert over kva kjøkkengjengen Dana, Bjørn, Eli Anne og Au får til dag etter dag, veke etter veke og år etter år. Dei fortener mykje kred for jobben dei gjer! Elles er det så fint at elevane er samla. Eg kan setje meg ned med kven som helst av elevane og føle meg velkomen. Då kan vi snakke om korleis dagen har vore, kva vi skal gjere seinare på dagen – og vi kan kome på aktivitetar som vi vil gjere i lag etter kvelds. Middagane er som ein familiemiddag – for, ja: Vi er som ein stor familie på Vestborg, seier ho.

- Eg likar også morgonsamlingane. Der får vi høyre andakt, der bli beskjedar gitt, og vi får også her kjenne på fellesskapet. Onsdagskveldane inneheld enten lagsmøte, møte eller bibelgrupper. På bibelgruppene får vi kome heim til personalet, og vi får høyre andre sine tankar om Bibelen og det kristne livet. Ja, eg likar eigentleg så å seie alt på Vestborg. Det er til dømes så fint å sitje på biblioteket og jobbe saman med andre med skulearbeidet. Då får vi hjelpe kvarandre med å hente ut potensialet vårt. Det er også enkelt å finne nokon å trene saman med, gå på tur, spele volleyball eller brettspel saman med.

- Kva høgdepunkt har ein i løpet av eit år?

- Dei fyrste vekene av kvart skuleår er ekstra kjekke. Då er det spennande å bli kjend med dei nye elevane, og det er masse sosialt som skjer. Julefesten seint i desember med god mat og god underhaldning byr også på gode minner. Elles så reiser vg2-klassen til Roma. Vi var der i fjor vår, og det var vilt bra! Eg gler meg over at årets vg2-klasse skal få same turen.

Anne Marte har også mykje fint å seie om skulekvardagen.

- Skulen er veldig bra. Vi har relativt små klassar, og det gjer at trivselen vert stor sidan vi blir godt kjende med medelevane våre. Vi jobbar godt som team. Til dømes ved gruppearbeid: Same kven eg kjem på gruppe med i små eller store gruppearbeid, så kjem eg på gruppe med nokon eg trivast saman med. Vi merkar også at lærarane er gode på kommunikasjon og oppmuntring, og at dei vil det beste for oss. Dei er også gode på tilrettelegging, sånn at vi får henta fram og vist kompetansen vi har i oss. Alt dette er med på å legge til rette for at vi elevar kan kjenne på meistring.

I tillegg til rolla å vere elev, så er Anne Marte med i miljøteamet på skulen. Miljøteamet, leia av ungdomsarbeidar Simon Morris, er ein gjeng på fem elevar som planlegg ulike aktivitetar for alle elevane på skulen.

- Det er heilt topp å vere med i miljøteamet, og det har gitt meg så mykje. Sjølv om det av og til kan vere slitsamt, så er det så kjekt å få vere med å planlegge og gjennomføre ulike arrangement – som til dømes bading og leikaktivitetar i Helsemvika, speed-date tidleg på året der elevane blei betre kjende med kvarandre, samt lagshelg. I lagshelga arrangerte vi både møter med lovsong, peparkakehuslaging og skiaktivitet på Strandafjellet. Noko viktig eg har lært gjennom dette arbeidet, er at det ikkje er så viktig kor mange som kjem, men å gjere det bra for dei som kjem, fortel ho.

- Kvifor skal ungdomar som vurderer Vestborg ta steget ut og bli elev ved skulen?

- Eg kan berre snakke for meg sjølv, men det er så utruleg fint å vere ein del av eit så trygt fellesskap både på skulen og i fritida. Her opplever eg at medelevar og dei tilsette vil meg godt, og her opplever eg eit fellesskap som eg trur det ikkje er ei sjølvfølgje for ungdomar i Noreg i dag får oppleve. Alt dette gjer at eg kjenner meg som ein del i ein større heilskap som eg er trygg i. Vestborg er min andre heim. Ja, Vestborg har gitt meg så mykje at eg så gjerne vil at andre skal få oppleve det same som meg!

Kick-off er i gang

Fri, 20 Jan 2023 23:57:31 GMT

På tunet har me no vitjing av ikring 35 flotte ungdomar!

Fredag kveld starta kick-off på Vestborg. Dette er ei samling for elevar som vurderer å byrje på Vestborg til hausten. I løpet av helga blir dei kjende med skulen, med potensielle medelevar og elevar som kjem til å gå i 2. og 3. klasse til hausten.

Helga har fått ein flott start med ikring 35 ungdomar som frimodig kasta seg ut i utfordringar under bli-kjend-aktivitetane. Ovanfor kan de sjå at nokre nyttar høvet til å spele volleyball.

Ny rekord på julemessa!

astenberg@vestborg.no (Åshild Stenberg) — Tue, 13 Dec 2022 08:13:21 GMT

Årets julemesse på Vestborg ga eit fantastisk resultat på heile 200 000kr!

Det var mykje folk i gymsalen på Vestborg 19.november! Folket handla julegåver og julebakst, kaffi, kaker, rømmegraut, tombola, åre og lodd.

Vestborgkomitèen melder at all bakst og heimelaga mat vart utseld!

Gjennom dagen var det fine musikkinnslag frå Stranda Kulturskule og frå Lovsongsgruppa frå Sykkylven.

Komitèen ynskjer å seie tusen takk til alle som var innom julemessa og på den måten støtta Vestborg!

Tusen takk óg til alle som hjelpte til på messedagen eller i løpet av dagane før.

Takk til alle som leverte gevinstar, kaker og andre varer til salg.

Dette vart verkeleg ein festdag!

Velkommen til KICK-OFF 20-22.januar

astenberg@vestborg.no (Åshild Stenberg) — Mon, 05 Dec 2022 13:00:20 GMT

Vurderer du å starte på studiespesialisering, idrettsfag eller påbygging på Vestborg vgs til hausten?

Vil du bli betre kjent med fagtilbodet, miljøet, elevane, aktivitetane og personalet?

Då er du velkomen til Vestborg 20.-22. januar 2023 !

Opphaldet med mat og overnatting er gratis .

Det blir mykje kjekt program og elevane her på Vestborg er klare til å ta godt imot deg!

Vestborg er ein kristen internatskule og ligg i Stranda kommune på Sunnmøre. Det er gode bussforbindelsar både mot nord, sør og vest. Ta kontakt om du lurer på noko :)

Ta med sovepose, kle til gymsal og skiutstyr om du vil på topptur eller i trekket! Sidan vi skal ha aktivitetar ute, så er det veldig lurt å ta med skikkelege gode utekle- tilpassa vermeldinga for helga.

Program for helga:

Fredag:

Kveldsmat 19.30

Kick-off 20.30

Laurdag:

Frukost 10.00

Aktivitetar 11.00

Middag 15.00

Omvisning og faginfo 16.00

Kveldsmat 19.30

Elevkveld 21.00

Turnering + russekiosk.

Søndag:

Frokost 10.00

Topptur/klatring/ski/sosialt på skulen

Informasjonsmøte foreldre 14.00

Middag (også for foreldre) 15.00

Velkommen til oss!

PS:

Alle som kjem på KICK-OFF er med i trekninga av 2 dagskort på Strandafjellet skisenter!!

Påmelding her:

Kransekakebaking på Vestborgkjøkkenet

astenberg@vestborg.no (Åshild Stenberg) — Sat, 12 Nov 2022 11:40:41 GMT

Lukta av nysteikte kransekaker og ein jamn straum av prating møter meg i døra på storkjøkkenet på Vestborg laurdag formiddag

Det er ikkje lett å få oversikt over kor mange dei faktisk er, så eg må telle to gonger. 15 smilande og samtidig konsentrerte dugnadsheltar står på kvar sine oppgåvepostar på kjøkkenet, og alle jobbar med det same mål for auga: å lage omlag 50 kransekaker til julemessa laurdag 19.november.

Bjørg Sve står på og legger kransekakene i boksar etter dei er ferdig steikt og nedkjølt. På mandag skal dei ha ei økt til der dei pyntar alle kransekakene.

Eg spør ho kva som er det kjekkaste med å halde på med dette. Svaret kjem raskt: "Julemessedagen. Sjølve festdagen! Vi står på heile året for å lage alt klart til julemessa, så det er klart at det kjekt når vi endeleg er i mål med alt som skal gjerast og vi kan invitere inn til julemesse". Men vi har det kjekt heile året også, presiserer ho. Ho og mange av dei andre på kjøkkenet er med i ei forening som kallar seg for "Vestborg-foreninga". Dei har samling kvar tredje veke igjennom heile året forutan på sommaren.

Denne gjengen har eit stort hjerte for Vestborg, og derfor legg dei ned utallige timar med dugnad for å lage til ei slik stor messe til inntekt for skulen.

Dei har alle èin ting dei vil seie: Velkommen til julemesse i gymsalen på Vestborg laurdag 19.november- det blir ein festdag!

Her er programmet for dagen:

Kl. 10.30: Messa opnar

Kl. 11.30: Samling for heile familien – kulturskulen deltek

Kl. 13.00: Sal av rømmegraut m/spekemat (slutt kl. 14.30)

Kl. 14.30: Sangmøte med Rune Sæther og Ole Audun Os.

Allsang.

Kl. 16.00: Avslutningsmøte – hovudtrekning

Andakt av Ole Audun Os

Sang av Lovsangsgruppa fra Sykkylven

Vi tilbyr for sal:

Smurte lefser – kransekaker – småkaker – flatbrød

gjærbakst – gåveartiklar - handarbeid

Julemesse på Vestborg 19.nov

astenberg@vestborg.no (Åshild Stenberg) — Fri, 11 Nov 2022 08:32:57 GMT

Laurdag 19.november er det duka for endå ei julemesse i gymsalen på Vestborg. Her blir det noko for ein kvar smak med blant anna loddal, kakesal, rømmegraut, tombola, bingo, sal av julekaker og andre gåveartiklar.

Program for dagen

Kl. 10.30: Messa opnar

Kl. 11.30: Samling for heile familien – kulturskulen deltek

Kl. 13.00: Sal av rømmegraut m/spekemat (slutt kl. 14.30)

Kl. 14.30: Sangmøte med Rune Sæther og Ole Audun Os.

Allsang.

Kl. 16.00: Avslutningsmøte – hovudtrekning

Andakt av Ole Audun Os

Sang av Lovsangsgruppa fra Sykkylven

Vi tilbyr for sal:

Smurte lefser – kransekaker – småkaker – flatbrød

gjærbakst – gåveartiklar - handarbeid

ÅRESAL – KAFETERIA – TOMBOLA

Vi har betalingsterminal

Varmt velkomen!

Endå ein flott haustfest på Vestborg!

astenberg@vestborg.no (Åshild Stenberg) — Mon, 07 Nov 2022 12:10:41 GMT

Laurdag 5.nov var tunet på Vestborg fylt med foreldre, besteforeldre og søsken- det var klart for endå ein haustfest!

Haustfestdagen er ein hektisk og kjekk dag for både elevar, foreldre og personalet på Vestborg. Elevsamtalar, servering av fleximiddag og klassesamlingar står på programmet på formiddagen.

Kl 17.00 starta festprogrammet i gymsalen. Her var det mange i sving!

Vg3-elevane Helene Johansen og Christiane Pedersen leia oss godt igjennom heile kvelden. Vg3-elev Sandra Bedringås framførte eit nydeleg pianostykke som fekk salen til å bryte ut i full applaus etterpå.

Rektor, Jon Ove Holen, hadde ein flott tale der han løfta fram kor stolte vi skal vere av å gå på ein friskule der elevane blir trygge på seg sjølve og på andre.

Lovsangsteamet, som består av elevar, leia dei frammøtte i lovsang. Per Tveten, som har hatt møteveke på skulen, delte eit flott andaktsord til ettertanke. Lærar Geir organiserte ein quizkamp mellom elevgrupper frå Nordfjord, Sunnmøre, Nordmøre og Romsdal. Ein underhaldande quiz som enda med seier til Nordmørselevane.

Russen fortalte om årets misjonsprosjekt der dei skal samle inn pengar til ulike prosjekt i Indonesia. Andreas Muren og Kristina Håvik, som er i Indonesia no, sendte ei videohelsing med oppdatering på kva dei har sett og opplevd den siste veka.

Kveldens festprogram vart avslutta med ein flott video laga av nokre elevar. Og sist, men ikkje minst, hadde kjøkkenpersonalet ordna til eit stort koldtbord med festmat for både søte og salte ganer.

Haustfest laurdag 5.nov

astenberg@vestborg.no (Åshild Stenberg) — Mon, 31 Oct 2022 12:14:17 GMT

Hjarteleg velkomen til haustfest på Vestborg laurdag 5.november!

Laurdag 5.november inviterer vi foreldre, føresette, søsken og besteforeldre til haustfest på Vestborg.

Program for dagen:

Kl.1100-1430: Samtaler med kontaktlærar på tilviste rom

Kl.1330-1430: Fleximiddag (for alle)

Kl.1545-1630: Klassevise samlingar

Kl.1700: Fest i gymsalen

Kveldsmat etter programmet

Velkomen!

Aksjonsveka mot rus- Leo Ajkic på besøk

astenberg@vestborg.no (Åshild Stenberg) — Thu, 27 Oct 2022 13:35:44 GMT

I dag fekk vi storfint besøk på Vestborg!

Stranda kommune hadde i forbindelse med aksjonsveka mot rus fått Leo Ajkic til å komme til Stranda for å snakke om temaet. Både Vestborg og Stranda vgs var samla i gymsalen på Vestborg for å høyre på.

Leo fortalte personleg om oppveksten sin i Bosnia og korleis krig og generalisering gjorde at han kjente på aggresjon mot andre folkegrupper. Sjølv er han halvt kroat, men likevel kjente han på eit hat mot dei.

Vidare fortalte han om korleis det var å komme til Norge. Han kjente på utanforskap, frykt for narkomane og generalisering av flyktningar.

Rus er ein snarveg for ting vi kan oppnå på eiga hand, fortel Leo.

Det kan vere lett å bli frista til å ruse seg for å få meir energi, bli meir frimodig på fest og å tørre å seie sine meiningar. Men det er ein farleg snarveg å ta for å oppleve desse tinga.

Hjernen er i konstant utvikling i ungdomsåra og den må ikkje belønnast med rus! Dop startar ofte med alkohol fordi alkoholen svekker dømmekrafta.

Leo ga uttrykk for at han har trua på at ungdom i dag kan ta gode og fornuftige val. Til dømes er det svært få ungdom som synes det er "kult" å røyke i dag, fordi dei veit konsekvensane av røyking. Han håpar at dette også kan bli tendensen når det kjem til andre rusmidler- at dei velger andre alternativ.

Leo peika på kor viktig det er med alternative miljø og aktivitetar for ungdom slik at dei ikkje tyr til rus når det dei eigentleg treng er ein plass å høyre til. Hip hop miljøet, grafitti/gatekunst og basketball vart redninga for Leo då han kom til Norge.

Alle vil berre vere seg sjølv, vere innafor. Alle ønsker å bli akseptert som den dei er. Klarar vi å jobbe mot utanforskap og spre kjærleik og eit smil til dei vi møter så kan vi utrette mykje, seier Leo avslutningsvis.

Fleire av elevane prata med Leo i etterkant av seminaret. Nokre gutar utfordra han også på ei lita runde med basketball før han måtte gå.

Besøk frå Washington DC

astenberg@vestborg.no (Åshild Stenberg) — Wed, 26 Oct 2022 14:55:49 GMT

I dag fekk elevane eit besøk utanom det vanlige

Konserndirektør, Chase Weir, i solcelle-konsernet Distributed Sun i Washington DC, kom innom Vestborg i dag. Konsernet har blant anna kledd Bloomberg Center i New York med solcellepanel. Chase hadde eit kort seminar der han snakka om verdien av clean energy og om kompleksiteten av å måtte gjere noko med klimaet raskt, men samtidig at tiltaka må vere berekraftige over tid.

Elevane var engasjerte og stilte spørsmål på slutten av seminaret.

Seminar om skjermbruk

astenberg@vestborg.no (Åshild Stenberg) — Thu, 06 Oct 2022 08:28:29 GMT

Felles seminar om skjermbruk for heile skulen

Onsdag 5.okt var det satt av to skuletimar til eit seminar om skjermbruk. Ungdomsarbeidar, Simon Morris, hadde laga eit spennande opplegg for elevane. Her kjem eit lite referat frå seminaret.

Den første timen vart brukt utan skjerm. Simon hadde utfordra nokre elevar og lærarar til å dele noko med resten. Nokon viste fram hobbyar som myntsamlinga si, sjongleringstrening og rubiks kube. Andre spelte piano, sang og delte si personlige historie. Hensikta var å få elevane til å fokusere ein time på noko ekte som skjedde der og då. Hjerna vår blir altfor ofte stimulert av mykje skjerm og filter, så det var kanskje godt for mange å få ein pause.

Teknologi er bra, teknologi kan hjelpe oss med utrulig mykje! Men vi må vere merksame på at media gir oss mange bodskapar samtidig. Vi må tenke når vi scrollar på instagram eller youtube, vere bevisst på kva bodskap som blir kasta mot oss. Ikkje alt er like godt for oss.

"Har du kontroll over teknologien, eller har teknologien kontroll over deg?" Eit viktig spørsmål som Simon fekk elevane til å reflektere over.

På samme måte som røyking, gambling, forelskelse og trening kan gi oss dopamin, så kan også sosiale media gjere det samme. Vi kan bli avhengige. Facebook, instagram og andre sosiale media er ikkje farlige i seg sjølv, men ubalansen kan vere farlig for oss.

Ledig stilling som lærar - idrettsfag

rektor@vestborg.no (Jon Ove Holen) — Sat, 01 Oct 2022 09:57:10 GMT

Har du idrettsfagleg bakgrunn og vil prøve deg som lærar på ein kristen internatskule?

Vi har ledig vikariat som idrettslærar i 100 % stilling frå 01.01.2023.

Vestborg ligg ved Sunnmørsalpane - midt i smørauge for fjellturar, klatring, topptur og padling. Strandafjellet skisenter er berre 5 minutt unna. Dette gjer at vi kan tilby ei unik idrettslinje, med breiddeidrett og friluftsliv.

Les meir om idrettslinja vår her.

Her finn du meir informasjon om stillinga.

Jubilanttreffet 2022

astenberg@vestborg.no (Åshild Stenberg) — Wed, 21 Sep 2022 19:50:53 GMT

Laurdag 17.september var det jubilanttreff her på Vestborg

God stemning og gjensynsglede prega jubilanttreffet på Vestborg også dette året.

Laurdag 17. september var nærare 40 tidlegare elevar og tilsette samla til jubilanttreff på Vestborg. Det var ei stor gruppe 50-årsjubilantar og mindre grupper med 10- og 20-årsjubilantar.

Opplegget var omtrent det same som kvart år – klassevis samlingar, festmiddag og kaffi med kaker og program. Per Arne Sve hadde andakt og kvart kull delte nokre minner frå tida på Vestborg.

Men det viktigaste på eit jubilanttreff er det som skjer i tillegg til det offisielle programmet. Gjensynsgleda var stor og praten gjekk om tida på Vestborg og kva som hadde skjedd i åra etter. Eit høgdepunkt for nokre var å få sjå det gamle internatet og rommet dei hadde budd på.

Og når programmet var ferdig og matsalen rydda, sat mange igjen og prata utover kvelden.

50-års jubilantar: Framme f.v.: Turid Hestad, Svanhild Røyrhus, Herdis Ous, Ove Eidhammer, Anita Sundnes Ytterland, Laila Aas, Reidun Høydalsvik, Reidun Farstad, Margaret Urkedal, Åse Margrethe Garshol Haram og Øivind Ødegaard. Midtre rekke f.v.: Sigmund Berge, Lars Petter Fylling, Knut Åland, Kari-Lise Driveklepp, Ola Torstein Sæter, Tormod Hoel, Hildegunn Skarbø Hoel og Kjell Arne Dahle. Bakre rekke f.v: Leidulv Hareide, Torbjørn Støylen, Arne Espelund, Magne Åkre, Jarle Asbjørn Viset, Geir Kolbjørn Rødset og Bent Vatnehol.

20-års jubilantar: F.v.: Randi Petrin Starheimsæter og Hanne Bøe Kleiven.

10-års jubilantar: F.v.: Linda Elise Bakke, Solbjørg K. Stokken Stensbøl, Klara Alnes Røyset og Martine Godø Alnes.

Ut på tur!

astenberg@vestborg.no (Åshild Stenberg) — Tue, 20 Sep 2022 12:31:51 GMT

Vi er godt i gong med skuleåret her på Vestborg og mange av elevane har vore på ulike turar. Her kjem eit lite glimt:

Allerede første skuleveka reiste vg1 idrett på Camp Hjørundfjord. Gjengen overnatta på Urke, gjekk på tur, spelte volleyball, grilla og vart betre kjent.

Vg3 klassa består av både studiespesialisering, idrett og påbygg. Dei var på ein overnattingstur til Tafjorden, nærare bestemt Kaldhussæter. Her vart det god stemning med konkurransar, leik, bading, kajakk, fisking og tacofest.

Vg1 har vore på Orreneset på ein samanristningstur. Bli-kjent aktivitetar, grilling og sosialisering stod på programmet.

Aktivitetslære 2 (elevar som går idrett vg2) har vore på ein flott sykkeltur over Flofjellet på sin første fagdag. Sjekk dette landskapet som vi får boltre oss i! Vi er jammen heldige.

Forrige fredag hadde Breiddeidrett fagdag og dei reiste på tur til Patchellhytta- ei stor DNT hytte som ligg ved foten av Slogen. Gjengen trassa det kraftige regnvêret og fekk seg ein frisk og kjekk tur. Dei fleste kosa seg inne på hytta medan ein liten gjeng nådde nesten toppen av Slogen i regn og djupsnø mot slutten. Imponerande!

På besøk til AaFK

Tue, 13 Sep 2022 13:04:21 GMT

Fredag var idrett VG3 på ekskursjon til Color Line stadion i faget idrett og samfunn

Der møtte dei sportsleg leiar i AaFK, Bjørn Erik Melland, som hadde ei veldig god økt om korleis AaFK tenkte og jobba.

Om verdiar og visjonar, om korleis klubben er organisert, om etiske problemstillingar og om AaFK som samfunnsaktør.

Elevane gav uttrykk for at dette var ei lærerik økt, og sa etterpå mellom anna:

- Bjørn Erik er ein kjekk og hyggjeleg kar, og det var innhalds- og lærerikt å høyre på han. Han hadde veldig god livsvisdom å dele. Mellom anna gjorde det inntrykk å høyre kor viktig det var for klubben å sjå enkeltmennesket – og bygge det opp. Vi var positivt overraska over kor viktig verdiar og enkeltmennesket betyr for klubben.

Vi er i gong!

astenberg@vestborg.no (Åshild Stenberg) — Wed, 24 Aug 2022 19:38:59 GMT

Opningshelga er historie og elevar og personale på Vestborg er i gong med eit nytt skuleår!

Det vart ein flott fest stødig leia av lærar Lars Johan Stokken med blant anna ord frå vår nye rektor, Jon Ove Holen og andakt av områdearbeidar Fikre Tulu. Etterpå var det, tradisjon tru, duka for eit festmåltid. Seinare på kvelden vart det arrangert bli-kjent aktivitetar.

Vi er no i gong med den første skuleveka. Dei første dagane er prega av litt annleis program med klassevise samlingar, informasjon om stort og smått og elevsamtalar med kvar enkelt elev.

Vi har fått ein flott gjeng med ungdommar på tunet vårt, og vi gler oss til hausten som ligg framfor oss!

Ny ansatt

astenberg@vestborg.no (Åshild Stenberg) — Thu, 18 Aug 2022 08:00:00 GMT

Torstein Habostad er ansatt som ny lærar ved Vestborg denne hausten. Han må vi bli litt betre kjent med!

Torstein er eit nytt ansikt for mange av elevane som kjem til Vestborg på laurdag, men han er ikkje så ukjent for mange i personalet. Torstein bur nemleg her på Stranda. Han er bror til Bjørn som jobbar som kokk og IT-ansvarleg, i tillegg til å vere svoger til både vaktmeister Trygve og lærar Knut-Sigurd.

Kven er du?

Det er ikkje så lett å svare på, men andre vil nok beskrive meg som ein roleg og trygg kar. Eg er 44 år og bur på Stranda saman med kone og tre barn. Eg er født og oppvaksen i Lørenskog, men foreldra mine er frå Jæren. Det er grunnen til at eg har rogalandsdialekt.

Kva gjorde du før du starta å jobbe her på Vestborg?

Eg har jobba i 10 år på vaksenopplæringa i Sykkylven. Eg har lærarskuleutdanning, men har jobba aller mest med norskfaget. Eg har også bachelor i teologi. Før dette jobba eg 5 år i misjonen i Frankrike og i Mali.

Kva er viktig for deg?

Eg vil trekke fram misjonsengasjementet som det som betyr mest for meg. Eg ynskjer å vere ein integrert del av lokalsamfunnet. Det er ein av motivasjonane for at eg ynskte å ta jobben på Vestborg. Eg brenner for bygda, og Vestborg er ein del bygda. Skulen har eit godt rykte på seg, men eg har trua på at skulen og elevane kan bli endå meir integrert og synleg i bygda.

Kva er favorittfaget ditt?

Det må vere norsk. Men eg skal også undervise i samfunnskunnskap, kristendom, geografi og religion. Eg skal vere kontaktlærar i vg2. Det er mykje nytt å sette seg inn i, så det er både spennande og litt skummelt.

Kva ser du fram til i jobben?

Eg opplever at eg allereie har fått ein god relasjon til mine kollega, så det er jo veldig fint. Eg ser fram til å finne min plass. Og så håpar eg at eg kan få bety noko for nokon på skulen, både fagleg og menneskeleg.

Opningsfest på Vestborg 20.august

astenberg@vestborg.no (Åshild Stenberg) — Wed, 17 Aug 2022 11:04:01 GMT

Vi er klare for eit nytt skuleår på Vestborg! Laurdag 20.august er elevar, føresatte, søsken og besteforeldre velkomen til opningsfest.

Program for første helga:

LAURDAG 20. august:

Frå kl 1000: Tildeling av rom/utdeling av nøklar (I inngangspartiet ved gymsalen)

NB: Dersom du av ein eller annan grunn må kome fredag kveld, MÅ du gje skulen beskjed om det. Det blir dessverre ingen måltid før middag på laurdag.

Kl 1400-1500: Fleksibel middagsservering for alle. (Gje melding til skulen om behov for diettmat)

Kl 1630: Klassesamlingar for elevar og foreldre. De får møte kontaktlærar, internatleiar og rådgjevar.

Fotografering til bildeguiden.

Kl 1800: Opningsfest i gymsalen. Festen er open for alle. Variert program og mat til slutt.

kl 2130: Nye elevar og fadrar møter i gymsalen til aktivitetar.

SØNDAG 21. august:

Kl 1100: Denne dagen er ein bli-kjent-dag med ulike aktivitetar for alle elevane og felles måltid. Vi reknar dette som skuledag.

MÅNDAG 22. august:

Halv dag med klassesamlingar og halv dag med vanleg skuledag

Tekjøkkenpraten med Geir Magne Engås

Mon, 27 Jun 2022 07:00:01 GMT

Geir Magne har vore rektor på Vestborg i til saman 11 år, men takkar i desse dagar av frå denne stillinga

Han kom til skulen i 2006, og han vart rektor allereie i 2008. Den jobben har han hatt fram til no, med unnatak av åra i samband med at han var leiar for familiebibelskulen til Misjonssambandet i Nairobi.

- Det har vore fantastisk kjekt å få vere på Vestborg. Kombinasjonen av å ha kontakt med elevane og jobbe saman med eit flott personale som strekk seg langt for elevane - det har vore veldig fint å få oppleve.

- Kva er du glad for du har fått vere med på no når du ser attende?

- Eg har prøvd å bygge eit miljø der alle blir inkluderte og sett, og difor har eg sett pris på dei mange møta med enkeltelevar. Til dømes har eg likt å få vere med på friluftsturar med elevane. Elles har vi fått i gang kick-off – ei bli-kjent-helg i januar for elevar som vurderer Vestborg - og det har blitt gjort ein heil del på vedlikehaldsfronten på skulen. Vi har også starta opp med idrettsfag medan eg har vore rektor. Men det viktigaste har vore opplevinga av å få bety ein forskjell for elevane – å vere til støtte og oppmuntring for dei, samt få sjå elevane få vekse på ulike område i livet. Noko av det artigaste var ikring 2014 då eg fekk vere «manager» for ei gruppe som kalla seg for Lys i mørket. Denne gruppa reiste rundt i distriktet med song og vitnesbyrd på bedehus og forsamlingar. Vestborg har også betydd mykje for familien vår. Til dømes har alle dei tre eldste borna våre vore elevar ved skulen.

Geir Magne og familien flyttar no sørover. Frå 1. august av vert han avdelingsleiar på Danielsen ungdomsskule i Bergen.

vestborg.no vil gjerne takke for den gode innsatsen han har gjort for skulen desse åra – gjennom måten han har møtt elevar og personalet på.

Tekjøkkenpraten med Ola Risa

Fri, 24 Jun 2022 13:26:32 GMT

Vestborg har hatt den gleda å få nytta ressursane til Ola i 21 år

Den 27.juni fyller han 75 og blir Vestborg-pensjonist.

Det vil seie at Vestborg har vore heldige å få nytta seg av Ola sin menneskelege og matematiske kompetanse i åtte år etter han fylde 67 år!

Onsdag 15. juni hadde han sin siste arbeidsdag på skulen, og Ola vart takka av med blomar og gode ord.

Same dag møtte vestborg.no Ola på hans eige kontor i 2. etasje på Storfjorden for eit Tekjøkkenpraten-intervju.

- Eg har hatt 21 flotte og fine år på Vestborg, og dei seks siste har vore spesielt gode. Då har eg fått hatt mattestøtte på ettermiddagstid, og eg har fått opplevde glede, smil og latter saman med elevane.

Han fortel at matematikk har vore viktig for han heilt frå han var 5-6 år gamal. Sjølv om han var odelsgut på garden heime på Bryne på Jæren, så vart han ikkje gardbrukar. Han studerte matematikk og har heile sitt vaksne liv undervist nye generasjonar i faget.

Ola og kona Jorunn kom til Sykkylven i 1987, men skal no på sine godt vaksne dagar flytta attende til Bryne. Der vonar Ola at han får halde fram med mattestøtte og matematikk-undervisning på Tryggheim vidaregåande skule på Nærbø.

- Korleis vil du skildre åra dine på Vestborg?

- Det har vore veldig gode år. Eg har fått ha hobbyen min som jobb, og eg har fått vere saman med fantastisk gode kollegaer og elevar. Her har eg fått utvikla meg heilt til siste slutt. Eg set veldig stor pris på at skulen har lete meg få gå her heilt til eg er har blitt 75 år.

vestborg.no er særs takksame for oppmuntringar og støtte Ola har gjeve gjennom alle desse åra. Samstundes vil vi gjerne gratulere Ola med 75-årsdagen den 27. juni og gullbryllaupsdagen 8. juli.

Jubilanttreff 17.september

astenberg@vestborg.no (Åshild Stenberg) — Thu, 23 Jun 2022 13:45:05 GMT

Laurdag 17. september er det jubilanttreff på tunet. Elevar som vart uteksaminerte på Vestborg for 10, 20, 30, 40, 50 og 60 år sidan er velkomne.

På programmet står kullsamlingar, fotografering, festmiddag og deretter kaffi og kaker. Det blir også andakt og framsyning av filmopptak frå gamle Vestborg-dagar.

Er du i eit av jubilant-kulla, ta gjerne kontakt med gamle klassekameratar og bli samde om ein mimredag i lag på Vestborg!

Velkomne!!

Avslutningsfest på Vestborg

astenberg@vestborg.no (Åshild Stenberg) — Mon, 20 Jun 2022 12:18:12 GMT

Laurdag 18.juni var gymsalen på Vestborg fylt med elevar, familiemedlem og personale igjen

Det er nokre år sidan sist vi fekk lov til å ha ein skikkeleg avslutningsfest, så det var flott å sjå gymsalen full med festkledde elevar, foreldre, søsken og personal. Vg1 elevane Henriette Settem og Marie Bjørge leia festen på ein leikande flott måte. Rektor Geir Magne Engås takka for eit flott år og viste nokre glimt frå året. Alfred Reitan takka Geir Magne for den gode jobben han har lagt ned som rektor for Vestborg i mange år. No reiser han og familien vidare på nye eventyr. Jon Ove Holen hadde både andakt under festen, og vart introdusert som den nye rektoren vår frå hausten av.

Avgangselev Lotte Van Oorschot og faren takka Vestborg for alt skulen har betydd. Dei trakk fram rektor, internatleiar og kontaktlærar som fekk blomsterbukettar og stor applaus frå salen. Så var det avgangsklassa sin tur til å entre scena. Dei har samla inn pengar til misjonsprosjektet sitt til Stor-Kina og kunne med glede overrekke ein sjekk til regionleiar, Jon Ove, på 245 000kr. Mathias Giskeødegård og Tobias Engås som har vore misjonsprosjektleiarar trakk særleg fram russeturnèen som eit av høgdepunkta frå arbeidet sitt med å samle inn pengar til prosjektet.

Mathias leste eit flott sjølvlaga dikt før heile klassa sang "Shallow" med eigenlaga tekst.

Etterpå var det tid for eit stort festmåltid med etterfølgande fotografering og avskjedsklemmar.

Vi ynskjer avgangsklassa lykke til vidare på ferda ut i livet! Vi heiar på dokke!

Og dei som vi er så heldige å få tilbake her til hausten: God sommar og velkommen tilbake i august.

Her føler eg meg sett og trygg

Fri, 03 Jun 2022 15:43:01 GMT

Hedda Hugvik frå Sandane skulle ikkje byrje på Vestborg – men gjorde det likevel

Hedda går i VG2, og i januar 2020 var ho på bli-kjend-helg – på kick-off – her på tunet.

- Eg var fast bestemt på at eg ikkje skulle flytte heimanfrå, men venninna mi skulle på kick-off og eg blei med. Som det friluftsmennesket eg er, freista det å få stå på ski på Strandafjellet denne helga. Men i løpet av helga ombestemte eg meg. Eg følte meg så velkomen – frå eg kom til eg drog. Folk var interessert i å snakke med meg, og eg fekk mange gode samtalar. Alt dette gjorde at eg fekk eit VELDIG godt inntrykk av skulen. I løpet av helga ringde eg mamma, og ho høyrde på stemma mi og tenkte: «No er Hedda seld».

- Korleis har det vore å vere elev på Vestborg desse to åra?

- Det har vore veldig bra. Eg har fått budd på ein stad der eg er omgitt av venene mine. Det er av veldig stor betydning. Eg har også blitt kjend med folk som er annleis enn meg sjølv, og det har vore kjekt å få oppleve å kunne henge - og ha det kjekt i lag – med folk som ikkje høyrer til den nærast venekrinsen. Det har vore lærerikt. Eg likar også internatlivet veldig godt. Internatlivet gjer at samhaldet vert mykje tettare, og det vert ei trygg atmosfære. Ja, eg føler meg både sett og trygg. Desse to åra har gått ekstremt fort, og eg føler eg nettopp har starta. No skal eg nyte det siste året, for eg kjenner på at Vestborg er min andre heim, seier ho.

Hedda er som nemnd glad i friluftsliv, og dermed er ho også glad i Stranda og omgjevnadane rundt bygda.

- Stranda er ein utruleg fin plass. Det å få bu her omgjeven av dei flotte fjella er noko spesielt. Her kan vi gå på topptur både i sommar- og vinterhalvåret, og i tillegg har eg kosa meg mykje i skianlegget i vinter.

Ho let også vel over personalet.

- Eg opplever det er stor skilnad på personalet eg har møtt her på Vestborg i høve til tidlegare skulerøynsler. Vestborg-personalet er veldig interessert i å bli kjend med deg, veldig løysningsorienterte og opptekne av å finne ut kva som kan gjerast betre. Dei ser deg, og dei vil at du skal ha det best mogleg. Eg opplever undervisninga som variert, og er godt nøgd med undervisninga vi får.

Vestborg er ein skule med kristent verdigrunnlag, noko som også påverkar Hedda.

- Eg set pris på møter og bibelgrupper. Her har eg fått lytta til predikantar og fått snakka med folk om tru og liv, og dette har hjelpt meg til å ha vekse i trua.

- Kva vil du seie til ungdommar som vurderer å byrje på Vestborg?

- Eg visste ikkje kva eg gjekk til, og eg både grudde og gledde meg. Men allereie dei fyrste vekene viste det seg å vere fantastisk gøy. Her er det mange aktivitetar, og det er ekstremt bra stemning. Dessutan lærer ein å bli meir sjølvstendig. Vi må halde det reint på rom, gang og tekjøkken, samt vaske kleda sjølve. I tillegg er det andre ting som må organiserast og planleggjast, som til dømes heimreiser. Alt dette og meir til gjer at vi blir meir sjølvstendige og lærer å stå for eigne val. Eg vil også legge til at fellesskapet på skulen er vilt bra, slår Hedda fast.

Dugnadsdag på Vestborg 25.juni

astenberg@vestborg.no (Åshild Stenberg) — Mon, 30 May 2022 09:22:34 GMT

Vil du vere med å gi ein (dugnads) dag tilbake til Vestborg?

Vi er mange som har gått på Vestborg i 1, 2 eller 3 år. Og for mange har desse åra betydd veldig mykje.

Laurdag 25.juni er det duka for den årlige dugnadsdagen her på Vestborg. Vi har lyst til å invitere deg til å bli med å gjere skulen vår klar til ein ny haust.

Det vert mykje variert arbeid du kan hjelpe til med.

Og kanskje du kan få med deg fleire Vestborg-venner så det vert ein dag med både arbeid, mimring og fellesskap?

Program for dagen:

Kl. 0900- Arbeidsfordeling i Salongen

Kl. 1200- Varmlunsj

Kl. 1530- Ferdig

Send ein mail eller melding til Trygve Habostad om at du kjem, så vi veit kor mange vi skal berekne lunsj til.

Mail: thabostad@vestborg.no

Tlf: 915 97 399

Velkommen til dugnad på Vestborg!

Helsing dugnadskomitèen Trygve Habostad og Åshild Bogstad Stenberg

Jon Ove Holen blir vår nye rektor til hausten

Wed, 25 May 2022 08:36:26 GMT

Jon Ove Holen, 52 år, busett i Ålesund vert vår nye rektor

Jon Ove er i dag leiar av Region Nordvest i Misjonssambandet, men vil over i stillinga som rektor frå og med 1. september.

- Det er veldig spanande å gå inn i denne stillinga. Vestborg er viktig for meg, og skulen er heilt naudsynt i Misjonssambandet sitt arbeid i regionen vår.

- Kva tenkjer du om rektorjobben?

- Eg gler meg til å byrje. Tidlegare har eg vore lærar i mange år, og dei åra eg har vore regionleiar har eg sakna kontakt med elevar. Samtidig kjenner eg på at det blir dramatisk å skulle slutte i ein jobb der eg har hatt det veldig bra i fem år.

Jon Ove kjenner skulen godt frå før.

- Eg har tidlegare vore lærar på Vestborg i 2 ½ år. Dei siste åra har eg som regionleiar møtt fast i styret, seier han.

- Kva vert viktig for deg i jobben?

- Eg ser fram til å bli betre kjend med personalet, men hovudmålsetjinga vert å få opp elevtalet for å få ein berekraftig økonomi. Difor er delmålet at både elevar og personale må trivast. Med andre ord så må ein byggje på det som er her frå før. Elles så har eg vore ein del av Misjonssambandet heile livet, og eg vonar og trur at vi kan få ei endå betre kontakt mellom misjonsfolket og skulen, seier Jon Ove – som er gift med Åse, og saman er dei foreldre til to.

Vi på Vestborg vil gjerne ynskje Jon Ove hjarteleg velkomen til oss!

ROMATUR

astenberg@vestborg.no (Åshild Stenberg) — Wed, 11 May 2022 12:44:56 GMT

Det var ein stor gjeng som reiste til Roma i år!

På grunn av pandemien så vart den årlige Romaturen for vg2 utsett i fjor. Derfor var det kjekt å endeleg få planlegge og gjennomføre turen i år. Natt til 28.mai reiste både vg2 og vg3 klassa på Vestborg til Roma. Dette er i hovudsak ein skuletur som har fokus på kristendoms- og historiefaget, og kva by er då ikkje betre å vere i enn "den evige stad", hovudstaden i det gamle Romarriket? Her er mykje historie! Nedanfor kan du sjå fleire bileter av både elevar og stadar dei besøkte.

Vg2-elev Hedda Hugvik har skrive eit lite referat frå turen:

"Forrige veke reiste vi i VG2 og VG3 på studietur til Roma! I forbindelse med kristendoms- og historiefaget fekk vi oppleve nokre av plassane og høyre meir om historiske personar, som vi har lært om i løpet av året. Dette vart ein lærerik og minneverdig tur.

Vi fekk blant anna besøke Paulus- og Peterskyrkja, Colosseum, Katakombene og andre attraksjonar i byen. På Petersplassen fekk vi som ville moglegheit å gå opp i kuppelen på Peterskyrkja, her var det utsikt over heile Roma! Sjølv om dette var ein studietur, fekk vi også mykje fritid. Det gjekk til å utforske byen, ete god mat, slappe av og nyte finværet. Fellesskapet og samhaldet mellom klassene vert enda meir styrka på slike klasseturar, noko som gjer det enda kjekkare.

“Innhaldsrikt, fin kunst, interessante plasser, samhald, sosialt og opplevelsesrikt” er nokre ord elevane beskriver turen med. Det var kjekt å endeleg kunne reise litt utanlands igjen, til ein annan by og oppleve ein annan kultur. Varmen gjorde også at vi fekk kjenne litt på sommaren. “Vi vil tilbake!”

Her er nokre bileter som elevane har tatt på turen:

Her er bileter av nokre av attraksjonane:

Petersplassen, Peterskyrkja og Pauluskyrkja

Skule på hjul

Fri, 06 May 2022 17:25:42 GMT

VG1-elevane var måndag og tysdag på skuletur med ulikt fagleg innhald

Måndagen var via til Runde. Fyrst var vi på Runde miljøsenter og fekk lære meir om fuglane som held til i og i nærleiken av fuglefjellet på Runde. Vi fekk også sjå ein særs informativ film om kor viktig økobalanse var for lundefuglen med tanke på mat til den eine ungen dei fekk i kvart kull.

Elevane hadde også førebudd seg og presenterte ulike fuglar som dei hadde fått i oppgåve å fordjupe seg meir i.

Vel oppe på ved sjølve Noregs sørlegaste fuglefjell, fekk den spreke gjengen sett lundefuglar – sjølv om dei fleste lundefuglane på det tidspunktet var i havet og sanka mat.

I 16-tida kom vi fram til NMS sin flotte leirstad på Kjeldsund, der styrar Trygve Danbolt Øygard og teamet hans la ting til rette på beste måte under opphaldet.

Trygve og co diska opp med taco til middag og seinare på kvelden fekk vi kveldsmat. Elevane nytta fritida si til blant anna å bade, før ein i kveldinga hadde ein hugnadsam underhaldningskveld som var godt førebudd av ungdomsarbeidaren vår, Simon Morris.

Tysdagen var vi guida rundt på Herøy gard/Herøy kystmuseum – med historikk heilt attende til Olav den heilage. Deretter vart vi betre kjend med Ivar Aasen på Ivar Aasen-tunet.

Avslutningsvis er det fint å få nemne at dei i personalet som var med på turen var veldig, veldig godt nøgde med elevane og kor positive dei var. Det lovar godt for turen gjengen skal ha til Roma neste år!

70 års jubilant!

astenberg@vestborg.no (Åshild Stenberg) — Wed, 27 Apr 2022 11:12:57 GMT

I dag har vi heisa flagget på Vestborg. Vi har ein kollega som blir 70 år!

Svein Lars Ringstad starta å jobbe på Vestborg i november 1999. På kontorstolen sin i resepsjonen trivst han godt. Før han starta å jobbe på Vestborg jobba han i 27 år i kommuna med rekneskap.

- Eg trivst godt med tal, og eg likar rekning mykje betre enn skriving, seier han.

Kva set du mest pris på ved jobben din på Vestborg?

- Eg er takknemleg for å ha mange trivelige kollega. Her er også mykje kjekk ungdom. Av og til stikk det ein elev innom for ein prat og det har eg sett veldig pris på. Og somme tider treff eg dei att seinare og det er alltid kjekt. Eg er ganske god på ansikt, men ikkje så god på å hugse alle namna.

Utover å jobbe ein dag i veka her på Vestborg så er du pensjonist. Kva fyller du dagane med?

- Eg er veldig glad i å gå på ski, halde på med ved, fotografere, hjelpe folk og engasjere meg på bedehuset her på Stranda. Eg kjedar meg ikkje.

I forhold til jobben så tek eg eit år av gangen. Dersom Vestborg vil ha meg, så blir eg vel her.

På morgonsamlinga fekk jubilanten bursdagssong frå heile skulen. Kjøkkensjef Dana diska opp med kake i lunsjen og rektor Geir Magne overleverte både helsing og gåve til bursdagsbarnet.

Gratulerer så mykje med den store dagen din, Svein Lars!

Frå alle oss på Vestborg.

Ledig rektorstilling

astenberg@vestborg.no (Åshild Stenberg) — Mon, 04 Apr 2022 09:00:50 GMT

HAR DU EIN REKTOR I MAGEN?
No har du sjansen til å søke sjølv eller oppfordre andre du kjenner til å søke

Styreleiar Alfred Reitan om den ledige stillinga:

" Vår kjære Geir Magne Engås skal flytte. Så det betyr a t vi skal ansette ny r ektor på Vestborg fra 1. august.

Rektors viktigste oppgave er først og fremst å sørge for å skape en fantastisk bra skole med høy kvalitet og god trivsel.

Dere som kjenner skolen vet at Vestborg også er mye mer enn det. Vestborg videregående skole har engasjerte og kompetente ansatte som virkelig bryr seg om elevene. Det faktum at de fleste elevene faktisk bor på skolen og at Vestborg er lokalisert midt i vill og vakker Sunnmørsnatur, gir noen helt unike muligheter til å skape både unik læring og opplevelser for livet og vel så det. Rette vedkommmende vil garantert ikke kjede seg ".

Vil du lese meir om rektorstillinga kan du trykke her:

Temadag for Ukraina

astenberg@vestborg.no (Åshild Stenberg) — Thu, 24 Mar 2022 09:30:50 GMT

Elevrådet på Vestborg planla temadag "Ukraina" onsdag 23.mars, og mange kledde seg i blått og gult for å markere si støtte til Ukraina

Vg3 elev Anna Grinik Henriksen er halvt ukrainsk. Eg var spent på å høyre korleis dei siste vekene hadde vore for ho og familien. Forrige fredag tok dei imot mange slektningar som kom fram til Ålesund etter å ha flykta frå heimlandet sitt. Lillesøster Emilie går også på Vestborg, i Vg1.

Kan du fortelle litt om den ukrainske familien din?

Mamma kjem frå ein by sørvest for Kyiv. Her budde besteforeldrene mine, tante, onkel og 3 søskenbarn. No er 14 av dei kome hit til Ålesund. Det bur 9 stykk heime hos oss, og 5 stykk hos søskenbarnet mitt. Det er ganske fullt, og nokon bur i ein bobil i hagen vår.

Bestefar, onkel og nokon av søskenbarna mine må bli igjen i Ukraina. Bestefar kunne blitt med til Norge, men han vil vere att i Ukraina.

Då bestemor og dei andre familiemedlemmane mine flykta kom krigen nærare og nærare byen dei bur i. Flyalarmen gjekk heile tida.

Korleis var flukta til Norge?

Dei køyrte bil. Tidlegare hadde det vore lange køar for å kome seg over grensa frå Lviv, men då dei skulle krysse grensa gjekk det overraskande fort. Dei køyrte via Polen og Sverige. Det tok fire dagar å kome heilt til Ålesund. På eit hotell i Ålesund er det oppretta eit flyktningmottak. Der har dei fått kle, leikar og det dei treng no i starten.

Klarar du å beskrive korleis desse vekene har vore for deg og familien din?

Det har sjølvsagt vore tøft, og vi er prega. Eg fulgte mykje med i media i starten for å få med meg alt, men no prøvar eg å gjere det i litt mindre grad.

Kva synes du om engasjementet på Vestborg?

Det er bra! Eg synes det er kjekt å sjå mange engasjere seg for å vise støtte. Eg sendte eit bilde til familien, og dei syntes det var veldig fint å sjå alle Vestborgelevane som var kledd i blått og gult for Ukraina.

Nytt tilbod for Vestborg-elevar

Thu, 10 Mar 2022 13:39:39 GMT

Strandafjellet skisenter har laga til isflate i ballbingen.

Ein ettermiddag denne veka var ein gjeng glade VG2-elevar i isbingen og leika seg – med og utan skeiser oppunder beina.

Frå ein av elevane var beskjeden klar etter økta:

- No skal eg kjøpe meg skeiser!

Besøk frå det olympiske museet i Lausanne

Wed, 16 Feb 2022 14:52:04 GMT

I faget «Idrett og samfunn» har idrettslinja i VG3 den siste tida arbeidd med historia til dei moderne olympiske leikane

Frå venstre: Noah Grutle, Jesper Alten, Adrian Vatne-Larsen, Henriette Hals, Mathias Giskeødegård og Kristian Qualben

Onsdag før vinterferien kom kulturformidlar Julia Thum på digitalt besøk i timane. Ho jobbar ved den internasjonale olympiske komite (IOC) sitt museum i Lausanne i Sveits.

Via Teams gjekk ho inn på eit av kompetansemåla i faget då ho fortalde om hovudtrekk i OL-historia.

Grunna korona var ikkje alle elevane i klassen til stades, men dei elevane som fekk oppleve Julia var veldig godt nøgde. Her er det elevane sa etter timen:

- Dette var veldig kjekt, og det var ein unik undervisningstime.

- Dette var gøy og spica opp timen.

- Det var kjekt å høyre på nokon som kunne OL-historia så godt.

- Det var interessant å høyre om OL-historia frå eit anna perspektiv enn det norske.

Har du lyst å vite meir om starten på dei moderne olympiske leikane og OL sin grunnleggjar, Pierre de Coubertin, kan du her sjå Julia Thum i denne filmen på Youtube.

INSIDE | Pierre de Coubertin - Bing video

- Ei strålande oppleving!

Mon, 14 Feb 2022 18:02:01 GMT

Hans Ragnar Sekkeseter har kosa seg på kick-off i helga

I helga var ikring 30 ungdomar på kick-off for å sjå nærare på om Vestborg kan vere skulen å gå på frå august av.

Hans Ragnar Sekkeseter frå Molde var ein av dei, og han var veldig godt nøgd med helga.

-Det har vore ei veldig bra helg. Eg har blitt betre kjend med folk eg kjende frå før, og eg har blitt kjend med folk eg ikkje kjende.

-Kva har du sett pris på?

-Vi har fått god mat, og vi har vore med på eit veldig bra opplegg. Dei som har arrangert har vore veldig engasjerte. Eg likte veldig bra elevkvelden på laurdag. Då var det skikkeleg bra stemning! Men det var også god stemning i russekiosken fredag kveld. Dessutan har det vore trivelege samtalar både i og utanfor matsalen.

Hans Ragnar vil byrje på påbygg til hausten.

-Eg har søkt, og eg byrjar dersom eg får plass. Helga har vore veldig bra, og eg tilrår sterkt andre som vurderer å gå på Vestborg å reise på kick-off neste år. Det har vore ei strålande oppleving!

Seminar om menneskeverd

astenberg@vestborg.no (Åshild Stenberg) — Wed, 09 Feb 2022 12:12:07 GMT

Kva er menneskets verdi? Kva er du verdt? Kva gir oss verdi?

I dag hadde vi besøk av Fredrik Høst Hansen frå organisasjonen Menneskeverd. Heile skulen var samla i møtesalen i første og andre time for å høyre han snakke om to viktige tema: Likeverd og livsrett.

Alle er like mykje verdt og vi er like verdifulle sjølv om vi er veldig ulike. Han trakk fram blant anna Rosa Sparks og William Wilberforce som kjempa for likeverd i samfunnet dei levde.

Fredrik viste også til FN menneskerettighetserklæring, bioteknologilova og stilte elevane spørsmål om korleis dei kan bidra til å skape eit samfunn med plass til alle. Nokon av svara frå elevane handla om å ta ansvar for eigne haldningar og handlingar. Det er også lett å vere fordomsfull mot det som er annleis, og det er viktig å ikkje dømme andre.

Fredrik avslutta første tema med at menneskeverd er noko vi har fått. Det er ikkje noko vi har fortjent gjennom våre handlingar. Vi har ein ukrenkeleg verdi som menneske.

Livsrett handlar om at alle menneske har rett til å leve. Det er fleire spørsmål ein må stille seg når ein prøvar å finne svar på når livet startar og når livet får verdi. Kva er eit foster? Kva er menneskeverd? Kva er rett og gale? Kva seier lovverket?

Nokon vil seie at fosteret får umiddelbart verdi ved unnfangelse, andre meiner at verdien kjem gradvis til dømes når hjertet startar å slå.

Avslutningsvis snakka Fredrik om lav og høg moralsk status. Nokon vil meine at eit menneske ikkje er ein person før i veke 25-32. Etter dette får mennesket verdi (lav moralsk status). Andre vil hevde at alle mennesker har grunnleggande rettigheiter sjølv om ein ikkje ved alle livsstadier er eit utøvande menneske.

Det var ei flott undervisningsøkt om aktuelle spørsmål og svar rundt tema menneskeverd!

Austlandskarane

duda@sitespark.no (Kjell Morten Håland) — Tue, 25 Jan 2022 09:05:59 GMT

Har du tenkt på at det er mogleg dra saman med venegjengen sin og byrje på Vestborg?
Det har Jesper, August, Robin, Adrian og Trym tenkt – og gjort tankane til røyndom!

Dei fem venene frå Follo-området i gamle Akershus fylke byrja i haust i Vg3. Dette gjorde dei trass i liten kjennskap til kristne miljø i oppveksten.

- Det heile starta med at Jesper og eg sat i ein time og googla etter internatskular som tilbaud idrettslinje. Dermed fann vi Vestborg på nettet. Etter kvart så dukka det opp reklame for Vestborg, og vi undersøkte endå meir om skulen. Etter ei tid så bestemt vi oss for å søkje, og Jesper tok kontakt med Adrian, Trym og Robin for å spørje om dei også ville bli med til Sunnmøre, fortel August.

Adrian, som også går idrett, sa tidleg ja til å bli med, medan Trym (samfunnsfaglinja) og Robin (realfagslinja) bestemte seg i sommar for å hoppe på eit ukjend eventyr på Sunnmøre.

NEDTUR

Då dei kom til Stranda og Vestborg i august blei det fyrste møtet ein nedtur.

- Det vart ei blanding av skuffelse og angst då vi kom fram og såg kor liten plassen var, seier Trym og Adrian.

Likevel endra situasjonen seg då dei byrja å treffe andre.

- Vi blei veldig godt mottekne med ein gong, og vi fekk eit veldig godt fyrsteinntrykk. Dei fyrste som tok kontakt var to jenter, og vi opplevde både personalet og elevar var utåtvende og imøtekomande på opningsfesten, seier Robin.

KRISTEN SKULE

- Korleis har det vore å byrje på ein kristen skule for dykk?

- Det har sine utfordringar, og det har vore kulturkræsj. Vi merkar at elevar tenkjer annleis enn oss, men samtidig så er det både lærerikt og spennande å sjå medelevar som har gitt så stor del av seg til Gud, seier Adrian.

- Vi er vandt med eit anna miljø med meir frie tøylar, men vi har det veldig bra, og vi er veldig nøgde med valet om å gå på Vestborg, seier Trym.

SKULEN

Dei snakkar også fint om det faglege tilbodet Vestborg gir.

- Eg likar korleis lærarane driv undervisninga si, seier Adrian.

Robin forklarer kvifor han får betre karakterar enn han har hatt tidlegare.

- Vi har det fint sosialt. Det gjer det meir motiverande å ha fokus på skulen. Eg får hjelp når eg lurer på noko, og vi har god stemning i klassen. Når ein er trygg, så blir også læringskulturen betre, seier han.

Jesper er samd.

- Det å kjenne seg trygg gjer at ein slepp å vere redd for å gjere feil. Dessutan trur eg eg gjer det betre enn i fjor fordi vi på internatet har tid til å gjere skulearbeid saman, men også fordi det er mykje som skjer her. Eg trur det er sundt å ha mykje å gjere, seier han.

VESTBORG

Når venegjengen skal fortelje om korleis dei har det på Vestborg, så har dei mykje godt å seie.

- Her er det rom for mykje søvn og maten er god. Dessutan får vi tid til å gjere det vi vil, seier August.

Adrian skildrar Vestborg gjennom å samanlikne med sin førre skule.

- På den førre skulen eg gjekk på, så ga elevane blaffen i andre enn seg sjølv – og elevane gjer alt ein kan for å unngå å dumme seg ut. Her på Vestborg prøver ein å skape noko i fellesskap, og alle heng med alle. Det har ikkje noko å seie kva alder ein har eller kva klasse ein går i.

- Eg har hatt det bra i desse månadane eg har vore her. Det er mykje sosialt som skjer, og eg har fått mange nye vener, seier Robin.

Trym kjem med ei innrøming når han skal skildre korleis han har det.

- Eg har lett for å klage, men eigentleg har eg det strålande på Vestborg. Eg trivast veldig godt sosialt saman med mange fine folk med ulike personlegdomar. Her er det eit veldig bra miljø. Ein ekstra spiss på tilveret er det at eg har fått kjærast, seier han.

Jesper er også takksam for han valde Vestborg.

- Vi har vore aktive og blitt kjend med kor godt det ligg til rette for friluftsliv i området rundt Stranda. Vi har bada, sykla, skeisa, nytta sesongkortet i skianlegget og vore på topptur både sommar og vinter. Sidan alle elevane er vener her på Vestborg, så har vi fått mange nye vener. Dessutan har eg også fått kjærast. Det har vore eit veldig bra halvår. Eg har aldri opplevd så mykje på så kort tid i heile mitt liv. Dersom det er nokon 10. klassingar som har lyst å prøve noko annleis, så tilrår eg dei å gå på internatskule. I alle fall Vestborg, slår han fast.

Kick-off 11-13.februar på Vestborg!

duda@sitespark.no (Kjell Morten Håland) — Mon, 17 Jan 2022 14:03:46 GMT

Bli med på gratis BLI-KJENT-HELG!

Vurderer du å starte på studiespesialisering, idrettsfag eller påbygging på Vestborg vgs til hausten? Vil du bli betre kjent med fagtilbodet, miljøet, elevane, aktivitetane og personalet?

Då er du velkomen til Vestborg 11-13.februar 2022! Opphaldet med mat og overnatting er gratis .

Det blir mykje kjekt program og elevane er klare til å ta godt imot deg.

Du kan melde deg på ved å trykke på denne linken: https://www.vestborg.no/kick-off

Vestborg er ein kristen internatskule og ligg i Stranda kommune på Sunnmøre. Det er gode bussforbindelsar både mot nord, sør og vest. Ta kontakt om du lurer på noko :)

Program for helga:

Fredag:

Kveldsmat 19.30

Kick-off 20.30

Laurdag:

Frukost 10.00

Aktivitetar 11.00

Middag 15.00

Omvisning og faginfo 16.00

Kveldsmat 19.30

Elevkveld 21.00

Turnering + russekiosk.

Søndag:

Frokost 10.00

Topptur/klatring/ski/sosialt på skulen

Informasjonsmøte foreldre 14.00

Middag (også for foreldre) 15.00

Velkommen til oss!

Glimt frå livet på Vestborg vgs:

"Vestborg har vore ein fantastisk læringsmulegheit"

duda@sitespark.no (Kjell Morten Håland) — Mon, 17 Jan 2022 13:57:33 GMT

Hilde Kristine Tepstad har sine aller siste arbeidsdagar på Vestborg denne veka. I januar startar ho i ny jobb på Tryggheim vgs på Jæren.

Hilde har jobba på Vestborg i 4,5 år. Ho kjem frå Karmøy og har bidrege med både smil, latter, fagleg fornying og mykje meir. No er leiligheita snart pakka ned, og ho er klar for nye eventyr på ein annan kristen vidaregåande skule nærmare heime. Tryggheim vgs er den heldige skulen som får ein ny kollega og lærar i januar.

På morgonsamlinga i dag takka rektor Geir Magne for arbeidet Hilde har gjort på skulen. Han løfta fram det spesialpedagogiske arbeidet og jobben Hilde har gjort med å gjere Vestborg til ein dysleksivennleg skule. I tillegg fekk ho med seg både Strandamør, Strandaskinke og andre strandaprodukt for å sikre at ho ikkje gløymer oss med det første ;)

Eg tek ein prat med Hilde for å stille ho nokre spørsmål før ho tek juleferie.

Hilde, korleis vil du oppsummere åra dine på Vestborg?

Eg trur eg må oppsummere det med hardt arbeid med mange fantastiske møter både med elevar og kollega. Eg har også fått veldig god støtte frå mine kollega. Det har vore ein fantastisk læringsmulegheit å jobbe på Vestborg. Her er det eit trygt og godt miljø! Vestborg har gitt meg vekst. Eg hadde ikkje vore den eg er i dag om det ikkje hadde vore for Vestborg. Og eg kjem vel til å fortsette å lære så lenge eg lever.

Kva har vore det beste?

Det eg er mest stolt over er at Vestborg er blitt ein dysleksivennleg skule. Men det beste trur eg må vere alle dei små augeblinka der eg har opplevd at eg er med på å gjere ein forskjell. Møtene med elevane har vore det beste. Det er godt å sjå at eg har vore til hjelp for dei som har hatt det utfordrande. Eg er først og fremst takknemleg for dei enkle augeblinka.

Kva har vore det mest utfordrande då?

Det var veldig tøft å komme seg gjennom pandemiåret. 2020 var eit veldig vanskeleg år. Vi måtte vere strenge og konsekvente med elevane. Vestborg er så fantastisk utan alle restriksjonane. Det var utfordrande å skape ein god skulekvardag trass så mange restriksjonar. Eg likar ikke å mase på elevane mine, men det måtte eg gjere. Eg opplevde vel at eg aldri fekk slappa heilt av, det var rett og slett eit intenst år.

Kva tar du med deg vidare i ny jobb?

Elevane. Det er ikkje slik at eg gløymer dei, sjølv om eg startar i ny jobb. Eg har lyst til å vere tilgjengeleg for dei som ynskjer å halde kontakta. Dei siste vekene har eg også fått mange hyggelege samtalar med elevar som har vore takknemlege og sagt at eg har betydd mykje for dei. Det har betydd mykje for meg! Det at elevar seier at eg har høyrt dei og sett dei er veldig oppmuntrande for meg å høyre. Det er noko som eg kjem til å ta med meg inn i den nye jobben.

No reiser du til Tryggheim vgs på Jæren. Kva ser du fram til?

Eg ser veldig fram til å bruke meir tid med familien. No blir det berre 2 timar å køyre heim til familien min. Endå nærmare er det til tanter, onklar og syskenborn.

Eg gler meg også til å få fleire kollega. Det blir spennande å jobbe på ein stor skule. Eg gler meg til alt eg kjem til å lære, for eg ser på Tryggheim som ein ressursskule.

På Tryggheim kjem eg til å undervise i kristendom, religion og samfunnsfag. I tillegg skal eg jobbe på tilrettelagt avdeling der eg får undervise 1 til 1. Det er spesialpedagogikken eg er aller mest interessert i, og den har eg lyst til å satse meir på og bruke vidare.

Vi har lyst til å takke Hilde for 4,5 gode år på Vestborg som lærar og kollega, og vi ynskjer ho alt det beste i ny jobb!

Vidare til skuleNM i volleyball!

duda@sitespark.no (Kjell Morten Håland) — Mon, 17 Jan 2022 13:55:13 GMT

Mix-laget til Vestborg gjekk heilt til topps i kvalifiseringa til skuleNM i Ulsteinvik på mandag!

På mandag reiste to Vestborglag til Ulsteinvik for å delta på kvalifiseringskampane til skuleNM i volleyball. Eit guttelag og eit mix-lag.

Guttelaget hadde to gode kampar først på dagen, men kom til slutt på ein 6-plass i si gruppe.

Mix-laget kjempa seg heilt til finaleplass etter ein veldig jamn og spennande semifinale. I finalen fekk dei tøff motstand, men vann likevel 2-0 i sett!

No er dei klare for meir trening fram mot skuleNM som skal arrangerast i Skien i januar!

Lykke til!

Mix-laget består av: Tobias Engås, Eskil Engås, Kristina Håvik, Helene Johansen, Andreas Muren, Noah Grutle, Caroline Kandal, Peter Antonio Henden Nygård og Grete Seljehaug.

Guttelaget består av: Vebjørn Sørli, Mathias Nesgård, Samuel Fiskerstrand, Benjamin Isaac Thomaz, Florian Bode, Vegard Muren, Sondre Vedvik, Simon Muren Ulvund og Peter Eide.

Julemesse suksess

duda@sitespark.no (Kjell Morten Håland) — Mon, 17 Jan 2022 13:45:24 GMT

Laurdag 20 november var gymsalen på Vestborg duka for endå ei julemesse!

Det er Vestborglaget som står bak Julemessa på Vestborg. Dei består av 13 damer i år. Dei har laga til julemesse kvart år sidan 1980! I fjor vart julemessa påverka av korona, og det vart derfor berre utsalg av julebakst og gåveartiklar. Derfor var det ekstra kjekt å få lov til å ha ei skikkeleg julemesse med full gymsal igjen i år!

Lokalavisa Nyss intervjua damene helga før julemessa då dei var i full sving med kransekakebaking på Vestborgkjøkkenet. Grunnen til at damene held på med dette kvart år er fordi dei er utruleg glad i Vestborg og vil så gjerne hjelpe til der dei kan, seier dei til avisa. Dei er også ein sosial gjeng som er glad i å møtast, noko dei gjer kvar tredje veke gjennom heile året og saman legg dei ned hundretals med dugnadstimar gjennom året.

I år laga dei 48 kransekaker, i tillegg til heimelaga saft, syltetøy, småkaker, lefser, gåveartiklar og handarbeid.

I tillegg til åresalg, tombola, bingo, loddbøker og kiosk så var det samlingar med andakt, song av Kor Herrleg og Allsangkoret.

Ragnhild og Roger Lillebø hadde også ei flott songstund med songar av Trygve Bjerkrheim.

No er dei siste tala rekna saman, og resultatet etter årets julemesse var på heile 178.000kr!

Damene i Vestborglaget er godt fornøgde med resultatet, og såg i løpet av dagen at dei kunne fått selt endå meir kransekaker og lefser om dei hadde laga meir.

Vi takkar alle som kom for ein flott dag og Vestborglaget for endå ei vellykka julemesse på Vestborg!

Årets misjonsprosjekt er Stor-Kina

duda@sitespark.no (Kjell Morten Håland) — Tue, 28 Sep 2021 06:50:33 GMT

Årets russeklasse har valt Stor-Kina som sitt misjonsprosjekt! Her er eit intervju med dei to prosjektansvarlige, Tobias Engås og Mathias Giskeødegård.

Bilete: Mathias og Tobias

Kvart år har russen på Vestborg eit misjonsprosjekt som dei samlar inn pengar til for å støtte misjonsarbeid. Årets russekull har i år valt Stor-Kina. Stor-Kina består av fleire land. Macau, fastlands-Kina, Hongkong og Taiwan.

Eg har snakka med dei to karane som er misjonsprosjektansvarlege, Tobias Engås og Mathias Giskeødegård.

Eg spør dei kvifor dei hadde lyst til å vere prosjektansvarlege. Tobias seier at han har fått ein stor iver for misjon. Han synest det er veldig kjekt å jobbe med misjonsarbeid, og kjenner det er stort å få vere med på noko som er større enn seg sjølv.

Mathias seier også at han har fått eit stort engasjement for misjon gjennom bibellesing og opplever at Jesus talar til han gjennom det han leser.

Det er det viktigste arbeidet ein kan gjere, og eg har også ein draum om å kanskje reise ut som misjonær i framtida, så dette er ein fin måte å bli litt meir kjent med misjonsarbeid på , seier Mathias.

Kva arbeid skal de støtte?

Her er prosjekta vi skal støtte i dei ulike landa:

Samfunnsutvikling: I Kina er vi med på å støtte eit foreldrevegleiingsprogram kalt ICDP. Gjennom dette prosjektet vert forholdet mellom omsorgsgivar og barn styrka. Dette prosjektet har NLM samarbeid med myndigheitene om, og det er også Norad støtta.

Evangelisering: I Hong Kong og Macau har NLM samarbeid med Hong Kong og Macau lutherske kirke, og dei ynskjer å løfte fram kallet til å drive misjon. I Kina handlar det også om å få engasjert folk til å drive misjon som er i fokus.

Teologisk Utdanning: SYIS (Sharpening Your Interpersonal Skills) er eit leiartreningsprogram som NLM og den lokale kyrkja har utvikla. Det er svært viktig med gode leiarar i kyrkja, og både i Kina og på Taiwan vert det drive slike undervisningsprogram. På Taiwan er det spesielt fokus på å nå framandarbeidarane, og dei satsar mykje på trening av evangeliseringsteam.

Har de gode idèar for kva de vil gjere for å samle inn pengar til prosjekta?

Vi har blitt inspirert av tidlegare russekull som har gjennomført misjonsløp, misjonstivoli, måneskinnstur og sjølvsagt russeturnè. Vi har lyst til å få til alle desse arrangementa i år. I tillegg har vi nokre nye idèar som vi ynskjer å få gjennomført. Det hadde blant anna vore kjekt med ein skikkeleg basar på Vestborg , seier dei og smiler.

For to veker sidan var de på ein Kick-off i Oslo. Korleis var det?

Vi deltok på foredrag som handla om bistand, kommunikasjon og evangelisering. Vi fekk også høyre ei andakt frå generalsekretæren i NLM. Vi lærte også litt meir om vårt misjonsprosjektland og om arbeidet som skjer der. Då det nærma seg slutten av samlinga, planla vi litt kva vi ville gjere for å samle inn pengar til prosjektet. Alt i alt var Kick-off kjekt og inspirerande, fortel Mathias.

Får de reise på tur etterkvart?

Vi håpar sjølvsagt at det vil bli mulig å reise for å sjå meir av arbeidet, men det er framleis uvisst med tanke på koronasituasjonen. Det blir i så fall etter nyttår ein gong. Vi kryssar fingrane, avsluttar gutane.

Russeklassa har endå ikkje satt seg eit mål om kor mykje pengar dei vil prøve å samle inn, men dei har iallfall eit mål om å engasjere heile skulen til å vere med på misjonsprosjektet. Dei har allereie kome godt i gang med å engasjere resten av klassa, og dei har blant anna starta opp med russetenestar på skulen. Her kan elevar blant anna bestille koselige overraskingar som «koselig vekking på morgonen», «ein treningspartner» eller «bodygards for ein dag». Dei tilbyr også ulike service-tenester som «hårklipp», «romvask» og «bursdagsfeiring». Og alle pengane går til misjonsprosjektet sjølvsagt. I tillegg har russen ansvar for ein russekiosk på skulen som er open kvar helg. Her kan elevane kjøpe seg mykje digg.

Vi ynskjer russeklassa lykke til med årets misjonsprosjekt!

Bilete: Mathias og Tobias på Kick-off i Oslo

Vg1 på samanristningstur

duda@sitespark.no (Kjell Morten Håland) — Fri, 24 Sep 2021 10:21:15 GMT

VG1-klassen har denne veka vore på samanristningstur

Turen gjekk til Fjellsetra ungdomssenter i Sykkylven der vi var eit døger.

På programmet stod mellom anna leiken «Snik» - der det gjaldt å lure seg fram i myrkret utan å bli oppdaga av læraren si lommelykt. På dagtid haldt ein på med samarbeidsquizleiken «50». Det lokka fram smilet då det frå ulike stader på tunet blei ropa både «Bæ!» og «Raur!». Det skjedde til dømes når sauegruppa og dinosaurgruppa skulle samlast for å drøfte seg fram til svar på quizspørsmål.

RELASJONSAKTIVITETAR

Det vart også lagt til rette for å skrive godord til kvarandre. Elevane gjekk rundt med ein papptallerken på ryggen, og så skulle dei skrive gode ord på kvarandre sine papptallerkenar.

Ein annan aktivitet var å dele inn elevgruppa i ulike par. Saman skulle dei samtale om spørsmål henta frå samtaleopplegget til «Fuelbox». Døme på spørsmål var: «Kva er det beste rådet du nokon gong har fått?» og «Korleis kan du gjere andre gode?»

I tillegg var det undervisning om det fine med å ha fokus på sine medmenneske - noko som kan vere oppbyggjeleg både for ein sjølv, ein annan person og for ei heil gruppe. Det vart også gitt tips korleis ein kan gjere det i praksis. Til dømes gjennom å helse på andre med namn, gjennom å gje ros med grunngjeving og gjennom å lytte til andre med oppriktig interesse.

GODT FELLESSKAP

Tilbakemeldingar frå elevar tyder på at trivselen var stor på tur. Dei framhevar også det gode miljøet. Hanna Kvalsund er ein av dei 29 elevane i klassen.

- Dette har vore ein veldig bra tur. Eg vil gjerne trekke fram fellesskapet innan i klassen. Alle inkluderer alle. Når ein til dømes sit åleine, så er det alltid nokon som kjem bort til ein. Eg har også likt aktivitetane, og også under desse aktivitetane har det vore godt å kjenne på fellesskapet, seier Hanna.

Valresultat ved Vestborg

duda@sitespark.no (Kjell Morten Håland) — Tue, 07 Sep 2021 10:29:04 GMT

I dag vart skulevalet halde her på tunet.

Sosialkunnskapselevane var valfunksjonærar og rettleia elevane gjennom røysteprosessen. I Møre og Romsdal er det 18 parti som stiller til val, og elevane våre hadde difor 18 parti-alternativ å velje mellom.

VG1-elev Grete Rotlid Seljehaug var ei av dei som røysta.

- Det er veldig fint at vi får ha skuleval. Tilbodet gjer at folk i min aldersgruppe byrjar å tenke politisk, samt får opplæring i korleis eit val blir gjennomført. Det er viktig at folk brukar røysta si, seier ho.

Her er resultatet av skulevalet på Vestborg:

Framstegspartiet 22,2 %
Kristeleg Folkeparti 18,1 %
Senterpartiet 11,1 %
Høgre 8,3 %
Miljøpartiet Dei Grøne 8,3 %
Arbeiderpartiet 8,3 %
Sosialistisk Venstreparti 5,6 %
Partiet Dei Kristne 5,6 %
Raudt 4,2 %
Pensjonistpartiet 2,8 %
Venstre 2,8 %
Nei Til Meir Bompengar 1,4 %
Alliansen 1,4 %

Skuledebatt og valtorg

duda@sitespark.no (Kjell Morten Håland) — Fri, 03 Sep 2021 11:12:40 GMT

Fredag 3.sept var elevar frå Vestborg vgs og Stranda vgs samla i gymsalen på Vestborg til skuledebatt!

Det var ein engasjert gjeng med unge politikarar frå dei ulike partia som var samla til debatt på scena i gymsalen i dag. Elevane hadde sjølv ynskje om at skulepolitikk, klimapolitikk og distriktspolitikk skulle vere hovudtema for årets skuledebatt.

Blant debattantane var det fråværsgrensa som skapte mest diskusjon og debatt når det gjaldt skulepolitikken. Nokon ville skrote den, medan andre ville forbetre den. Politikarane kom med mange løfter til elevane: Lærarauke i skulen, helsesystertilbod kvar dag, fleire valfag, betre seksualundervisning, friheit til å velge eigen timeplan mm.

Under klima og miljødebatten vart også debatten varm. Mange viste til sine tiltaksplanar som blant anna handla om utsleppskutt, auka avgifter, samarbeid med EU, fornybare industriar og å slutte og leite etter olje. Under debatten var det fleire elevar som stilte gode spørsmål til panelet om kva konkrete tiltak partia har for å spare miljøet.

Distriktspolitikk engasjerer elevane som bur i distrikta. Vi treng betre kollektivtilbod, mindre bomstasjonar, lågare fergeprisar, eit fungerande velferdstilbod og fleire arbeidsplassar!

Etter skuledebatten var det mulig å snakke med ungdomspolitikarane som satt i panelet på valtorget. Her fekk elevane stille fleire spørsmål samt få informasjonsbrosjyrer og anna "stæsj".

Neste veke blir det gjennomført skuleval i alle klassene her på Vestborg.

Godt val!

Seminar om grensesetting

duda@sitespark.no (Kjell Morten Håland) — Wed, 01 Sep 2021 13:02:59 GMT

Kvifor treng vi grenser, og kor går grensene?

Onsdag 1.september kom Grete Martinsen og Inga May Naustvik til Vestborg frå hovudkontoret til Misjonssambandet for å snakke med elevane om gode grenser og seksualitet.

Inga May brukte første timen på å snakke om grensesetting. Ho tok utgangspunkt i internatlivet og det som elevane kunne kjenne seg att i. Kva for uskrivne reglar har vi i samfunnet, og på Vestborg? Kor går venene dine sine grenser? Kva er greit og ikkje greit? Kva gjer vi dersom vi trakkar over andres grenser? Korleis bruker vi sosiale media? Ho besvarte mange av desse spørmåla og fekk elevane til å diskutere med kvarandre og fortelle i plenum kva dei tenkte. Det er viktig at du veit at du bestemmer over din eigen kropp og setter dine eigne grenser, fortel Inga May. Og det er viktig at vi respekterer kvarandre sine grenser.

Grete tok over etter ein kort pause og gjekk meir inn på temaet seksualitet. Eit viktig spørsmål å stille seg sjølv er: "korleis har andre det rundt meg?". Elevane fekk innblikk i dei tre greske orda for kjærleik: filia, eros og agape. Vidare snakka Grete om at sex er meir enn kropp. Det binder to mennesker saman på ein sterk måte. Derfor er det viktig at ein vernar om sine eigne seksuelle grenser. Til slutt oppmuntra ho elevane til å reflektere rundt følgande spørsmål dersom dei er i ein kjæresterelasjon: "Føler eg meg fri til å vere meg sjølv? Respekterer den andre grensene mine? Og respekterer eg den andre sine grenser?"

Viktige spørsmål til viktige tema, og gode refleksjonssamtalar mellom elevane på seminaret i dag!

Nytt skuleår!

duda@sitespark.no (Kjell Morten Håland) — Mon, 23 Aug 2021 13:05:31 GMT

I helga vart endeleg Vestborg fylt med elevar igjen. Nye og gamle elevar kom med flyttelass og sommarfuglar i magen, spente på eit nytt skuleår!

Sjølv om koronasituasjonen gjorde at vi ikkje kunne ha opningsfest for alle, fekk vi likevel ein flott fest med dei nye elevane, foreldre, søsken og personalet. Lærar Geir Myksvoll Lande leia oss stødig og godt gjennom festen. Rektor Geir Magne Engås heldt ein flott opningstale, Ole Os forkynte evangeliet på ein visuell og spennande måte og lovsangsteamet leia forsamlinga i allsong.

På søndagen hadde vi ein flott bli-kjent dag med heile skulen. Vi starta dagen med "62 grader nord". Elevane vart delte inn i grupper og fordelt på 10 aktivitetspostar. Her vart elevane utfordra på samarbeid, konsentrasjon, kunnskap, effektivitet og kreativitet. Det var ein engasjert gjeng som ga alt!

Resten av dagen bestod av grilling, sosiale aktivitetar på skuleområdet avslutta med ein elevkveld med innslag frå dei ulike gruppene.

No er vi i gong med første skuledag og elevane har hatt klassesamlingar fram til lunsj og ordinær timeplan etter lunsj.

Vi gler oss over 75 flotte elevar som har starta her på Vestborg og ser fram til eit kjekt skuleår på alle måtar!

Opningsfest 21.aug!

duda@sitespark.no (Kjell Morten Håland) — Fri, 13 Aug 2021 09:20:05 GMT

Velkommen til nytt skuleår!

Laurdag 21.august er vi klare for å ynskje nye og gamle elevar velkomne til eit nytt skuleår her på Vestborg!

Nedanfor finn de programmet for opningsdagen.

Hjarteleg velkomne :)

Avslutningsfest på Vestborg

duda@sitespark.no (Kjell Morten Håland) — Thu, 17 Jun 2021 13:05:02 GMT

Onsdag 16.juni var det avslutningsfest for Vg3 elevane på skulen!

Også i år måtte vi gjer om på den vanlige avslutningsfesten vår her på Vestborg. Tysdag sendte vi vg1 og vg2 elevane heim på sommarferie etter ein liten avslutningsmiddag. Onsdag var det avslutningsfest for avgangskullet og personalet.

Mange av elevane var kledde i bunad og finstas, klar for å markere slutten på 13 års skulegang. Eigendikta personalsong til elevane, bildekavalkade ifrå elevane, avskjedstale frå rektor Håkon og andakt av Oscar Nordbø var nokre av postane på programmet. I tillegg presenterte russen vinnarane av premiane frå lotteriet sitt.

Det store høgdepunktet på kvelden var russens presentasjon av den innsamla pengesummen til årets misjonsprosjekt. Mange i russeklassa har jobba hardt for å samle inn mest muleg pengar til prosjekta i Vest-Afrika, trass i eit utfordrande år.

Den endelege summen vart på 263 635kr. Oscar Nordbø var imponert og takkar elevane i talen sin då han fekk overrekt sjekken på vegne av NLM. «Dette var imponerande. Dette vitnar om ein kjempestor innsatsvilje. Vi veit at det har vore eit kjempevanskeleg år. Vi fekk ikkje reist på russeturnè, og likevel har dokke klart dette! Tusen takk på vegne av NLM og region Nordvest».

Oscar Norbø har sjølv vore misjonær i Vest-Afrika og kjenner godt til arbeidet som russen støttar. «Det er fantastisk at dokke er med på dette her- det er ei muligheit til å fortelle om Jesus midt i desse muslimske gruppene. De er med på å bære dette arbeidet og det er eg kjempe takknemleg for. Tusen takk», avsluttar han.

Etter ein herleg festmiddag med påfølgande kaffi og dessert avslutta kvelden med bildetaking og avskjedsklemmar.

Vi vil takke for 1, 2 og 3 år saman med avgangsklassa vår. Lykke til vidare, Guds velsignelse og på gjensyn :)

"Vi kjem til å sakne folka!"

duda@sitespark.no (Kjell Morten Håland) — Thu, 10 Jun 2021 09:04:10 GMT

Det nærmar seg slutten av endå eit skuleår, og eit nytt klassekull har sine siste dagar på Vestborg. Etter lunsj i går inviterte lærar Anders saman med Hilde heile vg3 klassa ned på terrassen.

Eg tek ein prat med elevane som er samla medan dei et is og kosar seg i sola.

Kva kjem dokke til å sakne mest når dokke sluttar på Vestborg?

Svara er mange: "Folka, plassen, internatlivet, volleyball, fellesskapet, Dregetua (gutteinternatet), Strandafjellet, ski, naturen, Stranda, dessert på søndagar, lett tilgjengelige venner"

Er det noko de er glad for å vere ferdig med?

"Skule" kjem eit einstemmig svar. "Og realfag, spansk og lærarane..neida!" Dei kjem heller ikkje til å sakne internatvask, stikkontroll og innetid, sjølv om dei er einige i at dei har blitt flinkare til å både vaske romma sine, vaske kle og ta oppvasken.

Eg spør elevane kva dei har vakse mest på som personar på Vestborg.

Mange nevner relasjonar. "Eg er blitt meir sosial", "Eg er blitt tryggare på meg sjølv", "Eg er blitt betre kjent med meg sjølv", "Eg er blitt flinkare til å forstå ulike typar folk", "Eg er blitt betre på å forholde meg til menneske", "Eg har vakse i trua", "Eg er blitt betre på å ta hensyn til andre menneske", "Eg har lært å vaske kle", "Eg er blitt god på å steike grandiosa".

Korleis vil de beskrive Vestborg med eitt ord:

SOSIALT, FELLESSKAP, INTERNAT, SPENNANDE, INTERNATLIV, TRYGT, MOGLEGHEITER, MEININGSFULLT!

Vi takkar for fine år saman med årets vg3 klasse og ser tilbake på mange gode minner!

Skule på hjul

duda@sitespark.no (Kjell Morten Håland) — Sat, 05 Jun 2021 09:15:21 GMT

Den 26-27.mai var vg1 på Skule på hjul. Den årlege klasseturen med både fagleg og sosialt innhald.

Her er referatet som Maria Lillebø og Hedda Hugvik skreiv etter turen:

Turen gjekk til Runde og Kjeldsund. I løpet av opphaldet besøkte vi Rundefjellet og miljøsenteret på Runde. Der fekk vi høyre om klimakrisa og lære meir om fugleartar som lever på Runde. Det var lærerikt og ein viktig påminning om at vi lever i ein verden full av klimaendringar.

Etter utflukta på Runde, bar vegen vidare til Kjeldsund misjonssenter. Her vart det god stemning, og på programmet stod det bading, kanopadling, kveldskos og god mat. Vi vart godt tatt imot og fekk høyre den spennande historia om korleis Kjeldsund vart til.

Neste morgon åt vi god frukost før vegen gjekk vidare til Kystmuseet i Herøy. Her fekk vi høyre spennande historier om Herøy og lære om kva som skjedde her for mange år sidan. På museet fekk vi moglegheit til å gå inn i eit restaurert gammalt hus, og fekk ein smakebit på korleis dei levde på 1900-talet.

Siste stopp var Ivar Aasen-tunet. Dette var eit flott, nybygd museum som formidla historia om Ivar Aasen på ein ny og spennande måte. Her fekk vi blant anna sjå korleis Ivar Aasen levde og hans store verk. Vi fekk også sjå ein film som gav oss eit enda nærmare innblikk i Ivar Aasen sin oppvekst og liv.

Etter ein lærerik dag, gjekk turen heimover. Vi tok nytte av det fine veret, og stoppa derfor i Volda for å kjøpe is.

Vi kan sjå tilbake på ein fantastisk tur, fylt med gode minner og mykje ny kunnskap. Det er utruleg kjekt å vere på slike klasseturar, der vi vert kjent med kvarandre på nye måtar. Klasseturar er med på å styrkje klassemiljøet og vennskap.

Strandrydding på Stranda

duda@sitespark.no (Kjell Morten Håland) — Tue, 01 Jun 2021 07:15:10 GMT

Som ein del av det tverrfaglege temaet "Bærekraftig utvikling" har vg1 gjennomført ein ryddeaksjon på badestranda og i småbåthavna på Stranda

"Det er kjekt å sjå konkret at vi kan gjere ein forskjell for miljøet, og så er det fint å vere mange" , seier vg1-elevane etter ein halv skuledag med strandrydding mandag 31.mai.

Klassa starta å rydde i Helsemvika. Her fann elevane mykje småsøppel på plena, plast som flaut i vatnet, ei skummadrass og gamle metallrestar. Halvvegs i ryddeaksjonen var det pause i sola med forfriskningar sponsa av Rema 1000 Stranda.

Klassa forflytta seg deretter til Småbåthavna og fortsatte ryddeaksjonen. Her var det mykje søppel og rot! Gamle båttau, ølboksar, brusflasker, metallbitar og alle slags former av plastavfall.

Alt avfallet vart vegd på begge stadane, og totalt samla elevane 180 kg med avfall! Ein flott innsats for Stranda og for kloden!

Takk til Rema 1000 Stranda for forfriskningar og Europris Stranda for eingongshanskar og avfallsposar!

Duket for dugnad

duda@sitespark.no (Kjell Morten Håland) — Fri, 28 May 2021 12:33:47 GMT

Kjære alle sammen! Det er duket for dugnad på Vestborg. Lørdag 19. juni inviterer vi til arbeid og fellesskap fra kl. 9 til 15. Varierte oppgaver, varm lunsj og kaffe.

Gi et lite vink til Trygve (tlf. 915 97 399 eller thabostad@vestborg.n o) om du kommer, blant annet med tanke på antall til maten. Kommer du utabygds, så sjekk koronatilstanden/reglene der du er.

Hjertelig velkommen!

Idrettsdag

duda@sitespark.no (Kjell Morten Håland) — Wed, 26 May 2021 09:35:37 GMT

Som ein del av faget Treningsleiing arrangerte idrett i vg3 idrettsdag for heile skulen denne veka!

Inspirert av "Mesternes Mester" har idrettsgjengen i vg3 planlagt eit idrettsarrangement i fleire månader. Dei starta med idèmyldring der idèane var både store og mange. Eigentleg hadde dei tenkt å arrangere noko som gjekk utanfor skulens eigne veggar. Eit Olabilløp på Stranda hadde vore veldig kjekt! Men som med mykje anna så har Korona gjort at det er vanskeleg å legge store planar. Derfor bestemte dei seg for å planlegge noko dei med ganske god tryggleik kunne gjennomføre.

Dei har ikkje lagt på latsida sjølv om planleggingstida har vore lang. Elevane her nemleg teikna, designa og bygd fleire av konkurranseelementa sjølve!

Og bedrifter har vore hjelpsame og sponsa.

Vi fekk stålrør ifrå Stranda stålindustri, Vestnes bygg har sponsa med materiale og Ous & Emdal med lister og finerplater, seier elevane.

På spørsmål om korleis dei syntes det gjekk i etterkant svarar dei:

"Det gjekk ganske bra. Det vart ikkje så mykje rot undervegs. Målet var å gjennomføre arrangementet med minst muleg hjelp frå skulen, og det klarte vi. Vi fekk til mykje til å vere kun 4 stykk".

Ja, det skal vere visst!

25.mai var dagen komen og Vestborgelevane var klare til kamp! Parvis måtte dei igjennom 10 konkurranser som utfordra konsentrasjon, statisk og dynamisk styrke, fokus, balanse, hurtighet og vinnervilje.

Midtvegs var det lunsj med pølsegrilling og god stemning på tunet i sola.

Elevane kosa seg og konkurransane var både utfordrande, kreative og morosame. Det heile vart avslutta med ein spennande finalekonkurranse med den klassiske "kronidioten" ifrå Mesternes Mester.

Jeg innrømmer det gjerne: Jeg er svak for 17. mai

duda@sitespark.no (Kjell Morten Håland) — Fri, 21 May 2021 13:09:02 GMT

Hvorfor er det viktig å markere høytider?

Vi har akkurat lagt bak oss en utrolig fin langhelg med både Kristi himmelfart og 17. mai. Som helligdag blir ofte Kristi himmelfart, dagen Jesus returnerte til Faderen i himmelen, litt stemoderlig behandlet. Men den fortjener virkelig ikke det.

Først og fremst er den en markering av at Jesus virkelig stod opp og viste seg over en periode på 39 dager for disiplene og andre. Videre markerer denne hendelsen en monumental endring for disiplene særlig, men også for kirken. Jesus sa nemlig at det var til det beste for oss at han dro hjem, for han ville da sende oss Den Hellige Ånd. Jesus er ikke lenger på jorden i egen person, men i stedet bor han i våre hjerter ved Den Hellige Ånd. Kristi himmelfart blir derfor en viktig markering av overgangen fra Jesu virke i et begrenset tidsrom og geografisk område, til Den hellige ånds virke i og gjennom den enkelte troende over hele jorden.

Morgenen den 17. mai kjørte jeg over Strandafjellet i Citroenen vår. Det var til dels lavt skydekke som ble brutt opp av hvitdekte fjelltopper som strakk seg mot den blå himmelen. Og langt der nede så jeg Storfjorden som lå stille og glitret i solen. Utenfor husene var det norske flagg.

Jeg dro tilbake til Vestborg denne morgenen for å spise frokost sammen med russen. Dette er en årlig tradisjon på skolen og noe jeg syns har vært veldig fint og kjekt de årene jeg har nå hatt på Stranda.

Jeg vet ikke om det er alderen eller noe annet, men jeg er blitt mer og mer glad i, og takknemlig for, landet vårt. Ikke fordi vi er rike eller har velferdsstaten. Ikke fordi jeg har en god jobb og fin familie. Nei, det handler faktisk langt mer om framtiden enn her og nå.

Forstå meg rett, jeg er utrolig takknemlig for det vi har i Norge i dag. På mange måter er det unikt. Ingen tidligere generasjoner har hatt en slik luksus som vi i dag nyter, materielt sett. Men jeg er så takknemlig og ydmyk over å være blant de som får nyte fruktene av fred og frihet, og ikke minst materielle og politiske goder, som tidligere generasjoner har svettet, slåss og blødd for.

Det er få ting som hjelper oss å gå framover og holde kursen, som å ha et ydmykt og takknemlig syn på fortiden. De som har gått før oss var ikke perfekte. De var ikke superhelter. De var på mange måter som deg og meg, med sine problemer. Sine svake og sterke sider. Men nettopp derfor er de så viktige å huske på.

Nettopp derfor kan de hjelpe oss videre ved at vi lærer fra dem.

Ethvert skip trenger et ror for å holde kursen og det roret peker på samtlige skip samme vei; bakover. Vår historie er vårt ror. Det hjelper oss å holde kursen mot målet. Uten at vi skjønner hvor vi kommer fra, hva vi som folk har gått igjennom og hva som har formet oss som land og kultur, kan vi heller ikke forvente at vi kan holde kursen dit vi ønsker.

Så, takk Gud for Kristi himmelfart som ble starten på den historien vi er en del av, nemlig den kristne kirkes tidsalder; og takk Gud for Norge og de som har gått før oss og bygget dette vi i dag nyter godt av. Jeg avslutter med vers 2 fra fedrelandssalmen, skrevet av Elias Blix.

Vaart Heimland i Myrker lenge laag,
Og Vankunna Ljoset gøymde.
Men Gud, du i Naade til oss saag,
Din Kjærleik oss ikkje gløymde:
Du sende ditt Ord til Norigs Fjell,
Og Ljos yver Landet strøymde.

Misjonsløpet 2021

duda@sitespark.no (Kjell Morten Håland) — Wed, 19 May 2021 09:26:19 GMT

Vg3 arrangerte forrige tysdag misjonsløp til inntekt for årets misjonsprosjekt

Det var god stemning på tunet forrige tysdag då det årlige misjonsløpet gjekk av stabelen. I forkant av løpet har elevar spurt foreldre, besteforeldre, søsken, vennar og bekjente om å sponse dei .

I år går pengane som vert samla inn til NLM sitt arbeid i Vest-Afrika. Prosjektet støttar evangelisering, forbetring av livsvilkår og barne- og ungdomsarbeid.

Klassene vart delt inn i heat, og sprang ei kupert runde gjennom Vestborg-området på om lag 400 meter. Dei som ikkje sprang var heiagjeng og brukte både musikk, dans, rop og vatn for å motivere elevane til å springe lengst muleg på 30 minutt.

Nedanfor Storfjorden var det mat- og drikkestasjon med melon, banan, drue, is og saft for dei som trengte forfriskningar.

Mange av elevane hadde morsomme og kreative kostymer. Dei som vann konkurransen for beste kostyma var "Afrika-gjengen" i vg1 (kanskje du ser dei i bildegalleriet nedanfor?)

Det vart også premiering for den som hadde fått flest sponsorar, samla inn mest pengar og sprang flest runder. Premiar som Apple-TV, JBL høgtaler, gåvekort på Intersport og headset vart ein kjekk bonus for innsatsen for dei som vann.

Og resultatet på årets misjonsløp vart heile 81 090kr!

Har du lyst til å vere med og støtte russens misjonsprosjekt?

Då kan du Vippse til 129 159 eller bruke dette kontonummeret: 3910 45 83125

Ein topp topptur

duda@sitespark.no (Kjell Morten Håland) — Mon, 10 May 2021 07:41:57 GMT

Vg3 idrett på vintercamp i Norangsdalen

Her er eit tur-referat ifrå ein av idrettselevane, Marie Bakken:

"Torsdag 29.04 var vi i vg3 idrett på klassetur i Norangsdalen. Vi kom fram torsdags kveld og slo leir ved startpunktet til morgondagens tur: Blæja 1420 moh. Nokre av oss slo opp lavvo og andre sov ute under open himmel i minus 10 grader. Vi fyrte opp bål og koste oss utover kvelden.

Fredags morgon stod vi opp og steikte pannekaker til frukost, og pakka ned leiren. Vi pakka topptursekken, smurte oss inn med solkrem og la ut på tur i nydelig vêr. Vi fekk ein kjempefin vårskitur med strålandes sol, omringa av fine fjell og digg nedkjøring.

Eg trur eg snakkar for heile klassa ved å seie at vi var storfornøgde med turen!"

Her kan du sjå ein kort dronefilm ifrå toppturen til Blæja:

Den største gleden du kan ha …

duda@sitespark.no (Kjell Morten Håland) — Wed, 28 Apr 2021 11:36:24 GMT

I disse dager vil Stranda kunne oppleve noe utenom det vanlige. Den alminnelige innbygger vil kunne finne en eller annen oppmuntring i postkassa si, og observante strandarar vil kunne oppdage en eller annen påmalt stein ute i naturen.

Kristendomskunnskap strekker seg over vg1 og vg2, og den nye læreplanen legger vekt på å gjennomføre et prosjekt til glede for folk utenfor skolen, for så å reflektere over betydningen dette har for samfunnet. Noe av det første som elevene tenkte på, var å servere gratis kaffe og boller på fergekaia. Av grunner som vi alle kjenner til, ble det ikke slik i år.

Men elevene i vg1 har funnet andre måter å gjøre noe hyggelig på. Noen grupper skrev brev med dikt eller oppmuntrende ord, andre pyntet konvoluttene. Brevene fordeles utover i bygdas postkasser. Andre har jobbet med leserinnlegg med mål om å få dette på trykk i lokalavisa.

Det mest kreative er kanskje de malte stenene som legges ut. Malt og fønet faktisk. Ikke fordi stenen har så fint hår, men fordi den ene fargen må tørke før man legger på den neste. Mange ble svært fargerike og oppmuntrende. Det virket som om Hilde og elevene boltret seg i kreativitet, og fant gleden i å glede andre. Dette gav mersmak!

Skidag på Strandafjellet

duda@sitespark.no (Kjell Morten Håland) — Fri, 16 Apr 2021 07:25:52 GMT

Også i år vart det skidag på Strandafjellet. Det hadde liksom ikkje passa før, men endeleg: nydeleg vêr og perfekte forhold gjorde sitt. Elevane var sjølvsagt frå seg fordi dei ikkje fekk undervisning i norsk og samfunnsfag, og heller måtte ta til takke med pølser og ski.

Med bortimot ein meter nysnø på ei lita veke og påfølgjande påskesol, vart det bråbestemt å feire måndagen med grilling og godt humør på fjellet. Mange var i trekket, men dei som var ut på akebrett og langrenn, hadde også gnistrande gode forhold.

Anders jarl skoda det idrettslærarane hadde fått til denne dagen, og tenkte at det var overlag godt!

Veien videre

duda@sitespark.no (Kjell Morten Håland) — Mon, 12 Apr 2021 08:00:34 GMT

Vestborgrussen sitt misjonsprosjekt og ny rektor fra høsten av.

I helgen var vg3 på Vestborg vert for søndagsmøte for Misjonssalen Ålesund. Selve innspillingen ble gjort på torsdag i møtesalen her på skolen. Da jeg så møtet sammen med Ingrid og minstemann på søndag formiddag, kjente jeg at jeg veldig stolt av russen vår. De har måtte endre planene sine for misjonsprosjektet flere ganger i år og i det hele tatt er det mye som er annerledes for dem i år (som for de fleste av oss). Allikevel holder de motet oppe og står på for å få samlet inn midler til NLM`s misjonsarbeid i Vest-Afrika.

Jeg fikk også mine fem minutter i rampelyset og delte at jeg nå skal videre fra sommeren av. Geir Magne Engås har takket ja til å gå inn i rektorjobben igjen her ved skolen, mens jeg skal være vikarierende rektor på Møre barne- og ungdomsskole Skodje for det neste året.

Det er litt vemodig å skulle slutte på Vestborg. Jeg har hatt tre flotte år her og blitt så glad i både kollegaer og elever. Å få ta del i et arbeid som strekker seg utover det å drive en god skole, med fokus på også det åndelige og evige, har opplevdes som veldig verdifullt.

Det er fortsatt et par måneder igjen av skoleåret, med mye godt og viktig arbeid som fortsatt skal gjøres. Men i dag skal vi ha skidag i strålende sol og glitrende ny-snø på Strandafjellet.

Ha en velsignet uke.

Håkon

Tekjøkkenprat med gutta på Skura

duda@sitespark.no (Kjell Morten Håland) — Thu, 25 Mar 2021 12:55:35 GMT

«På Skura gjør vi aldri lekser, unntatt når jentene får oss med». Dette var det første de kom på, de tre som ble intervjuet, og som ønsker å være anonyme.

Tekjøkkenet brukes til å steke pizza, Grandis. Intervjuer får en følelse av at gutta ikke er så ivrige på kjøkkenet, men får da vite at tekjøkkenet har blitt brukt til blant annet is- og tekvelder, og at plattingen utenfor tekjøkkenet er veldig fin å slappe av på, og nyte utsikten. At veien mellom jenteinternatet og matsalen går rett forbi, har selvfølgelig ikke noe med saken å gjøre. Nå som vårværet har slått inn, må disse utetradisjonene tas opp igjen for fullt, særlig iskveldene savnes, især når det er jentene som betaler!

I andre etasje er det åtte rom, og det er mest liv rundt de fire midterste rommene. Gutta vurderer å få satt opp et møteplasskilt i gangen der, for å understreke at alle er velkomne og at de ønsker å inkludere alle. Veien fra møteplassen til matsalen er også ett hett tema. Etter utallige forsøk er det fortsatt uenighet i om det er kortest å bruke trappa i østre eller vestre ende for å komme seg raskest ned og inn til matsalen.

En av vg1-elevene ærer de som har bursdag med å ta et utebad, sommer som vinter. Da er det fint at Skura ligger nærmest kulpen under brua. Ellers kan man gå rett fra internatet til Skuravatnet og Skurahornet. Sjøen ligger på nedsiden, fjellet på oversiden, og snart får flere av oss bil. En av oss har førerkort allerede, og mulighetene for uteaktiviteter blir dermed nærmest uendelig.

Som bildet viser, går mange av gutta i crocs. Om det er 30 minus går de i crocs, og om det regner 30 mm i timen eller om de må tråkke i 30 cm snø, så går de i crocs. Superheltene i Deadpool-filmene går i crocs. Også våre helter går i crocs, og de ønsker å være anonyme.

Tverrfaglig undervisning vg1 – Demokrati og medborgerskap

duda@sitespark.no (Kjell Morten Håland) — Tue, 23 Mar 2021 14:24:54 GMT

På torsdag hadde vg1-elevene nok et tverrfaglig tema, denne gangen Demokrati og medborgerskap. Elevene fikk anledningen til å kjenne på kroppen hvor urettferdig verden kan være.

Opplegget begynte med en noe uvanlig lunsj. Elevene ble delt inn i ulike land som de skulle representere resten av dagen. De heldige elevene fikk representere Norge og USA, og fikk dermed god lunsj med mange fordeler. Andre elever representerte Mexico og Kina, noe som gav en helt grei lunsj. Men elevene som fikk tildelt Etiopia og Bangladesh, gikk det verre med. De fikk tildelt plass på gulvet, kun buljong i koppen, og var ikke særlig fornøyde (for å si det mildt). Elevene fra Etiopia-laget, på bildet under, klarte utrolig nok å holde motet oppe en god stund.

Etter denne svært varierende lunsjopplevelsen spilte elevene Handelsspillet til Changemaker. Her er målet å produsere mest mulig og bli rikest mulig med utgangspunkt i landets egne ressurser, en ressurstilgang som jo er svært skjevt fordelt mellom landene. For noen ble dette svært krevende og framstod som blodig urettferdig. Det var tydelig at elevene hadde tatt med seg både engasjement og konkurranseinstinkt inn i undervisningsøkten. Temperaturen i klasserommet ble ganske høy mens representantene for de ulike landene løp rundt og prøvde å gjøre det beste ut av det. Forhandle, lokke og stjele, hva som helst for å sikre seier.

Ikke overraskende var det USA som gikk av med seieren, og til slutt reflekterte elevene over opplevelsen i seiersrus eller vanmakt og resignasjon.

Pudderalarm

duda@sitespark.no (Kjell Morten Håland) — Fri, 05 Mar 2021 12:58:32 GMT

Tre ganger i løpet av vinteren har idrettselevene mulighet til å slå pudderalarm. Når det ligger nysnø på fjellet og sola skinner, er det bare å snøre sin sekk, spenne sine ski, og sørge for å ha fått med seg både appelsin og Kvikk Lunsj.

Ordningen er helt enkelt at elevene kan be seg fri fra vanlig undervisning når forholdene tilsier puddersnø. Da får matte være matte og spansk være spansk. Nå er det bare norsk punddersnø som gjelder, ingen normalvektorer, stigningstall eller utenlandske bøyningsmønstre. Ordningen forutsetter at faglærere med undervisningen den dagen sier at det er greit, og skal også godkjennes av idrettslærer, så noen ganger passer det ikke. Men stort sett passer det, og i går passet det for vg3-elevene, som tok skia fatt og strøyk opp på fjellet etter 2. time.

Ei heilt vanleg helg

duda@sitespark.no (Kjell Morten Håland) — Wed, 17 Feb 2021 10:15:05 GMT

Elevane og miljøteamet hadde store planar for helga. Hurra! Volleyball, bandy (Bambi?) på isen, og kahoot- og spillekveld samt valentinesfilm på søndag, er noko av det som har stått på programmet.

Bilda er derimot henta frå kvardagen til elevane. Viss de ser på bilete av dei to internata Roalden og Skura, kan de sjå konturane av skiheisane litt til venstre for toppen av fjellet. Mange har vore ute på ski i dag, og dei aller fleste har aka den siste turen ned på denne sida av fjellet, heilt inn på tunet her. Viss du derimot står på skulen og ser nedover, ser du fjorden og fjella på den andre sida av fjorden. Fint utsikt det òg.

Noko av det aller viktigaste i livet er mat og lekser, i prioritert rekkefølge! Akkurat i dag var det god plass på biblioteket, men desto betre arbeidskår og arbeidsro for dei som vil jobbe seg opp og fram her i livet. I tillegg må vi jo alle ha mat, ikkje berre ein gong om dagen, men opptil fleire gongar.

Det som gjer kvardagen hyggelegare, er likevel ikkje først og fremst kva vi gjer, men kven vi er og korleis vi er. Eit venleg smil eller blikk over matbordet, ein ærleg kommentar eller eit komplement. Nokre gongar er det ikkje meir som skal til.

Diditalt Kick-off og dugnadsånd

duda@sitespark.no (Kjell Morten Håland) — Mon, 15 Feb 2021 10:57:55 GMT

Han gav avkall på sitt eget, tok på seg en tjeners skikkelse og ble mennesker lik. ~ Filliperbrevet 2.7

For første gang kjørte vi heldigital Kick-off på Vestborg (klikk på bildet så kan du se opptaket av dette). Det kom ikke fordi vi ønsket det slik, men fordi det dessverre var det beste alternativet akkurat nå. Allikevel syns jeg dette ble bra!

Marlene Klokk og Sondre Vedvik gjorde en bra jobb med å lede hele programmet som gikk via live streaming fra møtesalen vår. Hilde Kristin Tepstad og Anders Nybakk stilte opp som representanter for lærerstaben og fortalte om tilbudet ved skolen. Fra elevflokken stilte Nora Holtleite (vg1), Siri Lill Berg (vg2) og Jakob Muren (vg3) opp og fortalte litt fra skolehverdagen og internatlivet (bildet).

Miljøarbeider Daniel Hals skal ha en ekstra takk for å ta utfordringen på strak arm og satt seg inn både programvare og tekniske utfordringer for å få dette til å funke. I tillegg hjalp han til med filming og redigering av forskjellige videoinnslag. Også andre hjalp til, så som Henriette Hals (vg2), med et stort smil og masse dugnadsånd.

Det er ingenting som kan fullt ut erstatte det å komme på skolen og treffe mennesker fysisk, men vi håper at dette uansett gav en liten smakebit av hva Vestborg dreier seg om. Så vil vi få til at de som ønsker det kan få besøkt oss i løpet av våren.

Som rektor må jeg også si at jeg er utrolig takknemlig for å ha så gode medarbeidere og elever som stiller opp, både på kort og langt varsel. Det gjør jobben min mye lettere og hyggeligere.

Men dette gjelder på alle livets områder. Vi trenger å omgi oss med venner og relasjoner som vil stille opp. Både på godværsdager, men også når det stormer litt mer. Og så må vi søke etter å være slike mennesker selv.

Som strekker oss. Som går en ekstra mil. Som gjør det lille ekstra.

Fordi vi bryr oss og fordi vi vet at det kan bety masse for andre. Vi vet at det var slik Jesus var, så som kristen skole bør dette være noe vi strever etter. Den positive innstillingen og innsatsen på Kick-off, viste noe av dette.

~ Håkon

Skibyen

duda@sitespark.no (Kjell Morten Håland) — Tue, 09 Feb 2021 08:40:38 GMT

Elevane i VG2 og VG3 idrett som har vore i skibyen før oss, fortalde kor kjekt det var, og at dette var ei veke som kom til å bli snakka om i lang tid etterpå, og sikkert heilt til vi går ut som tredjeklassingar. Dei som har vore der før oss fortalde at dette kom til å bli ei skuleveke som vi aldri ville kome til å gløyme, og fleire har omtalt det som ei av dei beste vekene gjennom skuletida på Vestborg.

Vi kan ikkje sei at vi er ueinige etter den flotte veka i Skibyen i Sudndalen med 20-30 minusgrader og flott skiføre. Vi la ut på den sekstimers lange turen i tre bilar, der nokre sov for å lade opp, andre for at tida skulle gå raskt slik at vi kom fram, og andre sov ikkje eit sekund. Vi hadde det ganske moro på turen ned med ulike bil-leikar og stopp undervegs. Når vi kom fram til den store luksushytta med både badekar og massasjedusjar, som vi hadde leigd i Skibyen, så fordelte vi oss på romma og starta på prosjekt «varme opp hytta».

Vi åt felles frukost i åttetida kvar morgon. Deretter starta all ski-moroa i skitrekket. Vi hadde både kurs i slalåmteknikk og portkøyring med idrettslærar Anders kor vi lærte ulike teknikkar og lette knep for å køyre godt på slalåm. Vi fekk ein del eigentrening for å terpe på teknikkar, og frikøyring kor vi kunne gjere det vi ville. Det største høgdepunktet må vere at vi fekk møte Andreas Håtveit som hadde triksekurs med oss, og lærte vekk nokre tøffe triks og hopp i Skibyen. Vi fekk også køyre snøscooter. Det var stas!!

Med så flott vær og skiføre, var dette rett og slett heilt magisk. Det var først og fremst tærne som fekk det, med tanke på kulden. Det gjorde heldigvis ikkje så ufatteleg mykje, fordi sola var der, og vi hadde moglegheita til å gå inn og varme oss i varmestova når vi hadde behov for det. Miljøarbeidaren vår Daniel tok også mange videoar med drone, og flotte bilete som var tatt «in the moment» som er utruleg kjekke å sjå tilbake på no.

Lærarane våre «mekka» i hop heilt herlege middagar etter lange skidagar mens vi fekk slappe av og finne varmen igjen. Vi fekk taco blant anna, og det var SÅ godt! Vi elevane hjalp til med rydding og vasking etter middagen, og tok den såkalla kjøkkentenesta vår då. Kveldskos på kvelden var også eit høgdepunkt etter lange skidagar i kulden, der alle var godt pakka inn i dyner eller tepper, og der det var kortspel, gitar, bildetitting frå dagen, latter, twist, og kakao.

Vi synes det var så kjekt, og så kaldt, hehe. Alle fekk pusha både seg og komfortsonene sine, og alle fekk kjenne på meistring. Fleire av oss lærte både 180 og 360 på ski, lærte å hoppe litt høgare, og alle turte å dra på litt meir i skibakken enn før. Det blei både knall og fall på dei fleste, men alle prøvde og alle fekk til. Vi trur alle vart meir trygge både på ski, og på kvarandre etter denne skuleveka, noko som er svært positivt og noko vi tar med oss vidare.

Vi skulle gjerne hatt fleire dagar i Skibyen, men vi fekk ein halv dag ekstra med kvalitetstid ettersom dieselen i den eine bilen hadde frose og bilen måtte til tining i nokre timar. Så det var ikkje noko problem for oss!

Vi synes framleis det er heilt rått at dette her er skule, og at vi har fått moglegheita til å oppleve dette. Vi skjønar no godt kva idrettsgjengen i VG2 og VG3 snakka om, for vi kjem verkeleg ikkje til å gløyme denne veka med det første. Vi har eit veldig godt samhald i klassa vår der alle trivst saman og er trygge på kvarandre, noko som gjer alt så mykje kjekkare, og opplevingane så mykje meir meiningsfulle!

Av Kristina, Amalie og Christiane i Vg1 idrett

Tilgivelse

duda@sitespark.no (Kjell Morten Håland) — Mon, 08 Feb 2021 12:26:32 GMT

(…) og tilgi oss vår skyld, slik også vi tilgir våre skyldnere.

Det er få ting som kan være så vanskelig som å tilgi. Både andre og seg selv. Men jeg tror at tilgivelse er kjempeviktig for at du og jeg skal kunne fungere som mennesker sammen. Uten tilgivelse stopper relasjoner opp. Vi blir harde og lite empatiske og ender med å dømme mennesker langt hardere enn vi ønsker å bli dømt selv.

På Vestborg tror vi at alle mennesker trenger å få erfare tilgivelse fra Gud. På grunn av Jesus tok vår plass framfor Guds hellige domstol, så ble våre synder tilregnet han, mens vi som nå tror på han, blir tilregnet hans rettferdighet. Det er dette som ofte blir kalt for det guddommelige bytte.

Jesus tilbyr oss å ta vår synd i bytte for hans rettferdighet. En slik byttehandel er ikke noe jeg vil kalt en god deal. Jeg ville aldri klart å strekke meg så langt at jeg var villig å lide og dø for andre. Og ikke bare for andre, men for sine fiender. Men for Jesus var det verdt det. Han elsket deg og meg så høyt at han fant det å lide på Golgata kors, under mennesket ondskap og Guds vrede over synden, verdt det. Ikke fordi vi var så gode, men fordi han alene er god og elsker oss uten noen krav.

Så vi ønsker at dette også skal være noe elever og ansatte på Vestborg får oppleve. Både overfor Gud, men også fra hverandre. Som mennesker snubler og faller vi så ofte og lett. Jeg trenger ikke prøve en gang. Det går av seg selv. Nettopp derfor trenger jeg tilgivelse fra andre. Jeg trenger å erfare at de jeg har såret gir meg tilgivelse. Og jeg trenger å gi tilgivelse til de som sårer meg.

En ting som er sikkert, er at tiden på Vestborg gir oss flere anledninger til både å be om, og gi, tilgivelse til hverandre. Rundt oss ellers ser det ut til å være mindre og mindre rom for tilgivelse. Man tolker de man ikke liker i verste mening. Vi drar fram gamle saker for å trykke hverandre ned. Om du har ytret deg feil en gang, eller hatt på feil kostyme, eller bare gjort noe dumt, så lever man i frykt for at noen som ikke liker èn skal finne det og spre det i sosiale medier.

Uten tilgivelse bryter ting sammen. Relasjoner, håp, drømmer. Livet selv.

Tilgivelse forteller oss at det som er ødelagt kan fikses. At det er rom for å trå feil. Tilgivelse gir håp om frelse. At relasjoner kan reddes. At det fortsatt er et liv som kan leves til velsignelse for meg selv og andre.

Så vi vil fortsette å arbeide for at vår skole vil utdanne mennesker for livet. Ikke bare for å lære seg hvordan regner og lese, men også hvordan de kan sette sitt preg på relasjoner, familier, lokalsamfunn og Norge, gjennom de verdier og holdninger de får med seg herfra. Og da er det få ting som er så viktige som tilgivelse.

To eat fish or not to eat fish? – Tekjøkkenprat med Anastasia

duda@sitespark.no (Kjell Morten Håland) — Thu, 04 Feb 2021 11:03:08 GMT

«Frossen fisk lukter også fisk» var vel det vi kom fram til. Tekjøkkenet på Storfjorden lukter fisk. Men ikke hvilken som helst fisk, den er fisket av hovedpersonen selv. Det er i grunnen mange fiskemuligheter i området, noe som stadig flere vestborgere har oppdaget. At Anastasia var den første hobbyfiskeren på huset, kan ikke stikkes under en stol, selv om hun selv nekter å ta æren for det. Det går også en sagnomsust historie om en bedre makrellmiddag på tekjøkkenet, men ingen har visst lyst til å snakke om det. Kanskje er det da bedre med en god slurk tran, eller rett og slett en saftig biffpizza fra Sienna.

Internatet er et samlingspunkt, et viktig samlingspunkt. Ofte blir man sittende på tekjøkkenet å snakke med folk mer eller mindre tilfeldig, medelever som man kanskje ellers ikke ville ha blitt så godt kjent med. Tekjøkkenet er litt som Storfjordens hjerte, et rom for fellesskap, sier Anastasia.

Ting var vel alltid bedre før, men noen ting er også ganske bra. Knyttet til virusspredningen som alle påvirkes av, er vi tross alt heldige som har venner og kjente i samme bygning, fortsetter hun. Med venner og klassekamerater på samme sted blir Vestborg mer enn en skole, og bidrar til et helt spesielt miljø.

Det er nesten alltid noe som skjer, men også mulighet for å være alene. Å bo på internat er som å forberede seg til voksenlivet, blant annet når det gjelder innkjøp og klesvask. At et teppe på 2 * 2,5 meter blir til et babyteppe når det vaskes på 90 grader, er jo ikke det verste som kan skje. Det viktigste man lærer, er nok likevel å forholde seg til andre mennesker. Internatlivet gir dermed nyttig lærdom i trygge omgivelser.

Det beste med å bo på internat er vel egentlig å kunne gå nærmest rett fra senga og inn i klasserommet, avslutter storfiskeren. «Et skritt videre» er med andre ord det eneste som skal til for å komme seg til klasserommet.

Gapahuk med panoramautsikt!

duda@sitespark.no (Kjell Morten Håland) — Tue, 02 Feb 2021 08:37:09 GMT

K lassa i Friluftsliv ved Vestborg vgs har dei siste vekene hatt eit prosjekt oppe i lia ovanfor skulen. Ein skal ikkje gå langt opp i skogen før utsikta blir i verdsklasse. 3 grupper har bygd kvar sin gapahuk ved hjelp av stokkar og granbar frå skogen. Alle gruppene var særs nøgde med innsatsen og sluttproduktet. Mellom gapahukane vart det laga til ein bålplass med sittebenkar. Siste byggedag vart avslutta med grilling av pølser og god drøs rundt bålet. Målet er å bruke gapahukane til overnatting og små utflukter utover våren. Alle som finn vegen kan benytte seg av plassen. Den ligg opp ein bakke, gjennom ein skog, bak ein stein og under ei rot – VELKOMMEN!

Den siste Berlinerkransen

duda@sitespark.no (Kjell Morten Håland) — Fri, 22 Jan 2021 11:02:52 GMT

Jula varer heilt til påske er det nokon som seier. Men det er ikkje sant, og no er altså den siste Berlinerkransen ete. Vi tenkjer at mange her i bygda har hatt stor glede av både småkaker, lefser og kransekaker som vart laga og selt her på huset før jul.

Det er som om den siste Berlinerkransen sjølv seier takk med hjarteskuggen i midten. Vi vil derfor seie TUSEN TAKK for god og solid bakst til alle dykk som har stått på. Mange set stor pris på det vi kan kjøpe på julemessa, og nokon av oss har allereie begynt å glede seg til desember og meir julebakst.

Be yourself; Everyone else is already taken - Oscar Wilde

duda@sitespark.no (Kjell Morten Håland) — Wed, 20 Jan 2021 11:12:54 GMT

Skolen vår handler om å gi ungdom en god utdanning og en trygg og solid verdiplattform.

Hei, hei! Som rektor ved Vestborg har jeg gleden av å skrive dette etterlengtede første innlegget. Etter årevis med opprop, krav, bønner og intenst press, er dagen endelig her! Spøk til side, jeg vil først og fremst bruke denne bloggen som en plattform for å dele noen av de ting som opptar meg i hverdagen i arbeidet. Jeg er så heldig å få lede en utrolig flott skole, og tenker at det kanskje vil være noen foreldre, personal, venner eller elever som vil syns det er fint og interessant å lese noe om hva som rører seg.

La meg starte med å si at jeg føler meg priviligert som får være rektor ved en slik tradisjonsrik skole med mange flotte mennesker, både elever og de som arbeider her. Skolen vår handler om å gi ungdom en god utdanning og en trygg og solid verdiplattform. Dette mener vi vil gi de beste forutsetningene for å håndtere livets utfordringer og bli til velsignelse for menneskene rundt seg. Stadig får vi høre historier fra både nåværende og tidligere elever om hvor mye tiden her på Vestborg har betydd for dem. Det gjør det veldig givende å arbeide her.

Noe som vi føler er viktig å formidle til elevene som går på skolen, uavhengig av livssyn, utfordringer og prestasjoner, er at de er verdifulle for den de er; mennesker skapt i Guds bilde. Derfor håper vi også at vi kan oppmuntre hverandre til å være den vi er. Ofte så krever det arbeid, for vi oppdager stadig at det er sider ved oss selv som vi ikke liker, som vi ikke ønsker å identifisere oss med. Andre sider som vi ønsker skal bli tydeligere, finner vi gjerne vanskelig å få fram. Her på skolen håper jeg at vi sammen kan klare å forsterke de gode tingene i livet, og også hjelpe hverandre å kanskje luke vekk noe av de tingene vi liker mindre.

Håper du vil finne denne bloggen interessant og nyttig å lese. Jeg vil forsøke å dele noe hver uke, så får vi se hvordan det går.

Ha en fin dag!

Frykt er et dårlig kompass

duda@sitespark.no (Kjell Morten Håland) — Mon, 18 Jan 2021 16:48:27 GMT

La alt dere gjør, skje i kjærlighet. - Paulus

Kompasset er en veldig fin oppfinnelse. Den hjelper oss å komme oss dit vi ønsker og trenger å gå. Men kompassnålen er også veldig sensitiv. Om du holder kompasset for nært noe som er av metall, så vil nålen bli påvirket av magnetismen fra dette. Da vil du ende med et kompass som viser feil. Du vil ikke ha en sjans å komme dit du ønsker om du ikke passer på at kompasset styres av det riktige elementet, nemlig den magnetiske nordpolen.

Det er lett å bli skremt over det som skjer rundt oss og kanskje med oss. Alt fra pandemier til ensomhet. Fra dårlige karakterer til pengeproblemer. Fra å bli uthengt på sosiale medier til bekymring for hva som skjer i USA.

Noen ganger kan det føles som om himmelen faller ned.

Så vi blir redde. Ligger våken i sengen på kvelden, alene med dystre tanker som tegner bilder av en framtid der vi ikke klarer oss.

Venneløs. Pengeløs. Arbeidsløs.

Denne frykten kan fort ta tak dypt i oss og begynne å styre valg vi tar. Den påvirker vennskap, hvordan vi snakker, hvordan vi handler. Apostelen Paulus oppmuntrer oss til at alt vi gjør, skal gjøres i kjærlighet (1Kor 16.14). De kristne på denne tiden hadde enda mer grunn til å være redde og bekymret for morgendagen enn du og jeg. De stod i overhengende fare for å bli forfulgte fordi de trodde på Jesus. De risikerte jobben sin, familien, vennskap; ja, selv friheten sin. Miste du jobben på denne tiden, så var det ikke noe nettverk utover din familie og dine venner som kunne hjelpe deg.

For mange var det å følge Jesus altså et spørsmål om å risikere alt.

Og det er i en slik situasjon Paulus oppmuntrer de til å handle utfra kjærlighet, ikke frykt. Om du handler utfra frykt, så risikerer du å ta veldig dårlige valg. Jeg vet, for jeg har gjort det selv. Og rett som det er, skjer det igjen. Frykt er et veldig dårlig kompass. For kompassnålen, som i kjærlighet burde peke mot det beste for andre, ender gjennom frykt med å peke på meg selv. Den styrer mine handlinger utfra hva som oppleves som best for meg her og nå, ikke hva som er til beste for andre. Og da ender det fort med at jeg ødelegger både relasjonen til andre, meg selv.

Og verst av alt, din relasjon til Gud.

La ikke kompasset ditt styres av frykt. Da vil du ende opp et helt annet sted enn det du ønsker. La kjærlighet få være det som styrer ditt kompass, så vil du erfare å komme fram. Selv om det kan være ganske så skummelt til tider, og kanskje føre deg gjennom terreng som er krevende, så vil du til slutt nå målet.

O julemiddag med din glede

duda@sitespark.no (Kjell Morten Håland) — Mon, 18 Jan 2021 10:23:11 GMT

Torsdag 17. desember kl. 17.00 ble den tradisjonelle julemiddagen gjennomført, ikke helt som vanlig på grunn av koronaen, men likevel. Det ble en morsom, stemningsfull og hyggelig kveld.

Som vanlig var det vg2 som arrangerte julemiddagen, og i år ble det lagt ned en vanvittig jobb. Planlegging og pynting, øving og prøving. Tusen takk til vg2 for innsatsen på torsdagen – og mange av dagene forut – som gjorde dette til en minneverdig kveld. En spesiell takk til Anna og Mathias (se bildet under) som ledet det hele med stø hånd. For Mathias gav det seg også betalt i en gratis hårklipp. Kort i nakken, og kort ved ørene – ja, og egentlig kort over det hele.

Av programmet er det mange ting som kunne vært nevnt. Pinnekjøtt (takk for maten), velformulerte taler og andakt, vakker sang og kunstneriske dramatiseringer – blant annet fra et filmstudio og av juleevangeliet, og videoer med glimt fra hverdagen med glimt i øyet, er noe av det. Det ble en innholdsrik kveld med hyggelig fellesskap som avslutning på høstsemesteret.

Vestborg Vlog og julekalender

duda@sitespark.no (Kjell Morten Håland) — Fri, 18 Dec 2020 10:15:47 GMT

Visste du at Vestborg-elevane har eigen Youtube-kanal? Her

https://www.youtube.com/channel/UC-PZ5hlCLCE_GlradYRcXXg

ligg det blant anna fleire eldre saker, så viss ein vil mimre litt eller sjå kva som skjer no, så er det berre eit tastetrykk unna.

Kanalen er flittig brukt no i advent. Henriette er fast programleiar i julekalenderen, og Marita og Filip har hatt jobben med å køyre kamera. Super kjempejobb av alle tre. Hurra!

Elles har fleire medverka i eit eller fleire program, sjå bilete. Bak (f.v.): Siri Lill, Simon, Ingrid Mei, Anne Marte, David, Marita og Filip. Foran (f.v.) Nora, Henriette og Caroline. Alle har gjort ein sjukt bra innsats dei siste vekene med å legge ut klipp til den nye julekalenderen. Kvar dag fram til no har dei filma ymse innslag med framifrå folk, så klikk deg inn viss du tør!

Tekjøkkenprat x4 på Roalden

duda@sitespark.no (Kjell Morten Håland) — Wed, 09 Dec 2020 07:47:19 GMT

Ingrid Mei (f.v.), Anne Marte, Katrin og Nora er fire av 15 elever som bor på Roalden, det nyeste av de fire internatbygga våre, og går førsteåret her på skolen. Firkløveret går alle studiespesialisering, og etter stemningen å dømme, virker det som de trives. Alle ivret etter å si noe om hvordan de hadde det her.

Det går i pizza og brownies, og pepperkaker til adventskalender. Internatlivet er veldig spesielt, og har en rekke fordeler. «Vi blir utrolig godt kjent», sier de, og jubler over å bo sammen med bestevennene sine. De understreker at 2. og 3.-klassingene som bor på andre internat, også er lette å bli kjent med, og trivelige å være sammen med.

Men tilbake til Roalden: Koronasituasjonen gjør det utfordrende å leve på internat. Bildet over viser at elevene forsøker å ta hensyn til situasjonen, men regler for hvor mange som kan besøke hverandre, hvor mange som kan spise sammen, samt avstandsregler, preger stemningen på skolen til en viss grad.

Man gleder seg egentlig ikke helt til feriene. Når de får tenkt seg om, gleder de seg likevel, men synes samtidig at det var godt å komme tilbake til skolen etter høstferien. Noen dager borte fra det intense internatlivet kan jo også ses på som et verdifullt pusterom. Fram mot jul har imidlertid jentene forberedt seg på den «tunge ferien» med å gi hverandre julegaver – en såkalt Secret Santa – der alle trekker ut en tilfeldig medelev som de skal kjøpe gave til.

Av og til blir internatlivet ubehagelig nært, og det var nettopp det som skjedde mandag 30. november. Nora spiste nemlig en del av Anne Marte. De spilte hjørnefotball, og de stanga i hverandre slik at Nora fikk et hakk i tanna, mens Anne Marte fikk hull i hodet. Det er uvisst om tannbiten fortsatt sitter i Anne Martes hode. I så tilfelle kan man jo kanskje si at det var hodet til Anne Marte som spiste en del av tanna til Nora! Uansett var det svært uheldig for begge parter, så vi håper det går bra med dere.

Alt i alt er de fire fornøyd med internatlivet, de gleder seg til juleferie, men også til å komme tilbake etter juleferien.

«Med ønske om en riktig god jul» fra oss fire på Roalden!

Kick-off 2021 - Velkomen!

duda@sitespark.no (Kjell Morten Håland) — Tue, 08 Dec 2020 08:58:59 GMT

NB! Ny dato. KICK-OFF 13. februar 2021!

Skulen tilbyr studiespesialisering, idrettsfag og påbygg. Om dette er noko for deg, er du velkommen til oss i februar.

Viss nokon som les dette veit om nokon som skal begynne på vidaregåande skule til hausten, så tips dei gjerne om Vestborg.

Du er hjarteleg velkomen til å kontakte skulen for meir info.

Sjå òg "Meld deg på Kick-off her!"-knapp på framsida.

Håper vi sjåast på Kick-off!

Moses og Jesus, advent og jul med Ole Os

duda@sitespark.no (Kjell Morten Håland) — Fri, 04 Dec 2020 07:34:14 GMT

2. desember var det igjen duka for onsdagsmøte. Kvar onsdag denne hausten har det vore enten Life-gruppe, lagsmøte eller «vanlig» onsdagsmøte, som har gitt elevar og tilsette åndeleg føde.

Denne gongen fekk vi besøk av Ole Os. Simon opna møtet med Romarane 13, mens Ole tok utgangspunkt i Det gamle testamentet. Ole har for vane å overraske med samanhengar som ikkje alltid er så lette å sjå. Han byrja å tale om ein vi trudde var Jesus, men det viste seg at det var Moses i 2. Mos 2 det handla om. Til slutt var det likevel klart at det var Jesus i Lukas 2 som blei forkynna. Viss ein les kapittelet frå Det gamle testamentet i lys av Det nye, vil ein kunne sjå samanhengar som opnar Skrifta. Dermed kan ein vel seie at også 2. Mos 2 handlar mykje om jul og Jesu komme til verda, slik som det gjer i Lukas 2.

Vi utfordrar alle til å lese og leite, og ønsker dykk med dette ei velsigna adventstid!

Med bål og fellesskap utan mobiltelefon

duda@sitespark.no (Kjell Morten Håland) — Thu, 26 Nov 2020 14:24:42 GMT

Denne hausten er det nye læreplaner på vg1 i vidaregåande skule. I planen er mellom anna målet at elevane skal jobbe med ulike tema på tvers av fag. For vg1 på Vestborg var det denne veka fokus på tema "Folkehelse og livsmeistring". Lærarane i faga kroppsøving, naturfag og kristendom hadde gått saman og planlagt ein dag med undervisning ute i naturen.

Etter ein bolk med undervisning vart elevane delt inn i grupper som skulle lage sin eigen lunsj. På menyen stod det grønsaksuppe med brød og ulike grønsaker, noko som smakte utruleg godt ute i skogen. Etter lunsj jobba elevane med ulike case knytt til tema der ein diskuterte kva innverknad fysisk aktivitet, kosthald og søvn har på den psykiske helsa. I tillegg fekk alle ein salme frå bibelen som dei skulle lese og reflektere over åleine på ein stubbe i skolen. Noko som skulle minne oss på kor viktig det er å være stille for Gud og søke han utan å bli uroa av mobilen eller andre ting som tar tida vår.

Elevane var godt nøgde med dagen som vart ein annleis og lærerik dag for alle.

Geir Magne

Seminarer og besøk – om det å ta vare på hverandre og seg selv

duda@sitespark.no (Kjell Morten Håland) — Wed, 25 Nov 2020 07:52:19 GMT

I høst har vi som vanlig arrangert flere seminarer knyttet til det å leve generelt, og det å leve på internat spesielt. Med et grunnleggende håp om at «den som vet det rette, gjør det rette», forsøker vi å nå ungdommene.

Det startet allerede 10. september, da NLMs egen Eivind Sætre tok for seg det eksepsjonelt viktige temaet grensesetting. Seminarrekken fortsatte med ungdomsarbeideren vår, Simon Morris (bildet over), som snakket om sex og parforhold i oktober.

5. november fikk vi på nytt besøk. Da kom den tidligere basketballstjerna Marco Elsafadi (bilde nede til venstre) til Stranda og holdt flere foredrag. I timen før lunsj var vi samlet i gymsalen, og Marco delte sine til dels dyrekjøpte erfaringer. Allerede i 1993 begynte Marco sitt engasjement for barn og unge, og har siden jobbet med vanskeligstilt ungdom; rus, skulking, fritidsproblemer og vold.

Marco var særlig opptatt av kraften som oppstår i relasjonen mellom mennesker – på godt og vondt. I foredraget la han blant annet vekt på at fravær av en unnskyldning og det å avbryte hverandre, vanligvis bygger vegger mellom mennesker. Han påstod også at det gikk an å tenke seg morgenfrisk, og argumenterte overbevisende, folkelig og godt for dette. Marco traff virkelig ungdommen med et relevant og nærværende foredrag, og jeg tror at budskapet gikk inn. Om elevene fra nå av møter morgenfriske til enhver førstetime, gjenstår likevel å se!

Tradisjonen tro har i tillegg 1. klassingene gjennomført et VIP-prosjekt (Veiledning og Informasjon om Psykisk helse i skolen) nå i november. Prosjektet la vekt på at det er helt normalt at det går litt opp og ned, generelt livet på skolen, og hvordan man skal ta vare på sin psykiske helse. VIP-prosjektet er et samarbeid med skolehelsetjenesten her på Stranda, og avsluttes med et besøk derfra. Da har elevene fått mulighet til å stille dem anonyme spørsmål på forhånd. Besøket både svarer på disse, og kommer med generelle råd og kontaktpunkter for tiden framover. Takk for et godt samarbeid også dette skoleåret, Henriette, Kristine og Kjellaug (bildet under til høyre).

Nett- og telefonsal reddar avlyst julemesse

duda@sitespark.no (Kjell Morten Håland) — Wed, 11 Nov 2020 08:32:08 GMT

(Trykk "Les meir" for å få fram heile saka og salsliste). Det er på mange måtar tankevekkande å sjå på bildet over. Kor heldige har vi vel vore som har mange rike minne frå julemessa frå tidlegare år. I år blei det først planlagd julemesse laurdag 21. november, så eit mindre arrangement same helga. Etter dei siste reglane for koronasituasjonen, har vi ikkje høve til å arrangere messe denne hausten.

Også dette skuleåret er elevtalet litt lavt. Pengane frå julemessa er dermed svært viktige for oss. Vi inviterer dykk derfor til å ta kontakt med skulen for kjøp av lodd og julebakst.

-Ring Liv Kari Ringstad på tlf. 971 37 559.

Salgsvarar (noko er allereie borttinga):

-Smurte lefser

-Gjærstenger

-Aniskringler

-Vørterbrød

-Riflekjeks (sprut)

-Sjokoladebrød

-Konfektkaker

-Hausfreunde

-Serinakaker

-Goro

-Bordstabel

-Berlinerkranser

-Sjakkruter

-Sandnøtter

-Krumkaker

-Saft, rips og solbær/rips

-Tyttebærsylte

-Flatbrød

Betaling med Vipps eller kontantar, avhenting på skulen laurdag 21. mellom kl. 12 og 14

Vi ønsker dykk ei velsigna førjulstid!

Høstfesten er avlyst

duda@sitespark.no (Kjell Morten Håland) — Thu, 05 Nov 2020 16:16:27 GMT

Kjære alle sammen!

På grunn av dagens nye og landsdekkende smittevernregler, er lørdagens høstfest avlyst.

Det vil bli klassevise samlinger kl. 13.00 på nettet. Følg med på info/mail fra kontaktlærer.

Engelsk vg3

duda@sitespark.no (Kjell Morten Håland) — Mon, 02 Nov 2020 14:19:15 GMT

Geir Myksvoll Lande er vår nye engelsklærer. Dette skoleåret underviser han i engelsk på alle trinn, samt historie i vg3. Bildene viser programfagselevene i samfunnsfaglig engelsk vg3.

Temaet i samfunnsfaglig engelsk er for tiden det amerikanske politiske systemet. Kan det bli mer relevant? I skrivende stund går millioner av amerikanere til urnene for å stemme.

Vi legger merke til at elevene sitter i ring, som en slags huddle, inspirert av et visst engelsk fotballag (hvis navn ikke skal nevnes) når de stiller seg opp før kampen. Når timene starter på denne måten, må det bli bra!

Selv om det nok er mye nytt å sette seg inn i, understreker Geir at han trives eventyrlig godt i sin nye jobb. Er det lov å håpe at Geir har Lande (-t) for en lang periode?

Tekjøkkenpraten: Mathias Giskeødegård i vg2 idrett

duda@sitespark.no (Kjell Morten Håland) — Wed, 30 Sep 2020 10:46:22 GMT

Tida mi på Vestborg har vore super. Eg har gått her eitt år, det året som har gått raskast i heile livet mitt, seier han. Det er ein draum å bu her. Særleg legg han vekt på internatlivet, og at det er lett å bli kjend med andre.

Mathias tenkjer likevel at skule er viktig (det må seiast at intervjuaren avbraut han i samfunnsfagslesinga for å få gjort unna denne samtala), og sjølv om han går idrettsfag, er han veldig interessert i samfunnsfag, historie og geografi. Samtidig trekkjer han fram aktivitetslære som den best tenkjelege fagdagen, med stisykling som det absolutte høgdepunktet.

Likevel: Livet etter skule- og leksetid med å henge med vener, er supert. Det beste i livet er venner som muntrar ein opp, og eg er svært takksam for dei. Kanskje er det under måltida eg trivest aller best, å høyre kva andre folk driv på med, både faglege og andre ting.

Det skjer mykje på huset, og det er svært positivt, men han liker også dei litt rolegare helgene her på huset. Med færre ting som skjer, blir det betre tid til ro og ettertanke, bøn og bibellesing.

At det er ein relativt liten skule, gjer at ein blir godt kjend med mange, både i eiga klasse, og i dei andre to klassetrinna, ja til og med ganske godt kjend med dei tilsette. Når Mathias våren 2022 står med vitnemålet i handa, er han overtydd om at han likevel ikkje er heilt ferdig. Her har eg funne vener for livet, seier han med eit stort smil.

Bli-enda-bedre-kjent-tur, vg1

duda@sitespark.no (Kjell Morten Håland) — Wed, 23 Sep 2020 11:07:52 GMT

Etter middag tirsdag dro vg1-klassa til Orreneset, og skulle tilbringe kvelden og onsdagsdagen der.

Både tirsdag og onsdag ble det satt av rikelig tid til padling på Nysætervatnet. Ellers ble tirsdagskvelden brukt til Mafia og grilling av pølser. Bli kjent-leker som å skrive noe fint på papptallerkenen på ryggen til noen, var også populært (se bilde til høyre).

Kvelden ble avsluttet med kveldssamling, med ord for dagen, lovsang, gitarspill, levende lys og tur rundt i huset med leting etter bibelvers.

Etter frokost onsdag var det 50-leken som gjorde sterkest inntrykk. Quiz med strafferunder, nasjonalsang og det hele. Vi får håpe at det beste laget vant!

Camp Hjørundfjord

duda@sitespark.no (Kjell Morten Håland) — Mon, 14 Sep 2020 08:41:51 GMT

Bli-kjent tur for den nye idrettsgjengen

11 idrettselevar starta på Vestborg i haust.

I starten av skuleåret reiste dei på "Camp Hjørundfjord". Dette er ein tredagers tur fullpakka med opplevingar.

Hovudmålet er å bli kjent med kvarandre, og samtidig sjå litt av området rundt skulen.

Første dag hadde vi eit introduksjonskurs i kajakk på Hellesylt. Her måtte elevane på slutten av økta øve på å velte rundt med kajakkane og hjelpe kvarandre opp att, såkalla «kameratredning».

Deretter køyrte vi til Urke Camping og satt opp lavvoar.

På dag to gjekk vi på Saksa, eit fjell på Urke som ragar 1073moh. Før vi starta turen stakk vi henda i fjorden for å starte heilt ifrå 0moh.

Resten av dagen tok vi livet med ro i campen. Primus-middag, avslapping i hengekøyene og volleyballspel utover kvelden.

Neste morgon pakka vi ned campen og køyrte til Lygnstøylvatnet i Norangsdalen. Vatnet vart danna i 1908, då eit steinras stengte Norangselva og oversvømte ei seter og ein liten skog. Det var spennande å padle på vatnet og sjå ruinar og tre rett under overflata.

Eg spør tre av jentene i etterkant av turen og lurer på kva dei syntes om turen:

- Alt var bra! Det er spesielt å tenke på at vi berre har vore på Vestborg i to veker. Det kjennes ut som vi har vore her minst ein månad! Vi blir så fort kjent med kvarandre her. Turen gjorde at vi vart endå tettare som klasse, er Kristina, Caroline og Laura einige om.

- Eit høgdepunkt var å nå toppen av Saksa idet skodda letta så vi fekk sjå den flotte utsikta, seier Laura.

- Og å gå vidare bortover fjellryggane var ein skikkeleg stilig oppleving, legg Caroline til.

- Og så var det digg å kome ned til campen og få meksikansk gryte til middag, avsluttar Kristina.

Kajakktur på Storfjorden

duda@sitespark.no (Kjell Morten Håland) — Tue, 01 Sep 2020 16:09:50 GMT

Fredag ettermiddag er eit fint tidspunkt til å gjere noko heilt anna, til dømes å padle kajakk, for dei som er attende på skulen i helga.

I fantastisk ver og med godt humør, drog miljøteamet med Daniel og Simon i spissen ned med kajakkar og folk. Kajakkane vart sjøsett på Storfjorden, og turen gjekk i rolege farvatn på fjorden, og motstraums eit lite stykke oppover elva.

Det ser ut til at elevane kosa seg!

Den første uka

duda@sitespark.no (Kjell Morten Håland) — Thu, 20 Aug 2020 13:27:56 GMT

Nye elever

Dette skoleåret har vi 34 nye elever på Vestborg, åtte i påbygg, tre i vg2 og 23 nye i vg1, og det er vi svært glade for. Hedda Hugvik og Maria Lillebø har begge begynt i vg1, og forteller om svært imøtekommende medelever som har vært lett å bli kjent med. De setter stor pris på å ha blitt inkludert av vg2 og vg3 allerede, og trives svært godt i egen klasse. Vi er, og ønsker å være, en felles gjeng, avslutter jentene i vg1.

Vestborg-vennskap

duda@sitespark.no (Kjell Morten Håland) — Sat, 25 Jul 2020 20:32:56 GMT

Ein gutegjeng som var russ i -14 og -15 er i helga samla i eit sommarhus på Hellesylt.

I fylgje rapportane har gjengen det både koseleg og hyggjeleg. På programmet står sosialt samevere, fjelltur og fotball.

Dette er eit døme på at Vestborg-vennskap kan halde fram langt utover dei åra ein er elev ved Vestborg.

Jubilanttreff 2020 utsett

duda@sitespark.no (Kjell Morten Håland) — Tue, 23 Jun 2020 09:35:32 GMT

Vi må dessverre flytte dette årets jubilanttreff til neste år. Som dykk nok forstår er årsaka faren for smittespreiing. Neste haust vil festen omfatte både jubilantar frå 2020 og 2021, så det blir ein stor og flott feiring. Vi beklagar til alle dei som hadde sett fram til dette årets jubilanttreff og ser fram til å sjå så mange som mogleg av dykk neste år.

I takksemd

duda@sitespark.no (Kjell Morten Håland) — Mon, 22 Jun 2020 13:19:24 GMT

Då eg sat med førre sak eg la ut på vestborg.no - om personalavslutninga - så kjende eg at eg ville skrive nokre ord - i takksemd.

Som mange av lesarane veit, så vert eg frå 1. august i år rektor ved Møre barne- og ungdomsskule, Skodje. Dei siste åtte åra har eg vore tilsett som lærar ved Vestborg vidaregåande skule. Det har vore åtte fantastiske år! No vil eg gjerne takke noverande og tidlegare elevar og tilsette ved skulen, samt vener av den skulen som eg har vorte så glad i.

Desse åra har vore ei reise utan om det vanlege for meg. Eg har fått lære så mange gode menneske å kjenne. Tusen takk for alle gode smil, oppmuntringar og lærdomar de har gjeve meg i desse rike åra.

Eg ynskjer Guds signing over Vestborg også i åra som kjem!

I takksemd - og med ei tåre i augekroken

Lars Johan Stokken

Personalavslutning 2020

duda@sitespark.no (Kjell Morten Håland) — Mon, 22 Jun 2020 12:38:41 GMT

Torsdag den 18.6. hadde Vestborg-personalet avslutningssamling for skuleåret på Stranda Hotel. I tillegg til ein god middag, så var det tale og blomeoverrekkjing til dei fem i personalet som skulle slutte.

På biletet ser ein, frå venstre, lærarane Lars Johan Stokken og Line Svenning, som skal over i nye oppgåver etter høvesvis åtte og fire år ved skulen. I midten og heilt til høgre ser ein Simon Hovlund og Håkon Rødseth. Dei har vore lærarar dette skuleåret. Nest lengst til høgre finn ein Håkon Orset. Han har denne skulevinteren vore miljøarbeidar ved Vestborg.

Tradisjonen tru så hadde lærarane Hilde Kristine Tepstad og Line Svenning laga ein utfordrande quiz. I år som i fjor var Eli Anne Hansen, kjøkenmedarbeidar, og Trygve Habostad, vaktmeister, med på vinnarlaget.

Med dette ynskjer vestborg.no god sommar til alle lesarar!

Avslutningsfest 2020

duda@sitespark.no (Kjell Morten Håland) — Wed, 17 Jun 2020 18:41:14 GMT

VG1 og VG2 hadde avslutningsmiddag i går, tysdag, medan avgangselevane avslutta skuleåret i dag med fest. Coronarestriksjonane gjorde at det berre var avgangselevar og personalet som var til stades – i tillegg til dei tidlegare Japan-misjonærane Toril og Lars Haugen.

Toril hadde andakt over den vetle Bibelen i Johannes 3.16 – og ho delte opplevingar frå tida i Japan. Russen kunne overrekke ein symbolsk sjekk til Lars som, på vegne av NLM, tok i mot kroner 360 600,- som skal gå til ulike prosjekt i Japan.

Elles fekk festlyden opplever videohelsing Toril Holm, mor til Ane Marie - ei av elevane.

Lærar Håkon Rødseth klarte å presse inn 35 vitsar på tre minutt, og ungdomsarbeidar Simon Morris vart kåra til æresruss.

VG3-elev Katrine Myrseth rørte mange hjarte då ho i ei helsing uttrykte takksemd for fellesskapen med medelevane sine.

På grunn av coronaen og eksamensavlysning, så kunne rektor dele ut vitnemål på festen. Det var nytt av året.

Avslutningsvis framførte VG1-elevane Henriette Hals og Olianna Johansson Jahn Teigens «Adieu» - før alle stilte seg i ring og song velsigninga.

Så når kjøkenet på sedvanleg vis stilte opp med smakfull mat, ja, då vart det ein minneverdig avslutningsettermiddag på Vestborg.

Simon Morris med æres-russelua - i den oransje Vestborg-fargen.

Velkomen til dugnad!

duda@sitespark.no (Kjell Morten Håland) — Thu, 11 Jun 2020 21:59:50 GMT

Tradisjonen tru er det dugnad på Vestborg i juni. I år er laurdag 20. juni datoen det er mogleg å ta i eit tak for skulen.

På programmet står maling ut og inne, samt luking. Men den største oppgåva er kanskje å ta ut alt utstyret som er på kjøkenet. Inne på kjøkenet skal det leggjast nytt golvbelegg og noverande golvbelegg skal difor røskast ut.

Ein fylgje av dette prosjektet er at det ikkje vert servert varm lunsj under denne dugnaden. Difor lyt ein fiske fram eiga nistepakke når det er lunsj klokka 12.

Dugnaden varer frå kl 09 til 15, og vaktmeister Trygve vonar det kjem viljuge hender til oppgåvene som ventar.

- Vi er veldig glade for all hjelp vi kan få, seier han.

Misjonsløpet 2020

duda@sitespark.no (Kjell Morten Håland) — Tue, 02 Jun 2020 12:24:00 GMT

Skulevåren vart annleis enn ein hadde sett for seg. Mellom anna måtte ein avlyse det tradisjonsrike misjonsløpet i mai. Dette er erfaringsvis ei av dei største inntektskjeldene til russen. Men årets corona-russ har visst råd. Dei fekk rett nok ikkje ja då dei søkte om å bruke Mona – idrettsstadion i bygda, men i staden har dei laga ei løype rundt tunet.

I skrivande stund blir – ein månad for seint – misjonsløpet arrangert. Til tonar frå Bryan Adams «Summer of `69» frå lydanlegget blir løparane heia fram med klapp og heiarop.

Grunna corona-tiltaka har elevane blitt delt inn i ulike puljer med ikring 15 elevar i kvar. Runden dei spring er ikring 500 meter og kvar pulje spring i 30 minutt.

Elevane som spring har sjølve skaffa seg sponsorar, og inntekta går til russeprosjektet som samlar inn pengar til ulike prosjekt i Japan.

Her kjem bilet-glimt frå arrangementet:

Oppvarming!

Jarle i fint driv

Steffen gjer seg klar til litt nedkjøling

Ruben og Andreas tel rundar.

Flåte-byggjar Cornelia

duda@sitespark.no (Kjell Morten Håland) — Thu, 28 May 2020 15:04:06 GMT

Som elev på idrettslinja, fekk Cornelia ei fagdag-oppgåve som dreidde seg om: Korleis vere trygg i og rundt sjøen.

Cornelia, som er busett på Vigra, fekk dermed ideen til å lage ein flåte. Med støttande hjelp av pappa Geir Magne og Vestborg-venninne Andrea Roaldsnes Sæther, sette ho i gang med flåtebyggjing.

- Vi brukte ein heil dag på prosjektet. Flåten bygde vi i hagen av ei gamal tre-skyvedør. Under døra festa vi tre lag med 10 centimeter tjukke isopor-plater. Deretter la vi flåten på ei trillebår og frakta han ned i fjøra. Det var veldig spennande å sjå om det funka. Og det gjorde det! Vi fekk plass til tre personar på flåten!

- Kvifor gjorde du dette?

- Eg likar godt å padle, og så fann eg ut at det å lage ein flåte var ei god måte å løyse fagdag-oppgåva på. Det vart ein veldig kjekk skuledag! slår Cornelia fast.

Korona-russetida er i gang

duda@sitespark.no (Kjell Morten Håland) — Fri, 15 May 2020 13:44:22 GMT

Russepresident Laila Vikenes fortel om korleis dei gjennomførte russedåpen medan skulane framleis var stengde.

- Vi møttes alle saman på videosamtaletenesta Zoom på nettet. På førehand så måtte alle lage si eiga «døgge». Denne drikken skulle innehalde til dømes egg, mjøl og leverpostei. Dette måtte drikkast for å bli «døypte». Vi hadde to «russeprestar» som så kunne fortelje kva for russenamn kvar enkelt russ skulle få, fortel Laila.

I etterkant laga Vestborg-russen ein video der ein presenterer russenamna. (Dersom du kopierer adressa nedanfor inn i ein nettlesar, kan du sjå den artige videoen.)

Elles fortel russepresidenten at dei er i full gang med russeknutane, men ho understrekar at russeknutane er tilpassa koronatida.

Korona-restriksjonar

duda@sitespark.no (Kjell Morten Håland) — Tue, 12 May 2020 13:25:57 GMT

Etter tilrådingar frå Folkehelseinstituttet vert situasjonen annleis i matsalen framover. Buffeten er er vekke, og kjøkenpersonalet må servere maten. Der køen går, er det merka ein meter avstand for kvart medlem av køen.

Elles har elevflokken får to ulike tidspunkt å kome til måltida på, og dei kan berre sitje på annakvar stol.

På biletet ser ein russen som, under kveldsmaten på måndag, er i gang med å teste ut det nye systemet. Det gjekk veldig bra, så dersom elevane er like påpasselege elles som i matsalen måndag kveld, er det grunn til å tru at går skulen inn i ein virus-fri avslutningsmånad.

- Vi gler oss til elevane kjem!

duda@sitespark.no (Kjell Morten Håland) — Mon, 11 May 2020 12:07:22 GMT

Elevane kjem til å «sjekke inn» etter klokka 16 i dag.

Vaktmeister Trygve har sørgd for at flagget er heist (i snøveret).

I gymsalen har Ola Risa, Simon Hovlund og Knut-Sigurd Habostad gjort pultar og stolar klart til undervisninga i morgon. Når vestborg.no er innom i arbeidsøkta, er trekløveret samstemde:

- Vi gler oss til elevane kjem! seier dei .

Skulen opnar tysdag 12. mai

duda@sitespark.no (Kjell Morten Håland) — Fri, 08 May 2020 09:27:50 GMT

Internatet vert ope frå klokka 16 måndag 11. mai.

Som biletet over, som er henta frå arkivet, kan gje uttrykk for, så vert det ein del smittevernrestriksjonar. Desse vil gå fram av skriv sendt til elevar og føresette.

Vi i personalet vil ynskje de elevar masse velkomen attende! :-)

Ledige stillingar

duda@sitespark.no (Kjell Morten Håland) — Thu, 30 Apr 2020 11:58:24 GMT

Hausten 2020 treng Vestborg VGS nye lærarar. Det gjeld realfag, idrett, samfunnsfag, historie og engelsk.

Studieretningane ved Vestborg VGS er studiespesialisering, idrett og påbygging. Skulen har om lag 70 elevar frå store delar av landet, og dei fleste bur på skulen sitt internat. Dei tilsette tek del i tilsynsordning og sosialpedagogisk arbeid i internatet.

Vi ønskjer tilsette som kan identifisere seg med skulens verdigrunnlag og som vil jobbe for den kristne målsetjinga, ta del i sosialpedagogiske oppgåver og det kristne arbeidet. Løn etter KS-regulativ.

Vestborg VGS er eigd av Norsk Luthersk Misjonssamband og er ein NLMvgs-skule.

Dei som blir tilsette må levere politiattest.

Send søknad og cv til rektor@vestborg.no. Har du spørsmål, er det berre å ta kontakt.

Ledig realfagstilling

duda@sitespark.no (Kjell Morten Håland) — Wed, 15 Apr 2020 14:06:30 GMT

Det er no ledig stilling som realfagslærar ved skulen vår frå hausten. Det kan også bli mogleg å undervise i andre fag, til dømes historie, norsk og engelsk. Vi set pris på om du vil spreie den gode bodskapen til folk du kjenner som kan vere aktuelle kandidatar.

Om middag-samvere i "gamle" dagar

duda@sitespark.no (Kjell Morten Håland) — Wed, 15 Apr 2020 13:49:13 GMT

VG3-elevane Ane Holm , Oda Brunstad og Synnøve Bjørkavoll sit ofte igjen i matsalen etter middagar.

I byrjinga av mars fekk vestborg.no ein prat med jentegjengen.

- Korleis har det seg at de ofte har laaange middagar?

Oda: - Middagen fungerer som ei bru mellom skule og lekser. Det er ikkje vits å stresse med middagen når ein kan prate med folk. Vi har alltid eit eller anna å snakke om, og då er det dumt å avbryte samtalar berre fordi ein er ferdig med å ete.

Ane: - Middagen blir ei sosial tid for oss.

- Kva kan samtalane dreie seg om?

Synnøve: - Til dømes kan vi snakke om dialektar – om korleis vi seier eit ord på ulikt vis.

Ane og Oda: - Ja, det er veldig kjekt å diskutere. Desse avbrekka i dagleglivet er ein av dei tinga vi kjem til å sakne mest med når vi er ferdige på Vestborg. Til neste år skal vi truleg gå på bibelskule, så då må vi finne andre vi kan sitje saman med etter middagen.

- Er det noko du, Synnøve, vil seie til slutt?

- Nei, det er Oda og Ane som har sagt det som skal seiast. Og det er akkurat sånn det brukar å vere, seier Synnøve og smiler.

Elevar sine corona-tankar

duda@sitespark.no (Kjell Morten Håland) — Wed, 01 Apr 2020 09:53:44 GMT

VG3-elev Steffen Savland (til venstre på biletet ovanfor) har fått på trykk, i avisa Firda, nokre tankar han har om tida vi er inne i:

VG1-elev Lotte van Oorschot (i lilla og kvit genser på biletet nedanfor) sin tekst har blitt delt med elevane, men vert her tilgjengeleg på heimesida vår.

«Vi er inne i en absurd tid der mange nok ikkje heilt veit kva ein skal gjere av seg, og derfor fort ende opp i sofaen med ein serie gåande. Vi kjenner nok alle på ein viss bekymring og usikkerhet som er heilt forståeleg, men eg trur det er viktig at vi ikkje blir sittande i bobla og heller gripe den muligheten som vi har no. Der vi først og fremst må lage heilt nye rutiner med tanke på all den tida som plutselig er til overs. Heimeskule som er heilt nytt for dei fleste, vil fort sette disiplin og struktur på prøve. Til tider vil det nok kjennast tungt og kjipt, men eg trur heller vi burde sjå på det som en mulighet. Ein mulighet til å lære oss å jobbe strukturert med skulearbeid noko som vil lønne seg, uansett om det er snakk om heimeskule eller ein vanleg skulekvardag med heimearbeid. Mest av alt er det ein utrulig bra mulighet til å forberede seg til vidare studier og livet som student. Utanom skulearbeid er det mykje tid til overs, og Netflix blir fort det det går i, dag inn dag ut. Eg tenke at vi igjen burde sjå det som ein unik mulighet til å gjere ting ein ellers ikkje prioritera eller hadde hatt tid til. Ta tid til deg sjølv, tenk over kva du har lyst til å bruke den verdifulle tida di på, kva som gjer deg glad og gir deg energi, kven vil du tilbringe meir tid med, og kva vil du forandre med deg sjølv slik at du blir den beste versjonen av deg sjølv. Viktige moment det er viktig å ta seg tida til å tenke godt igjennom, for det vil gjere ein så stor forskjell og det vil gjere at du setter meir pris på livet generelt. Eller heilt konkrete ting som for eksempel å ringe nokon du er glad i og ikke har snakka med på lenge, lese bøker om noko du kunne tenke deg å studere seinare, lære deg noko nytt, bruke tid med familien din. Det er så mykje ein kan gjere no i denne tida, og eg trur det er så enormt viktig at vi brukar det til noko viktig. Ikke ta opp mobilen din det øyeblikket du kjeda deg, sitt heller for deg sjølv og la tankane dine underholde deg og tenk over dei viktige tinga her i livet. Det er det som betyr noko.»

Andaktar i corona-tider

duda@sitespark.no (Kjell Morten Håland) — Wed, 01 Apr 2020 09:36:40 GMT

Her er nokre av andaktane frå Vestborg som har blitt spela inn i desse corona-tider:

Måndag 23.3:

Tysdag 24.3:

Fredag 27.3:

Måndag 30.3:

Tysdag 31.3:

Rektor Håkon om situasjonen

duda@sitespark.no (Kjell Morten Håland) — Tue, 24 Mar 2020 12:03:49 GMT

Rektor Håkon Hovda er positiv i høve den utfordrande undervisningssituasjonen ved skulen.

- Eg opplever det går fint, seier han.

- Det er god kontakt mellom skulen og heimane. Ja, ting er annleis, men det kan vere mykje læring i den nye situasjonen. For lærarane vert det andre måtar å følgje opp eleven på, medan det for elevane er læring i å ta ansvar og disponere tida si.

I desse coronatider…

duda@sitespark.no (Kjell Morten Håland) — Tue, 24 Mar 2020 09:47:18 GMT

Her er tankar han har om det å vere heime frå skulen.

- Eg har opplevd det har vore veldig travelt. Det har vore mykje å gjere, kanskje endå meir enn til vanleg. Elles så saknar eg Vestborg veldig mykje. Eg saknar venene, lærarane og den daglege rutinen. På Vestborg kunne ein spørje om hjelp om kva som helst når som helst. Det er litt vanskelegare no. No er det av og til vanskeleg å sjonglere mellom det å gjere skulearbeidet og ta ansvar for familieforpliktingar.

- Korleis synest du tilrettelegginga frå skulen har vore?

- Det synest eg har vore bra. Eg kunne tenkt meg video-undervisning, men lærarane har vore gode når eg har hatt spørsmål. Elles var det kjekt å sjå ungdomsarbeidar Simon Morris hadde morgonsamling og andakt for oss på youtube.com, seier VG3-eleven

- Du er elevrådsleiar. Er det noko du vil seie i den rolla?

- Dersom det er nokre av de elevar som les dette, så vil eg gjerne seie at det er bra om de opprettheld kontakt med andre Vestborg-elevar. Eg trur også det er lurt å lage ein god plan for kvar dag. Den bør innehalde kva tid du skal arbeide med skule, kva tid du skal ete og kva tid du skal drive med fysisk aktivitet. Dersom du gjer dette, så trur eg at du har på plass viktige element for å gjere ein god jobb under heimeundervisningsperioden.

VESTBORG BLIR STENGD

duda@sitespark.no (Kjell Morten Håland) — Thu, 12 Mar 2020 16:11:46 GMT

Melding frå rektor Håkon Hovda:

Regjeringa vedtok i dag å stenge alle skular og barnehagar i heile Norge. Det gjeld oss også. Difor vil vi i dag sende heim dei aller fleste elevane ved skulen. For dei med lang reiseveg eller som av andre grunner ikkje kan reise i dag, ber vi reise i morgon.

Elevane har også i denne perioden krav på undervisning, noko vi vil legge til rette for. Difor er det viktig at dei tek med seg alle lærebøker og pc heim så dei fortsatt kan arbeide med skulearbeid.

Kvar morgon innan kl 0900 må elevane logge seg på Fronter. Der vil det vere informasjon om lekser, arbeid og liknande som dei må gjere medan dei er heime. Om ein får problem med å logge seg på, må ein straks ta kontakt med fag- eller kontaktlærar.

Stenging av skulen kan verte forlenga.

Espresso-tilbod på Vestborg

duda@sitespark.no (Kjell Morten Håland) — Fri, 06 Mar 2020 13:53:49 GMT

Jarle Isene i russen fortel om både bakgrunnen for og sjølve konseptet:

- Vi i russen samlar inn pengar til prosjektet vårt i Japan, og så har vi tenkt at det å servere kaffi kan vere ein god idé. For ei tid tilbake sette vi oss ned og utvikla ideen, og deretter kjøpte vi inn ulikt utstyr. Mellom anna har vi lagt pengar i ein mjølkeskummar, og vi har kjøpt inn koppar, mjølk, krem og sjokoladesaus, seier han.

- Kva er kundegrunnlaget?

- Vi serverer til dei på skulen som ynskjer litt eksklusiv kaffi – både elevar og personalet.

Han fortel vidare at Magnhild Lidal har laga heimesida for det nye tilbodet.

https://vespressocoffee.wixsite.com/website

- Vi er veldig godt nøgde med starten. Allereie fyrste dagen fekk vi inn ikring 400 kroner til misjonsprosjektet, seier Jarle.

Kvardagsglimt: Tilsyn

duda@sitespark.no (Kjell Morten Håland) — Fri, 06 Mar 2020 12:20:42 GMT

vestborg.no fekk ein liten prat med Søgni. Vi spurde kva det inneber å ha tilsyn på Vestborg.

- Det aller fyrste eg vil nemne er at vi får bruke tid saman med elevane, og ein viktig møteplass er måltida i matsalen. Den som har tilsyn er også til stades for elevane dersom det skulle oppstå skade eller sjukdom. Ja, i heile tatt vere tilgjengeleg dersom noko skulle oppstå. På mange måtar vert Vestborg ein heim for elevane, og då er det viktig at dei skal kjenne på tryggleik.

Tilsyn har også ansvar for å ta låserunden i kveldinga, samt på ettermiddags- og kveldstid ta i mot telefonar.

- I tillegg til dette har tilsyn ofte andakt på morgonsamlinga, og tilsyn skal sørgje for at det er roleg i leksetida. Elles kan ein godt slenge seg med når det er aktivitetar i russekiosken. Alt i alt får ein møte elevane på ein annan måte enn vanleg når ein har denne oppgåva, og det er kjekt, seier Søgni.

Tidlegare elevar om Vestborg

duda@sitespark.no (Kjell Morten Håland) — Fri, 28 Feb 2020 12:11:59 GMT

VG3-elev Malene Furnes (framme til venstre på biletet) har laga ein video der tidlegare elevar fortel korleis dei opplevde å vere elev på Vestborg.

Ta gjerne ein glytt!

https://drive.google.com/file/d/1SEs0fIXD91E0JS28jJTD-Xmc_x-nGIm0/view

Ruben på jobb for Vestborg

duda@sitespark.no (Kjell Morten Håland) — Thu, 27 Feb 2020 12:23:52 GMT

Ruben er ein av ni elevar som gjer løna arbeid på kjøkkenet på Vestborg.

- Oppgåvene er enten å rydde etter middag, eller å lage til og deretter rydde etter kveldsmat. Alle elevane som bur på internatet har kjøkkenteneste på dugnad etter tur. Difor får den av oss ni som er på jobb hjelp av tre elevar med oppvasken etter måltidet, fortel Ruben.

vestborg.no får ein prat med Ruben under eit kveldsmåltid. Han fortel at han trivst med oppgåva.

- Det er ei veldig fin oppgåve å ha. Til dømes så tek denne oppgåva ikkje så mykje tid. Dersom eg ikkje er på vakt, så sit eg likevel og pratar i matsalen til dei er ferdige med oppryddinga på kjøkkenet.

- Kva for fordelar er det med å ta eit sånt ansvar?

- For det fyrste så tenar eg pengar, og for det andre så det ein veldig god start på arbeidslivet. Den erfaringa eg får er kjekk å ha på CV-en. For det tredje så er det ein triveleg jobb, forklarar han.

PS! I tillegg til desse ni på kjøkkenet, så er det ein gjeng som vaskar fellesrom på skulen. Desse ordningane har Vestborg hatt i fleire år. Dersom du er ein elev som skal gå på Vestborg til hausten, så er du velkomen til å sende inn søknad dersom du ynskjer å få ein av desse nemnde jobbane.

Ekstra kick-off

duda@sitespark.no (Kjell Morten Håland) — Thu, 13 Feb 2020 11:07:24 GMT

Mellom anna på grunn av sjukdom, så fekk ikkje alle som hadde meldt seg på vere på kick-off.

Difor arrangerer skulen ein ekstra kick-off 28.-29. februar. Der er også andre som vurderer å byrje på Vestborg til hausten velkomne.

Kick-off startar med middagen kl 16 fredag 28. januar.

I løpet av fredag og laurdag føremiddag vert det lagt opp til at ein vert kjend med elevane som allereie går på Vestborg. Det vert aktivitet både i gymsalen og i russekiosken, samt omvisning på skulen. Ja, ein får rett og slett oppleve Vestborg på nært hald.

Opphaldet er gratis. Ta med sovepose, laken og klede til gymsalaktivitet.

Påmelding via info@vestborg.no

- Fantastisk helg som tilsyn!

duda@sitespark.no (Kjell Morten Håland) — Thu, 13 Feb 2020 10:48:56 GMT

Vestborg er velsigna med at tidlegare elevar hjelper til med å ha tilsyn. For nokre helger sidan trødde Astrid Brakstad (til venstre) og Ida Oline Rønneberg (til høgre) til med god hjelp.

Begge to held seg til vanleg i hovudstaden. Astrid studerer fysioterapi, medan Ida Oline tek sosionomutdanning ved Diakonhjemmet. Overgangshelga mellom januar og februar var den fyrste gongen Astrid og Ida Oline, som var russ i 2015, hjelpte til med tilsyn. Det viste seg at det var ei veldig god oppleving.

- Vi hadde ei fantastisk helg på Vestborg som tilsyn! Vi kosa oss veldig og vart veldig minna på kor godt vi hadde det på Vestborg. Ja, vi set enormt stor pris på alt personalet gjorde for oss – og for det dei framleis gjer for elevane, fortel Astrid og Ida Oline.

Dei held fram:

- Det å velje å gå på Vestborg er det beste valet vi har gjort! Utan Vestborg har vi gått glipp av så mykje av det gode livet har å by på. På Vestborg fekk vi nære vener – venskap som vi har hatt mykje glede av i åra etterpå. Dessutan hadde vi ikkje byrja på Ungdom i oppdrag sin Disippeltreningsskule. Med andre ord har Vestborg også hatt mykje å seie for trua vår på Jesus.

Internatleiar Søgni Muren har ansvaret for å setje opp tilsynslistene. Ho er veldig takksam for tidlegare elevar som stiller opp for skulen.

- Vi har i nokre år hatt denne ordninga. Dette er positivt av minst tre grunnar. For det fyrste ser det ut til at dei trivast med oppgåva. For det andre så er det veldig god hjelp for skulen, og for det tredje så er det veldig kjekt å sjå igjen tidlegare elevar. Dette er ein vinn-vinn-situasjon! seier Søgni.

Kvardagsglimt: Fagdag

duda@sitespark.no (Kjell Morten Håland) — Fri, 31 Jan 2020 12:16:04 GMT

Kvar fredag har vi fagdag på Vestborg. I løpet av ei vanleg måndag-til-torsdag-veke, så har elevane ein time mindre på timeplanen enn det ein kan ha på andre skular. Den siste timen tek ein igjen på fagdagar, og elevane har då åtte timar med i eitt fag. Dette systemet gjer at ein og annan fredag vert studiedag, og elevane får då høve til å ta ei langhelg heime. Unnataket for dette med studiedagar på fredagar er dei som har vald idrett.

Fagdagar gir fleire fordelar. Til dømes kan ein leggje både prøvar og heildagsprøvar til fagdagar. Dersom ein vel å ha vanleg undervisning, så er det rom for å gå djupare inn i kompetansemåla.

På bileta kan ein sjå glimt frå fagdagen til faget sosiologi og sosialantropologi førre fredag. Der var det stort engasjement då ein skulle lage «kunstverk» med temaet «Vestborg». Bakgrunnen for aktiviteten var å få innsikt i ulike organisasjonsteoriane ein kan dele arbeid inn i. Ein kan også av bileta sjå at «Quizlet», ein aktivitet som liknar på Kahoot, gav stort engasjement.

Vestborg-styret møtte personalet

duda@sitespark.no (Kjell Morten Håland) — Fri, 31 Jan 2020 11:42:00 GMT

Kvart år i januar er det fast at styret har fellesmøte med personalet. Torsdag var det samling på Vestborg.

Temaet denne gongen var rekruttering. Styreleiar Alfred Reitan var nøgd med tankane som kom fram.

- Det var interessante argument som kom fram, og styret fekk nye tankar å ta med seg vidare.

Det er noko han også har opplevd tidlegare år.

- Styret har tidlegare jobba vidare med punkt som har kome fram på desse møta. Personalet er styret sine auge og øyre, så det er viktig for oss å lytte til personalet sine erfaringar.

Rektor Håkon Hovda ser også verdien av å samle styret og personalet.

- Det er veldig viktig å dra i same retning. Ei slik samling er med på å skape nærleik til kvarandre. Vestborg er ein skule med mange sterke sider. Kveldens tema var korleis vi kan nå ut med denne bodskapen i endå sterkare grad. Eg opplevde vi hadde ein nyttig og fin samtale rundt denne utfordringa, seier Hovda.

Caroline om kick-off: - Veldig kjekt!

duda@sitespark.no (Kjell Morten Håland) — Tue, 21 Jan 2020 19:00:12 GMT

Caroline Kandal frå Sandane var veldig nøgd med opphaldet på Vestborg i helga.

- Det var ei veldig kjekk helg. Eg blei kjend med nye folk, og det vart lagt til rette for at vi kunne fare på Strandafjellet skisenter på sundag. Helga var fylt med gøye aktivitetar, fortel ho.

Caroline har ikkje heilt bestemt seg for at ho vil gå på Vestborg til hausten, men fortel at lysta til å gå på idrettslinja er der.

- Eg opplever at Vestborg har eit veldig godt miljø, og at krava til elevane på idrettslinja høvelege. Det er også flott at det er så kort veg til skianlegget, seier ho.

I årets VG2-klasse går systera til Caroline.

- Ein viktig årsak til at eg har lyst å gå på Vestborg er Benedichte. Ho har det så bra på Vestborg at ho kjem nesten aldri heim i helgane. Eg ynskjer å oppnå studiekompetanse, og det kan Vestborg gje meg – samtidig som eg kan bu på internat og oppleve eit godt miljø, slår Caroline fast.

Om russeturnéen: - U-N-I-K-T

duda@sitespark.no (Kjell Morten Håland) — Mon, 20 Jan 2020 21:00:19 GMT

Mainy Os på regionkontoret for NLM har også i år gjort ein kjempeinnsats for å leggje til rette for Vestborg-russen. I førre veke har russen kunna reist rundt på bedehus og forsamlingar. Russen har blitt delt inn i grupper og hatt med seg kvar sin forkynnar, og elevane har informert både om skulen og om misjonsprosjektet sitt i Japan. Elevane vart hovudsakleg innkvarterte i heimane til misjonsfolket.

Steffen Savland frå Naustdal og Magnhild Lidal frå Kyrksæterøra har vore på kvar sine grupper under turnéen.

- Det var veldig kjekt, men ganske slitsamt, seier Steffen.

Han held fram:

- Det var slitsamt fordi det vart ein del reising, og det var mykje som skjedde. Samstundes var det utviklande – fordi eg lærte meir om kunsten å presentere. Elles hadde vi god dynamikk i gruppa, og det var kjekt å møte misjonsfolket. Ja, det var overveldande å oppleve kor godt vi vart tekne i mot av dei.

Steffen sette også pris på å få reise saman med forkynnar Lars-Kjetil Emblem.

- I gruppa las vi frå Johannesevangeliet og Lars Kjetil snakka med oss om korleis vi skulle forstå delar dette evangeliet. Dermed vart også russeturnéen nesten som ein mini-bibelskule, skildrar Steffen.

Då vestborg.no snakka med Magnhild om korleis det var å vere på turné, kom svaret i ein veldig kreativ form:

- U-N-I-K-T, byrja ho og svare.

Etterpå ville ho grunngje kva ho la i dei ulike bokstavane.

- U = utfordrande: Vi gjorde ting vi ikkje gjer til vanleg, som til dømes å overnatta hos framande og snakke i forsamlinga.

- N = naturleg: Vi hadde Lars-Petter Ødegård med som forkynnar. Både mellom han og gruppa - og innan elevgruppa, så opplevde eg at vi fungerte naturleg og godt i lag. Med praten med misjonsfolket var det like eins, og etter kvart som vi fekk erfaring, så gjekk det også fint og naturleg på møta.

- I = interessant: Det var interessant å sjå korleis andre hadde det heime.

- K = kristent: Vi fekk høyre gode talar frå Lars Petter som gav oss påfyll av Guds ord, og vi fekk sjølve vere med å fortelje om Jesus. Det opplevde eg fint å få vere med på. Elles kan eg fortelje at eg i barndomsheimen min har vekse opp med å ha forkynnarar på overnattingsvitjing, men no var eg i den motsette rolla. Det var rett og slett kult å få oppleve.

- T = tøft: Det var tøft på ein utfordrande måte å ha ansvaret for heile møtet, men det var tøft på ein artig måte då det gjekk så bra som det gjorde.

- Til slutt vil eg dra saman alle desse bokstavane til ordet UNIKT. Det var unikt fordi vi fekk ein unik sjanse til å reise rundt for å samle pengar inn til misjonsprosjektet vårt, og vi fekk i tillegg sjansen til å promotere Vestborg og hjelpe til med å skaffe nye elevar, avsluttar Magnhild.

Kick-off 2020 er i gong!

duda@sitespark.no (Kjell Morten Håland) — Fri, 17 Jan 2020 22:02:53 GMT

I dag, fredag, er fyrste dag i kick-off-helga, og vi på tunet synast dette ser veldig lovande ut.

Til saman er det 36 ungdomar som har vald å bruke denne helga på Vestborg, og det har vore flott å sjå engasjementet til gjengen. Særskilt under aktivitetane i gymsalen slo det ut.

Dersom dette er eit teikn på korleis dei nye elevane til hausten vert som gruppe, så har vi mykje kjekt å sjå fram til i komande skuleår!

I tillegg til bli-kjent-leikar i gymsalen, så har det vore informasjon, andakt og samvere med Vestborg-elevar på opningsdagen.

Laurdagen har også mykje program, mellom anna «Capture the flag» og elevkveld.

Sundag skal mange på ski på Strandafjellet skisenter. Dessutan gler vi oss til å møte interesserte foreldre klokka 14. Då får vi høve til å informere om kva for ulike tilbod Vestborg gir.

Rektor om talet på kick-off-påmelde: - Veldig gledeleg!

duda@sitespark.no (Kjell Morten Håland) — Wed, 15 Jan 2020 17:38:46 GMT

Vestborg-rektor Håkon Hovda gler seg over det høge talet for påmelde til kick-off til helga.

Kick-off er ei bli-kjent-helg der elevar som vurderer å byrje på Vestborg til hausten er velkomne. Årets kick-off er komande helg, 17.-19. januar.

Onsdag føremiddag var det 38 ungdomar som hadde meldt seg på. Det er eit tal som er høgare enn dei siste åra.

- Det at vi har 38 påmelde er veldig gledeleg. Talet på kick-off-påmelde gir ofte ein indikasjon på kor mange elevar som startar opp til hausten. Dette gir oss grunn til optimisme med tanke på elevtalet til hausten, seier rektor Håkon.

Han vil gjerne understreke:

- Me gler oss til å ta i mot alle dei 38!

PS! Skulen tek framleis i mot påmeldingar. Dersom du ynskjer å melde deg på, så kan du gjere det ved hjelp av denne adressa:

Russeturnéen 2020

duda@sitespark.no (Kjell Morten Håland) — Fri, 10 Jan 2020 11:28:00 GMT

Eit av høgdepunkta for tida på Vestborg er like om hjørnet. Russen skal på turné på Nordvestlandet.

Elevane er inndelte i grupper, og saman med ein forkynnar så dreg dei rundt til bedehus og forsamlingar og held møte.

Laila Vikenes er russepresident og med i arrangementskomitéen for russeturnéen. Ho ser fram til veka som ligg føre.

- Det skal bli fint å fortelje om Vestborg og få drive rekruttering for skulen. Eg ser også fram til å få vere med å samle inn pengar til misjonsprosjektet til russen. Det blir også ei fin erfaring for oss å sjå korleis NLM driv arbeidet sitt utanfor Vestborg. På turnéen skal vi innom både barnehagar, bedehus og forsamlingar. Eg trur også vi får sjansen til å bli betre kjende med klassekameratane våre denne veka, seier Laila.

Ho fortel vidare at mange er spente på kva som møter dei den komande veka.

- Vi skal overnatte hos ukjende menneske i private heimar. På møta vert vi utfordra på å leie lovsongen, leie møte og halde opningar på møta.

- Kva har tidlegare elevar sagt om russeturnéen?

- Dei har sagt at det var slitsamt, men dei ville ikkje ha bytt bort opplevinga, fortel Laila.

Tekjøkkenpraten: Påbygg-elev Kristian Øie Horn

duda@sitespark.no (Kjell Morten Håland) — Mon, 23 Dec 2019 12:28:21 GMT

- For fyrste gong bryr eg meg om skule.

Kristian Horn er ein ihuga Manchester United-fan frå Hundvåg i Stavanger. Påbygg-elev Kristian har lang veg heim når han skal på ferie, men stortrivast på Vestborg.

- Eg storkosar meg. Her er det veldig bra og bu, og Vestborg er ein veldig bra skule.

Vi har sett oss til rette på biblioteket. Tekjøkkenet på internatet Drege er nemleg oppteke av to karar som vaskar ned kjøkenet til jul.

- Kvifor byrja du på Vestborg?

- Eg fekk høyre at ei venninne skulle byrje her. Det gjorde at eg også søkte - og fekk plass. Det har vore eit veldig godt halvår, og eg trivast veldig godt.

- Kva er det som gjer trivselen er så høg?

- Her er det engasjerte, flinke og dyktige lærarar. Dei veit kva dei held på med, og dei kan faget sitt. Dessutan er alle saman er veldig engasjerte. I og med at Vestborg er ein internatskule, så er dei meir enn berre lærarar. Det gjer det lettare for oss elevar å få kontakt med dei, meiner han.

Kristian held fram:

- På Vestborg er alle i personalet hyggjelege, men det er eit problem. Det gjeld rektor Håkon Hovda. Han held med Liverpool. Elles er han knakande triveleg kar.

POSITIVT PRESS

Tidlegare har ikkje skule akkurat hatt fyrsteprioritet hos Kristian.

- For fyrste gong så bryr eg meg om skule. Her på Vestborg føler eg eit positivt press. Når heile klassen sit og øver på prøve, så er det teit å vere den einaste som ikkje øver. Tidlegare så kunne eg ikkje brydd meg mindre, men no jobbar eg med å lære og å forstå gjennom å gjere det som eg skal.

Før vi går til tekjøkkenet for å ta bilete avsluttar Kristian:

- På Vestborg blir ein akseptert for den ein er. Årsaka til det er at her er det imøtekomande og kjekke folk!

Tekjøkkenpraten: Påbygg-elev Kristian Øie Horn

duda@sitespark.no (Kjell Morten Håland) — Mon, 23 Dec 2019 12:16:48 GMT

- For fyrste gong bryr eg meg om skule.

Kristian Horn er ein ihuga Manchester United-fan frå Hundvåg i Stavanger. Påbygg-elev Kristian har lang veg heim når han skal på ferie, men stortrivast på Vestborg.

- Eg storkosar meg. Her er det veldig bra og bu, og Vestborg er ein veldig bra skule.

Vi har sett oss til rette på biblioteket. Tekjøkkenet på internatet Drege er nemleg oppteke av to karar som vaskar ned kjøkenet til jul.

- Kvifor byrja du på Vestborg?

- Eg fekk høyre at ei venninne skulle byrje her. Det gjorde at eg også søkte - og fekk plass. Det har vore eit veldig godt halvår, og eg trivast veldig godt.

- Kva er det som gjer trivselen er så høg?

Kristian held fram:

- På Vestborg er alle i personalet hyggjelege, men det er eit problem. Det gjeld rektor Håkon Hovda. Han held med Liverpool. Elles er han knakande triveleg kar.

POSITIVT PRESS

Tidlegare har ikkje skule akkurat hatt fyrsteprioritet hos Kristian.

Før vi går til tekjøkkenet for å ta bilete avsluttar Kristian:

- På Vestborg blir ein akseptert for den ein er. Årsaka til det er at her er det imøtekomande og kjekke folk!

Julefesten 2019

duda@sitespark.no (Kjell Morten Håland) — Fri, 20 Dec 2019 22:15:23 GMT

Tradisjonen tru så var det VG2 som arrangerte julefesten. Fredag var elevane jule- og festkledde og i festhumør i gymsalen. Gjengen i VG2 har grunn til å vere veldig godt nøgde med både program og pynting.

Vi fekk songinnslag, damenes- og herrenes tale, stand-up-show og juleevangeliet med ny vri. Under juleevangeliet var englane å sjå høgt oppunder taket.

I tillegg til dette fekk Oda Brunstad særskilt heider etter prestasjonen i Abel-konkurransen, ein matematikk-konkurranse for elevar i vidaregåande.

Forkynnar Lars Kjetil Emblem haldt andakt og lærte oss om inkarnasjonen – om at Gud blei menneske.

Dana & co på kjøkenet hadde god hjelp av tidlegare elevar som serverte god og tradisjonsrik julemat.

Maria og Josef la Jesus-barnet i ei krybbe.

Julevask

duda@sitespark.no (Kjell Morten Håland) — Fri, 20 Dec 2019 21:41:51 GMT

Siste skuledag før jul er sett av til vasking av skulebygningar og internat. Magnhild Lidal (tv) og Sara Emilie Lauvstad (th) hadde fått ansvar for å vaske bibliotek og tilstøytande klasserom.

vestborg.no fekk nokre kommentarar på spørsmål om korleis dei såg på vaskedugnaden.

- Det er koseleg å få hjelpe til, seier Sara Emilie Lauvstad.

Magnhild Lidal ynskte å vere effektiv og bli fort ferdig.

- Vi veit kva vi skal gjere, så dette går bra. Men vi fortenar julefesten etterpå, seier ho.

Julestemning på Vestborg

duda@sitespark.no (Kjell Morten Håland) — Sat, 14 Dec 2019 20:39:00 GMT

Laurdag var det tid for pepparkakehus-baking på Vestborg. Ein gjeng elevar kosa seg med å kreere internatbygget Roalden, bil, romskip frå Star Wars og fyret på Alnes. Arbeidet var akkompagnert av julemusikk.

vestborg.no fekk nokre ord med eit knippe arbeidssame og nøgde VG1-elevar då dei sluttførde ein kopi av Roalden.

- Åååå! Eg har sånn julestemning. Eg har berre lyst å springe rundt og hoppe og danse. Tenk å få lage pepparkakehus og kjenne på fellesskap. Det er akkurat det som gir meg julestemning, og det er det som høyrer med no i førjulstida, seier Olianna Johansson.

Siri Lill Berg har også kosa seg med arbeidet.

- No har vi halde på i seks timar. Det er eit bevis på at det har vore kjekt. Ja, ting har gått litt skeis likevel, men det ser ut til at vi kjem i mål likevel, seier ho.

Filip Tøsse fortel at han hadde ikkje tenkt å bli med.

- Det enda opp med at eg vart med likevel. No har eg hatt det veldig morosamt og koseleg, og vi har jobba veldig godt i lag, seier han.

Ute til lunsj!

duda@sitespark.no (Kjell Morten Håland) — Thu, 28 Nov 2019 19:04:14 GMT

I heile haust har 5-6 karar hatt lunsjen og middagen sin ute.

Johan Tengesdal Haug fortel at det heile starta med ein challenge – ei utfording.

- Frithjof Norlén, som gjekk her på Vestborg i fjor, utfordra oss til å ha måltida ute denne skulevinteren. Den utfordringa har vi teke, og no er vi 5-6 karar som tek alle lunsj- og middagsmåltid i vekedagane her ute.

Dette prosjektet har blitt ei artig greie på Vestborg.

- Skal de gjere dette til neste år óg? spør vestborg.no

- Nei!!! kjem det kontant frå ein av karane!

På biletet kan ein sjå Noah Grutle, med shorts. Han er flankert av Emmanuel Henden og Ole Jakob Rønneberg.

Lengst frå kamera, frå venstre, Tobias Elmholt, Isak Nesbakken og Johan Tengesdal Haug.

Om julemessa: - Fantastisk dag!

duda@sitespark.no (Kjell Morten Håland) — Thu, 28 Nov 2019 14:35:24 GMT

Leiar for foreininga som på laurdag arrangerte julemesse på Vestborg, Bjørg Sve, er storleg nøgd med dagen.

- Vi fekk inn ikring 171 000 kroner! fortel ho.

- Korleis vil du summere opp dagen?

- Dersom eg skal bruke eitt ord, så vel eg ordet fantastisk! Resultatet, programmet, stemninga blant alle dei som vitja messa, samt innsatsen til kollegaene mine – ja, heile dagen var fantastisk!

Nedanfor kan du sjå nokre bilet-glimt frå messa. Bileta er elles tekne av Sondre Stensbøl som hjelpte til med å ha tilsyn på skulen denne helga.

Kompetansemål-besøk

duda@sitespark.no (Kjell Morten Håland) — Sat, 23 Nov 2019 15:49:36 GMT

Jan Ove Harsjøen har vore lam sidan ei trafikkulukke han var ute for i slutten av tenåra. Eit av kompetansemål i sosialkunnskap er dette: «Beskrive og analysere utfordringer funksjonshemmede kan møte og vurdere tilrettelegging for aktiv deltakelse i samfunnet». Difor var Jan Ove invitert til Vestborg og sosialkunnskapsklassen for å fortelje om livet som funksjonshemma.

Maria Langeland er ei av elevane i klassen. Ho fortel dette etter dobbeltimen med Jan Ove:

- Foredraget til Jan Ove var verkeleg inspirerande og gjevande å høyre på. Det var open samtale mellom oss elevane og han heile vegen, noko som gjorde at vi følte at det var greitt, og ikkje tabubelagt, å spørje om det vi lurte på - og han svarte ope og ærleg! Det var veldig lærerikt for oss å høyre meir om korleis livet med ei funksjonshemming er, og at det ikkje nødvendigvis treng å bety at ein ikkje kan fortsette å ha draumar og mål for framtida.

Det var også interessant å få høyre om både utfordringar og godar som ein funksjonsvariert opplever, samt positive og negative sider ved å ha ei funksjonshemming i Noreg i dag.

Jubileums-julemesse på laurdag

duda@sitespark.no (Kjell Morten Håland) — Tue, 19 Nov 2019 14:57:41 GMT

vestborg.no stakk innom kjøkkenet på Vestborg måndag denne veka. Der var det full fart og full konsentrasjon i stå-på-gjengen som førebur julemessa. I ikring fem timar pynta dei kransekaker som vert å kjøpe på julemessa.

Leiar i Vestborg-foreininga, Bjørg Sve, ser fram til laurdag.

- Vi har eit innhaldsrikt program, og eg gler meg til messedagen. Dette er den 40. messa, så vi har eit aldri så lite jubileum, seier ho.

Vestborg-foreininga er ein flott gjeng med 13 kvinner som møtast ikring kvar tredje veke.

- Vi har fyrst ein andakt. Deretter har vi matfellesskap, før vi tek fram handarbeidet vårt. Produkta som vi lagar sel vi på julemessa. Etterpå førebur vi julemessa med ulikt komitearbeid. I praksis så førebur vi julemessa heile året. Det er MYKJE arbeid, men messa er ein festdag – både for oss og for skulen, seier ho.

vestborg.no vart fortald at i fjor kom det inn ikring 160-170 000 kroner.

- Alle er velkomne til julemessa. Her er det mogleg å vise støtte til Vestborg, seier Bjørg.

Bjørg, som er leiar for Vestborg-foreininga – ein veldig viktig støttespelar for skulen!

Program for julemessa

duda@sitespark.no (Kjell Morten Håland) — Tue, 19 Nov 2019 14:13:49 GMT

Grunna ein feil så forsvann programmet til Vestborg-julemessa laurdag 23.11 frå heimesida. Vi gjer ein ny freistnad!

Program

Kl. 10.30 Messa opnar

Kl. 11.30 Samling – sang av Mixkoret

Kl. 13.00 Sal av rømmegraut m/spekemat (slutt kl. 14.30)

Kl. 14.30 Sangstund med Allsangkoret

Kl. 16.00 Avslutningsmøte – hovudtrekning

Andakt ved Jan Magnus Djupvik

Sang av Kor Herrleg og TRIO m/band

Vi tilbyr for sal:

Smurte lefser - kransekaker - småkaker - flatbrød

gjærbakst – gåveartiklar - handarbeid

ÅRESAL - KAFETERIA - TOMBOLA

Praktiske opplysningar:

Vi har betalingsterminal.

Ynskjer du skyss? Ring 959 05 629

Lotte stortrivast på Vestborg

duda@sitespark.no (Kjell Morten Håland) — Fri, 15 Nov 2019 21:03:22 GMT

VG1-elev Lotte van Oorschot (midt i biletet med lillakvit genser) kjem frå Davik i Nordfjord. Ho går på idrettslinja i VG1, og ho har skrive ein artikkel om Vestborg for Troda Tidende i Davik.

Denne teksten vert publisert på vestborg.no med tillating frå avisa.

Eit nytt kapittel

Å reise på hybel og flytte heimanfrå har alltid vore noko eg visste skulle skje, men når det først var tid for det, kom det brått på. Heile kvardagen vert annleis, nytt miljø, nye vennar og ein ny heimstad. Det er ganske overveldande. Ein heilt ny kvardag på Vestborg vgs på Stranda går over all forventing, og det var starten på eit heilt nytt kapittel.

I midten av Sunnmørsalpane ligg Stranda, min nye heimstad. Det er noko som fortsatt er heilt fjernt, sidan det er Davik som alltid vil stå hjertet mitt nærast. Ete frukost med heile skulen, gå i klasse med romkameratane sine, ha bursdagsfeiringar i gapahuken, gode samtalar på tekjøkkenet, spele spel med lærarane, filmkveld med skulen, fjelltur i skuletida er no ein del av kvardagen min. Dette er ein kvardag som eg trivast innmari bra i, og dette er alt takka vere det gode miljøet og ikkje minst internatlivet på Vestborg vgs. Det at ein bur på skulen med alle vennane sine, ete alle måltid saman, lærarar som ein får eit heilt spesielt forhold til og ikkje minst dei gode muligheiter til friluftsliv, er heilt unikt ved Vestborg.

Vestborg vgs er ein kristen (ski-in/ski-out) internatskule som tilbyr studiespesialiserande og idrettslinje med blant anna friluftsliv. Eg valde Vestborg fordi dei hadde ein idrettslinje som var meir retta til friluftsliv, og ikkje minst internatlivet som virka veldig kjekt. Det tok meg litt tid å bestemme meg, for eg kjente ingen og heller ikkje skulen, men eg er så glad for at eg valde Vestborg. Det er eit så utrulig godt miljø og fellesskap både på tvers av elevane, men også lærarane.

Ein skule med bare 70 elevar frå heile landet, og 20 vaksne i personalet gjer at ein blir ein stor familie. Her kan ein kan vere seg sjølv og utvikle seg både personleg og sosialt. Det kristne miljøet gjer at det er eit så godt miljø, der det er lagt grunnlag for å ha gode samtalar, og vennskap som vil vare livet ut.

På fritida er det alltid noko som skjer på internata, i gymsalen, salongen eller ute. Å gå på fjelltur på dei nydelige fjella som ein er omringa av, spele fotball eller volleyball, og det som eg gleda meg mest til; å stå på ski på Strandafjellet og kjøre rett ned til skulen i tidenes pudderparadis. Det er berre noko av det som skjer på fritida, det er alltid noko sprell å finne på.

Å ikkje bu heime lenger var eg veldig spent på korleis eg ville takle, med tanke på heimlengsel. Heimlengsel er noko eg ikkje har følt på i det heile tatt, noko eg vart ganske overraska over. Det er likevel alltid like deilig å komme heim til Davik, og ta ein pust i bakken. No sette eg enda meir pris på bygda med dei fine folka, omgjevnadane og roen.

Haustfestrapport

duda@sitespark.no (Kjell Morten Håland) — Thu, 14 Nov 2019 11:12:24 GMT

Laurdag 9.11. var det haustfestdag på Vestborg. Det gjekk slag i slag med foreldresamtalar, foreldremøte og fest, og den erfarne kjøkengjengen sørgde for at alle fekk i seg god mat.

Sjølve festen vart leia av VG2-elevane Feven Alemu og Kristianne Kvalsvik på engasjerande vis.

Rektor Håkon Hovda kom med ei helsing, og han nytta høvet til å presentere Håkon Rødseth og Simon Hovlund, dei nye lærarane våre. Simon song også to av songane sine, med hjelp frå VG3-elev Therese Fylling.

Forelder Hjørdis Vikenes haldt andakt om at vi alle har, som gråsteinen, prikkar av levd liv, og at Jesus likevel viser oss nåde.

Festlyden vart også oppmoda av forelder Rogier van Oorschot oss alle til å gjere skulen meir kjend. VG1-elevane Olianna Johansson og Anna Henriksen song og spelte vakkert, medan VG3arar sitt humor- og danseinnslag slo også godt an.

Det bør også leggjast til at misjonsprosjektleiarane Sofie Yri Aaberg og Therese Fylling hadde ein kort og god informasjonbolk. I år samlar ein inn midlar til ulike prosjekt i Japan.

Festen var avslutta på sedvanleg godt vis med god mat frå Dana Rudusa og co på kjøkenet.

Feven Alemu og Kristianne Grande Kvalsvik leia festen

Forelder Hjørdis Vikenes haldt andakt

VG1-elev Olianna Johanssong

Forsangargruppa

Hospiteringsveke

duda@sitespark.no (Kjell Morten Håland) — Thu, 07 Nov 2019 21:27:28 GMT

Går du i 10. klasse og vurderer å byrje på Vestborg komande haust? I veke 46, som er 11.-15. november, er det hospiteringsveke.

Skulen vil denne veka opne for at du kan kome på vitjing den datoen som høver best for deg, og dersom du ynskjer å prøve korleis det er å bu på skulen, så er du også velkomen til å overnatte på eit av internata. Alle måltid du et på skulen vil Vestborg spandere.

I løpet av tida du er på tunet vil ei gruppe elevar, Vestborg-ambassadørane, saman med lærarar, leggje tilhøva til rette sånn at du vert best mogleg ivareteken. Du vil få vere med i vanlege timar på skulen, og du vil få informasjon om kva tilbod skulen har.

Velkomen skal du vere!

Program (likt for alle dagane):

(NB! Vi opnar opp for at du kan kome klokka 11.15 dersom du vel å ta bussen frå Moa kl 09.40)

kl 0900-1000 Orientering om studietilboda våre, om internatet, lånekassen osv

Ambassadørane blir med heilt på slutten

Stad: Salongen, møt i hallen utanfor gymsalen

kl 1000-1030 Morgonsamling i møtesalen

kl 1030-1115 Undervisning

kl 1120-1205 Undervisning

kl 1205-1235 Lunsj

kl 1235-1325 Undervisning

kl 1340-1400 Omvisning

Hovda forlengjer med Vestborg

duda@sitespark.no (Kjell Morten Håland) — Thu, 07 Nov 2019 13:16:51 GMT

Håkon Hovda er vikarierande rektor på tunet. I utgangspunktet skulle han vikariere i to år, til og med inneverande skuleår. No har engasjementet blitt forlengja med eitt ekstra skuleår.

Årsaka er at Geir Magne Engås, som Hovda vikarierer for, er i Kenya for å drive NLM sin familiebibelskule i Nairobi. NLM har spurd Engås om han vil ta eitt år ekstra i Nairobi, eit tilbod som Engås har takka ja til.

Dermed vil Hovda ha rektoransvaret på Vestborg ut skuleåret 2020-21.

- Eg takka ja til å ta eit ekstra år fordi eg er veldig glad i Vestborg, og eg set veldig pris på jobben som rektor. Vi har ein veldig fin både elev- og personalflokk. Når eg i tillegg opplever meg ønska, så var det lett å svare ja då spørsmålet kom å ta eitt år ekstra som rektor, seier Hovda.

Haustfestdagen 2019

duda@sitespark.no (Kjell Morten Håland) — Sat, 02 Nov 2019 22:06:16 GMT

Laurdag 9. november er det haustfestdag på Vestborg.

For foreldre som ynskjer det, så er det på dagtid er det sett av tid til å ha samtale med kontaktlærarar.

Program for dagen:

Kl.1100-1430: Samtaler med kontaktlærar på tilviste rom. Ta helst kontakt med dykkar kontaktlærar på førehand og avtal tid.

Kl.1330-1430: Fleximiddag (for alle)

Kl.1545-1630: Klassevis foreldre/elevmøte for Vg1 og Vg2.

Kl.1700: Fest i gymsalen. Alle er velkomne.

Om kjærleik og parforhold

duda@sitespark.no (Kjell Morten Håland) — Sat, 02 Nov 2019 11:54:25 GMT

Denne veka var Dag William Haugeto Stang på Vestborg for å snakke om kjærleik og parforhold.

Haugeto Stang jobbar mellom anna som samlivsrettleiar, og han klarte å halde elevane lyttande gjennom fire skuletimar.

Han hadde mange emne han var innom. Mellom anna snakka han om føremonar med å gifte seg kontra å gå inn i sambuarskap, samt å vente med å ha sex før ekteskapet.

Han gav også elevane tips om korleis dei kunne få eit forhold eller ekteskap til å vare. Nøkkelen her, i følgje Haugeto Stang, er å byggje vennskap seg i mellom. Det gjer ein til dømes gjennom å stille spørsmål og lytte til kva den andre har på hjarta.

Nye i personalet

duda@sitespark.no (Kjell Morten Håland) — Thu, 17 Oct 2019 18:33:39 GMT

Simon Hovlund (biletet over) og Håkon Rødseth (biletet under) har byrja som lærarar på Vestborg no etter haustferien.

Simon er frå Motala i Sverige, ein by som ligg midt mellom Stockholm og Göteborg. Han skal undervise VG2 og VG3 i engelsk, samt historie på VG3

Håkon Rødseth er frå Kopervik på Karmøy. Hans skal undervise i praktisk matematikk i ulike klasser, samt geografi og naturfag.

Vi ynskjer begge velkomne i Vestborg-flokken!

Personalsamling

duda@sitespark.no (Kjell Morten Håland) — Thu, 17 Oct 2019 18:29:09 GMT

Måndag og tysdag var det personalsamling på leirstaden Orreneset i Sykkylven. Det var eit rikhaldig program som byrja med fyrstehjelpkurs med instruktørar frå Stamina. Personalet fekk også opplæring i korleis skulen sin hjartestartar fungerer.

Elles var det fokus på læreplanarbeidet som ligg føre oss. I august 2020 så skal dei nye kompetansemåla innførast i den vidaregåande skulen.

Ein hadde samtalar rundt det å halde andakt, samt sosiale tiltak som Bonhoeffer-vandring og lagkonkurransar.

Tysdag kom tidlegare folkehøgskule-lærar på Høgtun, Lidvar Nygjerde, og fortalde om verdien av å sjå elevane.

Bilete frå jubilanttreffet

duda@sitespark.no (Kjell Morten Håland) — Thu, 17 Oct 2019 14:16:14 GMT

20-årsjubilantar:

Framme f. v.: Ragnhild Kristine Vartdal Espelund, Ane Kråkenes Nærø, Møyfrid Helgøy Arnesen, Maria Vesteraas Haga, Sylvia Nordstrand Lawford og Monica Ringstad Volle.

Bak f.v.: Per-Arne Christensen, Vidar Seland, Lars-Håvard Eikrem, Alfred Reitan, Johannes Volle og Martin Åkre.

50-årsjubilantar:

Framme f. v.: Berit Lie Valderhaug, Åslaug Johanne N. Gjermundrød, Palma Slyngstad Espelund, Åshild Palma Steinnes, Jorunn Strande, Kirsti Oline Jøsok Taklo og Bjørg Hasund Seljeset.

Bak f.v.: Sigurd Habostad, Odd Lykstad, Hallvard Espelund, Malvin Harald Fauske, Per Ove Aarseth, Oddvar Hatlehol og Andreas Peter Hellevik.

60-årsjubilantar:

F.v.: Per Synnes, Arna Valde Westerås, Ester Rogne Eide, Torstein Nøsen og Palmar Lyngvær.

På utdanningsmesse

duda@sitespark.no (Kjell Morten Håland) — Thu, 03 Oct 2019 11:38:41 GMT

Onsdag var det arrangert ei stor utdanningsmesse for 10. klassingar i Sparebanken Møre Arena.

Elevar frå ungdomsskular i Ålesund og regionen rundt kom for å få informasjon om utdanningsval. I skuletida kom elevane med lærarane sine, medan ettermiddag og kveld var det ope for både elevar og foreldra deira.

Vestborg var til stades for å promotere skulen.

Vestborg-ambassadørane Jarle Isene, David Hovda, Lotte van Oorschot og Marie Bakken, samt miljøarbeidar Håkon Orset, gjorde i ein kjempejobb i møte med 10. klassingane.

Kick-off-helg 17.-19. januar!

duda@sitespark.no (Kjell Morten Håland) — Fri, 27 Sep 2019 20:32:45 GMT

Vurderer du å starte på studiespesialisering, idrettsfag eller påbygging på Vestborg vgs til hausten?

Vil du bli bedre kjent med fagtilbodet, miljøet, elevane, aktivitetane og personalet? Då er du velkomen til Vestborg 17.-19. januar 2019. Opphaldet med mat og overnatting er gratis. Det blir mykje kjekt program og elevane er klare til å ta godt imot deg.

Ta med sovepose, kle til gymsal og skiutstyr om du vil ski, enten langrenn eller i heisen. Sidan vi skal ha aktivitetar ute, så er det veldig lurt å ta med skikkelege gode uteklede - tilpassa vermeldinga for helga.

Du kan melde deg på via info@vestborg.no.

VELKOMEN!

PROGRAM FOR HELGA

Fredag:

Kveldsmat 19.30

Kick-off 20.30

Laurdag:

Frukost 10.00

Aktivitetar 11.00

Middag 15.00

Omvisning og faginfo 16.00

Kveldsmat 19.30

Elevkveld 21.00

Turnering + russekiosk.

Søndag:

Frokost 10.00

Topptur/klatring/trekket/sosialt på skulen

Middag 15.00

Bli-kjent-tur

duda@sitespark.no (Kjell Morten Håland) — Fri, 27 Sep 2019 14:43:57 GMT

Frå måndag til tysdag var VG1-elevane på leirstaden Orreneset i Sykkylven. I løpet av måndag ettermiddag og kveld var det relasjonsbyggande program.

Den fyrste økta jobba dei med heftet «Velkommen til vår skole». Eit hefte med 7 nøklar kan auke eigen og andre sin trivsel ved ein skule. Døme på nøklar er å helse med namn, samt at det er viktig å lage rom for å at det er lov å gjere feil.

I den andre økta var det samtalevandring. Elevane gjekk to og to og snakka om spørsmål som «Korfor er det viktig å vere ein del av eit fellesskap?» og «Kven kunne du tenke deg å vere for ein dag?»

Etter både bading og grilling avslutta ein kvelden med leiken «Snik». Elevane vart delte inn i to lag. Føremålet var å snike seg usett inn i skogen og leggje ein lapp i ei bøtte. Dersom ein vart lyst på med lommelykt av læraren som «vakta» bøtta, måtte ein ta ein «strafferunde». Vinnarlaget var dei som hadde flest av sine lappar i bøtta.

Tysdag morgon var det frukost og ord for dagen, før det var vasking og avreise med destinasjon Vestborg.

Attendemeldingane frå elevane var at det var veldig kjekt, men dei hadde ei innvending: «Vi skulle gjerne ha vore lenger på tur!»

Skulevalresultat

duda@sitespark.no (Kjell Morten Håland) — Wed, 04 Sep 2019 17:46:11 GMT

No er sperrefristen for å leggje ut resultata på skulevala passert. Nedanfor kan du lese korleis Vestborg-elevane røysta. Verdt å merke seg er at korkje Høgre eller Arbeidarpartiet fekk røyster. Kristeleg Folkeparti gjorde som ofte elles eit godt val, medan Miljøpartiet Dei Grøne fekk den nest største oppslutninga blant elevane våre.

Parti og prosent

Rødt 0.0%

Sosialistisk Venstreparti 1.6%

Arbeiderpartiet 0.0%

Senterpartiet 1.6%

Miljøpartiet De Grønne 27.0%

Kristelig Folkeparti 47.6%

Venstre 3.2%

Høyre 0.0%

Fremskrittspartiet 4.8%

Pensjonistpartiet 4.8%

Demokratene i Norge 0.0%

Partiet De Kristne 6.3%

Liberalistene 0.0%

Nordmørslista 1.6%

Uavhengig valgliste for Sunnmøre 0.0%

Helsepartiet 1.6%

Sunnmørslista Tverrpolitisk liste for Sunnmøre 0.0%

Skuleval på Vestborg

duda@sitespark.no (Kjell Morten Håland) — Mon, 02 Sep 2019 20:16:43 GMT

Måndag var det skuleval på Vestborg med god valdeltaking frå elevane si side.

Resultata frå Vestborg sitt skuleval vert offentleggjort her på heimesida innan torsdag 5. september. Det vil seie etter at valresultata frå landets vidaregåande skular har blitt rapportert inn til sentralt hald.

På biletet ser ein VG1-elev Filip Tøsse gjer si borgarplikt, medan VG3-elevane Steffen Savland og Therese Fylling i valsekretariatet sørgjer for at alt går rett føre seg.

Vestborg-Jarle i valdebatt

duda@sitespark.no (Kjell Morten Håland) — Mon, 02 Sep 2019 19:59:48 GMT

På fredag var det valdebatt i gymsalen på Vestborg.

Valdebatten var eit samarbeid med Stranda vidaregåande skule, og dei ulike partia stilte med representantar i debatten.

VG3-elev på Vestborg, Jarle Isene, var KrFU sin representant under debatten. vestborg.no fekk ein kjapp prat med han etter debatten.

- Eg var veldig nervøs på førehand, og eg opplever at eg kunne gjort det betre. Likevel er det viktig å ha noko strekke seg etter, seier Jarle, før han raskt måtte setje kursen mot KrF-standen på valtorget.

Elles var det ein travel dag for unge herr Isene. Saman med resten av debattgjengen, så fór han etter valtorg-sekvensen til Sykkylven vidaregåande skule for å køyre ein ny runde med debatt og valtorg.

Grensesetjing

duda@sitespark.no (Kjell Morten Håland) — Mon, 02 Sep 2019 19:41:58 GMT

Førre veke hadde elevane ei samling der Grete Yksnøy Martinsen i NLM kom med innspel på korleis ein kan ha gode grenser i livet sitt.

Grete Yksnøy Martinsen har ansvar for sjelesorg og rettleiing i NLM. Nyleg var ho på Vestborg og hadde seminar på over ein dobbelttime.

Ho sa mellom anna:

- Når gode grenser vert brotne, vert vi såra og trakka på.

- Når gode grenser vert haldne, så utfaldar vi oss og opplever fridom og tryggleik.

- Om kroppen: Øv på å vere takksam for kroppen du har. Kanskje kan du bruke kroppen din til å hjelpe andre.

- Om sjela: Det er godt for sjela med gode ord, bli sett og bli anerkjent – og hjelpe andre. Det er vondt for sjela med stygge ord, meldingar og blikk.

- Om det andelege perspektivet: Ein treng påfyll gjennom bibel, bøn, nattverd og fellesskap.

Yksnøy Martinsen tok utgangspunkt i at mennesket er skapt i Guds bilete, og så la ho til:

- Kva med å tenke annleis om våre medmenneske? Kva med å tenke på våre medmenneske med Guds perspektiv?

Jubilanttreff 2019

duda@sitespark.no (Kjell Morten Håland) — Thu, 29 Aug 2019 11:07:24 GMT

Laurdag 21. september er det jubilanttreff på tunet. Elevar som vart uteksaminerte på Vestborg for 10, 20, 30, 40, 50 og 60 år sidan er velkomne.

På programmet står kullsamlingar, fotografering, festmiddag og deretter kaffi og kaker. Det blir også andakt og framsyning av filmopptak frå farne Vestborg-dagar.

Er du i eit av jubilant-kulla, ta gjerne kontakt med gamle klassekameratar og bli samde om ein mimredag i lag på Vestborg!

Velkomne!!!

Årets draumedag

duda@sitespark.no (Kjell Morten Håland) — Tue, 20 Aug 2019 08:03:32 GMT

Måndag etter opningsfesten er inspektør Øystein Strand sin kanskje beste dag på jobb i året. :-) Då får han plassere elevane klassevis og alfabetisk i møtesalen. Føremålet med å ha faste plassar er å lette arbeidet med å føre fråvere på morgonsamlingar.

Tidlegare elevar vil truleg kjenne igjen smilet til Øystein, som han syner her då han i går administrerte årets møtesal-plassering. :-)

Bli-kjent-dag

duda@sitespark.no (Kjell Morten Håland) — Tue, 20 Aug 2019 07:32:53 GMT

Elevane vart delte inn i 10 ulike grupper og vart utfordra med 11 ulike aktivitetar.

Blant aktivitetane var: Byggje sandslott, helle vatn i ei 1 ½ meter høg pipe med hól i, slå flest mogleg pasning-slag i volleyball og lese på leppene når ein hadde øyreklokke på.

Den siste aktiviteten var å kreere eit underhaldningsinnslag til elevkvelden.

Nye vindauge på Storfjorden!

duda@sitespark.no (Kjell Morten Håland) — Tue, 20 Aug 2019 07:08:33 GMT

I sommar så har det blitt sett inn nye vindauge på jenteinternatet Storfjorden. Vaktmeister Trygve Habostad har stått i spissen for arbeidet.

- Vi har skifta vindauge på alle elevromma. No vert det betre inneklima, lågare straumutgifter og romma vert lunare.

Arbeidet vart gjort i fyrste halvdel av sommarferien.

TAKKSAM

Vaktmeister Trygve er ein takksam mann.

- Finansieringa vart mogleg på grunn av støtta skulen fekk gjennom aksjonen «Gi eit vindu». Eg vil gjerne seie tusen takk for alle som har vore med og gitt. Summen som kom inn var også med på å finansiere leigd arbeidskraft. Elles set eg også pris på dugnadshjelpa i prosessen, seier han.

Opningsfest 2019

duda@sitespark.no (Kjell Morten Håland) — Sat, 17 Aug 2019 11:47:20 GMT

No er skuleåret 2019-20 i gang på Vestborg. I dag har det vore innsjekking, infomøter og fest på tunet.

Inspektør Bodil Breivik Bø leiar festen på trygt og godt vis. Sofie Yri Aaberg og Therese Fylling song vent, og rektor Håkon Hovda kom med ei helsing.

Regionleiar i Misjonssambandet, Jon Ove Holen, haldt andakt over Jesu si bergpreike. Festlyden fekk også sjå eit videoinnslag sydd saman av VG3-elev Malene Furnes, samt informasjon om årets misjonsprosjekt av allereie nemnde Therese og Sofie. Dette skuleåret er det Japan som er misjonslandet, og pengane skal gå til til dømes mediearbeid, utdanning av kristne leiarar og evangelisering. Russen har som mål om å samle inn 320 000 kroner.

Festen vart avslutta med nydeleg Vestborg-festmat laga av Dana og co på kjøkenet.

Etter festen var det bli-kjent-aktivitetar for nye elevar og fadrar i gymsalen. Sundag vert det bli-kjend-dag på tunet for alle elevane.

Blir skuleåret like bra som opningsdagen, så har vi mykje godt i vente her på Vestborg!

Dysleksivenleg skule

duda@sitespark.no (Kjell Morten Håland) — Sat, 17 Aug 2019 10:59:49 GMT

- No er eg veldig, veldig glad, jublar spesialpedagog Hilde Kristine Tepstad.

- Og så er eg veldig stolt over å jobbe på ein skule som tek vare på alle elevar, også dei med dysleksi.

Den 6. august kom meldinga frå dysleksiforbundet at Vestborg vgs har oppfylt krava til å vere ein dysleksivenleg skule.

- Det har vore ein lang prosess. I forkant av søknaden, så var det ein heil del kartleggingsarbeid som måtte gjerast. Sjølve søknaden sende vi i byrjinga av førre skuleår. I januar fekk vi svar, og deretter fekk vi besøk av ein representant frå forbundet. Han snakka med administrasjonen, lærarar og elevar. I etterkant kom det ein del innspel og tips kva vi burde gjere vidare. I mars sende vi av garde ein oppdatert søknad, og no i august fekk vi mail om at vi hadde fått godkjenning.

- Kva vil det i praksis seie å vere ein dysleksivenleg skule?

- Mange av tiltaka hadde vi inne som rutinar frå før, med det å vere ein dysleksivenleg skule tyder at vi skal byggje opp under behova til dyslektikarane. Det kan til dømes vere å gje denne elevgruppa lydbøker, retteprogram og tilrettelegging under munnlege prøver.

Hilde understrekar stor takksemd til kollegaer for at søknaden har gått gjennom.

- Eg har mange gode kollegaer som har hjelpt til på ulikt vis i søknadsprosessen. Vi hadde aldri kome dit vi er no om ikkje vi hadde løfta i flokk, seier ho.

vestborg.no beklagar

duda@sitespark.no (Kjell Morten Håland) — Tue, 13 Aug 2019 20:04:41 GMT

This is a subtitle for your new post

Grunna byte til ein ny servar og menneskeleg svikt, så er ikkje sakene som har vorte lagt ut i vårhalvåret mogleg å hente fram.

vestborg.no beklagar!

Utviklingsminister Dag Inge Ulstein

duda@sitespark.no (Kjell Morten Håland) — Tue, 13 Aug 2019 19:43:23 GMT

vestborg.no har møtt tidlegare Vestborg-elev og noverande utviklingsminister Dag Inge Ulstein i Tekjøkkenpraten. Ulstein var så raus at han sette av tid til ein prat med Vestborg si heimeside etter ein hektisk møteverksemddag. Torsdag 31.1. var siste frist for å setle budsjettet for 2019, og det var ein nøgd minister som vestborg.no møtte etter regjeringskonferansen. Budsjettet til departementet hans ligg på oppimot 40 milliardar kroner.

I staden for å ha intervjuet på eit av skulen sine tekjøkken, var det meir praktisk å ta praten i Oslo. Dermed vart det ein triveleg drøs i sofagruppa på Ulstein sitt kontor i Utanriksdepartementet si bygning, Victoria terrasse, ikkje langt frå slottet i hovudstaden.

Inne på ministerkontoret gjekk vi rett på kjernespørsmålet.

- Kva har åra på Vestborg hatt å seie for deg?

- Eg gjekk på Vestborg frå 1996 og var russ i -99. Det å få gå på Vestborg var utruleg viktige år for min del. Eg opplevde trivsel og gode lærarar. Mellom anna hadde eg verdas beste norsklærar, Kjetil Dybvik. Han gav oss elevar mykje rom. Eg fekk også mange gode venskap. Elles var Vestborg viktig i høve til tru. Eg vart tryggare som kristen, og eg fekk utfordringar. Ei utfordring som var ekstra viktig, var året i 1. klasse då eg var leiar i ungdomsklubben «Kula» i Hellesylt. Ein gong i veka drog vi ein liten gjeng Vestborg-elevar for å halde klubb. Gjennom dette arbeidet fekk utruleg viktig leiarerfaring og ansvar. Elles vart eg utfordra og involvert med å arrangere møter og ta ansvar på bibelgruppe. Det var kanskje stress der og då, men det var samtidig viktig for trua mi, seier Ulstein.

Då han var VG3-elev, var han med på misjonstur til Afrika. Føremålet med turen var å skaffe informasjon for å inspirere til å samle inn pengar til Vestborg-russen sitt prosjekt.

- Eg har sagt i intervju med Morgenbladet, TV2 og NRK at turen til Elfenbeinkysten er ein direkte årsak til eg no sit som utviklingminister. Der vart det sterke møter med menneske som sette sitt preg på meg. Eg fekk også sjå kor stor endring utviklingsarbeid kunne gjere med menneske ved å satse på helse, vatn og utdanning. Turen til Elfenbeinskysten skapte engasjement i meg og sette retning for eigne verdiar og karriereval.

- Har du eit råd til dagens Vestborg-elevar?

- De er veldig heldige som får gå på Vestborg og få møte så engasjerte lærarar som vil det beste for dykk – og for heile livet dykkar. Det er inga sjølvfølgje. Eg vil utfordre dykk til å tenkje gjennom korleis de kan bruke eigne styrkar til å gjere ein forskjell for andre. Då eg var elev på Vestborg, ville eg gjerne bety ein forskjell for andre, men hadde aldri tenkt at eg skulle verte utviklingsminister.

Etter Vestborg har Ulstein, i tillegg til å engasjere seg i Salem i Bergen, teke ein bachelorgrad i teologi og teke arbeid- og organisasjonspsykologi. Han har også fått utdanna seg som samlivsterapeut ved Modum Bad. Desse erfaringane har gjort at han har leia samtalesenteret og vore utviklingssjef ved Haraldsplass Diakonale Stiftelse. Dessutan har han vore sosialbyråd i Bergen med ansvar for til dømes rus og psykiatri. Då han 22. januar vart utnemnd til statsråd, kom han frå jobben som finansbyråd i Bergen.

- Kva gler du deg til i den nye jobben?

- Det er ein utruleg spennande jobb. Eg vil gjerne fighte for å at dette landet skal prioritere å hjelpe andre, og derfor er eg glad for at vi nå har fått nesten 40 milliardar kroner på budsjettet vårt. Elles vert det viktig for meg å engasjere andre, og difor har eg lyst å reise rundt å vitje skular, universitet og folkehøgskular. Det er fleire som sultar no i 2019 enn for to år sidan. Det vil eg vere med på å gjere noko med, og eg vil gjerne vere med å vekke og engasjere ein ny generasjon!

Journ. anm: Dette er ein relansering av ein tekst skriven i februar i år.

Nye tilsette

duda@sitespark.no (Kjell Morten Håland) — Tue, 13 Aug 2019 19:08:15 GMT

Dette skuleåret har vi førebels berre ein ny tilsett i staben. Håkon Orset frå Torvikbukt på Nordmøre skal vere miljøarbeidar. Han var russ ved Vestborg i 2017, og har i åra etter vore 1 ½ år i militæret som hundeførar ved grensa til Russland, samt gått Læresveintreningsskule (DTS) i New Zealand i Ungdom i oppdrag det siste halve året.

Framleis kunne skulen godt ha tenkt seg å få tilsette som kan dekkje fag som engelsk og tysk.

Elles skal lærar Roar Holte over i ein ny jobb i løpet av hausten, så Vestborg treng også nokon som kan undervise i matte og naturfag frå i haust av.

I sommar gjekk inspektør Eva Habostad og administrasjonssekretær Svein Lars Ringstad av med pensjon. Bodil Breivik Bø vert no inspektør og overtek Eva si rolle, medan Svein Lars vil jobbe ikring ein dag i veka for å hjelpe skulen. Dei andre oppgåvene hans er så godt som råd er fordelte på andre.

Facelift

duda@sitespark.no (Kjell Morten Håland) — Tue, 13 Aug 2019 13:09:27 GMT

I løpet av sommaren så har vaktmeister Trygve Habostad vore i sving med å henge opp skilt utanfor gymsal-veggen. No kan forbipasserande sjå kva for skule som ligg ved sidan av Hevsdalsvegen.

KICK-OFF 2019 ER I GANG!

duda@sitespark.no (Kjell Morten Håland) — Sat, 19 Jan 2019 10:52:04 GMT

Skulen har i helga besøk av ein veldig flott og positiv gjeng på 30 ungdomar som er på bli-kjend-helg. Fredag kveld vart det lagt vekt på å bli-kjend-aktivitetar i gymsalen, samling med chips og is i matsalen og samvere rundt ulike brettspel i russekiosken.

Nedanfor kjem nokre bilet-glimt frå fredagskvelden.

VESTBORG ER 70 ÅR 9. JANUARVESTBORG ER 70 ÅR 9. JANUAR

duda@sitespark.no (Kjell Morten Håland) — Wed, 09 Jan 2019 00:00:00 GMT

Den 9. januar i 1949 starta Vestborg opp som skule, og 70-årsdagen vart markert på tunet. Klokka 09 var det flaggheising rektor Håkon Hovda haldt ei lita helsing. Han understreka mellom anna dette:

-Eg er takknemleg for at Gud har vore med skulen i desse åra, og eg er glad for alt det skulen har betydd for så mange unge.

Under morgonsamlinga hadde Svein Lars eit kort attersyn frå den fyrste tida skulen eksisterte, medan det til lunsj var marsipankake til elevar og tilsette.

RUSSEN PÅ TURNÉRUSSEN PÅ TURNÉ

duda@sitespark.no (Kjell Morten Håland) — Wed, 09 Jan 2019 00:00:00 GMT

Sundag 13. januar startar den årlege turnéen for Vestborg-russen. Mange bedehus og forsamlingar i Møre og Romsdal, samt Nordfjord, får vitjing av grupper frå årets russekull. På møta vert det informasjon om skulen og russeprosjektet. I år samlar russen pengar inn til Peru.

Her kan du lese meir: http://vestborgmisjon.no/

På biletet ser ein gjengen som skal på tur.

Her er oversikta over reiserute til gruppene og talarane:

DATO	Lars Petter Ødegård	Ole Os (fyrste del) Sakarias Ingolfsson (andre del)	Steinar Dimmen	Lars Kjetil Emblem	Oscar Nordbø
Sønd 13.	Stranda	Stranda	Stranda	Stranda	Stranda
Tysd 15.	Stryn	Hundeidvik	Ulsteinvik	Haramsøy	Måndalen
Onsd 16.	Sandane	Giske	Remøy	Midsund	Isfjorden
Torsd 17.	Selje	Tomrefjord	Hareid	Vatne	Kårvåg/Averøy
Fred 18.	Åheim	Sjøholt	Frøystad/Ytre Herøy kyrkje	Godøy	Vevang
Laurd 19.	Hakallestranda	Brattvåg	Brattvåg	Gamlem	Sylteosen
Sønd 20.	ØVM	Ålesund	Ålesund	Ålesund	Vestnes

KICK-OFF 18.-20. JANUAR!

duda@sitespark.no (Kjell Morten Håland) — Sat, 05 Jan 2019 00:00:00 GMT

Helga 18.-20. januar er det kick-off på tunet. Då er du som vurderer å begynne på Vestborg til hausten, veldig velkomen til gratis weekend. Føremålet med helga er at du kan bli kjend med skulen, elevar som kan bli klassekameratar til hausten, samt elevar som skal gå i 2. og 3. klasse komande skuleår. Sjølv om dei fleste som kjem tpå kick-off er 10. klassingar, ynskjer vi gjerne at elevar som kan tenke seg å begynne i VG2, VG3 eller påbygg til neste år tek turen innom.

Det viktigaste med helga er at du får treffe andre, men det blir også lagt opp ulike aktivitetar som bli-kjent-samling, leik, grilling og elevkveld. Det vert også informasjon om skulen og kva faglege tilbod Vestborg tilbyr.

Brosjyre og påmeldingsinformasjon om kick-off-helga finn du i denne linken: http://www.vestborg.no/dokumenter/Kick-off-2019.pdf
Alternativt kan du klikke på knappen øvst til venstre på forsida på heimesida vår: vestborg.no

Velkomen til kick-off!!!!

JULEFESTEN 2018

duda@sitespark.no (Kjell Morten Håland) — Fri, 21 Dec 2018 00:00:00 GMT

It's official, I have a blog and I know how to use it.

Tradisjonen tru var det VG2 som hadde ansvaret for julefesten. Årets VG2-kull hadde sett saman eit variert og velregissert program – leia av Malene Furnes og Jarle Isene.

Her var det damenes og herrenes tale, ulike songinnslag og juleevangeliet med «The julekalender»-vri. Vi fekk også eit cheerleading-show på høgt nivå.

Tidlegare elevar serverte veldig god julemiddag – stelt i stand av den solide gjengen Vestborg er så heldige å ha på kjøkkenet.

Tidlegare Vestborg-elev Lars Petter Ødegård, som no er forsamlingsleiar NLM Kristiansund, hadde andakt. Han snakka om James Irwin – den 8. mann som gjekk på månen. Då Irwin var på månen, opplevd han Guds nærvere så sterkt, at han la astronaut-karriera på hylla og byrja som evangelist.

Nedanfor kan du sjå glimt frå festen.

ABELKONKURRANSEN 2018

duda@sitespark.no (Kjell Morten Håland) — Fri, 21 Dec 2018 00:00:00 GMT

Abelkonkurransen er ein matematikk-konkurranse for elevar i vidaregåande skule. Primus motor for gjennomføringa av konkurransen på Vestborg er Ola Risa. På julefesten kunne han saman med rektor Håkon Hovda vere med å dele ut diplom til fire av Vestborg-elevane. Andreas Sortland Wigestrand, Oda Natalie Brunstad, Maria Sætre og Sara Emilie Lauvstad fekk diplom for god prestasjon under konkurransen.

PEPPARKAKEHUS-KONKURRANSE

duda@sitespark.no (Kjell Morten Håland) — Sat, 08 Dec 2018 00:00:00 GMT

Laurdag var det pepparkakehus-konkurranse i matsalen. Gjengen som var med delte seg i fire ulike grupper, og dei sette i gong med kvar sine prosjekt.

Nedanfor kan ein sjå bilete frå både prosessen og det ferdige resultatet. Vinnargruppa hadde laga ein modell av kyrkja på Stranda. Designarar var Ane, Ida, Jenny, Magnhild og Maria B.

UNDERVISNINGSGLIMT

duda@sitespark.no (Kjell Morten Håland) — Fri, 07 Dec 2018 00:00:00 GMT

Det er det jamne og gode arbeidet som gjev resultat – sånn er det på dei fleste områda i livet. Samstundes kan det å oppleve læring frå ulike perspektiv hjelpe til i det jamne og gode arbeidet.

I haust har til dømes sosialkunnskap-klassen hatt besøk av Jan Ove Harsjøen medan dei hadde om funksjonshemming. Harsjøen vart lam då han vart utsett for ei ulukke då han var 17 år. Han er no 52 år, og han fortalde om korleis han har takla utfordringane sine i livet etter ulukka. Ein viktig bodskap han hadde til elevane var: «I staden for å fokusere på det eg ikkje kan gjere, så fokuserer eg på det eg kan gjere.»

Den same gjengen var i november i Volda og besøkte Volda EMA – asylmottak for einslege mindreårige. Der fekk ein lære meir om norsk asylpolitikk, men det som kanskje sette sterkast spor var å få meir innsikt i kor utruleg vanskeleg livet kan vere – og kor mange tøffe opplevingar som ligg bak ein asylsøknad.

Sosiologi-klassen har nyleg hatt TV-debatt – utan TV. Temaet var reaksjonar på straffemetodar. Elevane vart delte inn i grupper og kvar gruppe hadde ein talsperson som skulle vere med i debatten.Saman skulle kvar gruppe finne sider som var viktig å setje lys på. Dei ulike debattantane representerte dei politiske partia SV, FrP og KrF. I tillegg var debatten representert av ein psykolog, ein innsett i eit norsk fengsel og ein fengselsbetjent. Det var eit artig prosjekt, mykje på grunn av at det gneistra av debattantane.

Dei elevane som har geografi har vore på ekskursjon til Norges vassdrags- og energidirektorat si avdeling på Stranda. Der fekk elevane høyre geolog Einar Anda fortelje om både overvakinga og utviklinga rundt skredfaren ved Mannen i Romsdalen, samt Åkernesremna i Storfjorden. Elevane fekk også kunnskap om norsk skredhistorie og om kva for måleinstrument som vert nytta. Kanskje sov elevane ekstra godt natta etterpå? I alle fall er ikkje Vestborg i fare dersom Åkerneset-skredet skulle gå. Årsaka er at bølgja vil gå langs land ned i Stranda sentrum, og ikkje opp mot Vestborg.

PERU-KVELD

duda@sitespark.no (Kjell Morten Håland) — Thu, 29 Nov 2018 00:00:00 GMT

Misjonsprosjektleiarane Hanna Myklebust og Kristoffer Engås har vore i Peru. I førre veke arrangerte dei Peru-kveld. Der fekk Hanna og Kristoffer både fortelje om eigne opplevingar og meir om dei ulike prosjekta russen støttar.

Like etter møtet fekk vestborg.no veksla nokre ord med dei.

- Sjølv om eg gledde meg til turen, vart opphaldet i Peru betre enn forventa. Vi veldig god informasjon om prosjekta våre, og vi fekk betre kontakt med peruanarane enn eg hadde trudd, seier Hanna.

Kristoffer hadde langt på veg den same oppfatninga.

- Det var ein veldig bra tur. Vi fekk sett på prosjekta våre på nært hald, og vi fekk vere saman med dei lokale. Dessutan fekk vi vere litt turistar. Mellom anna var vi på Titcacasjøen, fortel han.

PS! Nedanfor finn ein meir informasjon om dei ulike prosjekta til russ-19. Informasjonen er henta frå http://vestborgmisjon.no/ , russen si misjonsprosjekt-heimeside.

KVA VI VIL GJERE FOR PERU

Evangelisering

I Peru hjelp NLM kyrkjene med å effektivisere arbeidet i ulike menigheiter, slik at dei kan nå ut til enda fleire på kortere tid. Pastorar og kyrkjemedlemmer deltar med husbesøk og evangelisering, i tillegg til at kirkene driv ein misjonsradio. Dette ynskjer vi, saman med NLM å støtte.

Utdanning

NLM driv ein skule i Arequipa kor dei tilbyr treårig teologisk utdanning, i tillegg til at dei rundt om i landet har bibelskular, barneskular og nokre barnehagar. I Peru har det vore ein veldig klar nedgang i antal bibelskulestudentar, og NLM jobbar med at fleire skal få bibelundervisning.

Samfunnsutvikling

NLM arbeider med å minske vold i nære relasjonar, seksuelle overgrep, rusmisbruk og kriminalitet i Peru. Ein gong i året har folk i Peru moglegheita til å delta på ein familiekonferanse om ekteskap, barneoppdragelse og utdanning.

Barne og ungdomsarbeid

NLM ynskjer å utruste barn og unge til eit kristent liv gjennom forkynnelse og undervisning frå dei er små. Dei arbeider også for å minske avstanden mellom foreldre og born, når det kjem til verdiar og tru.

LÆRAR ANDERS NYBAKK

duda@sitespark.no (Kjell Morten Håland) — Tue, 02 Oct 2018 00:00:00 GMT

Anders (28) er ny lærar i år ved idrettslinja på Vestborg.

- Eg har fått draumejobben! seier han.

Hedmarkingen kjem frå Nord-Odal, som ligg nordaust for Gardermoen. Vegen til Vestborg gjekk gjennom Valdres og Volda.

- Det var mykje idretts- og friluftsliv på meg då eg var liten, men det fekk ein pause i tenåra. Mykje av ungdomstida mi nytta eg framføre ein skjerm og spelte skjermspel. Når eg ser tilbake på den tida, så skulle eg ynskje at eg også var meir fysisk aktiv i ungdomsåra.

- Kva fekk deg til å endre kurs?

- Etter eg var ferdig med vidaregåande byrja eg på hundekøyringslinja ved Valdres folkehøgskole. Eg hadde ikkje erfaring mykje erfaring med hundar frå før, men hadde eit av mine beste år hittil i livet. Etterpå var eg «stip» på skulen – eit anna ord for eittåring.

VALDRES, VOLDA OG VESTBORG

Tida i Valdres hadde staka ut yrkeskarrieren til Anders.

- Eg ville bli idretts- og friluftslærar i folkehøgskulen, og eg vart tipsa om at det kunne vere klokt å ta friluftsliv ved høgskulen i Volda. Difor hamna eg på Sunnmøre, og eg har sidan vore i Volda. Som student har eg teke utdanning i friluftsliv, idrett, historie, naturfag og praktisk-pedagogisk utdanning. Dei to siste åra har eg jobba ved Volda ungdomsskule.

- Korleis vart det Vestborg?

- Eg visste det var planar om å starte idrettslinje ved skulen. Då eg fekk sjå stillingsannonsa var valet lett, og eg sette meg rett ned for å skrive søknaden. Den brukte eg god tid på, for eg ville ha han best mogleg. Jobben som idrettslærar ved Vestborg vidaregåande skule ville eg gjerne ha, og gleda var stor då eg fekk stadfesta at eg hadde fått stillinga.

GOD START

Anders har vore i sving i knappe to månadar, og han har fått ein god start.

- Det er heilt topp å vere her. Eg hadde trudd det skulle bli bra, men det har vore betre enn eg trudde! Det har vore mykje å setje seg inn i, og det har til tider vore slitsamt, men trivselen er så høg at det går veldig fint. Eg gler meg til å gå på jobb kvar dag!

- Kva er årsaka til trivselen?

- Elevane utfordrar meg fagleg, noko som eg likar. Dessutan er det eit tett samhald i elevgruppa. Eg trivast også godt i kollegiet, og eg trivast med at Vestborg er ein kristen skule. Her kan eg, på ein annan måte enn i ein offentleg skule, vere open om trua mi. Det opnar opp for diskusjonar om tru og livssyn med dei unge, noko som eg opplever er innmari fint å få gjere.

Anders sitt yndlingsbibelvers er Jeremia 29.11. Der står det: «For eg veit kva tankar eg har med dykk, seier Herren, fredstankar og ikkje ulukketankar. Eg vil gje dykk framtid og von.»

- Det er skriven til det jødiske folket, men eg opplever at det også talar til meg. Gud har ein plan med livet mitt, og eg treng ikkje å legge allslags planar. Han hjelper meg, og eg finn tryggleik i han.

MILJØARBEIDAR ÅSHILD REMMEREIT

duda@sitespark.no (Kjell Morten Håland) — Tue, 18 Sep 2018 00:00:00 GMT

Åshild var russ på Vestborg våren 2017. Etter eitt år som elev ved bibelskulen på Fjellhaug i Oslo er jenta frå Torvikbukt på Nordmøre attende på tunet.

- Korleis var dei tre åra som elev på Vestborg?

- Det var ein veldig opptur frå start til slutt. Då eg byrja på Vestborg var eg forsiktig, beskjeden og utrygg, men det trygge miljøet gjorde at eg fekk mykje meir tru på meg sjølv. Her fekk eg mange gode vener, og eg fekk det mykje betre. Det var veldig godt for meg å vere i det kristne miljøet som ein har på Vestborg. Miljøet her gjer noko med måten ein behandlar kvarandre på. I tillegg fekk eg input gjennom morgonsamlingar, møter og bibelgrupper. Alt dette var med å danne eit grunnlag for resten av livet.

- Kvifor ville du tilbake?

- Eg kunne tenke meg å bli miljøarbeidar fordi eg hadde det så vanvitig bra her. Etter kvart så skjøna eg at det kunne vere behov for meg her, og at eg var ynskt. Ei viktig hending var ein morgon i desember i fjor. Då bad eg til Gud om ein peikepinn påkva eg skulle gjere komande skuleår. Ein time etterpå kom det, via mail, ei oppmoding om å søkje på stillinga som miljøarbeidar ved Vestborg.

Åshild har ikkje tenkt så mykje over korleis året som miljøarbeidar skal bli.

- Eg veit ikkje, og eg legg året i Gud sine hender. Men eg vonar eg får lært mykje, og eg vonar eg får bety noko for elevane.

LÆRDOM

Førre skuleår gjekk Åshild på musikklinja på Fjellhaug.

- Året på Fjellhaug gav meg eit utvida syn på Gud og gjorde meg tryggare i trua mi. Eg har blitt VELDIG glad i å lese i Bibelen, for no har eg ein betre kunnskap om det som står i Guds ord. Dessutan fekk eg mange gode vener, eit større nettverk og mange gode opplevingar.

- Kva lærte du i fjor?

- Eg har ofte vore redd for å gjere feil, men fjoråret lærte meg at det ikkje er farleg å gjere feil. Årsaka var at eg byrja skuleåret på Fjellheim bibelskole i Tromsø, men eg kjende på at det ikkje var der eg skulle vere. Mellom anna så likar eg å spele piano, men på Fjellheim var det ikring 20 av medelevane mine som også kunne spele det instrumentet. Då eg kom til Fjellhaug fekk eg høyre eg var eit bønesvar, for musikklinja hadde behov for ein pianist. Det gjorde at på Fjellhaug var det bruk for meg på ein annan måte enn på Fjellheim. Lærdomen eg sit med er altså at det ikkje er farleg å gjere feil, og at ein ikkje skal la ting halde fram når ein kjenner at noko er gale. Elles lærte eg å ta det med ro. I VG3 var eg med på «alt», og sjølv om det kjendest bra ut då, så ser eg i ettertid at det kunne bli litt mykje. På Fjellhaug hadde me ikkje lekser, så det var «ingenting» som skjedde frå klokka 15 til dagen etter. Det gjorde at eg var rastlaus i starten, men etter kvart fann eg ein god rytme der eg brukte meir tid på Bibel og bøn, samt å vere stille og vere for meg sjølv. Det er noko som eg også ynskjer å ta med meg inn i eit hektisk miljøarbeidar-år.

- Har du eit bibelvers som du vil trekke fram til slutt?

- Eg har blitt glad i Johannes 14.27: «Fred etterlèt eg dykk, min fred gjev eg dykk. Eg gjev dykk ikkje fred på same måten som verda gjer det. Lat ikkje hjartet dykkar uroast, og ver ikkje motlause!». Når eg kan oppleve kaos og vanskelege ting, så er det Gud som kan gje fred. Han er ei klippe i livet mitt, seier Åshild.

MILJØARBEIDAR JONAS HESTHAUG

duda@sitespark.no (Kjell Morten Håland) — Mon, 03 Sep 2018 00:00:00 GMT

Jonas var russ ved Vestborg i 2017, og han fortel det er tre årsaker til han ville attende.

- For det fyrste hadde eg tre veldig bra år som elev på Vestborg, og eg kunne tenke meg å vere her meir. Draumen var å kunne leve og bu på skulen UTAN å ha lekser. For det andre ville gjerne ha innblikk i korleis det var å vere personal ved skulen. Årsaka til det er at eg vurderer å bli lærar. For det tredje opplevde eg at har blitt leia av Gud. I vår ba eg om svar på kva eg skulle bruke skuleåret 2018/19 til. Same natta drøymde eg at eg var i møtesalen på Vestborg og blei klappa fram og presentert som miljøarbeidar. I førre veke skjedde akkurat det same som i draumen, så det var veldig kult! seier han.

- Kva gjorde dei tre åra som Vestborg-elev med deg?

- Det var veldig mykje, og det har vore dei tre åra eg har vakse mest som person. Eg fekk meir tru på meg sjølv, og eg fekk ei sterkare tru. Når det gjeld det sosiale, så lærte tida på Vestborg meg mykje om korleis eg bør oppføre meg saman andre og samtale med andre.

Førre året var han på andre sida av jordkloda. Då gjekk han disippeltreningskule i regi av Ungdom i oppdrag på New Zealand.

- Der lærte eg å leve meir som ein læresvein av Jesus. Dei fyrste tre månadane var eg på skulen i New Zealand. Etterpå var eg i misjonspraksis i 1 ½ veke i Australia før eg var på Papa Ny-Guinea i to månadar.

- Kva sit du igjen med etter desse månadane?

- Fyrst og fremst opplevde eg den krafta som vi kristne kan ha gjennom Den heilage Ande. Denne krafta fekk eg vere med å setje ut i praksis fleire gonger. Eg opplever at eg ikkje treng å vere redd av di Gud er med meg. Fleire gonger opplevde eg overnaturlege ting som ikkje kan forklarast på naturleg vis. Mellom anna var det ein av leiarane som var døden nær av di han hadde fått bakteriar i blodet. Då vi bad for han forsvann brått ein svulst han hadde og så blei han heilt frisk. Eg såg at menneske blei rørt av Gud. Då vi var på Papa Ny-Guinea og hadde møte, så blei det ei vekkjing. Det gjorde at landsbyfolket vedtok å skifte namn på landsbyen frå Bola, som tyder øydeleggjing, til Bella, som tyder sameining med Gud.

Eidsdalingen ser fram til miljøarbeidaråret.

- Eg trur det blir veldig bra. Det er og skal bli kjekt å bli kjend med nye, og eg vil gjere mitt for at andre skal ha det bra på skulen denne vinteren. Eg trur også eg vil vekse andeleg gjennom det kristne arbeidet eg er med å ha ansvar for. Dessutan vil det vere spennande å følgje den nye idrettslinja.

Jonas er i ferd med å bli litt sånn småkjendis på Sunnmøre. Han gjer det nemleg veldig godt i fjell-løp og motbakkeløp.

- Ein del av fritida mi kjem til å gå med til å trene. Eg trenar nesten kvar dag, og i snitt er treningsøktene mine på ikring 1 ½ time.

Som miljøarbeidar får han ete saman med elevane, men han ser at det kan vere lurt å utvide kunnskapsbasen sin.

- Eg har i tankane at eg bør lære meg å lage mat.

REKTOR GEIR MAGNE ENGÅS

duda@sitespark.no (Kjell Morten Håland) — Fri, 22 Jun 2018 00:00:00 GMT

Rektor Geir Magne har fått to års permisjon for å vere leiar for Misjonssambandet sin familiebibelskule i Nairobi i Kenya.

Når Vestborg startar opp i august, så er det Håkon Hovda som styrer Vestborg-skuta. Difor tok vestborg.no ein tekjøkkenprat med Geir Magne – på hans eige kontor.

Geir Magne har jobba ved skulen i 12 år, og han har vore rektor i 10 av dei. Men då han kom til Vestborg i august 2006, såg han ikkje for seg at han skulle bli leiar ved skulen.

- Eg kom for å jobbe ved sal- og servicelinja, og eg skulle ha fokus på økonomi- og marknadsføring. Det var ingen planar om å verte rektor, men dåverande rektor, Odd Rannestad, fekk meg på trua til at eg kunne gå inn i ei sånn gjerning.

- Korleis har åra vore?

-Dagane har vore både utfordrande og krevjande, men veldig kjekke. Noko av det eg har sett mest pris på er kontakten med elevane. Det å få vere i lag med ungdomar er veldig stor stas, og kanskje ekstra kjekt når ein ser dei utviklar seg både fagleg, sosialt og andeleg. På ei anna side så har eg også lært mykje av dei. Mange av både noverande og tidlegare elevar har vore ivrige på å lese i Bibelen, samt å setje trua si ut i praktisk liv. Dei er både gode på bry seg om andre og på å gje kompliment. Dette har vore til inspirasjon for meg.

I løpet av åra i rektorstolen har Geir Magne sett ei endring i seg sjølv.

- Eg har mykje meir erfaring om livet enn eg hadde i 2008. Mellom anna kan eg i større grad no sjå ting frå fleire sider. Eg har også lete meg imponere over alt som dei tilsette ved skulen yt. Det får utslag i engasjement og vilje til å backe og støtte elevane på mange områder i livet.

- Kva for prosessar vil du trekke fram?

- Eg er glad for at vi frå hausten kan starte idrettslinje. Området rundt Stranda har eit stort potensiale med tanke på å drive ei god idrettlinje. Eg vil også nemne det har vore spennande å jobbe med pedagogiske prosessar. Elles har likar eg å halde på med praktiske oppgåver. Mellom anna så har vi fått ballbinge på tunet, og no står snart gapahuken klar – medan me også har fått gradert opp matsalen og fått på plass eit bibliotek. Eg er også glad for at vi har fått Simon Morris som ungdomsleiar. Han har eit hovudansvar for å ta hand om det kristne arbeidet.

- Kva har vore høgdepunkta dine?

- Det var veldig gøy i si tid å sende Une Simonsen til matte-OL i Kasakhstan, men eg set også pris på når elevar kjem bort for å takke for åra på Vestborg. Mange kan fortelje om vekst i både sjølvtillit og personlegdom. Likevel er det eit ekstra stort høgdepunkt når vi får høyre om elevar som har teke imot Jesus. Då er det fest!

- Har du nokre artige opplevingar å dele?

- Det var veldig gøy å danse ballett på ein av festane våre saman med dåverande kollega Oddbjørn Maridal. Elles var det godt gjort elevane på Drege som eit år hadde ei høne inne i dusjen. Det klarte dei å halde skjult ein månad før det var oppdaga!

Frå og med i haust av reiser Geir Magne og familien til Nairobi i Kenya. Der skal han vere leiar for skulen familien var elevar ved i tre månadar.

- Korleis blir det?

- Eg gler meg, men det vert heilt noko anna enn Noreg – med anna kultur og språk. Men vi vi reiser ut som familie. Sist vi var ute opplevde vi at det var ein god måte å vere saman som familie på. Ja, eg trur det kunne ha vore lurt for alle familiar å gjere noko slikt - å setje kvardagslivet litt på pause.

Til slutt slepp Geir Magne til med nokre ord som kan summere opp tida på Vestborg.

- Eg vil gjerne takke for alle eg har møtt og fått jobba i lag med gjennom desse 12 åra eg har vore tilsett ved skulen. I løpet av desse åra har eg også opplevd at skulen betyr mykje for mange i regionen vår, og det har vore godt å kjenne på støtta frå misjonsfolket. Eg håpar at Håkon Hovda, Vestborg sin nye rektor, merke den same støtta som eg har fått oppleve, seier han.

HÅKON HOVDA, VÅR NYE REKTOR

duda@sitespark.no (Kjell Morten Håland) — Thu, 22 Feb 2018 00:00:00 GMT

Frå august i år Håkon Hovda vår nye rektor. I denne utgåva av Tekjøkkenpraten får du høve til å bli betre kjend med 40-åringen frå Lesjaskog.

Rett skal vere rett. Vanlegvis går Tekjøkkenpraten føre seg på eit av skulen sine tekjøkken, men denne gongen tok vi praten over telefon.

Håkon Hovda har dei siste åra vore tilsett som lærar ved Ålesund videregående skole, men no vil han og familien flytte til Stranda. Han skal styre borga under Geir Magne Engås sin toårige permisjonsperiode. Engås skal nemleg til Afrika for å ha ansvar for den daglege drifta av NLM sin familiebibelskule i Nairobi i Kenya.

GODE ÅR PÅ VESTBORG

I åra 1994-97 var Hovda elev ved Vestborg. Det var år som sette gode spor i livet hans.

- Kona mi, Ingrid, og eg har veldig mange gode minner frå desse åra. Vi hugsar det snille, greie og omsorgsfulle personalet. Vi hugsar den åndelege fellesskapen, og vi fekk vener for livet. Mellom anna så møtte vi kvarandre på Vestborg. Desse opplevingane har vore avgjerande viktige for oss som menneske og som ektepar. Når det no vart rom for å kome attende til skulen som rektor, valde vi at eg skulle søkje på stillinga. Vi ynskjer å vere ein del av det flotte miljøet skulen har, og vi ynskjer å ta del i det Gud gjer på Vestborg, seier han.

- Kan du fortelje meir om kva du sit att med etter åra som elev på tunet?

- Når det gjeld det pedagogiske, så hugsar eg godt frå kristendomstimane. Vi hadde Per Magne Mork som lærar. Han stilte gode spørsmål i undervisninga, og han fekk oss til å undre på ein god måte. Det gjorde at vi i elevflokken fekk oppbyggjande samtalar om tru og tvil også på fritida. Lærarane våre var dyktige, og vi fekk gode relasjonar til dei. Det gjorde at dei vart gode førebilete for meg. Vi hadde variert undervisning, og det var alltid god stemning. Det var sjeldan at vi kjeda oss. Når det gjeld det sosiale, så hadde eg eit aktivt liv. Eg likte meg godt i både gymsalen og i styrkerommet, men også i bønegrupper på internatet. Og som sagt fekk eg både vener for livet og eg møtte Ingrid der. Så kvar gong vi køyrer forbi Vestborg så mimrar vi tilbake til dei gode åra vi fekk ha som elevar ved Vestborg. Når det gjeld det andelege, så la åra på Vestborg mykje av grunnlaget for mitt kristne liv. Eg fekk vere med på bibel- og bønegrupper. Sjølv om elevane hadde ulik kyrkjebakgrunn, så hadde vi dette felles: Eit ynskje om å bli betre kjend med Jesus.

TILBAKE TIL RØTENE

Hovda plar å seie at han kjem frå Lesjaskog, men i oppveksten budde han også i Trondheim og på Karmøy. Sidan 1999 har han budd i Ålesund - med unnatak av tre år då familien budde i Haugesund.

- Eg fekk lagt grunnlaget for mitt kristne liv på Vestborg. Likevel vart eg under Vestborg-tida fascinert av den karismatiske vekkjingsrørsla. Det har gjort at eg har engasjert meg mykje i karismatiske kyrkjelydar. Men etter kvart er eg i ferd med å definere meg som «luthersk pinseven». Så det å kome attende til Vestborg og Misjonssambandet er på ein måte å slutte sirkelen. Eg kjenner at eg skal attende til røtene mine, seier han.

- Kva for mål har du for jobben du skal gjere?

- Fyrst og fremst lyt eg setje meg inn i kva det vil seie å vere rektor. Det er ei oppgåve eg aldri har hatt før. Men det vert viktig for meg å snakke med dei tilsette for å få oversikt nok til å gjere ein god jobb. Eg vil gjerne vektlegge at vi skal halde fram arbeidet, som allereie blir gjort, med å ha eit godt samarbeid innan personalet. Dessutan er det viktig å drive ein god skule. Då kan vi hjelpe flest mogleg av elevane å bli best mogleg rusta til livet etter Vestborg. Likevel er det store felles målet for skulen viktig for meg: Å utruste elevane, gjennom å leggje til rette for møter med Gud, for æva.

LIVERPOOL ER LAGET

Det synest å vere viktig for Hovda å vere ein relasjonell leiar.

- Ein av mine styrkar som menneske er møtet med enkeltmenneske. Difor vil eg gjerne møte både personalet og elevane jamt og trutt. Mellom anna ynskjer eg å ha undervisning.

- Kva likar du å gjere når du skal kople av frå jobb?

- Eg er likar å spele fotball. Dessutan er eg glad i Liverpool. Elles er flogefiske, skiturar og terrengsykling fantastisk kjekt å halde på med.Med tanke på naturen vi har kringom Stranda, så er dette er aktivitetar som gjer det ekstra attraktivt å flytte hit.

Kona Ingrid, fødd Degnepoll, er frå Måløy. Saman har dei to gutar. Den yngste, Jonathan, er fire år. Den eldste, David, går i 10. klasse og skal truleg byrje på Vestborg på idrettslinja til hausten.

- Vi går inn i Vestborg-prosjektet som ein familie – og vi gler oss veldig!

PS! På biletet ser ein Håkon Hovda saman med familien.

ØSTEN OLAI OMMEDAL

duda@sitespark.no (Kjell Morten Håland) — Sat, 17 Feb 2018 00:00:00 GMT

- Vestborg er fantastisk bra. Eller rettare sagt: Utenkjeleg bra!

Det seier VG2-elev Østen frå Nordfjord i Tekjøkkenpraten.

FANTASTISK MILJØ

- Den fyrste tida i VG1 var eg usikker, men etter kvart merka eg kor bra alle folka på Vestborg er. Det er eit fantastisk miljø her – og alle er snille og vil det beste for dei andre. Sidan Vestborg er ein internatskule, så kjem ein kjapt inn i miljøet. Dessutan så har ein folk rundt seg heile tida, og det gjer at ein har kort veg dersom ein vil henge med andre, fortel Østen.

Han held fram:

- På Vestborg er det sånn at alle kjenner alle. Eg synest det er veldig kjekt å gå på ein skule der eg kan både sei hei og snakke med alle medelevane mine. Elles set eg også pris på at miljøet er open for at det er lov å tenke ulike tankar, seier Østen.

- Kvifor valde du Vestborg?

- Pappa gjekk på Sygna, internatskulen til NLM i Balestrand, og eg hadde lyst å gå der. Men då eg undersøkte meir om internatskular fann eg ut at Vestborg ville vere eit godt alternativ. Ein fordel var at skulen var relativ liten. Dessutan kjende eg ingen her, og dermed kunne eg la folk bli kjend med meg sånn som eg er – utan førehandskjennskap.

- PERSONALET BACKAR OPP

- Korleis har møtet med skulen vore?

- Vestborg er tufta på gode verdiar og har ei veldig bra organisering. No er det ikkje sånn at medelevane mine og eg held alle reglane ved skulen heile tida, men eg merkar likevel at reglane er meint til det beste for oss elevar. Elles merkar eg at også leiinga ved skulen vil oss det beste, og at heile personalet backar oss elevar opp til å gjere det godt på skulen og å utvikle oss som menneske.

- VENER FOR LIVET

På Vestborg er det mogleg for elevar å jobbe litt ekstra. Det gjer at ein både kan tene seg litt pengar og få jobberfaring. Østen er ein av dei som har ekstra mange jarn i elden.

- Eg hjelper til med snømåking og strøing. Dessutan jobbar eg ein del på kjøkkenet. Der har eg ansvar for rydde etter middag og ordne til kveldsmat for elevane. Eg står også på reserve-vaskelista, så når nokon av dei faste vaskarane melder forfall, så kan ein sjå meg svinge moppen.

- Korleis opplever du desse ekstrajobbane?

- Eg trivest med å ta i eit tak, og spesielt snømåkinga er bra. Då får eg trena samtidig, seier han.

Når Østen mot slutten av samtalen får spørsmål om kva Vestborg har gitt han, så kjem svaret raskt.

- Vener for livet. Dessutan har eg gjennom bibelgrupper, samtalar, onsdagsmøter og morgonsamlingar fått utvikla meg som kristen, slår nordfjordingen Østen fast.