Om utdanningsprogrammet idrettsfag

Å velje idrettsfag på vidaregåande gir gode moglegheiter for å kombinere utdanning og idrett. 

Gjennom praktiske og teoretiske fag lærer du om korleis kroppen er oppbygd, og korleis du bør trene for å utvikle deg fysisk. I tillegg får du opplæring i korleis du kan leie aktivitetar og trene barn og unge.

Vi legg opp til trening og turar i og utanfor skuledagen. Gjennom året blir det fleire overnattingsturar i ulike miljø.

Valg av programfag 

På vg1 har alle idrettselevane Breiddeidrett 1 eller Friluftsliv 1, dette varierar frå år til år.

På vg2 får du ta det programfaget du ikkje hadde på Vg1, altså enten Breiddeidrett 1 eller Friluftsliv 1.

OBS: Dersom du ikkje hadde framandspråk på ungdomskulen må du ta framandspråk som fellesfag på Vg3 i staden for det valgfrie programfaget på Vg3.