MIDT I SUNNMØRSALPANE

"EIN LITEN STAD I VERDSKLASSE"

STRANDA ER EI LITA BYGD, MEN "DENNE STRANDA" KAN BY PÅ STORE OPPLEVINGAR!

Vi på Vestborg er glad i Stranda og Sunnmøre. Vi likar å nytte oss av nærområdet i skule og undervisningssamanhengar. Blant anna har vi ein fjelldag på hausten og ein skidag på vinteren der heile skulen får nyte den flotte naturen som omkransar oss.

Idrettsklassene reiser sjeldan langt vekk på turane sine- rett og slett fordi vi har den beste naturen rett utanfor døra vår. Vi reiser til Hellesylt og til Hjørundfjorden for å padle, vi går på topptur på flotte fjell i nærleiken, vi klatrar i klatrefelt i Volda og Stryn og vi prøver å ta med ei klasse til Slogen kvar haust.     

Friluftslivklassa har hatt prosjekt med å halde turstiar på Stranda opne. Når klassene har hatt om det tverrfaglige tema "bærekraftig utvikling" har vi blant anna hatt fokus på strandrydding for å halde fjordkanten fri for søppel. Geografiklassa har besøkt NVE på Stranda for å få innblikk i korleis dei måler aktiviteten i Åkernesremna (Har du sett filmen "Bølgen" så veit du kva vi snakkar om). På våren reiser Vg1 på ein skuletur der dei blant anna er innom Ivar Åsen-tunet i Ørsta, Atlanterhavsparken og fuglefjellet Runde. Alt i nærområdet vårt. 

STRANDAFJELLET SKISENTER LIGG 5 MINUTT FRÅ VESTBORG

• Her finn du mange skiheiser, gondol og alle typar alpine løyper
• På Strandafjellet er det fantastiske forhold for både telemark, snowboard, twintip og alpint
• Ein kan nyte dei preparerte løypene eller den fantastiske puddersnøen
• Det er også langrennsløyper og ei skøytebane på fjellet
  

PS: Visste du at Strandafjellet er fleire gongar kåra til Norges beste offpiststad?

JEG HAR IKKE LENGER ETT, MEN TO HJEM

“Det kan være kaldt, men det er et utrolig fint sted! Fin utsikt, flotte fjell og fantastiske slalombakker. Jeg har ikke lenger ett, men to hjem!”

- William, vg2