Haustfestdag

Laurdag 7. november var det igjen fullt på tunet på Vestborg. Småsøsken, foreldre og besteforeldre hadde teke turen til skulen for den årlege haustfesten.

Før festen i gymsalen var det foreldresamtalar med kontaktlærarane, informasjonsmøte om dysleksi, middag og informasjonssamlingar i dei ulike klassene.

Daniel Johan Nome frå vg3 idrett og Solveig Kamila Olsen Barreth frå påbygg leia forsamlinga gjennom kvelden med godt humør og glimt i auget. Rektor Jon Ove Holen helsa forsamlinga, Per Arne Sve heldt andakt, og eitt av lovsongsteama leia forsamlinga i to songar. Julia Wilczura song og spelte piano for dei frammøtte.

Forsamlinga fekk òg ei videohelsing frå Vegard Aasbø og Kornelia Maria Lillestøl, som har ansvar for misjonsprosjektet. Dei er no i Elfenbeinskysten for å besøkje prosjekta som Vestborg-russen samlar inn pengar til.

Etter programmet i gymsalen heldt kvelden fram med kveldsmat, kaffi, kaker og god tid til prat rundt borda.